القطايف


         وصفة : أم عباده                 2008/02/07                 39 تعليقات
القطايف



كوب دقيق
كوب ماء دافئ ( يجب أن يكون دافئ بدرجه قبل الغليان )
ملعقه طعام سميد
ملعقه طعام سكر
نصف ملعقه طعام بيكنغ بودر





• تخلط جميع المكونات السابقه بالخلاط لمدة دقيقه, ثم تترك فيه لتتخمر لمدة ساعة تقريباً و عندها ستجدين السائل له قوام سميك نوعا ما و المهم أن يتكون مسامات صغيره على سطح القطايف عندها تكون جاهزه للصب.

• اعدي مقلاة تيفال جيده او صاج مسطح ضعيه على النار حتي يسخن جيداً و جهزي قطنه مبلوله بقليل من زيت نباتي .

• ادهني المقلاة بالقطنه بشكل جيد ثم صبي القليل من عجينة القطايف لتتأكدي من أن المقلاه سخنت جيداً و يجب أن ترتفع العجينه قليلاً و تتشكل بها مسامات كبيرة و واضحه , دعيها حتي تنشف العجينه كلها ثم قومي برفعها و يجب أن تكون الخلفيه بلون بني خفيف و ذلك يدل على جودة النضج ,عندها تابعي الصب بالحجم المفضل عندك (القطايف العصافيري تصب عادة أصغر من القطايف المقلية )

• بعد الانتهاء من الصب يجب ان تكون الحشوة جاهزة و تحشى القطايف و تغلق جيداً و عليك اختيار الحشوة إما القشطه أو الجوز المكسر و المخلوط بقليل من القرفه و السكر أو الفستق الحلبي مع ماء الزهر الجيد .

• يحمي الزيت الغزير ثم نبدأ بالقلي حتى تصبح مقرمشه و بلون شهي .

• ترفع على ورق لامتصاص الزيت الزائد ثم تسقى بالقطر المعد و المبرد مسبقاً .

• أما القطايف العصافيري فهي تحشى و تغلق من طرف واحد و لا تقلي و تسقي بالقطر الممزوج بماء الزهر كما هو موضح بالصورة .




  • وصفات تانية ممكن تعجبك


التعليقات

  1. منى 7 February 2008

    أأأأه يا ام عبادة :eek

    شو هل القطاايف , شي منفنف و بياخد العقل , هلأ صرت قول نيال ام تسنيم و غيث عليك ..

    الله يعطيك مية ألف عافية يا رب و يحفظلك أمك و يرجعك لحلب سالمة و غانمة

    حبيت أضيف حشوة لذيذة كمان و هي حشوة الجبنة العكاوي , بتاخد العقل ..

  2. غيث 7 February 2008

    سلامات حارة الك ام عبادة والى الاخت المحبوبة منى اللي حبيت اقول لها مو انا اللي نيالي انما ابو عبادة(اخي الدكتور هاني)حفظهم الله واياك لان الزوجة الصالحة والحلوة كمان و ربة البيت الشاطرة اضافة لدراستها وثقافتها نعمة من رب العالمين وكل هالصفات التي تملكها اختي الغالية ام عبادة نادرا ما نلاقيهاعند كثير من النساء الا امثالك اخت منى وامثال ام عبادة .تسلم ايديك يا حلوة على طبقك الحلو مثلك

  3. omtasneem 8 February 2008

    :zzz السلام عليكم ورحمة الله وبركاته بصراحة وبدون مجاملات اختي وصديقتي ام عبادة فنانة بالطبخ والقطايف اول شي اخدو منا وقت جيت عاالمانيا ونجح نجاح فظيع بوقت كنت مبتدئة بالطبخ والله يعطيك الف الف عافية ويسلم دياتك الحلوين ويخلينا ماماتك ويخليلك عبودة :p :p :p

  4. نهال صبري 8 February 2008

    تسلم ايدك أم عبادة .. الطريقة سهلة و لذيذة .
    أنا عملتها مرة من زمان لكن فشلت لأني تركتها في القطر و هو ساخن .. لكن هجربها تاني إن شاء الله بطريقتك .

