المقلى بالفول مع السلق


         وصفة : منى                 2009/01/05                 23 تعليقات
المقلى بالفول مع السلق




تقريباً كيلو فول أخضر
كيلو سلق
3/4 كاسة زيت بلدي
ملح
ثوم
كزبرة مفرومة





• نضع الزيت والفول فوراً قبل أن يحمى الزيت و نقلب الزيت حتى ينضج تقريباً .

• نكون فرمنا السلق (الأعواد والأوراق قطع صغيرة) , نضع السلق فوق الفول ونضع الملح (يجب عدم وضع الملح فوق الفول فوراً أو قبل النضح حتى ما يحمر الفول ويضل أخضر بلونه)

• أخيراً نضع الكزبرة و الثوم و تقدم مع الخبز العربي .
  • وصفات تانية ممكن تعجبك


التعليقات

  1. منى 5 January 2009

    ممم , طعمتها على طرف لساني , اكيد طيبة كتير

    اليوم عندي سلق رح شيل شوي منه لحتى جرب هل الوصفة بكرة ان شاء الله :)

  2. منى 23 January 2009

    جربتها و كانت طيبة كتير و مع الليمون الحامض بتفرط الريق :)
    سلم دياتك دمدومة

  3. غيث 24 January 2009

    والله هيئتها طيبة الله يسلم ايديك يا رب رح اجربها قريبا لاني حابة اعمل اكلة بالفول الاخضر شكرا لك اختي

  4. muna.g.7 27 January 2009

    تسلم ايدك طبخه شهيه ولذيذه والاهم سريعه وسهله

  5. ميساء 29 January 2009

    مرحبا ست منى والله كتير فرحت بعودة الموقع لأن مر يومين كان عم يطلع بداله شي تاني انشاء الله ماننحرم منك ولا من هالموقع الغالي على قلبي هو و صاحبتوو تسلم ايدك أختي دمشقية على هالأكلة جربتها وطلعت طيبة كتير كتير بس بقدر أعرف اذا كان لازم نقشر الفول متل مو ظاهر بالصورة ولا الفول اللي عندك بيجوز قشرتو قاسية وفي كمان أكلة بالفول منعملها بالشام قريبة جدا لهالوصفة اسمها فولية نفس الطريقة بس منقلي الفول أول بالسمنة بعدين نكون سالقين لحمة غنم شقف نضعها مع المرقة فوق الفول ونتركها تغلي على نار هادية وقريب ماتستوي نضع السلق المفروم والتوم عالبارد ونتركها تتسبك شوي ويقدم الى جانبها رز بشعيرية يمي شو طيبة :zzz

  6. mayada 30 January 2009

    مرحبا يااحلا حلبية واحلا طباخة في العالم
    بل فعل بتزكرينا باكلات البلد تسلم ايديكي ياعزيزتي اذا تكرمتي علي بدي منك طريقة القيمق فهمتي علي او القشطة يلي متل مستت وشكرا باي ميادة باكير

  7. منى 31 January 2009

    هلا ميوسة :)
    الله يخليلي ياكي و ربي يديم المحبة و المعروف دايما .

    الصراحة ما بعرف شو اصولها لهل الاكلة و هلا بعد سؤالك انتبهت ان ما في فول مقشر في الوصفة :roll ان شاء الله تشوف دمدومة الوصفة و تجاوب عن اسئلتنا

    هي الفولية الي ذكرتيها كتيررر طيبة , و تغير عن الفولية الي نعملها بحلب :zzz ان شاء الله وقت الفول ببقى بنزلهم هنن التنتين ;)

  8. منى 31 January 2009

    هلا ميادة :)
    الله يسلمك اختي و يحفظك بحفظه يا حق , القيمق طريقته ما بعرفه تمام , بس ممكن القشطة الي بتتحضر بالبيت , مو متل القيمق اكيد بس بتسد للكنافة و القطايف و غيره و هي [URL=http://www.l2ma.com/content/view/218/2/]وصفتها[/URL]

