بوفيه سحور رمضان


         وصفة : منى                 2009/09/15                 67 تعليقات
بوفيه سحور رمضان

السلام عليكم صبايا

برمضان ما بيحلى الفطور او السجور الا باللمة الحلوة , و هل الرمضان عملنا اللمة و الجمعة ع السحور ,أخف لبكة لان عدد المعازيم كتار ما شا الله , و هل الضيوف بالذات هنن أغلى ناس ع قلبي بالدنيا كلها .

بما انكم حبيتو المفرش الزهري المرة الماضية , قلت حاستعمله مرة تانية , مع ان الجمعة هل المرة مو بناتية متل المرة الماضية ..

فوق صورة جماعية للسفرة , يلا تشيز يا حلويين , و بعدها التفاصيل

الوصفات منها جديد و منها موجود من قبل , خلونا نبدأ بالسفرة من فوق و اليمين و نحنا نازليين
فتة المقالي


فطيرة الشاورما

كرات الدجاج المقرمشة


سندويش فروج

همبرغر , بس بشكل السندويش

بيتزا , بعجينة العشر دقايق و بالتتبيلة الايطالية


عجة


يلانجي , و معه كم واحدة من يالانجي البصل .

متبل البطاطا

صينية التوست

السلطة المقلمة



سلطة معكرونة

كوسا بطحينة


فطاير زعتر , كمان بعجينة العشر دقايق


الحلويات :

تمر منيون


كاتو الموزاييك ( او المعروف عندنا بحلب بالسوكسيه )




كاتو الكراميل


كاتو البوظة بس بشكل جديد متل النجمة احتفاءا برمضان




تعليقي على الوصفات :

الهمبرغر نسيته في الفرن , كالعادة , فنشف شوي و شريف ما لاقى صمون مدور صغير لهيك ما كان ادامي غير اني قص كل قرص بالنص و احشيه بصمون عادي . اليلانجي خارق , عم يدوب دوبان , و انا هل الاكلة لو ااقعد بجزيرة و يكون ما فيها الا يالانجي ما بقول لا و لو كان البحر الي جنب هل الجزيرة الافتراضية دبس رمان و زيت الزيتون سوري كمان ما بقول لا ابدا . كرات الدجاج شغلة و هي وصفة جديدة و بتشبه فخدات الدجاج الكذابة , بس هل الطريقة حسيتها أسهل هيا كرات على السريع بتصير و كمان اطيب لان بكل لقمة رح تاكلها رح تكون القرمشة من برة و الجبنة عم تدوب دوبان من جوى . فتة المقالي انا كتير بحبها و الصوص تبعها مليق و بيشهي . الي صار معي اني نسيت الملح فطلعت دلعة شوي , على كل احسن ما تكون مالحة .

فطيرة الشاورما اختراع جديد , كنت ناوية اعمل سندويش شاورما بس انا حضرتلها السندويشات لماما بعزيمتها و العزيمة كانت باول رمضان , هلا الكل أخد مني الطريقة و الكل ساواها , لهيك ما حبيت ارجع اعملها فقدمتها بطريقة و فكرة جديدة , يمممم . البيتزا خبزتها قبل ما يجوا الضيوف بشي ساعة , بس تركت الجبنة للاخير . الكوسا بالطحينة انا بموت عليه , بالعادة بخبزه بالفرن بس هل المرة ما كان عندي وقت فخليته يغلي شوي على النار عوض عن الفرن , نووو ما بقى اعيدها بالفرن اطيب بكتير .

وصلنا للحلويات , القالب الملك بلا منازع كاتو البوظة , هل المرة حضرته على شكل نجمة على اعتبار اننا برمضان , شايفين الزيق الي نصه مغطى بالكريما البيضا ! المفروض ان يتغطى كله بيطلع شكله احلى بس الكريما الي تركتها على طرف ما كفتني . كاتو الكراميل بيجنن , ممم و الحشو فكرة جديدة و غرام . تمر منيون هو وصفة قريبة كتير على وصفة سوكسيه التمر الي نزلتها نورا بالموقع بس طبقت عليها فكرة شفتها لنرمين على فتافيت , كتير طيب و مغذي و مع القهوة طلع يمممي .


قبل ما روح رح اتشكر كل الصبايا الي شاركوا بوصفاتهم بمسابقة رمضان و كمان كل الي صوت و ان شاء الله رح اترك التصويت لبعد رمضان و العيد لحتى نحتفل بالربحانات على رواق .


