التبولة


         وصفة : منى                 2007/06/19                 12 تعليقات
التبولة
3 باقة بقدونس
نصف باقة نعناع
3 حبة بندورة
بصلة متوسطة الحجم أو حبتان بصل أخضر
نصف كوب زيت زيتون
نصف كوب برغل ناعم
بشر و عصير ليمونتان
نصف ملعقة صغيرة فليفلة حمراء ناعمة
ربع ملعقة قرفة
رشة بهار
ملح

شرحات ليمون و قلب خسة للتزيين
• يفسل البرغل مرتان أو ثلاثة ثم يوضع في وعاء صغير و يضاف له عصير الليمون و بشر الليمون الناعم و نصف البهارات و الملح ثم يترك البرغل لينقع لمدة ساعة تقريباً .

• يفرم البقدونس و النعناع و البندورة و البصل فرماً ناعماً جداً جداً ثم يدعك البصل بباقي البهارات و الملح .

• يخلط البقدونس و النعناع و البندورة و البصل و مزيج البرغل و زيت الزيتون ثم تسكب التبولة في طبق التقديم و تزيين بشرحات ليمون و قلب خسة .
  • وصفات تانية ممكن تعجبك


التعليقات

  1. kuwaiti_girl 6 February 2008

    الللله احب التبوله جدا

    وبجربها قريب بعد ما عرفت الاسرار على اصولها

    تسلم الايادي

  2. منى 6 February 2008

    ان شاء الله أختي و أكيدة انك رح تحبيها كتيررر إذا الله راد :)

  3. روح الجمان 5 May 2009

    طريقة حلوة كثير وكنت أحب أشيد بنقطتين ..
    الأولى : التزيين الرائع للأطباق عن جد فوق الروعة أنا مجنونة تزيين وأحب جدا جدا التفنن في تقديم مأكولاتي وخاصة تزيين الطعام بالطعام ومع الوقت صرت سريعة بفضل الله :)
    فعلا ذوقك عال جدا جدا ولك نظرة فنية كتير حلوة وشغلك مبين انه متعوب عليه فجزاكِ الله خيرا وربي يبارك فيك ويزيدك ويا ريت لو تضمين قسم للموقع الرائع للتزيين هيك تفيدنا ويمكن ربي ييسر ونفيد أيضا بس الطماعين بدهم يستفيدوا أول :grin

    ثاني شي : الدقة في كتابة وشرح خطوات العمل جد جد رائعة ومفيدة كم من كتب ومواقع الواحد يطل عليها ويغلق ولا يستفيد .. وخاصة انك تذكرين الأسرار اللي ممكن تفيد الأطباق والوصفات هنا بتخلين الواحد يضع يده على أسرار النكهة والطعم الغير وأكيد ممكن يبدع :zzz
    جزاكِ الله خيرا
    آه .. ( ايش جمان انت ثرثارة كثير :( ) التصوير فوق الممتاز وأكثر من رائع .. بدنا دروس وفضولنا يسأل :grin ما هو نوع كاميرتك ؟
    والسموحة :)

  4. منى 7 May 2009

    هلا جمان :)
    هادا بس من زووءك و لطفك و انا كتير انبسطت بردك , يمكن أول واحدة تنتبه لقصة التزيين , او بالاحرى تعبر عنها و كلمة التزيين بالطعام هي كماااان هوايتي لان أحلى و أفيد تزيين و كمان أضيف للتزيين بالطعام التزيين بالورود لان بحبه كتير و بحسه زينة مناسبة للأطباق .
    تكرم عيونك الحلوة , ان شاء الله احاول أجمع طرق تزيين و أنزلها بقسم مستقل , فكرة جميلة جدا , ربي يسر و انفذها قريب و اكيد اكيد الي الشرف ان تشاركي :zzz

    قصةالاسرار الي بذكرها هي من الملاحظات الي يمكن المتمكنات بالطبخ ما يعيروها اي انتباه , بس بالنسبة الي هي الي تجلب انتباهي لان هي الفرق بنجاح الوصفة أو لا ..

