القرنبيط بالصينية


         وصفة : منى                 2009/02/07                 16 تعليقات
القرنبيط بالصينية

·          هذه الوصفة لا تحتاج لمقادير محددة حسب حجم الصينية ، و لتسهيل العمل نرتب المكونات على شكل طبقات .

·          أول شي نسلق القرنبيط سلق خفيق بعد أن نقطعه لزهرات

·          بعدها يفرم القرنبيط ناعم ونضع أول طبقة كمية كبيرة من القرنبيط ( من دون قلي ولا من يحزنون) .
ثم نضع طبقة بندورة مفرومة ثم طبقة جزر مفروم نصف دائرة  .

·          ثم نضع بصل مفروم جوانح ثم الفليفلة الخضرا المفرومة ( وأذا كانت حدة أطيب) .

·          ثم نضع اللحمة حسب الرغبة و بما يتناسب مع كمية الخضرا وملح ورشة صغيرة بهار وزنجبيل .

·          ثم نخلط المكونات مع بعضم و نذيب ملقعة معجون طماطم أو أكثر حسب كمية الخضرة في كوب ماء ونضيفها للخليط ونضع شوية زيت أي نوع تحبيه .

·          وتدخل الفرن على حرارة 200 مدة ساعة و نص أو حتى تنضج الخضار و يجف ماؤها تماما وتبدا بالإحمرار وتقدم مع الخبز العربي ومخلل لفت وألف صحة وهنا .   




قرنبيط
بندورة
جزر
بصل
فليفلة خضرا
لحمة مفرومة
ملح
رشة بهار و زنجبيل مطحون
شوية معجون طماطم وماء





• هذه الوصفة لا تحتاج لمقادير محددة حسب حجم الصينية ، و لتسهيل العمل نرتب المكونات على شكل طبقات .

• أول شي نسلق القرنبيط سلق خفيق بعد أن نقطعه لزهرات

• بعدها يفرم القرنبيط ناعم ونضع أول طبقة كمية كبيرة من القرنبيط ( من دون قلي ولا من يحزنون) .
ثم نضع طبقة بندورة مفرومة ثم طبقة جزر مفروم نصف دائرة .

• ثم نضع بصل مفروم جوانح ثم الفليفلة الخضرا المفرومة ( وأذا كانت حدة أطيب) .

• ثم نضع اللحمة حسب الرغبة و بما يتناسب مع كمية الخضرا وملح ورشة صغيرة بهار وزنجبيل .

• ثم نخلط المكونات مع بعضم و نذيب ملقعة معجون طماطم أو أكثر حسب كمية الخضرة في كوب ماء ونضيفها للخليط ونضع شوية زيت أي نوع تحبيه .

• وتدخل الفرن على حرارة 200 مدة ساعة و نص أو حتى تنضج الخضار و يجف ماؤها تماما وتبدا بالإحمرار وتقدم مع الخبز العربي ومخلل لفت وألف صحة وهنا .
  • وصفات تانية ممكن تعجبك


التعليقات

  1. منى 7 February 2009

    سلم دياتك يا ام هدى :)
    وصفة شكلها طيبببة كتير , رايحة للمطبخ جربها لان عندي هلا كل مقاديرها و ان شاء الله بكرة بخبرك شو صار معي :zzz

  2. منى 10 February 2009

    يا عيني عليك ام الهدى , الصراحة ما اتوقعتها بهل الطعمة … طيببببببة كتير و انا نايمة حضرتها :grin قصدي انها سهلة كتير و بتفع اذا الواحدة فينا حابة تحضر شي طيبة و مو صعب

    سلم دياتك , أنا أكلتها مع الفليلفة الحرّة , ما كتير حبيتها مع المخلل , و كان الخبز تازة طالع من الفرن , نممي الله يسلم هل الديات ;)

  3. أم الهدى 11 February 2009

    انشاء الله ألف صحة وهنا حبيبتي والله كتير انبسطت انها عجبتك وان شاء الله تعجب كل الأخوات ، ويسلم إيديك على هالصورة كتير حلوة وفاتحة للشهية
    8)

  4. سارونات 13 February 2009

    السلام عليكم و رحمة الله و بركاته
    جازاك الله خيرا اختي ام الهدى الوصفة بسيطة و كتير عجبتني بس في عندي شوية اسئلة اذا ما في عندك مانع
    ليش القرنبيط بس غليتيه شوي مو كتير هيك ما راح يطلع ناقص نضج فهل في مانع اذا خليتو ينضج منيح
    و الصينية ما مندهنها بشي يعني ما راح تلزق هيك
    ان شاء الله تجاوبيني بسرعة لان عبالي ساويها اليوم و عنجد وصفتك اجت بوقتها ربي يوفقك ان شاء الله
    سلام