هادا كل شي لليوم , اللهم ادمها نعمة و لا تجعلها الى زووال و الله يرزقه لشريف الرزق الحلال الطيب المبارك و يرزقه حب اهل بيته و الله يديم علينا الصحة و العافية . اتمنى ان تكون السفرة عجبتك و اخدتي منها كم فكرة لعزيمتك الجاية و ان شاء الله كل الوصفات الي مو موجودة بالموقع رح نزلها قريب .

في امان الله

التعليقات

  1. em leen 15 September 2009

    ست منى عنجد شي بيفتح النفس وبخلي الواحد يبكي من الجوع :cry بس في اشيا مو حاطة الرابط تبعها زي كرات التمر وفطيرة الشاورما كنت حابة اعملها لاني حامل واشتهيتها :sigh عكل حال يا نيال المعازيم والف صحة وهنا وكل عام وانت بخيررررررررررر.

  2. ملتم حلب 15 September 2009

    ماشاء الله عليك يا أخت منى
    عنجد شي بشهي ومرتب ..يسلمو ايديك .. ويخليك لعيلتك ..

    بس فيه أكلات مو كتبة وصفاتن متل فطيرة الشاورما …..؟؟

    وبدي طلب منك
    نانتي (ستي) بالمستشفى وحتطلع بكرا أو بعده ورح نعمل متل الحفلة
    بس مو عارفةاش اعمل ؟؟
    وبالذات أنا الكبيرة بالبيت والماما معاها بالمشفى
    بدي أطباق تكون سهلة ومناسبة ..
    دمت :)

  3. semo 15 September 2009

    بسم الله ما شاء الله

    كل مرة احلى من اللي قبلها

    الله يعطيكي العافية

    عم فكر انو 30 شخص اكيد بيكونوا مسحو السفرة مسح صحتين وهنا على قلبن ان شاء الله

    وفعلا فكرة الزهري كتير حلوة في حنان وحميمية كتير خصوصا بلم العائلة هالسفرة بالوانها وتنوعها متل الام اللي بتلم :grin شفتي شو بحب الاكل

    على فكرة ريتو ما يبلى الزهري عليكي وما يتخ

    الي طلة تانية لدقق بالوصفات والتفاصيل لاحقابس حبيت علق واتشكرك وقلك الله يعطيكي العافية وكل عام وانت بالف خير

  4. نور الشمس 15 September 2009

    بسم الله الرحمن الرحيم أولاأشكرك كثيرا على هدا الموقع الرائع وجزاك الله عنا كل خير بالفعل كريمة وفاعلة خيرما شاء الله عليك أناسورية ودائما أتصفح الموقع الجميل أرجو قبولي صديقة لك :grin

  5. joud 15 September 2009

    بسم الله ماشاء الله لاقوة إلا بالله والله شي بياخد العقل الله يحميكن هلأ أنا عم بكتب من ألمانيا برلين والحقيقة أنو أنا متابعة نشطة للموقع مشاركاتي قليلة لأنو ماعندي وقت الحقيقة أنا بطلع على الموقع من شغلي بس يكون عندي شوية وقت لإرتاح هلأ من فترة كنت بقدر إحفظ الوصفات بشكل إلكتروني من الموقع عن طريق نسخ ولصق وهلأ ماعم بقدر لأنو الخدمة نحجبت من الموقع أنا بحتفظ بملفات الطبخات على ٌاصبع تخزين وبخلي معي بشنتايتي وين مارحت وللأسف ماعاد قدرت وللأسف إنو أنا ماني مخزنة كتير يعني أبو كم وصفة لأني ماكنت بعرف الموقع من زمان وبعد ماعرفتو نحجبت خدمة التخزين الخاصة وماعاد فيني احتفظ بالوصفات غير عن طريق فتح الصفحة الخاصة بموقعكون الكريم وهذا شوي صار علي صعب لأنو الوقت ديق ومو دائماً بيتواجد نت بالمكان إلي عم بشتغل فيه بتمنى التوفيق لكل المقيمين على الموقع والمشرفين عليه والله يوفقكون يارب ريم . :zzz :zzz :zzz :grin :grin

  6. سارونات 15 September 2009

    السلام عليكم و رحمة الله و بركاته

    بسم الله ما شاء الله شو هالابداع منوووش اكيد الضيوف محظوظين فيكي و دخيل اية لصغيرة اللي عم تساعد امها الله يحفظلك ياها و كل افراد عيلتك

    منوووش الحقيني على وصفة الدجاج محشي شرقي ضروري اذا فيكي

    بالتوفيق
    سلام

  7. منى 15 September 2009

    هلا سمسومة :)
    ايه مسحوها الا قليلاً هنا و الف صحة يا رب :zzz

    كلك زووء سمسومة و انا الزهرو الفوشي اغراء لا يقاوم بالنسبة الي , هنن من الالوان الي كتير بحبها

