المفتول الفلسطيني


         وصفة : منى                 2009/06/11                 18 تعليقات
المفتول الفلسطيني

·          نقوم بسلق اللحمة وحتي تغلي نرفع رغوة وزفرة اللحمة ونبشر البصلتين ونضيفهم للحمة ونخليها لمدة 1/3 ساعة تغلي ونضيف الملح والتوابل ليها ونترك اللحم حتي ينضج  .

·          هلا بدنا نعد تتبيلة الكسكسي بنجيب البصلات وبنفرمهم الي قطع صغيرة جدا جدا ونرش الملح والزيت والفلفل اسود والكمون الحب عليهم وبالهاون ندعك كويس  .

·          نضع 3 اكواب ماء دافئ علي الكسكسي والزيت ونتركه في وعاء لمدة 1/3 ساعة حتي تنفش الحبة .
نحضر طنجرة الكسكسي وبديل ليها تستخدمي طنجرة عادية ويكون عندك مصفاة بنفس حجم الطنجرة من فوق علشان لا يخرج هواء اثناء الطهي .

·          الفكرة من طنجرة الكسكسي هي انه الكسكسي يطبخ علي البخار  .

·          نملئ 3/4 الطنجرة بالماء ونتركها علي النار تغلي وثم نضع المصفاة فوقها ونضعها بوضع بحيث لا تخرج البخار من جوانب  .

·          نضع 1/4 مقدار الكسكسي في ارضية المصفاة ومن ثم التتبيلة التي وسبق ان عددناها .

·          وثم نضع بقية الكسكسي ونغطيه بشاشة رقيقة حتي يخرج نحافظ علي البخار بالداخل وتتنفس عن طريق الثقوب من الشاشة وهو قطعة القماش المخرم المخصص للجبن .

·          هلا بدنا نحضر اليخنة  : بنجيب البصل ونقطع شرائح هلالية والبطاطا مكعبات تكون سميكة شوية ونشوحهم بشوية زيت  .

·          وبنضيف عليهم الشوربة والحمص المسلوق و القرع والطماطم المقطعة ونضيف عليهم ملعقة صغيرة صلصة طماطم وملح وفلفل ونتركها 1/4 ساعة حتي تنضج .

·          والخطوة الاخيرة هي طريقة التقديم  : نضع الكسكسي في وعاء بعد ما يكون استوي وملاحظة تقدري تعرفي انه الكسكسي استوي عن طريق البصلة اللي جواه يعني دخلي الملعقة جواه وشوفي لو البصلة استوت يبقي خلاص لازم تنزيله عن النار وتحطه مع ملعقتين كبار زبدة او سمنة ليعطي طعم لزيز ونكهة لزيزة .

·          وقدميه في صينية ورشي اليخنة عليه وزيينه بشرائح الليمون والنعناع واللحمة وبالهنا والشفا  .   

 



1 كيلو كسكسي جاهز حب يكون متوسط
3 كوب ماء
3 ملاعق كبيرة زيت عباد الشمس او زيت نباتي


للتتبيلة:

5 بصلات
5 ملاعق كبيرة زيت عباد الشمس
3 ملاعق كبيرة كمون حب
ملح وفلفل اسود

لليخنة:

2 حبة بطاطا
2 حبة طماطم
2 بصلة
300 جرام حمص مسلوق
قرع اصفر حسب الرغبة الكمية
توابل (ملح وفلفل اسود وبهارات)
كمية من شوربة اللحمة اللي سبق اعددناها

للشوربة:

اي لحم بتحبيه بس اطيب لحم مع الكسكسي هو لحم الحبش او الديك الرومي طبعا الكمية حسب عدد الاشخاص
2 حبة بصل كبيرة
ملح وفلفل اسود وتوابل





• نقوم بسلق اللحمة وحتي تغلي نرفع رغوة وزفرة اللحمة ونبشر البصلتين ونضيفهم للحمة ونخليها لمدة 1/3 ساعة تغلي ونضيف الملح والتوابل ليها ونترك اللحم حتي ينضج .

• هلا بدنا نعد تتبيلة الكسكسي بنجيب البصلات وبنفرمهم الي قطع صغيرة جدا جدا ونرش الملح والزيت والفلفل اسود والكمون الحب عليهم وبالهاون ندعك كويس .

• نضع 3 اكواب ماء دافئ علي الكسكسي والزيت ونتركه في وعاء لمدة 1/3 ساعة حتي تنفش الحبة .
نحضر طنجرة الكسكسي وبديل ليها تستخدمي طنجرة عادية ويكون عندك مصفاة بنفس حجم الطنجرة من فوق علشان لا يخرج هواء اثناء الطهي .

• الفكرة من طنجرة الكسكسي هي انه الكسكسي يطبخ علي البخار .

