الكبة اللبنية


         وصفة : منى                 2007/09/06                 30 تعليقات
الكبة اللبنية

  ·          يطلب من اللحام أن يدق اللحمة حتى تصبح ناعمة مثل المرهم و يجب تكون اللحمة خالية من الدهن تماماً . يمكن تحضير الهبرة المدقوقة بأن توع مكهبات اللحم الهبر في محضرة الطعام مع القليل من مكعبات الثلج و الملح و تضرب حتى تصبح ناعمة .

·          ينقع البرغل مع البصلة و الملح بالماء البارد مع الملح مدة  15 دقيقة ثم يصفى جيداً و يطحن على ماكينة فرم اللحمة مع البصلة ثلاث مرات  .

·          تبلل اليد بالماء البارد ثم يدعك البرغل باليد قليلاً , تضاف اللحمة الهبرة و البهار و تدعك الكبة حتى الحصول على عجينة متماسكة و طرية و دبقة قليلاً .

·          تقلى اللحمة في مقلاة تيفال بالقليل من السمنة , تتبل بالملح والبهارات و تقلب حتى يجف مرقها تماماً  و تنضج اللحمة , ترفع الحشوة عن النار و يضاف الجوز , أصبحت الحشوة جاهزة .

·          تقطع عجينة الكبة إلى كرات أصغر بقليل من حجم حبة الجوز  ثم ترق كل كرة  باستخدام الإصبع حتى الحصول على تجويف صغير , تحشى قطع الكبة بالحشوة ثم تسد , و تبلل اليد بالماء البارد أثناء العمل .  تصف القطع على صينية مغطاة بكيس نايلون كي لا تلتصق القطع بالصينية و يسهل رفعها .

·          تقلى اللحمة بالقليل من السمنة حتى تشقر من كل الأطراف و يجف مرقها , تغمر بالماء و يضاف ورقة غار و بضعة حبات هال و عود قرفة , يغطى القدر و تترك حتى تنضج .

·          يضرب اللبن مع الرز و النشاء و القليل من مرق سلق اللحمة في خلاط العصير حتى يطحن الرز , يوضع اللبن على نار متوسطة و يتبل بالنعناع و الثوم , يحرك باستمرار حتى يغلي . تضاف أقراص الكبة واحداً تلو الأخر , تضاف اللحمة المسلوقة و تترك اللبنية تغلي على نار هادئة مدة عشر دقائق أو حتى تنضج أقراص الكبة مع التقليب بلطف كي لا يعلق اللبن في القدر , و تقدم اللبنية مع النعناع الطازج و الفجل المقطع .

- مقادير الكبة :

ربع كيلو برغل أسمر الخاص بالكبة ( من النوع الناعم )
ربع كيلو لحمة هبرة
بصلة صغيرة مقشرة و مقطعة أرباع
ملح , بهار

- مقادير الحشوة :
نصف كيلو لحمة مفرومة
جوز مقطع ناعماً
نصف ملعقة صغيرة بهار
رشة قرفة و ملح
سمنة

- مقادير اللبنية :
2 ليتر لبن غنم
3 – 4 ملعقة كبيرة رز مسلوق
2 ملعقة كبيرة نشا
ملعقة كبيرة نعناع يابس مطحون
3 - 4 فص ثوم
نصف كيلو لحمة غنم , مقطعة لمكعبات متوسطة الحجم

• يطلب من اللحام أن يدق اللحمة حتى تصبح ناعمة مثل المرهم و يجب تكون اللحمة خالية من الدهن تماماً . يمكن تحضير الهبرة المدقوقة بأن توع مكهبات اللحم الهبر في محضرة الطعام مع القليل من مكعبات الثلج و الملح و تضرب حتى تصبح ناعمة .


• ينقع البرغل مع البصلة و الملح بالماء البارد مع الملح مدة 15 دقيقة ثم يصفى جيداً و يطحن على ماكينة فرم اللحمة مع البصلة ثلاث مرات .


• تبلل اليد بالماء البارد ثم يدعك البرغل باليد قليلاً , تضاف اللحمة الهبرة و البهار و تدعك الكبة حتى الحصول على عجينة متماسكة و طرية و دبقة قليلاً .


• تقلى اللحمة في مقلاة تيفال بالقليل من السمنة , تتبل بالملح والبهارات و تقلب حتى يجف مرقها تماماً و تنضج اللحمة , ترفع الحشوة عن النار و يضاف الجوز , أصبحت الحشوة جاهزة .


• تقطع عجينة الكبة إلى كرات أصغر بقليل من حجم حبة الجوز ثم ترق كل كرة باستخدام الإصبع حتى الحصول على تجويف صغير , تحشى قطع الكبة بالحشوة ثم تسد , و تبلل اليد بالماء البارد أثناء العمل . تصف القطع على صينية مغطاة بكيس نايلون كي لا تلتصق القطع بالصينية و يسهل رفعها .


