باتون ساليه ( أصابع الكمون )


         وصفة : منى                 2009/08/20                 47 تعليقات

آخر تصويت


آخر تعليق

باتون ساليه ( أصابع الكمون )



2 كوب دقيق
نصف كوب سمنة بحرارة الغرفة
نصف ملعقة صغيرة ملح
3 ملقعة صغيرة كمون مطحون
2 ملعقة صغيرة خميرة فورية ( حبيبات )
أقل بقليل من ثلثين كوب ماء دافئ
ملعقة كبيرة كمون حب





• نضع الدقيق مع الملح والكمون ونقلب المواد جيدا .

• نضع السمنة ونفرك الخليط باليد حتي يصبح كأنه مفتت .

• نذوب الخميرة في الماء ونضعها على الخليط ونعجن جيدا للحصول على عجينة طرية متماسكة لا تلتصق باليد أو الوعاء وسهلة التشكيل .

• تغطى العجينة وتترك حوالي ساعة لتخمر أو حسب حالة الجو .

• نأخذ مقدار من العجينة ونبرمها على الطاولة باليد على شكل أصابع طويلة .

• تقسم الأصابع بالسكين أو المقص على هيئة أصابع طويلة أو قصيرة حسب الرغبة .

• ترص الأصابع في صينية الخبز ويمسح وجهها بالقليل القليل من الماء بحيث لا يصل الماء إلى القاعدة فيصعب إزالة الأصابع من الصينية .

• يرش على كل حبة قليل من الملح والكمون المطحون والحب أيضا .

• تخبز في فرن محمي مسبقا حوالي 160 درجة من تحت أولا ثم من فوق مدة 10 إلى 15 دقيقة أو حسب فرنك بحيث يكون لونها فاتح جدا .

• تترك مكشوفة لتبرد تماما ثم تحفظ في علبة محكمة الإغلاق لحين التقديم .


إضافات :

• ممكن رش وجه الأصابع بحبة البركة أو حبوب الشمار .

• يمكن استخدام الزيت النباتي أو الزبدة بدل السمنة وتكون بحرارة الغرفة .

• عمل الأصابع الطويلة يوفر عليك الوقت والجهد أكثر من الأصابع القصيرة .

• يجب الإنتباه عند برم الأصابع أن لاتكون رقيقة بل متوسطة حتى لاتحترق .

• لا داعي لدهن صواني الخبز لأن كمية السمنة داخل العجينة كافية لتعطيها عازل من الخارج .

• يجب تحميص حبوب الكمون قليلا دون أن تتحمر قبل طحنها لتظهر نكتهتها بشكل أكبر .

• يمكن التقليل من كمية الملح أكثر سواء داخل العجينة أو على الوجه لمن لايرغب به .
  • وصفات تانية ممكن تعجبك


التعليقات

  1. gsm 20 August 2009

    يسلموا إيديك يا رب والله شكل الوصفة سهلة وبتشهي بس كان بدي اسأل على شغلة انا بصراحة مو متوفر عندي الكمون الحب بس الكمون الناعم بيمشي الحال لأنو بصراحة بجيبه من سوريا وهون ما بلاقي هي التوابل بسهولة وسؤال تاني
    هلق انا عندي خميرة حبيبات فورية ما في حاجة اذوبها بالماء بيمشي الحال ولا شو لازم اذوبها بالماء الساخن ؟
    شكرا كتيير غلبتك معي

  2. منى 20 August 2009

    يم يمم يمم لارا :)
    وصفة هيك شكلها بيشهي من وصفك و التفاصيل الي ذاكرتيها و الصور شكلها شغل احترااف , مممم

    و لو ما الي هلكانة اليوم كنت جربتها فوراً لان انا هل النوع بحبه كتير و بعرف ان المصاروة شاطريين فيه كتير :zzz بقى سلم ديات ثناء لان عطتك الوصفة و سلم دياتك لانك شاركتينا اياها, لا شكرا كتيرر كبيرة .

