بيتي فور


         وصفة : منى                 2007/09/11                 21 تعليقات
بيتي فور

·          يخفق البيض جيدا مع الفانيليا . 

·          يضاف السكر الناعم و يخفق الكل جيداً .

·          تضاف الزبدة الرخوة و تخفق جيدا حتى الحصول على خليط متجانس. 

·          و في الأخير يضاف الطحين إلى الخليط و يقلب الكل جيداً , ثم  تترك العجينة ترتاح ساعتين .
بعدها بواسطة قالب خاص بالبيتي فور ممكن نصنع أشكال مختلفة . 

·          و بواسطة العجينة نفسها ممكن إضافة الكاكاو البودرة أو صبغة غذائية حسب نوع البيتي فور الذي نرغب فيه لتحضير ألوان و نكهات مميزة و ممكن إضافة زبيب أو لوز وهكذا من عجينة واحدة نصنع أشكال مختلفة  .

·          يخبز البيتي فور في فرن محمى على درجة حرارة 180 درجة مئوية حتى ينضج . 
 
ألف صحتين  




لكل كيلو طحين نصف كيلو زبدة طرية نتركها حتى تذوب لحالها بفعل حرارة المنزل (beurre moux) نسميها بالفرنسي وكل ما كان نوع الزبدة فاخر كل ما طلع البيتي فور أطيب.
2 كوب سكر ناعم بودرة
ثلاث بيضات
ظرفان فانيليا





• يخفق البيض جيدا مع الفانيليا .

• يضاف السكر الناعم و يخفق الكل جيداً .

• تضاف الزبدة الرخوة و تخفق جيدا حتى الحصول على خليط متجانس.

• و في الأخير يضاف الطحين إلى الخليط و يقلب الكل جيداً , ثم تترك العجينة ترتاح ساعتين .
بعدها بواسطة قالب خاص بالبيتي فور ممكن نصنع أشكال مختلفة .

• و بواسطة العجينة نفسها ممكن إضافة الكاكاو البودرة أو صبغة غذائية حسب نوع البيتي فور الذي نرغب فيه لتحضير ألوان و نكهات مميزة و ممكن إضافة زبيب أو لوز وهكذا من عجينة واحدة نصنع أشكال مختلفة .

• يخبز البيتي فور في فرن محمى على درجة حرارة 180 درجة مئوية حتى ينضج .

ألف صحتين
  • وصفات تانية ممكن تعجبك


التعليقات

  1. منى 12 September 2007

    بتاخد العقل ام نور :)

    طريقة جديدة , بس مبين عليها تحفة

    هلا انا لما بعمل البيتي فور بخلط المواد مع بعضها من دون خفق ..
    بس هل الطريقة شكلها اطيب :eek

    كلك زووء ام نور و الله لا يحرمني من هل الطلة الحلوة ;)

  2. رنا 28 February 2009

    بدي جرب هالبيتي فور شو بتنصحيني ؟؟؟انا بعمل البيتي فور بس باغلب الاوقات بيغلبني لانه بيطلع مو كتير طري …يعني قاسي شوي …وكمان بالفرن مابعرف شو اعمل بحطه عالرف المتوسط وبخبزه من فوق ومن تحت …احيانا بيتقمر واذا قمته قبل بيبين مو مستوي :grin شو عندك نصائح للبيتيفور

  3. منى 1 March 2009

    هلا رنونة :)
    لازم تخبزيه على الرف الوسط و من دون ما تشعليه من فوق , بباخد من 8 إلى 12 دقيقة و بعد ما تحسي ان قفاه استوى شعليه من فوق بس كم دقيقة و بيطلع خيلة ;)

  4. رنا 21 April 2009

    رح جرب هالبيتيفور بس بدي اسأل هلأ اذا رح اعمل نص كيلو طحين يعني كيف بدي اقسم كمية البيض يلي هي 3 ؟؟؟والف شكررر

  5. منى 21 April 2009

    ممكن تستعملي تنتين صغار أو واحدة كبيرة ;)
    و فيك تقسمي المقدار على تلاتة و هيك أضمن , يعني تستعملي 335 غ طحين مع 165 غ زبدة و تلتن كوب سكر بودرة ;)