  9. الدمشقية 2 February 2009

    حبيبتي منى ألف صحة وهنا على قلبك وقلب عيلتك يا رب
    فرحت كتير إنها عجبتك
    حبيبتي بالنسبة للفول والله نحن بنعمله من دون تقشير يمكن لأن بيكون طري والقشرة طرية يعني ما بتأثر بالأكل أبداً. ;)

  10. الدمشقية 2 February 2009

    أختي غيث إن شاء الله بتجربيها وبتعجبك بغذن الله :)

  11. الدمشقية 2 February 2009

    أختي muna فرحت إنها عجبتك وإن شاء الله بتعجبك طعمتها ;)

  12. الدمشقية 2 February 2009

    أما حبيبتي منى عن الفولية فبعرفها بس ما بنطبخها بالبيت لأننا كلنا ما منحبها :grin

  13. منى 2 February 2009

    :grin هن بينادوا يا حيف على حق اللحمة يا فول مع ان انا كتيررر بحبها

    معناها غلطت بالتطبيق , ان شاء الله بوقت الفول برجع بسويها و تكون على اصولها ;)

  14. الدمشقية 12 February 2009

    حبيببتي منى لا غلطي ولا شي
    يعني إذا انت بتحبي الفول مقشر فمافي مشكلة
    أما لما بيكون الفول أخضر فمناخد قرون الفول لصغار وبتكون قشرتهون الخضرة طرية منفرمهن بقشرتهن الخضرا ومنطبخهون بالزيت والثوم والكزبرا طبعاً يعني مقلا بفول بس بلا سلق
    وألف صحة وهنا على قلبك وعلى قلوب الكل حبيبتي

  15. منى 12 February 2009

    خليلي عينك دمدومة , ان شاء الله رح اعملها أكيد :zzz سلم دياتك حبيبتي

  16. ام عمر 24 March 2009

    اختي منى تسلم ايدك يا رب
    ممكن تعكيني طريقة سلطة السلق الله يكرمك يا رب
    عندي سلق وحابة جرب هالسلطة كتير قالوا لي عنها انها طيبة وقالولي ياها بس نسيتها :grin بس رجعت لهون ههههههههههههههههه
    مستنيتك

  17. منى 26 March 2009

    هلا ام عمر :)
    بالسلق ممكن تعملي سلطتين , اما باللبن أو الطحينة , المهم بتسلق السلق و بتخليه ليضفى منيح . بعدها بتبليه اما بلبن مع توم و نعناع و ملعقة طحينة أو بطحينة و ليمون و ثوم و كمان نعناع , و ممكن تبليها بس بالليمون و فليلفة حمراء و زيت و نعناع :zzz يا ترى ايا سلطة انت بتقصديها

  18. ام عمر 26 March 2009

    التنتين طيبات ان شاء الله رح جربهن
    تسلم ايدك يا حق

  19. منى 26 March 2009

    ان شاء الله تجربيهم و يعجبوكي و الف هنا و عافية مقدما ;)

  20. ام عمر 12 April 2009

    اخت منى بدي اسالك ليش الفول بيحمر معي بالطبخ قصدي الفول مقلى :(

  21. منى 16 April 2009

    هلا ام عمر :)
    متل ما ذكرت دمشقية , اضافة الملخح باول الطبخ هو الي رح يغير لون الفول ;) , لا تزعلي مني و الله مشغولة كتير و ما بقيت فاضية متل الأول و حاسة حالي مقصرة كومايات

  22. ام عمر 18 April 2009

    انت لا تاخذيني بصلتي دائما محروقةةةةةةة
    بس كنت بدي اطبخو وقال زةجي لو طلع احمر ما رح اكلو :cry
    منشان هيك طوشت رايك باسئلتي :upset
    المهم تسلم ايدك يا رب والله يبارك لك بوقتك وتفضيلنا متل اول :zzz :)

  23. منى 18 April 2009

    خليلي عينك يا ام عمر , الله يسلمي ياكي على هل الدعوات الغالية و ان شاء الله بيطلع لون الفولات على زووء الباشا :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)