بطاطا محشية بصوص الكريم


         وصفة : منى                 2014/01/09                 6 تعليقات

آخر تصويت


آخر تعليق

بطاطا محشية بصوص الكريم

أبيض بأبيض و أول وصفة في الموقع لهل السنة , الله يجعل قدومها خير علينا و عليكن ان شا الله , و هي الوصفة الملوكية واحدة من الوصفات القليلة الي بيتفقوا عليها الكل عندي بالبيت , البطاطا محشية بحشوة دجاج طيبة و متبلة ببهارات غير شكل و خصوصي الهال , رح تشرب نكهة الكريما و رح تدوب بتمك دوبااان .و رح تدعيلي بكل لقمة


الوصفة بتاخد شوية وقت , لهيك بنصحك تحضريها ع مرحلتين إذا كنتي مستعجلة , مثلاً جهزي البطاطا و حفريها و اقليها اول يوم , و اليوم التاني كملي بقية الخطوات , صح بدها وقفة بالمطبخ , بس مستاااهلة ان شا الله

بالصحة و الهنا

شو لازمنا ؟
12 - 14 حبة بطاطا من الحجم الصغير
1 لتر كريما سائل
جبنة صفراء مبشورة , حسب الرغبة

الحشوة :

1 ملعقة كبيرة زيت زيتون
ملعقة كبيرة زبدة
1 حبة صغيرة بصل , مفروم ناعماً
1 حبة صغيرة فليفلة حمراء أو خضراء , مفرومة ناعماً
ربع كيلو دجاج مشفى من العظم و الجلد , مقطع ناعماً
ربع ملعقة صغيرة بهار
رشة قرفة و رشة كبيرة هال
طريقة التحضير

1 - تقشر البطاطا ثم تحفر حتى تصبح بسماكة نصف سنتيمتر تقريباً , توضع في وعاء فيه ماء بارد حتى الانتهاء من كل الكمية .

2 - ترفع البطاطا من الماء , تجفف ثم تقلى بالزيت حتى تشقر , ترفع على ورق ماص .

3 - يقلى البصل بزيت الزيتون و الزبدة حتى يشقر , يضاف الدجاج و البهارات و يقلب على نار قوية حتى تقارب النضج , تضاف الفليفلة الحمراء و تقلب لبضع دقائق أخرى . تبعد عن النار و تترك حتى تبرد .

4 - تحشى البطاطا بالحشوة المجهزة و ترتب في صينية فرن , توزع الكريما عليها و تغطى بورق قصدير بشكل محكم ثم تخبز في الفرن اعلى الرف الأخير على درجة حرارة 160 درجة مئوية لمدة 30 دقيقة .

5 - يرفع ورق القصدير و تنثر الجبنة ثم ترجع الصينية إلى الفرن و تترك لبضع دقائق أخرى حتى تحمر الجبنة .

6 - تقدم البطاطا ساخنة مع الرز بالشعيرية أو لوحدها حسب الرغبة .

أفكار :

- يمكن استبدال الدجاج بلحم الغنم أو العجل حسب الرغبة .
- يمكن زيادة كمية الكريم إذا رغبت بزيادة كمية الصوص .

التعليقات

  1. مي 9 January 2014

    رائعه كعادتك منى وصفاتك لا يعلى عليها , يسلمو ايديكي يا رب رح طبقها اليوم

    • منى 9 January 2014

      شكراً مي كلك زووء :)

      ان شا الله تكون طيبة و ع زوءك و عم استنى رايك ان شا الله

  2. سلمى 10 January 2014

    سبحان الله يا منى لسه امبارح عملت هالطبخة بنفس الحشوة بس بصلصة البندورة كنت حالها طبخها بصلصة الكريما والفطر بموت فيها بس خفت أولادي ما يرضوا يوكلوها بس صحنك ما شاء الله بشهي لونه الله يعطيكي الصحة والعافية وتظلي تتحفينا

    • منى 10 January 2014

      الله يعافيك يا روح قلبي سلمى , لا تخافي بيحبوها الاولاد كتير و الكبار كمان

      هنا و الف صحة على قلبك و قلوب عيلتك الحلوة , منورة :)

  3. أم نوران 13 January 2014

    الله يجعل ايامك و ايامنا كلا ابيض بابيض بابيض ،♥ .. كتير كتير كتيييير حبيت الوصفة ،انا بعملا باللحمة وبصوص البندورة طبعا الوصفة من هون بتزكر اسما كان (بطاطا محشية جواهر)،طيبة متل كل وصفاتك ، الله يجزيكي عنا كل الخير و يسعدك و ييسرلك كل امورك متل ما عبتساعدينا ♡♡

    • منى 17 January 2014

      و ايامك ام السوس , ان شا الله تجربيها و تكون يمممي و على زوءك و رح استنى رايك بهي الوصفة كمان :)

تقييم الوصفة
عاديةقد أحضرهاجيدةممتازةأكثر من رائعة (5 votes, average: 4.60 out of 5)