    ان شاء الله تعجبك الوصفات و تجربي شي منهم و يكون على زووءك ;)

  8. ام عمر 15 September 2009

    بسم الله ما شاء الله شو هاد يا منى :) :) :)
    جاية اسكن جنبك شو رايك :zzz
    الله يهنيه يا رب ست بيت بتجينني :roll :)

  9. منى 15 September 2009

    هلا اختي ملتم حلب :)
    نورتي و شرفتي الموقع , هادا بس من زووءك اختي

    ان شاء الله عليها العافية نانا و ما على البها شر يا رب و ان شاء الله خاتمة المستشفيات :sigh

    مممم , وصفات سهلة و مناسبة , طيب يا ترى العزيمة على فطور او سحور ؟ لان بتفرق كتير

  10. منى 15 September 2009

    هلا نور :)
    شرفتي اخت عزيزة و غالية و كريمة و ان شاء الله تجربي شي و يعجبك و ان شاء الله تبقي معنا على طول :zzz

  11. نادين 15 September 2009

    ممممممممممممم شي لذيذ و طيب كتير كتير بس شو هي فته المقالي انا ما بعرفها
    يالله شو بحب الشاورما والهمبرغر و هالاكلات بس كتير بتسمن و انا مو ناقصني مع الحمل
    عزمني عليهم منى من شان مااكل كتير ههههه
    يسلم ايديكي والله يخليلك هالجمعه الحلوة
    (ع فكرة انا كل مرة بستخدم خدمه الرد على ايميلي اذا تم اي اضافه بس ولا مرة وصلني شي )

  12. mayada 15 September 2009

    شوهل الوان يلي بتفتح النفس ما شاء الله حوليك وحوليكي يعني بصراحة سفرة ممتازة جدا جدا جدا ولله كل طبق احلي من تاني يسلموا ايديكي عن جد شيء جميل وطبعا لذيذ اتمني لك كل النجاح والتقدم سسسسسسسلام

  13. Iman 15 September 2009

    اهلين منى. الله يسلم ايديكي و ايدين كل اللي ساعدوكي. ما شاء الله كالعاده سفره بتبيض الوجه. كل شي فيها احلى من التاني اسمالله بس عجبوني كتير الوصفات المدوره. كرات الدجاج و كرات التمر شكلون كتير حلو. والعجه شكلا بيجنن هادا كان افطاري قبل كام يوم. تركت الاكل و عملت عجه اجت عبالي. الجاتويات متل دايما حبيبتي بيجننوا و كتير عجبني شكل النجمه. سبحان الله حتى انا برمضان لما بعمل كوكيز او حتى دونات بحب يكونو بشكل اما نجمه او قمر ليعملوا جو رمضاني. سلم ايديكي مره تانيه و يخليلك كل احبابك. وان شاء الله بيتكم دايما عامر يا منى. :)

  14. بشرى 15 September 2009

    يا عيني يا عيني .. يسلملي التطبيق أنا ما أحلاه ..

    شي ناهي هالسفرة , خرج الواحد يسبح فيها لحتى يشبع .. يممممممي يمممممييييي :zzz
    تعيشي وتعملي عزايم وسفر .. بس منوشة هيك ما منرضى بدنا طريقة فطيرة الشاورما مافي كلاممم :grin يسلمن يا عسل ..

  15. soma 15 September 2009

    الله يعطيكي ألف عافية أخت منى و الله يديم المحبة و لمات العيلة الحلوة اللي محرومة منها حاليا انشالله رمضان مبارك عليكم

  16. منى 16 September 2009

    ييييي يا ام لين , كان لازم اذكر ممنوع دخول الحوامل للموضوع , سلامتك اختي ان شاء الله تقومي بالسلامة انتي و البي بي و تكونوا انتو التنين بصحة و احسن عافية :)

    تكرم العيونك الوصفات كلها رح نزلها قبل العيد باذن الله واحدة ورا التانية ;)

  17. ملتم حلب 16 September 2009

    كمان بدنا أختي منى طريقة (الأرمان
    والكبة بلبنية)

  18. larooo 16 September 2009

    شي بشهييييييييييييييييييييييي
    ;) ;) ;) ;) ;) ;)

  19. منى 16 September 2009

    هلا سارونات :)
    كلك زووء اختي , ان شاء الله تجربي شي و يعجبك .