    لارا عندي سؤال , يا ترى يالسمنة بتطلع طعمتها متل الزيت و الا في فرق , انا حابة جربها بالزيت بس اذا بالسمنة اطيب فرح اطبقها متلك ;)

  3. آرام 21 August 2009

    يسلموا إيديك أخت لارا .. الوصفة مغرية وخصوصاً الكمون الي فيها .. أنا أستهلك الكمون بكميات كبيرة ومع الكثير من الأطباق .. ومؤخراً صرت أستعمله كدواء لحرقة المعدة بناءً على نصيحة من الأخت الكريمة منى.
    إن شاء الله سأطبق الوصفة قريباً ولو أني لسه خايف من موضوع المعجنات .. ادعي لي ما يصير معي أفلام كرتون متل تجاربي الفاشلة مع الكنافة .. وأكيد بخبرك بس جربتها.
    والشكر موصول دائماً للأخت منى .. وبانتظار تنزيل الصور.
    تحياتي للجميع .. وكل عام وأنتم بألف خير.

  4. لارا مينا 21 August 2009

    أهلين أخت gsm
    عادي مش ضروري الكمون الحب لأن أكثر من مرة عملتها من دونه مع إني أفضل طحن الكمون كل فترة وفترة لأن إذا كان مطحون من مدة طويلة بيفقد نكهته ورائحته النفاثة.
    وبالنسبة للخميرة الفورية مافهمت ليش ماتقدرين تذوبينها بالماء الدافئ ؟ بس عادي لأن مرة عجنتها بدون ماأذوبها وطلعت كويسة .
    ويارب تعجبك وأحب أطمنك إن العجينة متسامحة مع الجميع :grin وكيف ماعملتيها بتزبط إن شاء الله .

  5. لارا مينا 21 August 2009

    أهلا وسهلا أخت منى
    وما بيدنا إلا نجدد الشكر لك على مجهودك الطيب كل فترة وفترة ونعمله إعادة :grin
    والله يا ست الكل أنا مجربتها بالزيت و الزبدة والسمنة وكله طيب لأن ثناء لما أعطتني الوصفة
    قالتلي اعملي حسب المتوفر عندك والفرق بالطعم بسيط كثير ويمكن ماتحسي فيه
    وإن شاء الله تعمليها وتعجبك وأسمع أخبارك
    عما قريب وصور تطبيقك كمان .
    وعلى فكرة ريحة البيت كله مش المطبخ بس رح تكون معباه بريحة الكمون .
    وتسلمين يارب وكل أحبابك .

  6. حنان 22 August 2009

    السلام عليكم كل عام وانتم بخير يامنى وكل الاخوات في المنتدي وينعاد علينا وعليكم وانىشائ

  7. منى 22 August 2009

    هلا حنونة :)
    و عليك و على كل احبابك و الغوالي عليك يا حق ;)

  8. لارا مينا 22 August 2009

    أهلا بالأخ أرام والشهر عليك مبارك وجميع الأعضاء , وسلامتك أخي من القرحة وما تشوف شر إن شاء الله والعجينة على ضمانتي إعملها وإنت مغمض لأن أحيانا كنت أزود شوي أو أنقص شوي بالمقادير من كثر السرعة ومع ذلك تطلع تمام أهم شيء الماء دافئ مش ساخن والخميرة ماتكون صلاحيتها منتهية وبس , وبانتظار تجربتك وإن شاء الله تعجبك .

  9. لارا مينا 22 August 2009

    أهلا باالأخت حنان وشهر كريم عليكي و على كل الي بيعز عليكي يارب .

  10. semo 24 August 2009

    مممممممممممممممممممممممممم

    لازم جربها عالسريع

    هي الموالح كتير بتستهويني

    يسلمو هالايدين رح جرب وقلك عالنتائج

    كل عام وانت بخير ورمضان مبارك

  11. لارا مينا 24 August 2009

    أهلا بالأخت سيمو والشهر عليك مبارك وأنا كمان منتظرة النتائج عالسريع وهنا وصحة سلف.

  12. ام نور 26 August 2009

    سلم دياتك رح جربا باسرع وقت لان كتير بحب هالانواع وخصوصي اولادي بشتريلون ياه جاهز عاسمسم وعاعشاب

  13. لارا مينا 26 August 2009

    ويسلم إيديكي أم نور.. مزبوط كلامك في المخبز إلي جنبنابيحطوا عليه سمسم وأشياء ثانية .. وصحة وهنا على قلبك و قلب أولادك .