  5. منى 9 February 2008

    هلا فيك أخت غيث :) ما شاء الله عليكم , محبة و ألفة غير شكل , الله يحفظكم لبعض و تبقى هيك على طول

    أم عبادة , لو سمحتي الطحين الي بتستخدميه حين عادي يعني طحين الفرخة أو طحين حلويات :? , حابة جربها

  6. أم عباده 9 February 2008

    تحيه خاصه ومعطره بالورد والياسمين لآختي الغاليه منى وألف شكر على نشر الوصفه وبالنسبه للطحين فهو طحين الحلويات وكتير بكون سعيده لو بتجربيها وفي فكره مهمه هي مسح المقلاه من حين إلى آخر بالزيت مشان ما يغمق اللون قبل ما تستوي
    وألف صحه وهنا

  7. أم عباده 9 February 2008

    الله يسلمك أختي نهال ويخليك وبشكر مشاركتك
    اكيد القطر الساخن له مشاكل بيخليها طريه كتير ويمكن تخرب عالاخر بتمنى تجربيها وتطلع معاك تمام وخبريني شو بيصير معك :grin

  8. أم عباده 9 February 2008

    والله أنت يا أم تسنيم الشطوره وشو ما عملت بينجح معك الله يعطيك العافيه ويخليلك القطه الغاليه تسنيم

  9. أم عباده 9 February 2008

    بدي أسألك أختي منى عن حشوة الجبنه العكاوي كيف بدها تحلايه ولا شو :?
    ما بنستغني عنك وعن خبرتك والله يعطيك ألف عافيه :roll

  10. أم عباده 9 February 2008

    والله يا غيث خجلتيني وما بعرف شوبدي اقول غير الله يجزيك كل خير على هالمشاعر الصادقه وتسلمي يارب وما أنحرم هالاخت المحبه والعزيزه :roll

  11. منى 10 February 2008

    هلا فيك أختي أم عبادة :) الشكر ليك على وصفاتك المرتبة الي رح شم ريحتها الا شوي من وصفك ليها ..
    رح جربها اذا الله راد خلال هل الاسبوع و اكيدة رح ادعيلك ;)

  12. linda 10 February 2008

    يا سلاممممممممممممم
    يعني و انا عم اقرا اتزكرت كتير زكريات حلوة مع هل الاكلة كنت حبها كتير من ايدين ستي و خاصة المحشية جوز
    الله يعطيكي العافية و شكرا كتير عل الوصفة الحلوة

  13. أم عباده 13 February 2008

    اهلين أختي ليندا والله مافي احلى من هالزكريات القديمه الله يعافيك ويخليك وكتير بتفرحيني لو بتجربيها وتطلع معك تمام ان شاء الله وخبريني شو بيصير معك وميه اهلا فيك

  14. منى 20 February 2008

    هلا م عبادة :)
    و الله اسفة أختي هلا انتبهت على سؤالك :roll

    المهم الجبنة العكاوية بتقطعيها لشرايح و بتنقعيها بالمي لحتى تروح منها الملح تماما بعدهابتصفيها منيح كتير و بتفرميها ناعم مع شوية مستكة و بتحطي معها اما جوز أو لوز أو صنوبر على كيفك و أنا ما بحب حط معها شي , و بس ;)

  15. نور 11 May 2008

    كتير طيبة الوصفة أختي أم عبادة .. حابة أسألك ليش لما أعمل القطايف عم تتمزق من المنتصف عند الحشو ؟ والسميد ناعم وللا خشن ؟ لكي كل التقدير :)

  16. أم عباده 14 May 2008

    اهلا اختي نور
    اسفه لتأخري بالرد عزيزتي بتكون القطعه سميكه اكثر من الازم فعند الحشو والاغلاق تجدينها تتمزق فحاولي ان تكوني القطع اقل سماكه يعني ارق وذلك من خلال تمديد الخليط بقليل من الماء قبل الصب لكي تتمد العجينه بارض المقلاة جيدا ولكن لاتكثري من الماء وبالنسبه للسميد الناعم يكون اسرع بالنتيجه المطلوبه ولكن اذا لم يوجد الاالخشن فهو يفي بالغرض واتمنى ان تجربيها مرة اخري وتكون النتائج مرضيه لك ولعائلتك والف صحه وهنا :grin

  17. Iman 4 September 2008

    يسلموا هالايدين ام عباده على الوصفه. صرت مجربه وصفات كتيره جدا للقطايف ما حبيت ولا وحده لحد الان. ما بحب طعمه الخميره فيها. كتير انبسطت انو وصفتك ما فيها خميره. راح جربا اليوم و ابلغك بالنتيجه ان شاء الله. عندي سوءال عزيزتي وهو عندما تقليها هل بيكون حراره النار على اعلى شيء او بين العالي و الوسط او وسط? و هل تقليها في زيت نباتي? و بالنسبه للناس اللى بيشووها بالفرن شو بيستعملوا لدهنا لان الشوي اسهل اذا كان عندك عزيمه كبيره و ناس كتير. و على اي حراره و في اي رف? و هل نستعمل الشوايه والا بس الفرن? معليش غلبتك بس بدي اياها تظبط معى هالمره. شكرا كتير سلف عزيزتي :)

