برغل بالسبانخ


         وصفة : منى                 2009/02/02                 23 تعليقات
برغل بالسبانخ


كوب برغل خشن
4 – 5 ملعقة كبيرة زيت زيتون
نصف باقة كبيرة سبانخ ( ما يقارب ربع كيلو بعد التنظيف )
حبة بصل متوسطة مفرومة خشناً
ملعقة صغيرة دبس فليلفة
ملعقة صغيرة فليلفة حمراء ناعمة
رشة بهار مشكل
رشة قرفة
نصف ملعقة صغيرة كمون
2 كوب ماء مغلي أو مرق





• ينظف السبانخ و تقطع العيدان و تحفظ جانباً لتحضير سلطة عيدان السبانخ , يفرم السبانخ ثم يغسل عدة مرات للتأكد من خلوه من الأوساخ و الأتربة .

• يقلى البصل بالزيت على نار متوسطة حتى يشقر قليلاً .

• يضاف البرغل و يقلب لبضع دقائق ثم تضاف البهارات و دبس الفليلفة و الماء المغلي و بعد أن يغلي مجدداً تهدى النار و يغطى الوعاء .

• عندما تظهر ثقوب على وجه البرغل يضاف السبانخ و يقلب بلطف ثم يغطى القدر مرة ثانية و يترك حتى يمتص البرغل كل الماء و تنتفخ حباته و تنضج .

• يبعد القدر عن النار و يترك ليتهدى لمدة عشر دقائق ثم يقدم مع اللبن و يمكن أن يزين وجهه بالبصل المقلي .
  • وصفات تانية ممكن تعجبك


التعليقات

  1. سمسمة 2 February 2009

    الله يسلم هالأيدين هالأكلة بتشبه برغل البندورة وانشاء الله بجربها عن قريب
    منى حبيبة قلبي عندي اقتراح وشوفي اذا بيناسبك شو رأيك نفتح موضوع بالأطباق المجربةمن لقمة طيبة وكل وحدة من الأخوات اذا جربت طبق تعطينا رأيها فيه وهيك بتكون الفائدةعامة والنشاط أكتر

  2. منى 2 February 2009

    هلا سمسومة :)
    بالفعل نفس مبدا البرغل بالبندورة بس الطعمة مختلفة ,, طيببة .

    فكرة حلوة كتير , ان شاء الله بكرة بتشوفيها على الصفحة الرئيسية ;)

  3. غيث 2 February 2009

    الله يسلم ايديك على هالاكلة وعلى سندويتشات السجق الطيبات كتير بتعرفي منى انا جدو الله يرحمه من زمان كان كتير بيحب هالاكلة برغل بالسبانخ وكانو يعملو له ياها بس من وفاته ما عاد حدا ساواها انا كنت صغيرة ما بتزكرشكلها وطعمتها بس بسمع بالبرغل بالسبانخ بقى طلعت هيك الاكلة وكمان انا محسبتها اكلة حلبية بحتة وقديمة معتقة بقى طلعت تركية الاصل شكرا لك منى ومنكم نستفيد 8)

  4. منى 2 February 2009

    هلا غيوثة :)
    حسب حكيك اتوقع ان الاكلة الي كان جدك يحبها , الله يرحمه و يرحم اموات المسلمين أجمعين , هي زريقة السطوح الي ذكرتها بالمقدمة , ما أتوقع ان هل الوصفة معروفة بحلب على الرغم من ان في كتيررر وصفات مشتركة بين مطبخنا و المطبخ التركي :zzz

    الف هنا و صحة و عوافي على سندويشات السجق ;)

  5. أم علي 3 February 2009

    مممممممممممممممممممممم والله شكلها لذيذ وطيب :zzz تسلم ايدك يا مبدعة ;)

  6. منى 4 February 2009

    هلا ام علي :)
    الله يخليك يا قمر و ان شاء الله تجربيها و تكون على زووءك ;)