• تقلى اللحمة بالقليل من السمنة حتى تشقر من كل الأطراف و يجف مرقها , تغمر بالماء و يضاف ورقة غار و بضعة حبات هال و عود قرفة , يغطى القدر و تترك حتى تنضج .


• يضرب اللبن مع الرز و النشاء و القليل من مرق سلق اللحمة في خلاط العصير حتى يطحن الرز , يوضع اللبن على نار متوسطة و يتبل بالنعناع و الثوم , يحرك باستمرار حتى يغلي . تضاف أقراص الكبة واحداً تلو الأخر , تضاف اللحمة المسلوقة و تترك اللبنية تغلي على نار هادئة مدة عشر دقائق أو حتى تنضج أقراص الكبة مع التقليب بلطف كي لا يعلق اللبن في القدر , و تقدم اللبنية مع النعناع الطازج و الفجل المقطع .

  • وصفات تانية ممكن تعجبك


التعليقات

  1. بدور 8 September 2007

    يعني ما شاء الله عليكي ما بتتركي مجال للسؤال أبدا كلشي ممكن الواحد يسألو خطرلك :)

    الله يعطيكي ألف عافية أنا كتير بحب هالنوع من الكبة كمان :p

  2. منى 10 September 2007

    هدا نوعي المفضل ;)

    كتير كتير بحبها , و باكلها باردة و ساخنة و بضل بنقنق من البراد لحتى تخلص :zzz

    هلا بدور :)

  3. بدور 12 September 2007

    لك صحة و هنا عألبك يا رب و أنا من صغري ربيت عليها هيك بتئلي ماما.

    بتعرفي الحلبية روح ألبون يسمنوا اولادون و هنن صغار مشان هيك كانت تطعميني ياها كتير و من وئتا نفسدت أخلائي عليها :zzz

  4. منى 12 September 2007

    كمان صحتين و هنا يا رب على قلبك :)

    و كل سنة و انت بالف خير و ينعاد علك و علينا و على المسلمين كلهم و هم بأمان يا رب

    انتظر برنامجك بدور ;)

  5. arwen 29 October 2007

    هلق مابتنطبخ بالزبادي؟
    لانو عندي مومتوفر الا زبادي
    فكيف ممكن اعملها ؟ :sigh

  6. منى 29 October 2007

    ممكن تنطبخ بالزبادي ..
    بتحطي مع كل كيلو من الزبادي ( ما بعرف قديه وزن العلبة :roll ) بتحطي معه ملعقة كبيرة نشا و بتخفقيهم على البارد كتير منيح و بعدها بتحطيه على النار وبس ما غلي بتحطي معه شوية مرق لحتى تصير بالسماكة المطلوبة, بس استعملي مرق حقيقي مو ماجي و إذا ما عندك اضيفي ماء عادي

    أي سؤال تاني أنا تحت أمرك :)

  7. arwen 30 October 2007

    هلق تقبريني لو تقلت عليكي بس منشان تطلع المقادير مظبوطة…
    كيلو زبادي مع هالمقادير ولا بدها اكتر؟ :roll

  8. منى 30 October 2007

    لأ اختي مقادير هل الكبة بيلزمها كيلين أو ليترين من الزبادي ;)

  9. haya 29 December 2008

    يييي يا منى تسلم ايدك على وصفة كبة اللبن كنت بدي اعملها من زمان بس ماكنت متأكدة من المقادير وبس شفتها قررت ان شاءالله اعملها ويارب تطلع زاكيه مثل الصورة

  10. منى 31 December 2008

    ان شاء الله تعمليها و تعجبك , هي نوع نفضل عند كل عيلتي :zzz

    ان شاء الله بتطلع متل الصورة و اطيب ;)

  11. haya 1 January 2009

    تسلم ايديك يا منى جربتها وطلعت رائعة واولادي كثير انبسطوا عليها خاصة انهم كانوا عم يطلبوها مني بس انا ماحشيتها بصراحة كسلت بس المرة الجاي ان شاءالله راح احشيها واكيد راح تطلع طبعا اطيب

  12. منى 1 January 2009

    هنا و الف الف عافية يا رب على قلبك و قلب القطط الحلوة و الصغيرة , كتير انبسطت انها عجبتكم و لما رح تحشيها اسا بتطلع نغم غير شكل ;)

  13. gsm 12 September 2009

    بكرا يا منونة رح اعمل الكبة بلبنية بس من غير كبة :grin والله لأنو ما عندي ماكينة كبة مو كسل يعني :sigh بس بدي اطبخ جنبها برغل يعني على أساس هو من مشتقات الكبة :grin :grin ببقى بخبرك على النتائج بكرا سلام يا حلو بوسيلي القطاط امانة