  18. قمر2010 23 September 2008

    يسلم اديكي يا مدام منى وصفاتك كلها رائعه
    وموقعك اروع كل عام وانت بالف خير

  19. منى 23 September 2008

    أمونة أنا لسا ما جربت الوصفة ما فيني جاوبك عن الأسئلة :roll بس رح احكيلك شو بعمل لما بجيب القطايف جاهزة , بقليها بزيت نباتي نظيف يعني استعمال لأول مرة و الشوي ممكن تشويها على الرف الوسط حرارة 200 بعد ما تدهنيها بالزبدة , بس الصراحة فرق شاسع بالطعم بين القطايف المشوية و المقلية

  20. منى 23 September 2008

    مية هلا فيك قمر :) نورتي أختي و ألف شكر ليك على الكلام الجميل

  21. رضاب 24 August 2009

    منى الغالية يسلمو كثييير بجدربي يجبر بخاطرك ويجزيكي كل خييير انشالله جاري التجريب

  22. منى 25 August 2009

    هلا فيك اختي :)
    شرفتي الموقع و نورتيه و ان شاء الله تجربي وصفة ام عبادة و تكون متل ما بتحبي ;)

  23. gsm 22 February 2010

    اليوم واخيرا عملت القطايف و شو طلعت يا سلالالالالام شي تمام بس انا التعديل الوحيد يللي عملته هو ضفت بدال الماء حليب وقمت بتسخينه وكتيير نجحت معي الحمد لله بالاول اول تنتين طلعوا غامقات بعدين فورا خففت الحرارة ومشي الحال يسلموا ايديك ام عبادة والله يجزيك الخير

  24. Jassy 30 January 2011

    السلام عليكم ورحمة الله وبركاته

    ما فشل معي شي بحياتي متل هالمرة، غير لما عملت فول مقلى من الفول اليابس :grin حطيتو وقتها بزيت الزيتون وقعدت إقلي فيه :grin لا تضحكوا علي .. بتصير في أحسن العائلات :p .
    لما حطيت المقادير (بالحرف) بالخلاط، ما كان يخلط وطلعت ريحة شويط ولما شلت منه المكونات وهيك خلطتون عادي طلعت كتييييييييييييييييييييير سميكة العجينة :grin يعني كان خرج أشكل منها قراص القطايف بإيدي. أمت حطيت مي شوية أتورة وخلطتون بالخلاط :roll ورجعت حطيت شوية مي … لصارت متل ما لازم تكون. وتركتها. بس بدال ما يطلع عوجهها فقاعات، تشكلت طبقة سميكة عالوجه متل تبعيت الرز بحليب هيك. أمت خلطتها وتركتها كمان ساعة … ولما إجيت إقلي القراص :upset طلعت غرائب عجائب ومعجنة ووووووو وما بتنقلب وهيك.
    تعبت وعصبت وتركتها :( كنت رح كبها . بس قلت لحالي خلص خليها لبكرا بالبراد بشوف شو بعمل فيها.
    وقلت بلكي المقادير غلط ، طلعت منال العالم نفسسسسس المقادير عاملة وطالعين ما أحلاهون معها.
    اليوم من الصبببببح طالعتها خلطتها شوي وكانت منيحة وطلعلها فقاعات عالوجه، وضليت عم سخن المقلاية ربع ساعة …… وتقريبا النتيجة نفس الشي.
    من تحت القرص كتير طلع مستوي وهيك بس من فوق معجن ولما إجيت بدي شيلو عجن كلو على بعضو :grin طلع بيشبه كل شي إلا القرص. وهكذا دواليك لانتهت العجينة. وطبعا ما سخيت كبهون أمت حطيتلون مربى وأكلتون شوي شوي (قبل ما يجي جوزي) مشان ما يعرف شو صاير تماشيا مع القاعدة الذهبية للفشل :
    (( إذا قمت بتجربة وفشلت، فاقضي على كل الآثار الدالة على ثيامك بها)) :grin