  7. سلاف 4 February 2009

    على قد مابحب كل شيئ اخضر صايره عم اكرهه هالفتره بشكل مو طبيعي وبالذات السلق والسبانخ :sigh
    اول ماشفت الصوره غمضت عيني لا ارديا بعدين قلت لحالي مو معقول ماشوف الوصفه كل وصفاتك غير شكل 8) انا دقتها قبل بمره بالسلق طيبه كمان

    منى اذا ممكن فيه عندك عصيرات او كوكتيل يدخل فيها الحليب او شي عصير جديد ببل القلب لاني ماعم اقبل غير عصيرات بقترة الحمل بقى ياليت تنزلي بقسم العصير كم واحد جديد كلهن جربتهن اللي منزلتيهن وعم عيد الدور وعندي طلب بتعرفي شلون بيعملو عصير الكيوي اللي بالمطاعم ؟؟؟؟
    شكرا كتير غلبتك معي بس مالي غنى عنك حبيبة قلبي انتي :zzz

  8. منى 4 February 2009

    ووواخ الله يعينا من الحمل و الوحام الواحدة شو بيصير فيها , انا كنت بحملي اكره القهوة و الكولا و أأكل

    احم خليها سر و الا بلا

    يلا بلا كنت أكل رغوة الصابون :eek و كل ما كان الصابون غار من نوعية مفتخرة يعجبني اكتر , لكنمن قليل صرت من بيت الصابوني :grin

    تكرم عيونك , كم عصير جديد خصوصي الك و من بينهم ان شاء الله عصير الكيوي , بس كممان لونه اخضر , بقى شو بتغمضي عيونك و بتشربي 8)

  9. سلاف 4 February 2009

    والله ضحكتيني من قلبي من جوا لما قلتلي غمض عيوني واشرب العصير :grin
    انا كرهانه كل شيئ خضار اخضر يعني من السبانخ البقله والسلق وحتى الجرجير والكوسا مدري ليش
    بس معدتي شاذه بتكره الخضار بس
    بما ان الكيوي من الفواكه معلش تكون خضرا بشربه وانا مفتحه عيوني التنتين :zzz
    بتعرفي والله العظيم جاي عبالي عصير الكيوي كتير بس نسيانه بالاصل انه لونه اخضر
    ومنيح ماصرلك شيئ وانتي عم تاكلي رغوة صابون عم قول لحالي منى قلبها ابيض متل التلج وشو القصه ماكنت اعرف وماخطرلي شو السبب اتاري في بالحكايه صابون وغار ونوعيه ممتازه كمان (( عم امزح معك مو تزعلي وتبطلي تنزليلي العصير ))
    ياستي انا بابني الكبير توحمت عالصابون حب ريحته بس روح واجي وشمه وحط اللوح جنبي لما بدي نام بس ماخطرلي اكله ابدا ههههه
    منى بدي اسألك فيه بالسوبر ماركت عصير ليمون مع كيوي مخلوط عنجد طعمته بتجنن كمان بس انا حابه اعمله بالبيت لان فيه كتير مواد حافظه هيك مبين من المكونات اذا بتعرفي المقادير كمان بكون شكرا كتير :
    يالله ناطره العصير مو يطلع بعين البنت ومانشربه 8)

  10. Iman 5 February 2009

    منى وصفه بتجنن كالعاده احلى شي بهالوصفات انها سهله و بسيطه بدون تعقيد و الاهم انها مغذيه كتير

    عنجد منى من احب المواقع الى قلبي الله يعطيكي الصحه و ينولك اللي في بالك :)

  11. منى 6 February 2009

    هلا سلاف :)
    ان شاء الله مبسوطة على طول و دايما , و معك حق الحوامل بيصير معهم اشيا عجيبة

    قولتك صار البي ابيض من كتر الصابون الي اكلته :roll ما خطرتلي هل القصة الصراحة :grin

    ما عرفت هل العصير الي قلتي عليه , و ان شاء الله عصير الكيوي اول ما يخلص المنيو التركي و ما دام فاقس كيفك علىالحامض محضرتلك وصفة عصير من المنيو التركي على زووءك تمام ان شاء الله ;)

  12. Eman 26 February 2009

    يسلمو منى حياتي عالوصفة الحلوة .. جاي عبالي أعمل أكلات بدون لحمة.. وعندي سبانخ وما عرفت شو ممكن ينعمل وهلأ لقيت طريقة جديدة للسبانخ بدون لحمة .