    على فكرة اية اختي مو بنتي :grin

  20. منى 16 September 2009

    هلا جود :)
    و الله كلامك صح , بس انا ما كان ادامي غير هل الحل لحتى امنع اللطش و السرقات و انا بعرف ان هل القصة رح تزعجكم , بس اكيد انتي ما بيتحبي انضر او اتدايق , صح :roll

    الشكر الك و لتوجدك الطيب و ان شاء الله تجربي شي وصفة و تكون يممي و على زووءك و موفقة بشغلك دوما :zzz

  21. منى 16 September 2009

    هلا ام عمر :)
    ايه الي الشرف يا قمر , و تبقى كل ما ساويت شي بشتهيكي فيه ;)

    كلك زووء و يا رب تجربي شي وصفة و تكون يممي و على زووءك

  22. منى 16 September 2009

    هلا ندوش :)
    ان شاء الله رح نزل الفتة و بقية الوصفات الجديدة , و انتي ندوش ما بدك عزيمة البيت بيتك يا قمر :zzz

  23. منى 16 September 2009

    هلا ميادة :)
    ان شاء الله دايما نفسك مفتوحة و مشقرقة و مبسوطة

    كلك زووء , نورتي اختي

  24. منى 16 September 2009

    هلا امونة :)
    و الله معك حق , انا لولا ماما كنت بيوم ما بعرف شو صار معي , شريف اتاخر لوقت ما جاب الي اللوازم و ماما الله يخليلي ياها فكت عني زنقة و ورطة كتيررر كبيرة و كل شي ساوته معي ايد بايد ;)

    سلملس ياكي اومن و انحرم من هل الطلة الحلوة و الغالية

  25. منى 16 September 2009

    هلا بشورة :)
    ايه شايفتيني ما احلاني :grin

    الحمد لله على السلامة , ان شاء الله كانت كل امورك ميسرة و منيحة , الله يتقبل يا رب :roll

    تكرمي ان شاء الله رح نزلها قريب لخاطر هل العيون الحلوة

  26. منى 16 September 2009

    هلا سوما :)
    ان شاء الله بترجعي لاهلك سالمة و غانمة انت و كل اهل بيتك يا رب و رمضان الجاي ينعاد عليك و انت محققة كل الي في بالك

    شكرا كتير للمرور و التواجد ;)

  27. منى 16 September 2009

    هلا بشورة :)
    ايه شايفتيني ما احلاني :grin

    الحمد لله على السلامة , ان شاء الله كانت كل امورك ميسرة و منيحة , الله يتقبل يا رب :roll

    تكرمي ان شاء الله رح نزلها قريب لخاطر هل العيون الحلوة

  28. ام عون 16 September 2009

    مرحبا ست منى طريقة الموزازيييك الها اسم ليزي كيك

  29. سارونات 16 September 2009

    السلام عليكم و رحمة الله و بركاته

    ييه على هاللخبطة :grin ما تواخزيني منوووش
    بس مين بيعرف يمكن تجيبي بنت و تسميها اية شو قولك :zzz

    بالتوفيق
    سلام

  30. ام احمد الغالي 16 September 2009

    ماشاء الله يامنى
    يسلم دياتك يارب ويباركلك باهلك وولادك وزوجك
    سفرة مزوءة وطيبه متل اللي جهزتها

  31. منى 16 September 2009

    هلا ام عون :)

    ايه صح , ممكن كمان يسموها كاتو التلاجة و ممكن ليزي كيك و ممكن بسكويت بالشوكولا و كله متل بعضه :zzz

  32. منى 16 September 2009

    هلا ام احمد :)
    هادا بس من زووءك و لطفك اختي

    اتمنى تجربي شي و يعجبك و اكيدة بتخبريني ;)

  33. منى 16 September 2009

    حرام عليك سارونات :roll
    اي انا بالي عندي و شعراتي ما بقى منهم شي , بقى كمان .. اااااايييييه .

    هي غلطة و رح سامحك عليها بس لان نحنا برمضان 8)

  34. لارا مينا 16 September 2009

    والله ضحكت من قلبي ..الحمد لله إن سارونات بقارة ثانية غير قارتنا ولا ياعالم شو كان صار فيها ربي رحمها من إيديكي ولا كان صارت الحين مطبوخة
    ومحطوطة الوصفة بقسم اللحوم والخضار :grin :grin

    فعلا معاكي حق أحس إن طفلين كفاية مع إني مش
    مجربة بس من ملا حظتي لأمي ومن يلي أسمعه من الناس التربية صعبة كثير وخصوصاالأم إلي ناوية تطلع أطفالها متميزين مش أي تربية ويكبروا وخلاص .
    وتسلم إيدك أخت منى والله لايضيع لك تعب ومأجورة إن شاء الله على كل لقمة أنأكلت ,, وعلى فكرة كأنك ناسية وصفة و صورتها واضحة أكثر عند الصور التفصيلية جنب صينية الشاورماعلى طول.

