البغاشة التركية


         وصفة : منى                 2008/11/23                 14 تعليقات
البغاشة التركية
مقادير العجينة :

5 كوب طحين
1 كوب حليب فاتر
1 ملعقة كبيرة سكر (إذا كانت الحشوة تمر، نزيد السكر قليلا في العجين)
2 ملعقة صغيرة خميرة
1 كوب لبن فاتر
1 كوب زيت زيتون
100 جرام زبدة

للوجه :

صفار بيض





• تخلط الخميرة مع الحليب والسكر ونتركها حتى تتخمر.

• تضاف باقي المقادير و 3.5 كوب طحين فقط و نعجن جيدا. ثم نضيف باقي كمية الطحين بالتدريج مع العجن، و نغطيها و نتركها تتخمر .

• للبغاشة: نأخذ قطعة صغيرة من العجينة و نفردها قليلا براحة اليد ثم نضع مقدار ملعقة من الحشوة في الوسط و نلم العجينة ونكوّرها ونضع الكرات في صينية مدهونة أو على ورق زبدة مع ترك مسافات كافية بين الكرات حتى لا تلتصق معا. وندهن الوجه بصفار البيض.

• لفطيرة التمر: نقسم العجينة إلى قسمين. نفرد القسم الأول على صينية مدهونة، ثم نفرد معجون التمر ونغطي به العجينة بالسماكة المرغوبة، ثم نغطي التمر بالقسم الثاني من العجينة. و ندهن الوجه بصفار البيض.

• نسخن الفرن على حرارة 180 درجة و نخبز الصينية لمدة 25 - 30 دقيقة أو حتى تنضج .

• نخرج الصينية و نتركها حتى تفتر (و نقطع فطيرة التمر ) و نقدمها مع الشاي على الإفطار أو كضيافة .
  • وصفات تانية ممكن تعجبك


التعليقات

  1. منى 23 November 2008

    أمولة وصفاتك دايما بتبل القلب متل ردودك , فيها شرح و كرم بالمعلومات :zzz

    كنت مفكرة البغاشة عجينة عادية مرقوقة و مفصلو بينها بالزبدة و محشية شو ما نحب

    وصفاتك شكلها بياخد العقل على التجربة القريبة بمشيئة الله و الف الف شكر ليك على الوصفات الحلوة ;)

  2. منامينو 23 November 2008

    هلا منى. تسلميلي حبيبتي كلّك ذوق. تفاجأت والله إنه الوصفة نازلة كموضوع مستقل. :zzz

    وأنا كمان مثلك. زمان كنت مفكرة البغاشة نوع من الحلويات، أتاريها أقراص فطير تركي :roll . يالله ان شاء الله تجربيهن ويعجبوك.

  3. منى 24 November 2008

    ان شاء الله رح جربهم , و اكيد ببقى بنزل صورة لتطبيقي ..

    مممم , اتمنى لو أعرف التركي , الصراحة حاططته بالخطة الخمسية اذا ربنا عطاني عمر ;)

  4. ايمان 24 November 2008

    السلام عليكم
    حمدا لله على رجوع الموقع بالسلامه وباطيب الوصفات (ولو ان التهنئه اتت متاخره قليلا) ;) ولكن كان لازم ادخل وابارك :zzz قبل ان يحين موعد الولاده,الاخت العزيزه منى والاخت العزيزه منامينو سلمت يداكما على هذه الوصفات اللذيذه والسهلهوان شاء الله احاول ان اجربها في اقرب وقت.بالمناسبه اختي منى لقد جربت طريقتك في اعداد الدجاج محشي شرقي وكانت في الحقيقه تحفه خصوصا انها اول مره اقوم بها فشكرا جزيلا وجزاك الله عني كل خير :)

  5. منى 25 November 2008

    هلا ايمان :)
    الله يبارك بعمرك و ببدنك أختي و ربي يقومك بالسلامة و تكوني بالصحة انت و البي بي , لا تنسي تطمنيني عنك لما تكوني قادرة تدخلي للنت :)
    الف هنا و الف عافية على الدجاج و الف شكر على الدعوة الغالية , ان شاء الله الك متلها اختي

  6. منامينو 25 November 2008

    أهلا إيمان

    ربنا يهوّن عليكي ويتمم لك على خير حبيبتي ويبارك فيكي وبالبيبي ويجعله من الذرية الصالحة يا رب.

    ويا ستي ان شاء الله تجربي الوصفة وتعجبك. وشكرا لذوقك :)

  7. غادة 25 November 2008

    السلام عليكم ورحمة الله وبركاتة
    كيفك اخت منى اود ان اعبر عن شكري واعجابي بالموقع فهو اكثر من رائع فجزاكم الله خيرا
    صارلي فترة متابعتكم بس هلق حبيت اشارك بالتسجيل :) يعني لازم كل يوم ادخل الموقع
    واشوف اخر المستجدات اقصد الطبخات :grin
    الله يعطيكى العافية وشكرا ;)

  8. منى 25 November 2008

    مية اهلا و مية سهلا يا غادة :)
    نورتي اختي و نور الموقع بمشاركتك و هي عيلتنا كبرت و انضم الها فرد جديد ;)

    الله يعافي قلبك و بدنك و ان شاء الله تكوني جربتي شي وصفة و عجبتك

  9. سلاف 26 November 2008

    يسلم ايديكي منامينوو انا جربت عجينة منى بفطيرة السلق وطلعت بتجنن وان شاء الله رح جرب البغاشه قريبا

    مابعرف بس اكتشفت انه العجينه لما بكون فيها لبن بتطلع غير شكل بزماني اخدت عجينه للبيتزا باللبن من موقع يمكن لك عنجد كمان بتجنن وغالبا بكون الخميره بالعجينه اللي فيها لبن قليله ياترى اللبن بساعد على تخمير العجينه ؟؟؟

    على كل يسلم اديكي منى ويسلم ايديكي منامينو

  10. فلسطينية بقطر 26 November 2008

    كيف الحال

  11. منامينو 27 November 2008

    أهلا وسهلا سلاف :)

    ويسلمو إيديكي وصحة وهنا يا رب. وأنا اليوم كمان ان شاء الله راح أجرب فطيرة منى بالسلق. وان شاء الله تجربي أقراص البغاشة بالجبنة والصينية بالتمر وتعجبك كمان.

    بالنسبة للبن، ما أظن إنه بيأثر عالخميرة. اللي بيساعد على تخمير العجينة هو السكر. وإذا حطيتي مع العجينة كمان شوية بيكنج باودر فهذا بيسرّع مفعول الخميرة وبتخمر أسرع. أما اللبن فبيعطي نكهة وشوية نشافة.

    أسعدني ردّك حبيبتي، وأهلا وسهلا فيكي..

  12. منامينو 27 November 2008

    هلا حبيبتي فلسطينية بقطر

    إحنا الحمد لله بخير من الله، ومبسوطين بوجودك معنا

  13. منى 27 November 2008

    هلا فلسطينية :) تمام بفضل من الله سبحانه و تعالى

  14. منى 27 November 2008

    هلا امولة :) عم استنى تجربيها و لا تنسي تخبريني

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)