• نملئ 3/4 الطنجرة بالماء ونتركها علي النار تغلي وثم نضع المصفاة فوقها ونضعها بوضع بحيث لا تخرج البخار من جوانب .

• نضع 1/4 مقدار الكسكسي في ارضية المصفاة ومن ثم التتبيلة التي وسبق ان عددناها .

• وثم نضع بقية الكسكسي ونغطيه بشاشة رقيقة حتي يخرج نحافظ علي البخار بالداخل وتتنفس عن طريق الثقوب من الشاشة وهو قطعة القماش المخرم المخصص للجبن .

• هلا بدنا نحضر اليخنة : بنجيب البصل ونقطع شرائح هلالية والبطاطا مكعبات تكون سميكة شوية ونشوحهم بشوية زيت .

• وبنضيف عليهم الشوربة والحمص المسلوق و القرع والطماطم المقطعة ونضيف عليهم ملعقة صغيرة صلصة طماطم وملح وفلفل ونتركها 1/4 ساعة حتي تنضج .

• والخطوة الاخيرة هي طريقة التقديم : نضع الكسكسي في وعاء بعد ما يكون استوي وملاحظة تقدري تعرفي انه الكسكسي استوي عن طريق البصلة اللي جواه يعني دخلي الملعقة جواه وشوفي لو البصلة استوت يبقي خلاص لازم تنزيله عن النار وتحطه مع ملعقتين كبار زبدة او سمنة ليعطي طعم لزيز ونكهة لزيزة .

• وقدميه في صينية ورشي اليخنة عليه وزيينه بشرائح الليمون والنعناع واللحمة وبالهنا والشفا .


  • وصفات تانية ممكن تعجبك


التعليقات

  1. haya 13 June 2009

    صباح الخير اخت جوجو يسلموا ايديك على المفتول شكلك فلسطينية صح ولا اناغلطانة :) على كل يسلموا هالايدين على الوصفة وان شاءالله راح جربها على طريقتك لأنه الطريقة اللي تعلمتها بيحطوا الدجاج وبيسلقوه وعلى بخارة بيحطوا المصفاية وبداخلها المفتول وبيغطوها لحتى يستوي المفتول والدجاج وانت بتحطي اللي بدك اياه معه اما قرع او كوسا على حسب كل واحد شو بيحب وبعدين بيعملوا صلصة البندورة معه وحمص مثل ما ذكرت :zzz مرة ثانية اختي شكرا الك

  2. منى 13 June 2009

    صباح الخير جوجو :)
    متل ما قالت هيا اكيد انت فلسطينية و انا كتير مبسوطة لتواجدك بينا و لهل الوفات الي عم تعرفينا عنها من المطبخ الفلسطيني :)

    هادا المفتول حيرني , شي بحسه انه الكسكسي المغربي و شي بفكره متل المغربية بس على اصغر . يا ترى شو هو ؟

    طريقتك كتير شكلها بيشهي , الف شكر الك عليها جوجو و سلم دياتك يا حق ;)

  3. JoJo 17 June 2009

    اهلين فيكي هيا منورة يا حياتي ومشكورة لوصفتك الجميلة انا عن نفسي ولا مرة جربتها بس شوفتها مرة وسمعت فيها كثير حتي ورقة العنب ما بيلفوها حولين اللحمة ولكن بيتركوو شكلها مثل المخدة هيك :)

    تسلمي كثير حبيبتي منى هو هاد طريقة المفتول المعتاد عنا في غزة ما باعرف كيف بقيت المناطق بيعملوه وهو اصلا الوصفة الحقيقة طبعا بيجبوو دقيق وببفتلوه مع مية وزيت بس انا لاني عايشة برة وما باحب العجقة في البيت باشتري الكسكسي جاهز بس باطبق طريقة الطبخ يللي بتعملها ماما يعني طريقة الطبخ هي نفسها بس ما بافتله علي ايدي.
    هو بالطعم طيب كثير وكمان لو كنتي عاملة كمية كبيرة لمعازيم وسكبتيه في صينية كبيرة بيكون شكله روعة بس انا باعمل كمية صغيرة لانه احنا من غير شر اتنين فقط.. :)

  4. منى 17 June 2009

    هلا هيا :)
    اتشرفنا و الله و لو تعرفي لما قرات القدس الشريف و الله اشعر بدني , ربي يكتب النا صلاة فيه و هو محرر :sigh

    كتير وصفة شكلها مميز , الف شكر الك عليها

    هلا جوجو :)
    يا ستي و الله نور الموقع باحلى و اغلى غزاوية .
    ربي يخليك الماما و كل اهلك و يكونوا بصحة و سلام .

