الخبز المقرمش المحمص بزيت الزيتون


         وصفة : منى                 2009/06/16                 21 تعليقات
الخبز المقرمش المحمص بزيت الزيتون

·          يقطع الخبز لمكعبات أو مثلثات ثم يوضع في طبق مسطح و يقلب مع الزيت حتى يتبلل , يرتب الخبز بحيث يكون طبقة واحدة أي أن لا تكون قطع الخبز فوق بعضها البعض .

·          يوضع الطبق في الميكرويف و يشعل على أعلى طاقة لمدة 2 – 3  دقائق و يخرج كل 20 ثانية و يقلب بالملعقة ثم يرجع للميكرويف و يشغل مجدداً و هكذا حتى نصل للون المطلوب , و قد يأخد معنا الخبز أقل من دقيقتان .  




رغيف خبز عربي
3 – 4 ملعقة كبيرة زيت زيتون ( حسب حجم الرغيف )





• يقطع الخبز لمكعبات أو مثلثات ثم يوضع في طبق مسطح و يقلب مع الزيت حتى يتبلل , يرتب الخبز بحيث يكون طبقة واحدة أي أن لا تكون قطع الخبز فوق بعضها البعض .

• يوضع الطبق في الميكرويف و يشعل على أعلى طاقة لمدة 2 – 3 دقائق و يخرج كل 20 ثانية و يقلب بالملعقة ثم يرجع للميكرويف و يشغل مجدداً و هكذا حتى نصل للون المطلوب , و قد يأخد معنا الخبز أقل من دقيقتان .
  • وصفات تانية ممكن تعجبك


التعليقات

  1. لين 16 June 2009

    والله اشتقت لرمضان بي سوريا وللمة هون مابحس بالبهجة شكرا على ملاحظات زغيرة يلي بتساعدنا نخفف من ريحة القلي يلي بهكل همو كد ما بنضف بعدو الله يجزيكي كل خير يا رفيقتي يلي ما الي غنى عنا شكرا

  2. wedadswed 16 June 2009

    الله الله إي شو هالحلو فعلا المقدمة اللي بتعمليها قبل أي وصفة لحالها بتشد ,ودائما في عندك كلام جديد بياخدنا لعالم تاني وذكريات جميلة المهم شكرا كتير على الطريقة لأني بكره قلي الخبز من كتر ما بيوسخ وبيضر وخاصة لأنو القلي بيكون بزيت عملي مو متل طريقتك بزيت الزيتون أكيد طريقتك بتحقق الهدفين الفايدة والراحة والله يدملك هالأولاد ويخليلك إياهن ولا يخلي بيت حدا منهن يارب لأنو لو ما كانو عم يشاغبو ما كانت عينك اجت عالسفرة مرة تانية وطلعت معك هالفكرة الحلوة وشكرا كتير

  3. منى 16 June 2009

    هلا لين :)
    ان شاء الله تجربي هل الطريقة و تشوفي شو سهلة و متل ما قلتي القلي و التنظيف وراء و شغلة متعبة

    خليلي عينك و انا مبسوطة كتير بهيك رفيقة امورة و لطيفة :)
    على فكرة اسمك حلو كتير و انا كنت محتارة بينه و بين اسم جودي لمن سميت بنتي الكبيرة

  4. منى 16 June 2009

    هلا وداد :)
    هادا بس من زووءك و لطفك و متل ما قلتي عصفوريين بحجر واحد .

    امين يا حق ولا يحرم كل مشتهي منهم و ربي يخليلك اولادك و يفرحك فيهم و تشوفيهم متل ما بتحبي و احسن يا رب

  5. semo 16 June 2009

    شوقتينا لرمضان
    الله يعطيكي العافية فعلا شكلو كتير بيشهي

  6. dado 17 June 2009

    مرحبا منوش
    لك شو هالأفكار يلي عندك؟
    عنجد ما بتخطر على بال حدا… كتير كتير ظريفة وأحسن بكتير من القلي.. خصوصا بالعزايم بتتبهدلي وبتطلع ريحة البيت زيت و… وشغلة.
    انشالله رح جربها وأكيد رح تصير وصفة معتمدة. :)

  7. نوارة 17 June 2009

    الله يعطيكي العافية يا ميمو على هالوصفة جد كتير كتير ضرورية لكتير شغلات بعدين سهلة وطبعا اهم الشي متل ماقلتي ريحة القلي
    علة فكرة حجزت ان شاء الله 117 يمكن الظهر بكون بحلب ان شاء الله

  8. منى 17 June 2009

    هلا سيمو :)
    الله يبلغنا ياه و نحنا على اتم الاستعداد اله و نكون من العتقاء
    ان شاء الله تجربي هل الوصفة و تكون على زووءك

  9. منى 17 June 2009

    هلا دالو :)
    شايفة دالو شو هل المخ الي ناتعتو :grin
    ان شاء الله تجربيها و تعجبك و تدعيلي متل ما اتفقنا ;)

  10. منى 17 June 2009

    هلا نوارة :)
    خليلي قلبك , لحضر حالي لكن و روح احكي مع باباي لحتى يكتر همرغراتوا بهداك اليوم

    ابوسك نوارة :zzz

    ان شاء الله تجربي الخبز بالميكرويف و يعجبك حبيبتي و رح تنور حلب قريب باحلى نوراة

  11. رامة 17 June 2009

    الله يعطيك العافية
    فكرة كتير حلوة وظريفة

  12. منى 17 June 2009

    هلا رامة :)
    ان شاء الله تجربيها و تكون كمان ظريفة ;)

  13. سارونات 19 June 2009

    السلام عليكم و رحمة الله و بركاته

    اختي منى جازاك الله خيرا على الوصفة

    بس بدي اسألك هل ضرور ينستعمل المايكرويف لان ما عندي واحد يعني هل الفرن العادي بينفع او لا و كم بياخد وقت في الفرن العادي

    بالتوفيق

    سلام

  14. منى 20 June 2009

    هلا سارونات :)
    بتعرفي حظك حلو لان من كم يوم جربتها بالفرن العدي , كنت عم اخبز صيية كواج و معها حطيت خبز و حمصته , الصراحة ما حسبت الوقت , بس اكيد اكتر من ربع ساعة لان كان الطبق على الرف النصاني ;)

  15. Mays 8 December 2009

    أمبارح عملتو على أساس مع شوبرة العدس و البرغل بس لوقت ما سكبت الشوربة بالصحون كانوا الأولاد و أبوهن طيروا الخبزات . بس حبابين تركولي وحدة حتى أدوقها و عيد التجربة مرة تانية.
    تسلم إيديكي.

  16. منى 8 December 2009

    الف صحة و هنا يا رب على الب الاولاد و الباشا و البك كمان , كتير انبسطت انهم عجبوكم , هنااا ;)

  17. مزهرة 4 January 2010

    والله يوم عن يوم عم اتعلق يها الموقع اكتر

    والله يجزيكي الخير شو عم تفيدي هالناس

  18. منى 3 March 2010

    هلا مزهرة :)
    نورتينا و شرفتينا اختي و ربي يديم المحبة على طول ;)

  19. بتول الحلبية 12 July 2010

    بسم الله
    أخت منى يسلمووووووووووو هالإيدين
    عجبتني فكرة انو بديل عن الشيبس
    الله يجبر خاطرك ويخليلك اولادك يارب ;)

  20. لوزي لي 29 October 2014

    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)