  14. منى 15 September 2009

    ممم , بيصير كمان تقدميها مع البرغل عوض الكبة , و كله مع العافية طيب :)

    هي كريم بحضني و بوسته , تبوسك العافية يا رب , الله يخليلك كل الغوالي على قلبك و يكونوا متل ما بدك و احسن

    عم استنى رايك ;)

  15. Amar 25 December 2009

    ما هي أفضل أقسام الذبيحه لاستخدامها في عمل الكبه، وهل فرم اللحمه بنفس طريقة الهامبرغر مناسبه للكبه؟؟ بصراحة أنا أعيش في بلد أجنبي ولا أعرف كيف أختار اللحمه المناسبه للكبه، لذلك أقترح عليكي وضع ارشادات عن أقسام الذبيحه وما هي الأكلات التي تستخدم فيهاوعندها بإمكاني ترجمتها والاستفاده منها، وشكرا.

  16. منى 22 January 2010

    هلا قمر :)
    سؤال صعب , صح لاني ما عندي خبرة باجزاء الذبيحة ابدا , النوع المناسب هو الخالي من الدهن تماماً و هو مختلف اكيد عن النوع المناسب للهمبرغر , سواء بنوعية اللحمة أو بطريقة الفرم .
    بما انك ببلد اجنبي , ممكن تجيبي اللحم الهبر و تحطيه بالخلاط مع شوية تاج و تخلطي حتى تحصلي على مرهم و هادا الي تستعمليه للكبة و كمان للمرتديلا الحلبية :)

  17. farah 17 May 2010

    سبحان الله يا منون طريقتكم بالكبة لبنية بتختلف كتير عن طريقتنا أهل الشام قصدي دمشق يعني نحنا بنحط لللبن رز ونشا يعن يللتر اللبن نصف كوب شاي رز مسلوق ونصف كوب نشا والكبة ما بنسلقها بالماء بنحشها نفس حشوتكم بس بنضيف الدهنة الناعمة والبصلة المفرومة معها وطبعا بس اللحمة والبصلة بتكون مقلاية والدهنة والبصلة التانية بتكون نية وبعد عملية حشو الكبة بنمرر سيخ بالكبة قبل اسقاطها باللبن المشوي وهو يغلي حتى تشرب الكبة اللبن وتنضج داخل اللبن
    واذا بدك أهل الشام المعتقين ما بيرضوا يحطوا فيها لحمة بيقولو هي اصولها دهنة وبصلة وجوز :roll
    بس انا بلاقيها باللحمة والدهنة سوا اطيب واخف
    يا ستي سلم دياتك انا كتير وصفات بلاقيها مختلفة عن اللي بعرفها بس اليوم حبيت اتركلك تعليق :)

  18. خولة 2 June 2010

    أختي منى .. ألف شكر لك على الوصفات الطيبة وأنا متابعة لك من زمان وربي يعلم حبي لسوريا وأهلها الكرام

    عندي سؤال بالنسبة للكبة اللبنية، ينفع أقلي الكبة قلي خفيف بهالوصفة بدل السلق؟

    لاتضحكي علي أنا أعشق الأكل الشامي بس لساتني أتعلم 8)

  19. منى 3 June 2010

    هلا فروحة :)
    يا ستي على راسي الشام و اهلها , انا اتعلمتها بالطريقة الشامية بس ما طاوعني قلبي احشيها بالدهنة , لان قلبي ضعيف و ما بيلقى :grin

    نحنا عنا في كتير ما بيسلقوها , انا بحسها هيك اطيب , بس كمان كتير طيبة لمن بتنضاف على اللبن فوراً :zzz

    الف شكر الك لاغناء الوصفة و كل الوصفات و اتمنى ان تشاركي بوصفاتك الشامية الاصيلة لان نفسك كتير بحسه طيب ;)

  20. منى 3 June 2010

    هلا فيك اختي خولة :)
    منورة الموقع و بتنوري سوريا يا مزوءة , بيتك دوما :zzz

    الله يسامحك , معقولة اضحك :roll

    نحنا بحلب ما منقليها ابدا , هيك اصولها و هيك بتطلع بتجنن , بس ممكن فورا تضيفيها على اللبن اذا بتحبي ;)

  21. خولة 3 June 2010

    أهلين منى
    عملتها اليوم وكانت طيبة كثير ..
    بس بقلك اختراعي فيها :grin قمت شويت الكبة بالفرن شوي خفيف والحمدلله إني ماقليتها كان صارت دسمة

    بس ما كان عندي لبن فاستخدمت زبادي وصار الطعم فيه لسعة حموضة خفيفة.. هيك صح ولا ماالمفروض يكون فيه طعم حموضة؟ :roll

    حاسه إتي ألفّت وصفة جديدة :p

  22. منى 4 June 2010

    هلا خولة :)
    اللبن هو الزبادي , مو هيك :roll

    بس نحنا منستعمل لبن الغنم و هو مو متوفر عندكم , اكيد الزبادي بينفع و حتى في من رفقاتي الي بالخليج بيضيفوا عصير ليمون شوي لحتى يطلع الطعم متل ما بيحبوا .

