أسهل و أسرع فطيره تفاح


         وصفة : أم عباده                 2008/02/14                 17 تعليقات
أسهل و أسرع فطيره تفاح

وصفة أم عبادة




العجينة :

3 بيضات بحجم كبير
كاسه سكر عادي
كاسه سمنه بحرارة الجو الدافئ
ملعقه طعام فانيليا
ملعقه طعام بيكنغ بودر
4 كاسات طحين كاتو

الحشو :

6 تفاحات متوسطه الحجم
ملعقتان سمن كبيرتان
كاسه سكر
كاسه زبيب
ملعقتان كبيرتان قرفه
ملعقه طعام نشا بودره





• تعجن مقادير العجينه جيدا ثم تترك بالبراد ريثما نقوم بتحضير الحشو .

• لتحضير الحشو نقشر التفاح و يقطع لمكعبات متوسطه الحجم .

• ترفع السمنه على النار و نضيف التفاح و نقلب قليلا حتى يبدأ التفاح يتغير لونه ثم نضيف السكر و نتركه على نار هادئه عندها سيبدأ التفاح و السكر بتشكيل قطر خفيف دعيه حتى تري التفاح قد أصبح طريا .

• نضيف الزبيب و القرفه و النشا و يغلى قليلا إلى أن يصبح قوام القطر لزج ومتماسك مع التفاح بشكل جيد , ارفعيه من على النار و دعيه ليبرد .

• اخرجي العجينه من البراد و أقسميها ثلثين على حده و ثلث على حده افردي القسم الاكبر من العجينه في صينيه متوسطه الحجم من التي تنفصل حوافها و مدي العجينه لترتفع على الحواف قليلاً .

• صبي الحشو و وزعيه جيداً ثم مدي الجزء المتبقي من العجينه على طاوله بسماكه 1سم و قطعيه لمستطيلات رفيعه و رتبيها فوق الحشو لتشكيل شبكة او قومي بتقسيمها لقطع صغيره جدا كأنها مبشوره و انثريها على السطح أو افرديها كطبقه عجين رقيقه و غطي بها الفطيرة الخيار متروك لك وانا افضل الشكل المبشور لانه الاسرع ويعطي طعما مقرمش .

• تخبز في حراره 180-200 لمدة نصف ساعه تقريبا و ستجدي أن السطح أصبح محمر بشكل شهي و ألف صحه و هنا .
  • وصفات تانية ممكن تعجبك


التعليقات

  1. kuwaiti_girl 14 February 2008

    الللله تسلم ايدك .. ريحتها واصله لعندي

  2. omtasneem 14 February 2008

    ;) السلام عليكم ورحمة الله وبركاته مشكورة عزيزتي ام عبادة بدون ماجربها عارفة النتيجة الله يسلم دياتك الحلوين شكلها يفتح النفس ويخليني استمر برجيم الحلويات موفقة باذن الله :)

  3. نهال صبري 14 February 2008

    بالفعل شكلها سهلة و سريعة .. قرأت قبل كده طرق كثيرة لفطيرة التفاح و لكن كانت معقدة و طويلة ، الطريقة دي تفتح النفس للتجربة . :)

  4. منى 14 February 2008

    ممم , تسلم دياتك ام عبادة , وصفة شهية و مفصلة كعادتك..
    و صور تفتح النفس , تسلم دياتك يا رب ;)

  5. أم عباده 15 February 2008

    أهلا كوكو شوفي الريحه على الواقع شو شهيه ورائعه وخبريني عنها

  6. أم عباده 15 February 2008

    أهلا يا نهوله بالفعل هيه سريعه التحضير ومفيده بضيوف المفاجات وخصوصا ان المكونات بتكون بالبيت غالباوما بدها تحضير مسبق بتمنى تعجبك والف صحه وهنا

  7. أم عباده 15 February 2008

    أهلين أم تسنيم شو خبريني قديش بينزل الواحد بريجيم الحلويات مشان اعمله وريح حالي من تعب الريجيمات

  8. أم عباده 15 February 2008

    اهلا بالغاليه والعزيزه أختي منى تسلميلي يارب والله يعطيك ألف عافيه على هالاكلات الحلوه عم تشهينا عليهم وكل ما عملت اكله بحس أني بحلب
    يعطيك ألف عافيه