  14. souha 27 August 2009

    السلام عليكم
    كل عام و أنت بخير لارا مباركة طاعتك
    يسلم دياتك أول ما قريت الأسم و لسا ما شفت الصورة خطر ببالي أنو الوصفة فرنسي أن بحب الوصفات الفرنسية الله يعطيك العافية و تسلم الديات :)

  15. لارا مينا 27 August 2009

    وإنت بخير أخت سهى,, ويسلم يديكي يارب على كل الوصفات إلي قدمتيها… وجربيها رح تنبسطي فيها كثير بالعافية إن شاء الله :)

  16. soma 4 September 2009

    يسلم دياتك على هالأكلة الطيبة دائما بدوقها جاهزة و بتمنى اعملها بالبيت انشالله رح جربها

  17. لارا مينا 6 September 2009

    الله يسلمك أخت سوما.. مزبوط أغلب المحلات والمخابز تبيعهابس أنصحك تجربيها لأن بتشوفي فررررررررررق كبير بينهم وبانتظار تجربتك أكيد .
    تحياتي ;)

  18. laraye 8 September 2009

    مرحبا لارا
    انا كمان اسمي لارا

    بسلموا ايديكي انا كتير بحبن
    رح اجربا انشالله هاليومين
    ;)

    منى ما بيصير اصوت لاكتر من وصفة؟؟؟

  19. رنا 10 September 2009

    يسلم ايديكي يالارا …ساويتها وطلعت رائعة كتير كتير وبالفعل كل الي داقها اخد الوصفة ;)

  20. منى 11 September 2009

    هلا لارا :)

    لا اختي ما بيصير , كل واحد اله صوت بس , و بعرف ان القصة صعبة بس هيك لحتى الكل ياخد فرص متل بعضه :)

    هنا و عوافي رنونة , ريتو الف صحة و عافية

  21. لارا مينا 12 September 2009

    أهلين لارا ;) وعاشت الأسامي وخصوووووووصا اسم لارا .. جربيها رح تنبسطي فيها كثير وبانتظار رأيك أكيد, تحياتي .

  22. لارا مينا 12 September 2009

    ألف صحة وهنا رنا وعلى قلب كل واحد ذاقها .. انبسطت كثير إنها عجبتك ورسميا تعتبرين أول وحدة عملتها وعقبال البقية , تحياتي .

  23. آرام 12 September 2009

    مرحبا أخت لارا
    جربت الوصفة وكانت ممتازة .. فكرة تحميص الكمون قبل طحنه كانت رائعة فعلاً .. والوصفة صارت معتمدة عندي دائماً.
    الملاحظة الوحيدة أني واجهت صعوبة كبيرة بتشكيل العجينة .. والأصابع طلع شكلها كاريكاتوري .. ما في وحدة بتشبه الثانية .. بس الطعمة ولا ألذ من هيك ..
    كل ما جربت وصفة من الموقع أفرح عليها .. بس فرحتي هالمرة مضاعفة لأنها أول مرة بحياتي أعمل عجينة .. وزال عندي حاجز الخوف من المعجنات .. حتى أني بعدها مباشرة عملت سمبوسك وهي الوصفة اللي متحمس إلها من زمان .. وكمان طلعت روعة.
    كل ما جربت وصفة من الموقع أفرح عليها .. بس فرحتي هالمرة مضاعفة لأنها أول مرة بحياتي أعمل عجينة .. وزال عندي حاجز الخوف من المعجنات .. حتى أني بعدها مباشرة عملت سمبوسك وهي الوصفة اللي متحمس إلها من زمان .. وكمان طلعت روعة.
    يسلموا إيديك أختي وألف شكر إلك .. وللأخت منى طبعاً.