    الوصفة اصولها فيها حمض بس خفييييييف , و اكيد الكبة ما بدها شوي ;)

    الف هنا و صحة يا رب , مطرح ما سرى مرى خولة

  23. r0sa_rimi2 18 May 2011

    أنا نباتية جدا يعني ما باكل لحمة ولا دجاج ولا سمك من خمس وعشرين سنة يعني من وانا عمري خمس سنين المهم وانا كتير بشتهيها للكبة اللبنية كتير كتير قمت اخترعت كبة بلبنية نباتية استبدلت اللحمة بالطحين والبطاطا والحشوة بالصنوبر والبهار والحمص طلعت شي فاخر ومرتبة وكمان شغلة انا بحط للبن توم وكزبرة حتى تزيد حموضتو لاني بحبو حامض بالمناسبة اللبن ما بحب ابدا اروبو ببيضة بحسها مزنخة فانا بستعمل شوية نشا وبيطلع معي اللبن متل الكريما

  24. منى 19 May 2011

    انا مو نباتية بس بقدر كتير الاكل النباتي و بحبه كتير لهيك وصفتك خرطت مشطي جدا ;) و ان شاء الله بجربها بااقرب وقت ;)

    شكرا كتير للاضافة و منورة الموقع اختي و اتمنى اذا عندك ملاحظات على ايا وصفة تكتبيها و بكون ممنوتك ;)

  25. r0sa_rimi2 20 May 2011

    بس قبل لا تجربيها عندي كم نصيحة زغيرة ولو اني مستحية منك كون عندك خبرة وست بيت اكتر مني اول هام هو انو تنقعي البرغل بمي سخنة نار انا بالعادة بغلي مي وبسكبها فوق البرغل وبصفيها منو وبغطيها وبتركها شي ابو ربع ساعة تاني هام لا تكتري كتيييييييييير طحين حتى ما يغلب طعم الطحين عل البرغل السر بنقع البرغل بمي سخنة انو عند فركو حيصير زي العجينة تمام التمام واللبن دوريه عل النار زي ما هو بس بالاول دوبيي بفنجان شاي زضير معلقتين نشا زغار ورشة ملح وزيديهم فوق اللبن بس هل القد مي فنجان شاي زغير واللبن وبس وحركيه حركيه لين ما يغتلي اول ما يغلي بسرعة نزلي الكبة
    تالت هام اوعا تقلي الكبة بنزلها مباشرة عل اللبن من دون قلي لانو احتمال تفرط وشو كمان مممم الكزبرة والتوم اكيد بنزلها مع الكبة ليغلو مع بعض وياخدو نكهة بعض وسبق وقلت بمشاركة بعتلك ياها انو عندي لسه وصفات كتيييييييييييييييرة نفسي ابعتلك ياها لو بتأذنيلي

  26. نسرينa 25 October 2012

    Hallow test

  27. Mona 25 October 2012

    لا بالعكسكرا كتير للتفاصيل اكيد ممنوتك كتير ;)

  28. سلمى 4 January 2014

    عملتها اليوم ست منى ومش عارفة كيف أشكرك عنجد من كثر ما طلعت طيبة وأكلة فاخرة وما توقعت أولادي يوكلوا كمية كبيرة منها حبوها كثير وكل لقمة يحكولي شكرًا ماما أكلة طيبة الف شكر لك ربنا يجعله بميزان حسناتك والليله كمان ناوية على عجينة القطنة

  29. أم تسنيم 6 April 2014

    سﻻم اختي منى بشكرك كتير عهالوصفة بس سؤالي شفتك منزلة كبة مقلية بدون هبر بسبب الحصار :’( طيب ممكن اعمل كبة اللبنية نفس الشي بدون هبرة؟

    • منى 6 April 2014

      وعليكم السلام :)
      اي بيصير و العيار لكل كاسة برغل نص كاسة طحين ,بتنقعي البرغل بشوية مي لحتى تفتح حبتة بعدها بتديريه و بتعجنيه بالطحين لحتى يصير متل عجينة الكبة , بس طبعا طعمتها مو متل الكبة الي معودين عليها
      ايا سؤال من عيوني

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)