  35. رنا 16 September 2009

    ماشاء الله لا قوة الا بالله
    عن جد شي مزوووووق …كل شي كلاسيكي بس اللعب بالاشكال للاكل عاطي فن وذوق …هلأ كتير بحضر عزايم …الاكل بكون طيب ومفتخر كمان بس قليل يلي بيعتني بهالتفاصيل الدقيقة كتير وبالديكور للاكل كمان ..يعني عن جد فنانة …موضروري يكون الفن رسم ونحت الفن بالطبخ كمان ;)
    ياستي الله يهني هالمعازيم عليكي يمكن بعد هالسحور ضلوا تلات ايام شبعانين …بس اكتر شي لو كنت بالعزيمة كنت اكلت منه السلطة المقلمة …وفطيرة الشاورما يلي لازم تعطيني طريقتها ضروري …وكاتو البوظة …عن جد حبيته من اول نظرة …ياترى هادا هو كاتو جلاس بس شكله مو هو شو بتقولي :grin
    وبالاخير الف شكر الك والله يعطيكي العافية ويخليكي بقوتك وصحتك لانه كله بده شغل وتعب والله يخليلنا ياكي دايمة ولقمة طيبة عمران بجهودك الرائعة ;)

  36. بشرى 16 September 2009

    الحمد لله كانت رحلة موفقة .. بس شو زحمات يا لطيف .. :eek بس بعدين كربت وصرلي جمعة بالفرشة :upset سلامتي :grin

    عيونك الحلوة يا حلوة .. بالانتظار أنا ..

  37. منى 17 September 2009

    لارا صح , بس كنت رح احتار بايا قسم رح صنفها :grin

    التربية هيا اصعب شي مر علي بحياتي , اختبار الك بكل ثانية و كل دقيقة بتمر , و كل كلمة بتقوليها او تصرف صغير يمكن انتي ما بتكوني فكرتي فيه منيح بس هو بيرسخ و بيحفر في ذهن الطفل :roll
    سبحان الله , ربي يبارك في اولادنا و اولاد امة محمد كلها و نشوف منهم خير كتير , فتقتولي جروحاتي انتي و سارونات

    مممم , صح لارا و هي نسيتها لان مو انا الي حضرتها , واحد من اخوالي كان بيومها مريض و مزعوج من معدته شوي فجابت مرته معها صحن سلطة بطاطا لحتى ياكل منها , بس طبعا ترك السلطة و نزل في بقية الصحون :grin هنا و الف صحة و عافية يا رب
    طريقتها سهلة كتير و طيبة كتير بطاطا مسلوقة و مبشورة بعدها و تتبل بليمون و زيت و كمون و ملح و فليلفة حمراء ناعمة ;)

  38. ملتم حلب 17 September 2009

    في الاغلب عزيمة فطور(انا بنت ببيت اهلي مو عازمتن عندي يعني أنا وأخوتي بدنا نعمل متل الحفلة بالبيت )بما انه الماما ونانا صرلن وقت غايبين بالمشفى..

    وأنا بصراحة حابة أعمل عالعشامحشي لأنه اول مرة بطبخه (بما اني لسى عند أهلي الماما هي دوما اللي بتعمله)
    ومو عارفة اش اعمل معاه؟؟

  39. ملتم حلب 17 September 2009

    وياريت لاتنسي طلبي
    (الأرمان بالبن)واللبنية)

    وبصراحة أرسلتلك ايميل ياريت تكوني قرأتيه..
    دمت

  40. noha 17 September 2009

    تبارك الله ما شاء الله ولا قوة الا بالله
    تسلم ايديك على هل سفره شي بشهي.
    بس بدي اعرف كم يوم اخدك لتحضير هذه السفره لانه كله لازمه شغل وتعب وخصوصي بشهر رمضان والكل صايم حتى ولو كانت الوالده الله يحفظهاعبتساعدك
    يسلموا الايادي وكل عام وانت وكل الاهل والاحباب والاصحاب بخير وصحه وسلامه وابانتظار المزيد من الاكلات الرائعه

