إمام بايلدي ( باذنجان بالزيت على الطريقة التركية )


         وصفة : منى                 2008/07/03                 10 تعليقات
إمام بايلدي ( باذنجان بالزيت على الطريقة التركية )

·          يقشر الباذنجان بشكل مقلم ثم يرش بالملح و يترك جانباً لمدة نصف ساعة ثم يغسل و يجفف .
·          يقلى الباذنجان بالزيت حتى تشقر الحبات قليلاً ثم ترفع على ورق ماص .

·          تقشر البندورة ثم تفرم ناعماً , يفرم البصل فرماً ناعماً , يهرس الثوم و تفرم الفليفلة ناعماً .

·          تحمى ملعقتان من الزيت ثم يقلى فيها البصل حتى يطرى , يضاف الثوم و يقلب لمدة دقيقتين .

·          تضاف البندورة و البهارات و تترك لمدة خمس دقائق , يضاف البقدونس و تترك الحشوة لمدة 5 دقائق أخرى .

·          ترفع الحشوة عن النار ثم تضاف أخر ملعقة من الزيت , أصبحت الحشوة جاهزة .
·          يوضع الماء و عصير الليمون و السكر و الملح في صينية صغيرة .

·          تفتح حبات الباذنجان بطرف الإصبع بحيث يعمل فيها جيب مع ضرورة الانتباه أن لا تشق الحبة .

·          تحشى الحبات بالحشوة المحضرة ثم ترتب في الصينية , إذا زاد القليل من الحشوة يرتب فوق الحبات .

·          تغطى الصينية بورق ألمنيوم ثم تخبز في الفرن لمدة 40 – 50 دقيقة أو حتى ينضج و إذا نقص الماء أثناء الخبز يضاف القليل من اماء المغلي .

·          يترك الطبق حتى يفتر ثم يقدم مع الخبز العربي . 

فكرة خفيفة :

في بعض المناطق في تركيا يطبخ الإمام بايلدي من دون أن يقلي الباذنجان , يقشر الباذنجان بشكل مقلم ثم يشق بالسكين , تخلط مقادير الحشوة ببعضها البعض ثم تحشى و ترتب في صينية , تمزج كل مقادير الصلصة مع ربع كوب زيت زيتون و توضع في الصينية ثم توضع في الفرن حتى تنضج لمدة 60 دقيقة  .  




نصف كيلو باذنجان من الحجم الصغير و المدعبل ( ما يقارب 5 حبات )
زيت ذرة أو زيت زيتون

الحشوة :

3 ملعقة كبيرة زيت زيتون
حبة كبيرة بصل
4 – 5 فص ثوم
2 حبة كبيرة بندورة ناضجة مقشرة و مفرومة
نصف حبة صغيرة فليلفة حمراء أو خضراء مفروم
2 – 3 ملعقة كبيرة بقدونس مفروم
ملح و بهار
رشة صغيرة قرفة

الصلصة :

نصف كوب ماء
عصير نصف حبة ليمون
رشة سكر
ملح





• يقشر الباذنجان بشكل مقلم ثم يرش بالملح و يترك جانباً لمدة نصف ساعة ثم يغسل و يجفف .
• يقلى الباذنجان بالزيت حتى تشقر الحبات قليلاً ثم ترفع على ورق ماص .

• تقشر البندورة ثم تفرم ناعماً , يفرم البصل فرماً ناعماً , يهرس الثوم و تفرم الفليفلة ناعماً .

• تحمى ملعقتان من الزيت ثم يقلى فيها البصل حتى يطرى , يضاف الثوم و يقلب لمدة دقيقتين .

• تضاف البندورة و البهارات و تترك لمدة خمس دقائق , يضاف البقدونس و تترك الحشوة لمدة 5 دقائق أخرى .

• ترفع الحشوة عن النار ثم تضاف أخر ملعقة من الزيت , أصبحت الحشوة جاهزة .
• يوضع الماء و عصير الليمون و السكر و الملح في صينية صغيرة .

• تفتح حبات الباذنجان بطرف الإصبع بحيث يعمل فيها جيب مع ضرورة الانتباه أن لا تشق الحبة .

• تحشى الحبات بالحشوة المحضرة ثم ترتب في الصينية , إذا زاد القليل من الحشوة يرتب فوق الحبات .

• تغطى الصينية بورق ألمنيوم ثم تخبز في الفرن لمدة 40 – 50 دقيقة أو حتى ينضج و إذا نقص الماء أثناء الخبز يضاف القليل من اماء المغلي .

• يترك الطبق حتى يفتر ثم يقدم مع الخبز العربي .