  24. لارا مينا 12 September 2009

    ألف صحة وهناأخي ..فرحت كثير لأن زبطت الوصفة معك , والشكل مش مشكلة المرة الجاية بتكون أفضل أكيد أهم شيء لما تبرمها تستخدم أطراف أصابع اليدين كلها مع بعض مثل لما تستخدمهاعلى لوحة المفاتيح للكمبيوتر ومايكون البرم لفترة طويلة, وفرحت لفرحك لأنها اول عجينة تزبط معك ودايما مشوار الألف ميل يبدأ بخطوة والحمد لله يلي انفكت العقدة على وجه الباتون ساليه :grin
    وانا أذكر أول عجينة عملتها كانت عجينة البيتزا ونفشت نفشة مثل جاتوه الفورييه نوار تبع سهى وماعاد بين فيها طعم أي شيء من المكونات إلي على وجهها والزيتون الأسود حطيته عليها كامل مع البذر ماكنت عارفة إنهم يشيلوه :eek
    ودايما في حياة الإنسان لازم يكون فيه أول مرة .

  25. رنا 12 September 2009

    الف مبروك اخ ارام على نجاح الوصفة…بس استغربت ليش طلعوا معك اشكالهن غريبة …مع انها كتير كتير سهلة التشكيل …تذكرت ايام الروضة وقت كنا نلعب بالمعجون …كتير سلسة ومريحة بالشغل مابتعذب …انا طلعوا معي اشكالهن مااشبن شي بس سمان شوي مالي خبر بينفشوا لانه بس بعدين بتاني صينية رفعتهن وزبطوا كتير

  26. آرام 19 September 2009

    مرحبا أخت لارا
    جربت الوصفة كمان مرة وطلعت أفضل من المرة السابقة .. عملت الأصابع أقصر وأنحف فكان تشكيلهم أسهل بس أخذ وقت أطول .. وطلع شكلهم مقبول نسبياً .. بعض القطع رشيت عليها حبة البركة وكمان طلعت طيبة كتير .. يسلموا إيديك أختي.
    أخت رنا شكراً على الاهتمام .. لا تستغربي أختي .. يمكن الموضوع بالنسبة إلكن سهل .. بس بالنسبة إلي فيه صعوبة كبيرة بأي شيء يحتاج إلى مهارة يدوية .. حتى بمعجون لعب الأطفال كنت فاشل .. يعني بدل السمكة يطلع معي فيل وبدل العصفور يطلع ديناصور وهكذا :)

  27. منى 19 September 2009

    الحمد لله انها زبطت معك احسن هل المرة , و ان شاء الله مرة عن مرة بتصير متل ما بدك و احسن

  28. لارا مينا 19 September 2009

    إن شاء الله كل مرة بتكون أحسن من إلي قبلها
    وهذا إلي يسمونه الخبرة وهي تجي من التكرار والأخطاء طبعا..
    وحبة البركة جدا ممتازة وخصوصا فوايدها العظيمة عدا الشكل المميز ..
    ألف عافية .

  29. dado 22 September 2009

    كل عام وإنتي بخير لارا
    هي الوصفة هي آخر ما حرر من تجاربي مع المنيو الرمضاني.. حضرتها مبارح الضهر.. وما عاد اصبر حتى تطلع من الفرن.. ريحتها بتاخد العقل.. حتى أبو الشباب كان نايم وقلي أثرتلي على أحلامي هالريحة.. بس بدي فيق وأعرف شو عم تخترعي :grin
    انا غلطت وجربت نص الكمية.. كان لازم أعمل الضعف. من أول ما طلعت بالفرن لهفت 3 أصابع قبل ما تبرد.. وبعدين حجزت مكان ثابت بالمطبخ.. تقريبا خلصتن (ضل بس 3) :sigh
    يسلموا إيديكي لارا.. وإذا عندك وصفات تانية من هالنمط ما تقطعينا :)

  30. لارا مينا 22 September 2009

    وإنتي بخير دادو :)
    وكل حبابيك وعيدكم مبارك يارب
    وألف صحة وهنا وعافية
    وفعلا فكرة المنيو الرمضاني رائعة جدا بتعطي خيارات للواحد وأنا عني جربت معظمها والباقي على الطريق بإذن الله .
    ومزبوط كلامك الأصابع شغلتها شغلة مستحيل أي واحد يتركها في حالها … وإذا بيجينا ضيوف أحتار أنا وأمي وين نخبيهاويمكن تضحكي علينا مرة خبيناها في دولاب الملابس وحطيناها في حافظة مكتومة علشان ماتطلع ريحتها ,, وإذا عندك أطفال رح يجنوا عليها ,,أخوي الصغير يقولي أبغاكي كل يوم تسوين لنا هاذي على باله ماعندي شيء فاضيييييييييييية على الآخر :grin
    وأبشري بالخير بإذن الله كل ماكان عندي وقت فراغ رح أبعث وصفات ثانية .تحياتي .