  41. سوزان 17 September 2009

    السلام عليكم…اول شي بهنيك يا منى على هالموقع اللي بدو همة غير شكل وبهنيك على هالزوق والفن بالطبخ …تعرفت عالموقع من شي جمعتين بالصدفة كنت عم بدور على وصفة للمعمول والكرابيج وتفاجئت بموقعك اللي فيو كل شي بدي ياه واكتر..يعني ما في شغلة مشتهية عليها الا ولقيتها..وصار عندي هوس يومي كل يوم بدي جرب شغلة جديدة ..عملت الحبوب وقراص بعجوة وعجة الكوسا ومحشي الملفوف وكعك العيد ولسا يا ما رح اعمل بس الكرابيج اللي دخلت عالموقع مشانها لسا ما عملتها…بتشكرك كتير لأنو هيك ريحتيلي بالي انو كل شغلة بعملها رح تكون على اصولها وغير شكل…وان شاء الله بتقبليني صديقة متل ما انا اعتبرتك اخت وصديقةز

  42. ام عون 18 September 2009

    يسلم ايديك على اللي بيطلع من ايدك منةفن وزوق انابصراحه استفدت من افكارك الرائعه متل شكل النجمه .كان عندي امباح عزيمه واعملت الكاتو على شكل هلال وكاتو تاني على شكل نجمه كتير الضيوف انبهروا بالفكره وكل عام وانت بخير

  43. منى 19 September 2009

    هلا رنونة :)
    انتي الي مزوءة و انا كتير انبسطت ان السفرة عجبتك و شفتي فيها ” ان ” :grin

    مممم , انا لو معزومة عندي كنت اكلت من السلطة المقلمة و الكوسا بطحينة و دقت لقمة من التوست و لقمة من فطيرة الشاورما و لقمة من كل نوع كاتو ( لحتى اذا عجبوني اشحد الطريقة :grin ) , بس الاهم اني كنت استفرد باليلانجي

    هادا كاتو البوظة هو نفسه كاتو جلاس بس بشكل جديد , ممنوتك كتير رنونة لهل الرد المزوء و يا رب تعجبك شي فكرة و تجربيها

  44. رغد غسان علاء الدين 19 September 2009

    مرحبااااااا..لك آآخ الواحد محتار شو يكتب ليكتب..ألف حمد وشكر يا منى الغالية ..إنو الراجل مالهن سوسة بالفوتة على موقعك..وإلا كانو صرعو راسنا..صيرو متلها ومتل شطارتها بالطبخ.. :grin

    يا ستي..ما شالله عليكي..شي بياخد العقل..وأنا كل فترة عمفوت أتعلم شغلة وأعملها..هديك المرة عملت رز بسمتي جنب الإرمان بطاطا..وكانو عندجي بيت احمايي..طار عقلهن..وبصراحة ما كان بيخطر عبالي لاأشتريه أبدا أبدا..بس لما حكيتي عنو..قلت جربيه يا بنت..وفعلا طلع شـــغلة..سمعتها لحماتــي بإدنــي..عمتقول شو هالرز ما شــاء الله لا قوة إلأا بالله.. :zzz

    بقا منمومة الحلوة..إيدنا بإيدك..لتعملينا شطورات متلك..يعني لا تعذبي حالك علقتي معنا علقة أبدية.. ;)

    تسلم إيديك يا بنت الصابوني يا أصيلة..ذاتا كل بيت الصابوني أكلهن بيشهي القلب هيك.. ;)

  45. منى 19 September 2009

    لك اهلين و سهلين بهل القامة و هل العين .

    هو انا كنت عم قول انتي و الا مو انتي بس لما سمعت حكيك عن بيت الصابوني قلت خلص , ما في غيرك :zzz

    ان شاء الله الف صحة و و مية الف هنا و عافية على الرز و اهم الشي انه بيض وجهك ادام بيت احماكي , هيك قصص ما فيها مزح ابدا , ان شاء الله كمان تجربي غير وصفة و تكون على زووءك

    الله يسلمك رغودة حبيبة قلبي يا مزوءة و انا تحت امرك بكل شي بيخطر على بالك و يا رب تجربي غير شي و يعجبك كمان

    سلامي للكل ;)

  46. منى 19 September 2009

    سلام بشورة :)
    الحمد لله على السلامة , ان شاء الله ما كان تقيل :roll
    ما شاء الله لا قوة الا بالله عقبال ما يصيروا المسلمين كما و نوعا ان شاء الله
    الوصفة رح نزلها بعد العيد اذا ربنا راد و يسر , ديري بالك على حالك و انا ممنوتك كتير كتير ;)