    كمان انت بعد ما غليتي القرنبيط قطعتيه لوردات كتير صغار مو هيك يعني مو فرم بالسكين

    كمان هل اللحمة المفرومة بنقليها بشوية بصل و زيت تحتى تنضج و بعدين منضيفها او منضيفها نيئة

  5. أم الهدى 13 February 2009

    وعليكم السلام حبيبتي سارونات
    تسلمي على كلامك الحلو وان شاء الله تجربيها وتعجبك
    وأهلا فيك وبأسئلتك
    أولالشي بسلقو ع الخفيف لأنو الغاية مو انو ينضج بس للتفوير متل ما بقولو ( يعني للتخفيف من ريحتو)
    تاني شي ما في داعي تدهنيها لأنو البندورة والمي يلي رح اضيفيها رح تمنع الالتصاق
    وبالنسبة للقرنبيط على كيفك متل ما بتحبي ممكن قطع صغيرة وممكن تفرميه أنا بفرمو لأنو زوجي ما بحب يشوف قطع كبيرة منو
    واللحمة والبصل مافي داعي تحمريهم بتحطيها نية ورح تستوي وزيادة لأنو رحتاخد وقت منيح في الفرن
    ويارب صحة وهنا سلفا و تكون على ذوقك

  6. منى 13 February 2009

    و كمان تعقيب على كلام ام الهدى , ان البصل و اللحمة ممكن يكون شوي استعمالهم غريب و هو ني , بس نحنا بسوريا عندنا كذا وصفة بنفس الاسلوب و عن جد يممي

    اصلا الصينية هي تعزيب الي , كل ما بفتح الموقع الصبح بقول علوا الي لقمة :grin

  7. عيون ريم 28 February 2009

    حبيبتي تسلم اديكي ونور عنيكي فعلا الصينية رووووووووووعه انا عملتها وزوجي لما شاااافها ماكان مبسوط كتير ولما اكل منها عجبته كتيررررررررر وما خلى الا الصينيه ههههههه وحكالي انها عجبته طيبة وخفيفه بانتظاااااار جديدك يااااعسل طولت عليكي تقبلي مروري :roll :roll

  8. أم الهدى 2 March 2009

    هلا وسهلا فيك عيون ريم وان شاء الله ألف صحة وهنا على قلبك انت وزوجك وتسلمي على كلامك الحلووانت يلي كلك ذوق

  9. AYAH 7 July 2010

    يا عيني عليكون والله هالاكلة اجت بوقتا
    اليوم عندي دراسة ومالي قاضية للطبخ وكمان ما بقي عندي رز ومحتارة وفتحت الموقع وقلت يا بنت نفنلي شوي هون وهون
    شي كتييير بشهي أنا جوزي بموت عالقرنبيط وبصراحة بتعاجز من قليو
    أنا بجيب القرنبيط مجمد وجاهز للطبخ
    بظن بهالحالة ما بدو سلق ما؟

  10. منى 7 July 2010

    اتوقع ما بده , و حتى انا ما رقى اسلق القرنبيط لهل الوصفة , بحب استعمله متل ما هو , وصفة طيبة و سريعة :zzz

  11. شفاء 15 September 2011

    جربتها
    كتير سهلة وظريفة
    وطعمتها طيبة كمان
    حسيتها بتشبه الكواج شوي
    يسلك هالايدين يارب

  12. منى 15 September 2011

    صحتين و عافية ;)

  13. نعمى 26 May 2013

    يسلمو الإيدين الأكلة طالعة طيبة كتير وريحتها بتشبه ريحة الكواج… حطيت فيها زيادة بطاطا حلوة ومشيت معها باعتبار إني بحبها… أحلى شي في الأكلة انو القرنبيط بدون قلي وصحية جدا ومناسبة للي عم خفف وزنو متلي …

    • منى 26 May 2013

      الله يسلمك حبيبة قلبي , عوافي و الف هنا و صحة و عافية

  14. هنادي 4 December 2017

    ست منى اليوم جربت الوصفه روعه روعه عايلتي تحب الزهرة واليوم سويتها بشكل مختلف عجبت الحميع تسلم الايادي

    • منى 6 January 2018

      عوافي ومليونن هنا هنادي..على قلبك وقلب العيلة الحلوة :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)