  31. لمياء 7 January 2010

    ما شاء الله شكل الباتون ساليه يفتح النفس
    تسلم الأيادى

  32. لمياء 7 January 2010

    تسلم الأيادى

  33. ام روكسانا 9 January 2010

    تسلم ايديك اختي على الوصفه الحلوه بس عندي سؤال .هل نخلي الاصابع تتخمر مره ثانيه بعد ما رشينا عليها الملح والكمون او ندخلها على طول بالفرن وبتنتفخ وهيه داخل الفرن؟وسؤال ثاني لان الصوره ما طلعت معي .اذا عملنا العجينه اصبع طويل بعدين نقطعه اصابع صغار؟
    يسلمووووووووو وجزاك الله خير

  34. farah 9 January 2010

    شكل هالوصفة ظريفة انشاء الله بدي جربها بس بدي اسالك عزيزتي منى اذا بتقدري تفيديني كيف استطيع اختبار الخميرة الفورية اذا كانت صالحة ام منتهية الصلاحية لأني بصراحة بحتفظ فيها بالبراد ومن يومين جربت فيها طريقة البوب كورن تشيكن بس حطيت سمك بدك الدجاج المشكلة اللي صارت انة بعد ما طلع من الزيت طري وصار متل طبقة العجة هو طلع كتير طيب بس مش مقرمش
    فيا ترى الخميرة السبب اليوم حطيت شوي بصحن وضفتلهم ماء ساخن فما عطت اي تفاعل شو رأيك يمكن منتهية؟؟؟
    آسفة لطول السؤال بس في كذا وصفة متعطلة على هالخميرة :?

  35. منى 10 January 2010

    بتحطيهم مع مية فاترة و سكر و بتغطي الكاسة و بتتركيهم شي ربع ساعة , اذا طلعت رغوة و ريحة خميرة معناها اوكيه اذا نو معناها خميرتك مو مزبوطة

  36. farah 12 January 2010

    شكرا حبيبتي لردك المفيد اول ما خلص شغل النت بدي قوم جربها

  37. farah 12 January 2010

    بعد التجربة يا دووووب طلع رغوة بالنصف بظن من اثر التحريك هلأ ريحتها خميرة :x
    بس يا ترى هيك بيكفي انها شغالة ؟؟؟ شو رأيك ارميهم مع ان عندي ظرفين كاملين منها :?

  38. Om Hamza 23 March 2010

    تسلم ايدك يا قمر شكلها تحفة
    كان نفسش أجربها بس للأسف مش بحب أعمل أي حاجة بالخميرة
    لو عندك مقادير تانية بالبيكنج بودر تكوني عملتي فيه خير
    اصلي بحب الحاجة السريعة اللي أخلصها على طول
    الولاد مش بيخلو عندي وقت كتير
    و جزاكي الله خيرا

  39. لارا مينا 2 April 2010

    وتسلم إيديكي كمان أخت لمياء شكرا لتعليقك .

    الأخت أم روكساناأنا بعملها وبدخلها الفرن لأن أنابعمل صينيتين فعبال ماأبرهم كلهم وأقطعهم وأرش عليهم ملح وكمون وبأخذلي دورة أو دورتين بالمطبخ بتكون خمرت للمرة الثانية خلص ومافيه حاجة إنك تنتظري عليها مرة ثانية وعلى فكرة الصينية إلا برمتها قبل هي يلي بدخلها أول وبتنتفخ مثل الصلاة على النبي _ والأصابع تكون طويلة وماتكون ثخينة ولا رفيعة وسط وبعدين قصيها مثل طول إصبع اليد أو حسب ذوقك
    وماتقطعيها صغار كثير ويارب تزبط معك .

    شكرا لإضافتك أخت فرح.