  47. نادين 20 September 2009

    شو رنوش ابوسك انا شو اشتقتلك حبيبتي خدي الوصفات من منى و عزميني بتعرفي انا حامل و مالي قدرة شغل و من يومين كان عندي عزيمه قعدت وراها 3 ايام بالفرشه من وجع الضهر
    يسلم ايديكي منى جد الفن بترتيب السفرة اله اثر كبير و الالوان وترتيب الصحون واشكالهم كلو باثر مو بقولو العين بتشبع اول فعلا هاد الكلام صح
    وانا بدي طريقه الشاورما لانو كتير مشتهيه على شاورما وهمبرغر
    يسلمووووووووووووووووووووو

  48. ملتم حلب 20 September 2009

    أنا زعلانة ياأخت منى
    لانه مارديتيلي جواب الى الان
    بس خلص صارت الحفلة وخلصنا
    :cry

  49. hajar 21 September 2009

    صباااااااااحو منى كيفك ؟؟؟؟؟
    أنا من زماااااان بفووت على الموقع تبعك وجربت كتيرررررر وصفات وبالفعل يسلموووووووو دياتك شي كتيرررر طيب بس ما خطرلي انو سجل
    بس هلأ حابة انو اتواصل معك عالطول واتشكرك على هالوصفات اللي بتجننواللي على طوووول بتنال اعجاب اهلي خصوصا انو انا من هواياتي الطبخ بتمنى تقبليني صديقة او اخت جديدة معك
    تحياتي الك
    هاجر

  50. souha 21 September 2009

    لسلام عليكم
    كيفك منى كل عام و أنت بخير حبيت عايد عليك و على الأخوات الله يبلغنا رمضان القادم و يجعلنا من عباده الصالحين
    أما شو تذكرتك يوم الوقفة لأنو صار معنا أفلام كرتون بتذكري عزيمة خالو تقي إلي صار معنا إنو الغاز تعطل و بالوقفة ما في مصلح ممكن يرد عليكي أو حتى يقول مرحبا راحت معنا لبعد العيد
    بتعرفي عجبتني فكرة عزيمة السحور أخف لبكة من عزيمة الإفطار لأنو على الإفطار لازم يكون كلشي جاهز مع الأذان ع التمام
    سلميلي على الصغار الحلوين و كل عام و الجميع بخير

  51. منى 25 September 2009

    هلا اختي ملتم حلب , مشان الله لا تزعلي , بتعرفي عجقة اخر رمضان و العيد , راسي ما كنت فاضية حكه على اد مو مشغولة و انا ما بقدر على زعلك او زعل اي اخت تانية في الموقع :roll

    الارامان موجود بالموقع على هل
    [URL=http://www.l2ma.com/content/view/249]الرابط[/URL]

    و كمان الكبة [URL=http://www.l2ma.com/content/view/212]اللبنية[/URL]

    انا كتير زعلت لان ما قدرت فيدك ابكر من هيك , يلا ان شاء الله خيرها بغيرها و سلامة الكل من المرض و فوتة المستشفى :)

  52. منى 25 September 2009

    هلا ام السوس :) ان شاء الله انت و كل الغوالي عليك باحسنت صحة و عافية و ينعاد عليك و على كل عيلتك و حبابك و انتو احسن بكتير من هل السنة
    الله يكون بالعون , يعني ما عرف يتعطل الا بالوقفاات :roll ان شاء الله تكونوا دبرتوا اموركم

    الله يخليلي ياكي يا قمر و بمتل ما قلتي كتيرر كتير اخف لبكة و اسهل , مو من ناحية التحضر لا من ناحية ان يكون كل شي بالوقت و على الوقت لعدد كبير من الناس

    سلامك و بوساتك بيوصلوا و انتي كمان سلميلي على الجميع ;)

  53. منى 25 September 2009

    هلا هاجر :)
    ايه مية هلا , نورتي و شرفتي و ان شاء الله تبقي معنا على طول منورة

    الف هنا على كل شي جربتيه او ناوية تجربيبه على البك و قلب كل العيلة الحلوة .