    ليش هيك ؟ :sigh .. مافي شي وصفة تانية ؟؟؟

    والسلام عليكم ورحمة الله وبركاته

  25. alyatabbaa 6 August 2011

    مرحبا! أنا جديدة عل الموقعو ما شالله كتير ظريف الله يعطيكم العافية… بس بصراحة انا جربت هل الوصفة و صار معي متل الأخت يلي كتبت قبلي بالخلاط ما مشي الحال و بالخفاقة طلعت عجينة متل عجينة الخبز أو البيتزتا… يا ترى في شي ملاحظة ما اتبهنالها أو في شي منسي بالوصفة :sigh و شكرا كتير ممنونة !! :zzz : :cry

  26. منى 7 August 2011

    و الله اخواتي انا مو مجربة الوصفة , ما عندي فكرة تمام عليها :roll

  27. ام يزن و زينه 6 August 2012

    مرحبا
    انا جربت هالوصفه مرتين لهلأ و نجحت معي وزوجي كتييييير انبسط فيها لدرجة انه هو الي صب القطايف وانا حشيتها وكمان هو الي قلاها ورجع لحاله عملها تاني مره شي صغار عصافيري بيسموها بقشطه بدون قلي وشي محشي تمر وشي جوز مع قرفه وطلعت بتجنن .. بس تاني مره عملنا مقدارين وزدنا ملعقة سميد طلعت ازبط من اول مره ..
    مشكوره كتيييير عالوصفه اختي ام عباده ممنونتك انا ..

  28. Hadoosh 19 February 2014

    السالم عليكم منى
    جربت اعمل القطايف و النتيجة طلعت ولا احلى…طرية و بتشهي بس المشكلة عندي بالحشوة لانه بفرنسا الجبنة النابلسية مو متوفرة فحشيتها بالموزوريلا والنتيجة….فشل ذريع الجبنة ساحت كتيييير و طلعت لبرا والحبات اللي قدرو يحافظو عالجبنة طلعو كتيير طريين ومو مقرمشين بالمرة..بشو بتنصحيني?
    شكرا كتير و الله يجزيكي الخير

    • ام معاذ 28 April 2014

      السلام عليكم ورحمة الله
      اذا حبيتى تحشى القطايف اى ننوع من الجبن لازم تخلطى مع الجبن معلقة او معلقتين من النشا
      دا بيحافظ على قوام الجبنة ويخليها متسيحش فى القلى
      وبالهنا والشفا ودا كلام منى عامر

      • منى 29 April 2014

        شكراً كتير ع الاضافة , نورتي الموقع ام معاذ :)

  29. ام معاذ 28 April 2014

    بس انا المشكلةعندى ان القطايف بعدالقلى طلعت طرية جدا مش عارفةايه الحل

    • منى 29 April 2014

      كيف قليتيها ؟

      • ام معاذ 29 April 2014

        اهلا بيكى يا منى
        انا قليت القطايف عادى بزيت سخن وكنت حشياها جبنه +ملعقةنشا لقيت حجمها زاد و طلعت طرية مع انها اول مرة عملتها نجحت معايا الاختلاف الوحيد اللى حصل هو نوع الخميرة الاول كانت خميرة عادية وتانى مرة كانت فورية

        • منى 30 April 2014

          المفروض الخميرة ما تعمل فرق , اتوقع نوع الطحين اختلف و لهيك اتغير قوام الوصفة
          منورانا

          • ام معاذ 1 May 2014

            اه فعلا هو نوع الدقيق اتغير ….. متشكرة جداااااااااااااا

          • منى 1 May 2014

            منورانا , تكرم عيونك

          • ام معاذ 1 May 2014

            ده نورك
            بس كنت عايزةاسأل عن انواع الدقيق اللى اشتريها عشان الوصفه تنجح معايا
            والدقيق اللى عمل القطايف طرية ده استخداماته ايه
            وشكرا

          • منى 1 May 2014

            لا اذا ما عرفت شو مكتوب ع العبوة ما رح ااقدر فيدك

  30. ميس أبوغدة 17 February 2015

    السلام عليكم ،،
    تسلم ايديكن ع الوصفة السهلة واللذيذة
    طلعوا القطايف بشهوا والكل حبن وأخدوا الوصفة كمان …
    عندي شوية ملاحظات من التجربة:
    ١- الاخت اللي خربت معها العجينة السبب هو انو المي مغلية وليست فاترة
    لأنو صار معي نفس الشي اول مرة بعدها حطيت نص الكاسة مغلية والنص التاني عادية
    ٢- انا استعملت مقلاية تيفال ولما دهنتها بالزيت ما ظبطت القطايفة ، كان مناسب اكتر انو اجهزن بدون دهن الزيت
    وغير ذلك ،،، تعاد وتعاد وضفتها لدفتر وصفاتي

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.00 out of 5)