  9. نورا 18 February 2008

    تسلم إيديكي يا رب… التفاح رائح وين ما حطيناه وبيعطي طراوة مدهشة للوصفات.. رح جربها إن شاء الله…

  10. ea14812 27 February 2008

    منى الحبوبة

    أنا عملتها لفطيرة التفاح وكتتتير لذيذة تسلميلي على الوصفات يا زووووووق
    عنجد أنا حبيتك من وصفاتك ونفسي عنجد ألتقي معاك

    تحياتي

    إيمان

  11. منى 27 February 2008

    هلا امولة :) ان شاء الله عوافي و هنا و سلم ديات ام عبادة على هل الوصفة الطيبة

    كلك زووء يا عسل و الله و انا كمان شو بيلهف قلبي على كل الاخوات الطيبات الي اتعرقت عليهم بهل الموقع , منور الموقع حبيبتي:)

  12. أم عباده 27 February 2008

    هلا بالحلوه إيمان الف صحه وهنا على الفطيره وإن شاء الله تكون عجبتك

  13. ea14812 1 March 2008

    صباح الخيرات على الجميع
    تحياتي إلك منى
    أم عبادة تسلمي حبيبتي على الوصفة وكتييير طلعت زاكية
    عنجد أنا صرت طباخة ماهرة من وصفاتكم اللذيذة
    تسلمولي

  14. souha 16 November 2008

    السلام عليكم
    مشكورة أختي أم عبادة على هالوصفة الظريفة البارحة جربتها أنا وحدة من قريباتي عندها بالبيت و طلعت ظريفة بس العجينة مريقة شوي أنا رقيتها بلإيد بدون شوبك يا ترى هي لازم تكون هيك و لا لأني استعملنا زبدة بدال السمنة
    :roll

  15. ام طلحة 27 November 2008

    السلام عليكم اختي ام عباده
    شكرا اكتير على هالوصفة اللذيذة بس العجينة طلعت متل عجينة الكوكيز سميكة اكتير ياريت لواتساعديني اختي لاني فطيرة التفاح هية الشي الوحيد اللذي كنت اتمنى ان اعمله و ينجح معي
    على كل انا بدي احاول اعملها مرة ثانية و اشوف شو اخطأت و اكيد بحكي عن تجربتي الثانية ولك جزيل الشكر :)

  16. Jassy 19 January 2011

    السلام عليكم ورحمة الله وبركاته

    اليوم عملت الفطيرة على طريقتك أختي أم عبادة :) ، وهي أول مرة بعمل هيك شي، بس بتذكر ماما كانت تعمل.
    أول الشي العجينة طلعت معي غليظة وما كانت تتماسك تمام، تضل تفرط بين إيدي، بعدين شفت بموقع كاتبين أن هالنوع من العجين هيك لازم يكون :roll انتوا كيف كان يطلع معكون ؟
    وكمان احترت مشان اللون، يعني طلعت معي الحشوة غامقة، ما كان عندي زبيب فحطيت جوز مفروم ناعم بدالو :grin قلت بلكي مشان هيك، لبين ما شفت نفس الصورة هي اللي عندكون هون بالويكيبيديا، فخطرلي أن يمكن وصفة الصورة غير الوصفة يلي هون، وكمان الخطوط اللي فوق الحشوة بالصورة ما من نفس العجينة !
    عكل حال :) هي تطبيقي لإلها :

    [img]http://img577.imageshack.us/img577/5277/sapplepie.jpg[/img]

    طبعاً أنا عملت تلت الكمية، لأن مافي حدن غير أنا وجوزي، والقالب تبعي صغير :) .

    يسلمو دياتك أم عبادة، الوصفة الجاية حطبقها القطايف من تحت إيديكي ونفسك الحلو ;) .. ادعيلنا.

    والسلام عليكم

  17. marmour 6 November 2011

    انا جربتها عدة مرات وبشكرك عالوصفة بس في تغير واحد صارت العجينة افضل وهي تلات كاسات طحين بدل اربع :? هادا رايي والوصفة رائعة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)