  6. رنا 22 April 2009

    الف شكر منى دائما بلاقيكي باللحظات الحرجة :grin

  7. منى 23 April 2009

    و لو بدنا شي محرز ;)

  8. رنا 10 June 2009

    منى بدي اسْئلك هلأ اذا بدي اعمل البيتفور لونين ابيض واسود لازم انقص عيار الطحين يعني اعجن كل واحد لحاله ؟؟؟جاية على بالي جرب هالطريقة من البيتفور وكل يوم بأجلها :grin لانه بيطلعلي سؤال

  9. منى 11 June 2009

    هلا رنونة :)
    بعد ما تجهزي العجينة تقسميها نصفين , لاول نصف تضيفي ملعقة كاكاو او اكتر لحتى يظبط اللون و التاني بتتركيه سادة
    بتعرفي عندي وصفة الها نفس الفكرة و مصورتها من اكتر من 4 شهور , ان شاء الله يصحلي نزلها لحتى الكل يستفاد

  10. رنا 11 June 2009

    الله يسلم هالانامل يامنونة خلص وضحت الفكرة :grin وياريت تنزلي وصفتك المصورة لانه صاير مخي سميك شوي :grin

  11. رنا 13 June 2009

    اليوم طقت مية الراس متل مابيقولوا وساويت هالبتي فور
    بصراحة طعمته كتير طيبة ولذيذ بس يلي كنت متمنيته طعمة انعم لقطع البيتفور يعني كان بدي ياه يدوب بالتم متل بتي فور المحلات بس انا طلع معي متل البسكوت يعني قاسي نوعا ما ..ياترى في خطأ بالتطبيق
    بس الطعمة عن جد لا يعلى عليها

  12. منى 14 June 2009

    هلا رنونة :)
    و الله انا مو مجربة هل البيتيفور لجاوبك , بس على كل الحوال الي قلتي عليه كمان بتصير معي بوصفتي , و ما بيطلع معي ناعم و متل ما بدي :roll

  13. رنا 14 June 2009

    مممممم عن جد صار عندي تحدي بوصفة البيتي فور وماعم بقدر اعتمد ولا وصفة مشان قصة القساوة ..حتى مبارح بعد ماداقه زوجي قلي كتير طيب بس قاسي :zzz يلا الله يجمعنا بوصفة بتي فور على مزاجنا تكون بتهرت هرت ;)

  14. rose84 19 September 2009

    وصفة رااااااااااائعة ان شاء الله راح اجربها :grin

  15. لولين 6 December 2009

    يمكن فينا نعوض عن الزبدة بالسمنة وهيك بتتطلع مثل الغريبة هشة وطرية
    بس اللي عنكم طلب اذا ممكن شي طريقة البرازق
    وكثير مشكورين على تعبكم وتحياتي الك يا منى

  16. منى 6 December 2009

    هلا فيك لولين :)
    ان شاء الله بنزل الوصفة اذا ربنا راد ;)

    نورتي اختي

  17. ريتات 14 October 2010

    اكلة سهلة ومريحة شكرا الك

  18. Nour_murjan 21 July 2012

    مرحبا انسة منى انا مقيمة ببريطانيا حاولت كتير لاقي فانيليا باودر ما لقيت بصير استعمل فانيليا سائل ؟؟ وعندي سؤال ليش في وصفات بلا صور ؟

  19. Mona 21 July 2012

    طبعا اكيد حتى السائل نكهتها اطيب بكتير من البودر لان البودر اصطناعي و السائل طبيعية

    هي وصفات قديمة في الموقع , هلا كلها عم نعمل الها صوربس هي قصة بتاخد وقت , و ممكن في وصفات مو الي , متل هل الوصفة , شاركوا فيها اخوات ;)

  20. الدمشقية 29 April 2014

    تسلم أيدك ست منى شغلك بجنن

    • منى 29 April 2014

      اهلا و سهلا , منورة و الله :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)