الدجاج المشوي على زجاجه فارغه‏


         وصفة : منى                 2010/01/15                 16 تعليقات
الدجاج المشوي على زجاجه فارغه‏



دجاجه
خمس فصوص ثوم مقسمه
ملح
فنجان صوياصوص
فلفل اسود
حبه كبيره ليمون
ملعقه خردل
بهارات دجاج
قنينة بييسي(فارغه)





• ننظف الدجاج جيدا ونقوم بتتبيله بجميع المكونات والافضل ان نضع الصوياصوص على الجلد حتى تعطي لون ذهبي ووضربه بالسكين من ختلف الجهات(ونضع اقسام الثوم في كل فتحه( .

• تترك الدجاجه لمة ساعتين على الاقل في الثلاجه

• نسخن الفرن على حراره عاليه ونضع صينيه وفي داخلها زجاجة الببيسي وفي داخلها ثلثها ماء.ومن ثم نضع حوالي لتر ماء في الصينيه.وثم نضع الدجاجه فوق الزجاجه(كانهاواقفه الدجاجه)

• نضعا في الفرن لمدة ساعه ونصف واخر ربع ساعه نار منخفضه.وبالنهايه تتحمر الدجاجه وتستوي
ملاحظه:يفضل استخدام الدجاج المجمد بالفريزر
  • وصفات تانية ممكن تعجبك


التعليقات

  1. منى 15 January 2010

    ممممم , وصلت الريحة لعندي :eek

    كتير شكلها بيشهي , انا كنت جربت وصفة لتغريد بنفس الفكرة بس بغير تتبيلة و كانت كتير شهية , ان شاء الله ناوية جربها كمان بطريقتك , الله يسلم ايدك ام عون و يخليلك الكتكوت الصغير :zzz

  2. snow whit 15 January 2010

    شكلها طيبة كثييير

    ومكوناتها سهلة جدا

    إن شاء الله أجربها :)

  3. ام عون 15 January 2010

    الله يسلمك يا اخت منى.ويخليلك اولادك,حاولت ابعت صورة الوصفه بس ماعرفت .

  4. ام نور 15 January 2010

    سلم دياتك ام عون كتير فكرة حلوة بس متوفر بالسوق صينية صغيرة وطالع منها اسياخ بيوقف الفروج عليا وبينزل السائل على الصينية كتير عملية وبيطلع الفروج ناشف ومتل الجاهز انا اشتريت وحدة ودايما بستعملا رح ابعت الصورة لا منى تنزلا وفيني حطا عالفيس بوك

  5. ام جنى عبيدات 15 January 2010

    يعني كل ما بحكي رجيم بتطلعولي بوصفه بتشهي ومابصدق يطلع الصبح حتى اعملها… يسلم ايديكي والله حاسه طعمتها بتجنن رح تطلع.

  6. mayada 15 January 2010

    مرحبا بعد زمان كيفك ياستي يسلمو عل هل الوصفة فعلا فكرة كتير حلوة نشوي الدجاج بل قنينة بس انتي ست العارفين كيف بدنا نعملها ما شفنا النتائج يعني بل عربي الفصيح وين الصورة علا كل حال يسلمو ايديكي ان شاء الله بدي اعملها سلام

  7. منى 15 January 2010

    ام عون فيكي تحملي الصورة على ايا موقع تحميل و تبعتلي الرابط ;)

    ام نور سلم دياتك الصور وصلت

  8. ام عون 15 January 2010

    ام نور بتشكرك ورح نستنى منك الصوره.
    :roll

    وام جنى عبيدات :الوصفه انا بعتبرها صحيه كتير ونسبة الدهون فيها قليله يعني انا بنصحك اجربيها وصحتين على قلبك ;)

  9. ام نور 16 January 2010

    حبيبتي ام عون الصورة ارسلت الى اميل منى انشالله هي بتنزلا

  10. ام عون 16 January 2010

    يا اخت منى ماعرفت احمل الصوره على ايا موقع تحميل وابعتلك الرابط.فيكي تبعتلي ايميلك حتى اقدر ابعتلك الصوره

  11. farah 17 January 2010

    والله هالوصفة جد شكلها لذيذة وعلى كتر الاولاد ما بيحبوا الدجاج المشوي الجاهز صار لنا زماااااان كتير ما شويناه بالبيت مع ان عندي الطبق اللي تحدثت عنه الأخت ام نور
    انشاء الله بدنا نجربها بس لتخلص قنينة الغاز لأن يمكن على أخرها وبخاف يطفي الفرن بنص الطبخة :grin

  12. marim 19 January 2010

    صياح الخير اختي منى بدي قلك شكرا من كل قلبي على وصفاتك بيضتي وجهي الله يوفقك بدي طريقة الكلير

  13. منى 19 January 2010

    هلا مريم :) ان شاء الله وجهك ابيض دوما , الف هنا و صحة على كل شي جربتيه و تكرم عيونك على ا ;)

  14. ris 19 January 2010

    السلام عليكم
    كيفكن صبايا عن جد كتير مشتاقه صارلي اكثر من شهرين ما حكيت معكم بس متابعتكم على طول عن جد انتو بتجننو والموقع يحسسني انو قاعده مع رفقاتي بشي جمعه وعم ناكل من تحت دياتها لمنى اطيب الاكلات :roll

  15. ris 19 January 2010

    منوش انا عندي سؤال من اكثر من شهرين ارسلتلك طريقة الكوردون بلو على اساس تنزليها بالموقع بس باينتها ما عجبتك :cry من شان هيك ما شافت النور مع انو انا بعملها وبتطلع تجنن اطيب من المطاعم :? بس يالله خيرها بغيرها وانشالله بكون صديقه لهالموقع على طول :zzz

  16. منى 21 January 2010

    هلا روان :)
    بعد زمااان , ان شاء الله كانت هل الغيبة على خير

    لا تزعلي مني مشان التاخير , حقط علي و الله و هي وصفتك صارت على الصفحة الرئيسية و شكلها بيجنن , شو عجبتني و ما عجبتني , بس و الله صار خربطة و كان السبب في التاخير :roll

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)