    جمان الردود الطويلة دائما دليل اهتمام و انا بحبها كتير و بتهمني كتير , الكاميرا الي استعملها كاميرا canon G9 كاميرا منيحة كتير و على قد امكاناتي و اتمنى بيوم ان يصح الي و اتمكن من أخد دروس عن التصوير لان كل ما تعلمته هو عن طريق الصح و الغلط و التجربة , بس كمان أهم نقطة اتوصلت الها هو الاضاءة و على اعتبار ان ما عندي امكانيات المصوريين المحترفيين فاكتشفت ان الاضاءة الطبيعية هي السر , و بنفس كاميرتي الصور الي باخدها في اضاءة داخل البيت بتكون صور عادية , و سر تاني هو طريقة التقديم , هلا صرت عم حب الصور المعقدة و أقصد فيها ان مو مجرد طبق و فيه الوصفة , اكتشفت ان أحلى طريقة لتقديم الطبق هو نفس الطريقة الي بتحبي تاكلييه فيها , يعني بعد ما اجهز سفرتي كاملة من طبق رئيسي و ما يرافقه من سلطات و رز و مخلل , اصور و بتطلع الصور واقعية و بتشهي الواحد يمد ايده و باخدله شي لقمة :grin

    حكيت كتير ان شاء الله يكون ردي شافي و وافي و اي سؤال تاني بالخدمة أختي

  5. Eman 22 January 2010

    هذا تطبيقي المتواضع جنب تطبيقك الرائع :roll

    طلعت عالقافية الله يعطيك العافية :grin
    [img][IMG]http://i286.photobucket.com/albums/ll120/hodaleman/food/tabola.jpg[/IMG][/img]

  6. reema 23 February 2010

    تسلم الايادي يا ست منى.. انا جربتها بنقع البرغل بعصير الليمون وكانت لذيذة بس ما تجرات اضيف البشر والسبب اني جربته كذا مرة وبيعمل الاكل مر.. مثلا بعضير اليمون والنعنع بعد كم ساعة عمله مر..ومرة حطيت البشر بسلق لحمة الكبسة صارت كلها مرة.. فما عدت احطه..علما اني ببشر الجزء الاصفر فقط..هلق سؤالي ايمت او شلون بيخلي الاكل مر وشلون لا؟؟ممكن بالطعمة الجافة ما يخليها مرة وبالسوائل يخليها مرة؟؟وشكرا جزيلا الك

  7. reema 25 February 2010

    :roll :roll :roll
    أرجوك يا ست منى..أنتظر الجواب

  8. منى 25 February 2010

    هلا ريما :)
    كلامك مزبوط , ممكن يكون مر بالاكل بس هل الحكي لما ما بيكون بوقته او ما يكون مستوي منيح , بكل الاحوال لحتى تتاكدي فيكي تبشري و تدوقي قبل ما تضيفيه على ايا شي .
    بتعرفي بشر الليمون عندي اساس لايا صوص سلطة بيعطيها نكهة مو معقولة :zzz

  9. reema 25 February 2010

    شكرا جزيلا والله يجزيك الخير.. وتسلم ايديك يا رب..

  10. منى 25 February 2010

    الله يسلمك اختي :)

  11. لينا 23 October 2013

    مرحبا منى اذا بتسمحيلي شيل الكلفه والالقاب ومتل العاده اي طبخه او اكله بدي اعملا بفتح الموقع وبطبق الوصفه اليوم خطرت عبالي التبوله فتحت عم اقرا المقادير استغربت من القرفه والبهار بقلب التبوله انا من حلب بس ماكنا نحطهن بعدين قلت يابنت جربي طالما منى حاطه لانو انا بطبق وصفاتك عالعمياني كتييييير بثق بوصفاتك وذوئك بالطبخ رائع بعد ماحضرتا طلعت التبوله بتجنننننننن مع اني انا كنت اعملا بغير طريقه كانت تطلع طيبه بس مع ملاحظاتك واسرارك وخاصة بشر الليمون مممممممممم طلعت اطيبب واطيب ومميزه اكتر الله يعطيكي الف عافيه ويخليكي لبيتك وجوزك واولادك والله يحميكن ويهدي الاوضاع بسوريا وترجع حلب متل ماكانت واسفه اذا طولت بالرد

    • منى 25 October 2013

      اهلا لينا , منورة و الله الموقع بوجودك و ردودك الحلوة و ما في داعي ابدا للكلفة
      هي القرفة و بشر الليمون سر تبولتي , و انا ممنونة ثقتك في و انك جربتيهن و الحمد لله طلعت ع زوءك

      دعواتك كريمة و غالية من اخت غالية , امين يا رب ترجع حلب احسن مما كانت قريب يا رب

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)