فكرة خفيفة :

في بعض المناطق في تركيا يطبخ الإمام بايلدي من دون أن يقلي الباذنجان , يقشر الباذنجان بشكل مقلم ثم يشق بالسكين , تخلط مقادير الحشوة ببعضها البعض ثم تحشى و ترتب في صينية , تمزج كل مقادير الصلصة مع ربع كوب زيت زيتون و توضع في الصينية ثم توضع في الفرن حتى تنضج لمدة 60 دقيقة .
  • وصفات تانية ممكن تعجبك


التعليقات

  1. غيث 3 July 2008

    يا ستي تسلم هالديات المرتبة على هالاكلات المنفنفة كأنها متل ما قلتي بتشبه الكارنيارك وانا جربت الكارنيارك على طريقتك وكان رائع واكيد رح اجرب هالاكلة قريبا ان شاء الله و بخبرك لاني بحب هيك اكلات الله يعطيك العافية ويخليلك جودي والقطط التانية اللي عندك

  2. منى 3 July 2008

    هنا غيوثة , يا ريت تجربيها و تعجبك , نحنا عنا كتير منحبها ;)

    ألف شكر ليك على التواجد الدائم و لا تنسي تخبريني إذا جربتيها, و كمان الله يخليلك قططك يا حق :)

  3. linda 6 July 2008

    امممممممممممممم
    شو هل التحفة منى
    معو حق الامام يغمى عليه و يغوطن
    انا من القراية شطت ريالتي

    بكرة الاثنين بتوصل امي
    و كل يوم بدي دوقها اكلة شكل من تحت اناملك الحلوين
    انا كير بحب الطبخ التركي
    خفيف و طيب و نكهة من اروع ما يكون

    ضلي حطيلنا وصفات تركية الله يعطيكي الجنة

    يالله سلام :)

  4. منى 7 July 2008

    لنوشة و الله دماتك سكر و عسل بشهده :grin شو متت من الضحك على كلمة يغوطن , على راسي اهل الشام و الله

    ان شاء الله بتوصل بالسلامة يا حق , ما حدا قدك هلا , ان شاء الله بتتهنوا ببعض ;)

    من عيوني و الله , رح نزل وصفات تركية كمان لان فاقس كيفي هلا حضر اشيا من المطبخ التركي ;)

  5. Eman 8 July 2008

    يسلمو إيديك على هالاكلة الطيبة .
    كأن المكونات متل أكلة بانجان مكمور ،بس بطريقة أحلى.
    ما شاء الله غبت كم يوم لقيت صفحة مليئة بالوصغات اللذيذة .

  6. منى 8 July 2008

    هلا امولة :)

    اشتقت الك كتير , ان شاء الله دايما بخير , يعني نوعا ما , بس النكهة مختلفة كتير

    ممكن تجربيها و ان شاء الله بتعجبك ;)

    لا بقى تغيبي :grin لحتى تبقي دايما على الطاولة معنا

  7. Eman 9 July 2008

    تسلميلي يا رب شو حنونة وقلبك على إخواتك الانترنتيات :grin
    والله انت في البال على طول بس جود آخدتلي وقتي كله ، وإن شاء الله رح جربها ، لأني كتير بحب أكلات البانجان :p
    منيح مختلفة عن المكمور لأن زوجي ما بيحبه ولا بريد أعمله.

  8. منى 10 July 2008

    شايفة ما احلاني :grin , و الله معاك حق , يالله ان شاء الله بتربى بعزكم و دلالكم و تكون من الصالحين في الدنيا و الاخرة ..

    ان شاء الله تجربيها و تعجبك ;)

  9. Mays 7 December 2009

    الله يعطيكي العافية يا رب يا ست منى على هالموقع الحلو و الأكلات الرائعة.
    أنا اتعرفت على الموقع بالصدفة و حسيت حالي لقيت كنز لما لقيتو.
    كل شي على أصوله و متعوب عليه ، الله يعطيكي على قد تعبك.
    و أكتر شي شدني الأكلات الحلبية المنفنفة و اللي ريحتها اللي بتشهي رح تطلع من الشاشة.
    على فكرة ، أنا حلبية بس عايشة بالإمارات من شي عشرين سنة و كمان تزوجت واحد حلبي هون ( ما منستغني) و بعتبر حالي شاطرة بالطبخ ( بشهادة اللي حوالي) و مع هيك لقيت كتير شغلات جديدة و نصايح بالطبخ ما كنت بعرفها.

    و هاي الطبخة بالذات كتير طيبة و أنا تعلمتها من حماتي ( هي تركية) بس الفرق إنو هي ما بتطبخ الحشوة ، يعني بعد ما يبرد الباتنجان شوي بتحشي فيه باقي المقادير نية بس باقي الطريقة متلك بالضبط و وقت الأكل منحط عليه لبن مثوم و مناكلها بالخبز مع فليفلة خضرا.

    أنا كل شوي رح أنط بشي أكلة و علق لإني جربت شي عشرين أكلة من اسبوعين لهلق فبدكن تتحملوني شوي و يا ريت تفبلوني معكن إخت جديدة بهالعيلة الحلوة. :grin :p :roll :roll

  10. منى 8 December 2009

    يا مية السلامة بهل القامة , نور الموقع و وصلتي لبيتك الانترنتي و يا رب تبقي معنا على طول ;)
    اتشرفنا بهل الاخت الحلوة و انا كتير ممنونة هل الرد الحلو و الكلام الي فيه , كلك زووء

    مممم , فكرة خفيفة , ان شاء الله رح جربها بالصيفية لما احضره مرة تانية و رح حضر الحشوة من دون قلي , اتوقعها رح تطلع اطيب ;)

    سلم دياتك على الفكرة و نورتي الموقع مرة تانية

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)