    الأخت أم حمزة ماأظن إنها رح تزبط بالبيكنغ باودر لأنها مش مثل الكيك وتعتبر شبيهه بالخبز ومن المعجنات ولازم خميرة فورية.
    وعلى فكرة إعجنيها واتركيها حتى لو كنتي مشغولة ومجرد ماتفضي إعمليها وخلي الأولاد يساعدونك لأن أنا لما اعمل كميةكبيرة للبيت بتنسد نفسي من كثر البرم فبنادي إخواني الثنين الصغار والله وكيلك بيبرموها في ثلث ساعة
    :grin :grin

  40. أمــ نــــدى 27 October 2010

    يعطيك العافيه أخت لارا
    الوصفه حلوه جدا وانا من عشاق الباتون ساليه
    وجربتها من قبل كده بطريقتك ووالله ما قعدت ساعتين وكان المقدار خلص بالهنا والشفا , كتير عجبهم .. :grin

    لكن لدي سؤال . وقت جربته طلعته من الفرن وهو فاتح متل اللون اللى عندك تمام
    كانت الاطراف مقرمشه وحلوه لكن من الداخل كان لايزال فيه بعض الطراوه مع العلم انه ما كان سميك بالعكس كان في سمك الجاهز تمام
    والجاهز يكون كله مقرمش فيا تري شو السبب
    اه كمان فيه صينيه نسيتها شوي بالفرن
    وخدت بس لون زياده ما انحرقت وطلعت اطيب طعمه فيهم كلهم ومتل الجاهز ومقرمشه جدا
    يعطيك العافيه وانا بحب وصفاتك كتيييييييييييير

  41. حمودي 3 January 2011

    انا جربت الاصابع وطلعت حلوه
    كثيرررررررر
    وما بعرف كيف اتشكرك لانك اعطيتيني وصفه احتارفيه عندنا باليمن يعملوا مثل هيك بس بالشماااااااار (بالمخابز) وهما محتكرين الوصفه عشان كذا رح اكون مميز وهذا بفضلك
    ………
    افكار:
    شو رايكم بالقرفه
    اصابع بالقرفه وكمان بعد ما نخرجها من الفرن نرش عليها سكر بودره مخلوط مع قرفه بودره
    او اصابع الشمار بنفس طريقه الاخت لارا
    او اصابع الزعتر
    اظن هذي اشياء حلوه يقدر الواحد يتفنن فيها
    …………..
    وشكر مره اخرى لك اختي لارا وللاخت منى ع الموقع المميز والرائع
    …………..
    مع خالص حبي واحتراااااااااااامي
    Ahmed

  42. منى 4 January 2011

    صحتين و الف الف هنا اخي احمد بكل لقمة و كمان شكرا كتير للافكار , بالفعل متل ما قلت ممكن الواحد يتفنن فيها , عنا بسوريا بيحطوا فلفل احمر و نوع بالسمسم و نوع بحبة البركة و اكيد اول نوع هو الكمون :)

  43. لارا مينا 11 February 2011

    مساء الخير أخت أم ندى
    ألف ألف صحة وهنا, مبسوطة كثير لأن عجبك

    بالنسبة للطراوة ممكن النار كانت عالية أو بعد مايطلع من الفرن خليه فترة وهو مكشوف بيرجع بيقرمش أكثر لأن أول ماطلعيه من الفرن لازم يكون طري وبعدها لا

    تحياتي :zzz

    أهلين أخ أحمد

    ألف صحة وهنا والحمد لله يلي انتهى الإحتكار على إيدي :grin

    الأفكار إلي قدمتها جدا ممتازة وإن شاء الله المرة الجاية بنعمل العجينة بالنصف مالح وحالي

    وكمان إضافات الأخت منى بالفلفل حلوة وجديدة

    ألف ألف شكر :zzz

  44. رغد غسان علاء الدين 17 February 2011

    ما شفت صور ولا هم يحزنون..مالي علاقة بدي صور :sigh

  45. منى 17 February 2011

    كيف , الصور واضحة و طالعة عندي رغود , شو القصة :roll

  46. رغد غسان علاء الدين 18 February 2011

    إي هللئ شفتهن..يمكن كان الغلط من عندي..يخليلي ياكي ميمو..رفيقتي اللي بتشبهني..

  47. منى 19 February 2011

    :zzz

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)