    هلا فيك مرة تانية و يا ريت تخبريني شو جربتي بالتفصيل :zzz

  54. منى 25 September 2009

    هلا ندوش :)
    ييي , الله يقومك بالسلامة انتي و البي بي و تكونوا باحسن صحة انتو التنين . و العزيمة عندي و على شو ما بتحبي :zzz

    ان شاء الله رح نزل كل الوصفات واحدة ورا التانية , انتي بس امري ياعسل

  55. منى 25 September 2009

    هلا ام عون :)
    ممم , اكيد النجمة و الهلال طلعوا غيررر شكل , كتير منيح انهم عجبوا الضيوف
    كل سنة و انتي بخير و صحة و هنا و ينعاد عليك و على كل الغوالي عليك بالخير :zzz

  56. هنادي 27 September 2009

    و الله العظيم و الله العظيم حرام عليكي :cry

    منظر صحن اليالنجي بيموت عنجد….و خصوصي للي عم تتوحم متلي :sigh

    أول ما شفتوا قلت : الله يسامحك بس على هالمنظر…

    و يسلم دياتك شو سفرة معتبرة و من الآخر

  57. منى 27 September 2009

    هلا هنادي :roll لا تزعلي مشان الله غمضي عيونك , لازم اكتب ممنوع دخول الحوامل و اصحاب الامراض القلبية و السكر :grin

    ان شاء الله تجربي شي من السفرة و يعجحبك و الله يقومك بالسلامة انت و البي بي ;)

  58. منى 27 September 2009

    هلا سوزان :)
    شرفتي و نورتي الموقع , مية اهلا و سهلا فيك و الله و ريتو الف صحة و هنا على كل الوصفات الي جربتيها و يا رب المعمول كمان يطلع طيب و على زووءك .

    اكيد احلى صديقة و رفيقة و هي عيلتنا كبرت و زادت فرد غالي و عزيز , مية هلا فيك ;)

  59. منى 27 September 2009

    هلا نهى :)
    ما حسيبت اديه اخدت معي , في اليالنجي حضرته قبل بكم يوم و حطيته بالفريز , و امي الله يخليلي ياها ساعدتني ايد بايد , مو لوحدي :x

    يا رب تجربي شي و يكون على زووءك و انا رح استنى رايك , شرفتي و نورتي نهى

  60. hajar 29 September 2009

    هلا فيكي تسلمي يارب هادا نورك
    والله بصراحة انا جربت شغلات كتيرة :
    منها السلطة المقلمة والوانها بتجننننن
    الشاورما واطيب كتير من الجاهزة
    لقمة التشكن وفعلا تحفة
    فخدات الدجاج الرائعة وطلعووووو معي روعة
    بطاطا سوبر مقرمشة بالفرن ولا اطيب من هيك
    كرات البطاطا الملونة كتير طيبين
    والبطاطا المقلية كنت اشتريها مفرزة بس هلأ مشي الحال صارت تقرمش ههههههههه
    بسمشكات كمان شغلة
    حلى المارس اللي دايب دوبان
    كيك الليمون ولا الذ من هيك
    سلطة الدجاج المشوي ومحمرة
    وكمان رز بالخضار
    وصلصة البيتزا الايطالية اللي تحفظيها بالفريزر كتير ريحتنا برمضان
    وكمان سندويش الدجاج
    وسندويش التونا
    وسلطة المعكرونة
    بصراااااااااحة وصفاتك كتير طيبين وجربت اكتر من هيك بس حاليا هادا اللي اتذكرته بجد يسلمووووووو ايديكي
    انا من حلب وعمري 21 سنة

  61. hajar 30 September 2009

    تسلمي يارب كلك زوووووووء
    وانا كمان بتشرف فيكي وبتباهى بكل شي اتعلمته منك وعالطول بقول لماما والله هالمنى فنانة بكل معنى الكلمة الله يخليلنا اياكي يارب ويحميكي

  62. منى 1 October 2009

    عن جد شكرا كتير هاجر على هل الرد المزووء

    سلام خاص لماما و مرة تانية مية هلا فيك ;)

  63. منى 1 October 2009

    ممممم , الف هنا يا رب هاجر على كل لقمة اكلتيها من عنا و كانت على زووءك و انبسطت لان جربتي كل الوصفات و جبوك .

    يا ستي اتشرفت بهل المعرفة الحلوة , و ان شاء الله العمر كله ;)

  64. ام عون 1 October 2009

    مرحبا اخت منى انا يوميا بفتح على الموقع حتى اشوف اشي جديد على الصفحه الرئيسيه .انا حابه اتعلم منك طريقة حلويات ام علي,وان شاء الله اتكون قريبه بالموقع. وشكرا :?

    • منى 17 July 2013

      تكرم عيونك حبيبتي , ان شا الله قريب بحطها

  65. نور 31 October 2009

    ماشاء الله كتيييييييييييييير السفرة بتجنن
    الف صحة وهنا.. ربي يحميكم ويحفظكم من عين الحسود :)

    • منى 17 July 2013

      شكراً كتير نور , ع قلبك يا قمر , الله يخليك

تقييم الوصفة
عاديةقد أحضرهاجيدةممتازةأكثر من رائعة (3 votes, average: 4.33 out of 5)