    ان شاء الله بس ما اتوفقت بهل الكسكسي رح جربها , و لو سمحتي رح غير عنوان الوصفة و اكمتب جنبه على الطريقة الغزاوية , شو رايك ؟

  5. haya 18 June 2009

    هلا منى نحن اللي تشرفنا فيك اكثر والله يستجيب لدعوتك يارب ويكتب لنا صلاة في القدس الشريف يارب مع اني من القدس لكن مابعرفها اخر زيارة الى كانت سنة 1985 ومن بعدها ما بعرفها لأني طول عمري عايشة متغربة بدول الخليج وهلأ اخر محطة وصلت لها الامارات

  6. haya 20 June 2009

    مرحبا منى كيفك على فكرة انا كمان فلسطينية ومن القدس

  7. منى 20 June 2009

    ااااه يا هيا :sigh ربي يرجعك سالمة و تعيشي فيها و تكبري اولادك فيها و تشوفي احفادك و تحكيلهم يا اولادي من زمان اجوا اليهود على فلسطين و كان بدهم يسرقوها :cry

  8. JoJo 23 June 2009

    اهلين فيكن يا بنات
    ان شاء الله ربنا يجمعنا اجمعين في القدس ونصلي صلاة جماعة مع بعض فيها وتكون محررة من الصهاينة امين يارب العالمين

    اي منى اكتبي يللي تحبيه عادي لانه مابعرف كيف اهل الضفة بيعلموه وهاد الطريقة المعتادة عنا في غزة مع العلم كل اهل غزة بيفتلوه علي ايديهم بس احنا الجيل الجديد كسولين شوية بنحب كل شي جاهز ههههه :zzz

  9. semo 4 July 2009

    يسلمو ايديكي عالمفتول الشهي
    بس انا كان عندي جارة بتعملو ببرغل وبتفركو بطحين وما بتستخدم الكسكسي
    بس يمكن بهي الطريقة اسهل
    ويارب تتحرر فلسطين ويرزقنا بالمسجد الاقصى صلاة قبل الممات

  10. نور الأسلام 4 July 2009

    السلام عليكم :) يسلم دياتك اختي والله يعطيك الف عافيه ويارب تشفي جراح فلسطين ويتدحرو اليهود وترجع اولى القبلتين ونصلي فيها يارب جميعا واكيد بعد الليل والعتمه لابد من فجر منبر اسفه ذا كنت كترت حكي لكن في القلب لوعه :sigh تحيه لكل اهل غزه وكل فلسطين

  11. ام نور 4 July 2009

    مشكورة اخت جوجو عالوصفة الحلوة الصراحة اكلتا مرة عند اخت اردنية كمان هني بيعملوا وكانت عاملتو بالدجاج حسيتو بيشبه الكوسكوس المغربي ابن عمو بارك الله فيكي

  12. سارونات 5 July 2009

    السلام عليكم و رحمة الله و بركاته

    يسلم دياتك جوجو و كمان شو هالصور صايرة فنانة و نحن اخر من يعلم :grin

    ربنا يوفقك و يسهل دربك

    سلام

  13. kuwaiti_girl 5 July 2009

    تسلم ايدك مبين عليها طيبه :>

    والشرح وافي وكاي ساجرب اطبقها ان شاء الله :>

    لاني جربته مره على يد جارتنا قديما بس الحبوب كانت اكبر شوي من الكسكسي واصغر من المغربيه وما كانت متوفره هنا

  14. JoJo 6 July 2009

    هلا حبيبتي سيموو نورتي ان شاء الله بتطبقي طريقتي . :)

  15. JoJo 6 July 2009

    اهلين فيكي اختي نور الاسلام وتسلمي يا عسل علي الدعوة الحلوة :)

  16. JoJo 6 July 2009

    هلا فيكي اختي ام نور هو بالشكل النهائي ممكن يكون بشبه للكسكس المغربي بس الفرق انه احنا بنعمل له تتبيلة البصل ومنحطها في قلبه لما تستوي والكسكس المغربي بيحطوو عليه خضار كثيرة مثل الكوسا والبيتجان وهيك شغلات واحنا بس منحط اليخنة بالقرع بصل مع طماطم مع حمص مع قرع
    تحياتي لكِ. :)

  17. JoJo 6 July 2009

    وعليكم السلام ورحمة الله وبركاته
    هلا فيكي اختي سارونات وتسلمي علي الدعوة الحلوة. :)

  18. JoJo 6 July 2009

    اهلين فيكي اختي كويتية
    بالنسبة لحبة ونوع الكسكسي بيلعب دور فختاري نوعه يكون جودته عالية وحبته تكون متوسطة لا ناعمة عالاخر ولا كبيرة عالاخر.
    تحياتي لكِ :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)