    نسيت أقلك إني رجعت من اسبوعين من سوريا ..وخلصت تقديم موادي وطلعلي لهلأ 3 مواد نجحت فيهم ..وعقبى للتمام ..وكمان زوجي بيشكرك كتير على الموقع اللي ساعده بالطبخ بغيابي ;)

  13. منى 27 February 2009

    الف الف مبروك للنجاح و ان شاء الله عقبال البقية و شي يرفع الراس و كمان الحمد لله على السلامة

    اخبارك حلوة كتير اليوم :zzz

    ان شاء الله تجربيها و تعجبك و هنا و صحة و عوافي على قلبك و قلب احمد بكل لقمة يا رب :)

  14. Amar 19 October 2009

    قمت بإضافة جزرة مقطعة إلى قطع صغيرة على البصل، أما البهارات فأضفت ما يتوفر لدي مثل الكمون وبهارات الدجاج والغرام مسالا والبابريكا، وكانت الوصفة لذيذة حتى زوجي الذي لم تعجبه الفكرة أعلن أنه ليس جائعا ولكن ما أن تذوقها حتى أكل صحن كامل.

  15. حلــبيــة 13 November 2009

    و الله شكلا كتير طيبة رح جربها ان شاء الله

    وخاصة انا بعشق الطبخ التركي

    كتير طيب لانو اكلت منو كتير

    يسلم هالديات منى و هي اول مشاركة لالي يارب

    تقبليني

  16. نادين 15 April 2010

    مممممممممم انا كنت عمدور على اكله بالسبانخ والظاهر لاقيتها يسلم ايديكي

  17. منى 18 April 2010

    هلا قمر :)
    الف الف صحة و هنا على قلبك و قلب ابو الشباب , الحمد لله انها عجبتكم :zzz

    اضافات لذيذة و كله مع العافية طيب , الف شكر الك لاغناء الوصفة بردك و تعليقك

  18. baniqia 12 October 2011

    ميرسي تسلم اناملك

  19. منى 13 October 2011

    الله يسلمك :)

  20. Lost spoon 9 February 2012

    Salam Mona,
    I tried this dish last week and I ate it all by myself, it was GOOD, ysallem edeke ya rab

  21. منى 11 February 2012

    تعيشي و تحضري حبيبتي و الف الف هنا و صحة , متل حكايتي , هي كمية لشخص واحد :zzz

    • bent el deera 27 December 2018

      السلام عليكم منمونه
      وااااايد فرحت لما شفت بوستات جديده بالموقع
      كنت حابه اتاكد من مقادير هالوصفه ودخلت الموقع وفرحت يا رب نشوف دائما وصفات متجدده منك يا رب ولا تنعاد الغيبه

      بالنسبه للوصفه كعاده كل الوصفات بالموقع لذيذه ومضبوطه ١٠٠ % الفرق اني زدتها فليفله لاني تلخبطت بدل بودره الفليفله كنت اعتقد طازجه

      سلامي لكم يالفاليه .

      • منى 4 January 2019

        اهلا اهلا شرفتي ونورتي وبعد زماااان
        ممنونة هل الثقة وهل الكلام وبتوقع طلعت بتجنن بالفليفلة الطازجة
        ريتو الف عافية :)
        سلامي الك ولكل عيلتك الكريمة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 2.00 out of 5)