تارت الجلاكسي بثلاث طبقات


         وصفة : منى                 2008/01/09                 30 تعليقات
تارت الجلاكسي بثلاث طبقات

·          يطحن البسكويت حتى يصبح ناعماً تماماً ثم يفرك مع  الزبدة حتى يتشكل مزيج كفتات الرمل , يرص المزيج في قالب تارت ثم يخبز في الفرن المحمى مسبقاً لمدة 10 دقائق .

·          يخرج التارت من الفرن و يترك حتى يبرد قليلاً في هذه الأثناء تحضر الطبقة الثانية : توضع كل مقاديرها في خلاط كوكتيل و يمزج حتى يصبح لديك مزيج متجانس .

·          تصب الحشوة فوق التارت ثم ترجع للفرن و تخبز لمدة 10 دقائق أخرى ثم يخرج و يترك حتى يبرد تماماً .

·          توضع مقادير طبقة الشوكولا على نار هادئة جداً و تحرك حتى تذوب كل الشوكولا ثم تصب فوق التارت حتى تغطيه .

·          يوضع التارت في البراد لمدة 6 – 8  ساعات قبل تقديمه و ذلك لسهولة تقسيمه و منعاً لتفتت الطبقة السفلى و قبل التقديم يرش بالسكر البودرة أو الكاكاو أو المزيد من بشر الشوكولا اللذيذة . 

 




الطبقة الأولى :

2 باكيت بسكويت سادة بوزن 100 غ للعلبة
ثلاث أرباع باكيت زبدة من نوعية ممتازة

الطبقة الثانية :

8 قطع جبنة كيري
ثلاث أرباع علبة قشطة
ثلاث أرباع علبة حليب مكثف محلى كبيرة

الطبقة الثالثة :

3 علبة شوكولا جالاكسي سادة
ربع باكيت زبدة
ربع علبة قشطة
ربع علبة حليب مكثف محلى كبيرة





• يطحن البسكويت حتى يصبح ناعماً تماماً ثم يفرك مع الزبدة حتى يتشكل مزيج كفتات الرمل , يرص المزيج في قالب تارت ثم يخبز في الفرن المحمى مسبقاً لمدة 10 دقائق .

• يخرج التارت من الفرن و يترك حتى يبرد قليلاً في هذه الأثناء تحضر الطبقة الثانية : توضع كل مقاديرها في خلاط كوكتيل و يمزج حتى يصبح لديك مزيج متجانس .

• تصب الحشوة فوق التارت ثم ترجع للفرن و تخبز لمدة 10 دقائق أخرى ثم يخرج و يترك حتى يبرد تماماً .

• توضع مقادير طبقة الشوكولا على نار هادئة جداً و تحرك حتى تذوب كل الشوكولا ثم تصب فوق التارت حتى تغطيه .

• يوضع التارت في البراد لمدة 6 – 8 ساعات قبل تقديمه و ذلك لسهولة تقسيمه و منعاً لتفتت الطبقة السفلى و قبل التقديم يرش بالسكر البودرة أو الكاكاو أو المزيد من بشر الشوكولا اللذيذة .

  • وصفات تانية ممكن تعجبك


التعليقات

  1. نهال صبري 10 January 2008

    أموت في الشوكولا :roll
    شكله لذيذ جداً .. تسلم ايديكي أخت منى .. سؤال : باكيت الزبدة 250 جرام ؟ و القشطة 500 مللي ؟ و الحليب المكثف كم ؟؟؟

  2. منى 11 January 2008

    معاك حق نهولة :roll

    نسيت أحسب حساب اختلاف المقادير من بلد للتاني

    الزبدة 200 غ
    الحليب المكثف المحلى وزن العلبة 395غ
    علبة القشطة بوزن 170 غ
    و كل لوح من الشوكولا بوزن 40 يعني التلاتة حيبقوا بوزن 120 غ

    على فكرة القشطة المعلبة فيك تستبدليها بثلاث أرباع كوب من الكريما الفريش إذا متوفر عندك , بتصير أطيب :)

    جربيه و بتدعيلي ان شاء الله :)

  3. نوارة 6 June 2008

    ياي يا ميمو مااطيبو يميمييم
    الله يسلم دياتك
    بس بتعرفي السر فيها شو؟؟
    انو وقت بتاكليها بالك بيشرد وانتي عم تستمتعي بطعمة الشوكولا
    جد مابعرف ليش سرحت وانا عم باكلها
    ممممم

  4. منى 7 June 2008

    هلا نواارة يا قمر :)

    بالاول صحتين و هنا على قلبك يا حق ..

    بس صار عندي فضول أعرف ليش شردتي :zzz , هنااا يا رب نوارة

  5. نوارة 7 June 2008

    يعني شقد ماطعمتو طيبة بخليك تروحي على عالم الخيال :) جد مابعرف ليش

  6. منى 7 June 2008

    مممم , بتعرفي تعليقك زااد الوصفة طيبة و خلاها بتشهي أكتر ,, هنا و عوافي يا رب :)

  7. رنا 24 June 2008

    شكرا يامنى على هالوصفة لانه شكلها بيجنننن
    بس السؤال …اذا انا حضرت حليب مكثف بالبيت كيف بدي اعرف علبة صغيرة اوكبيرة ؟؟
    كمان شوكولا جالاكسي الها كتير انواع انتي اي نوع بتقصدي ؟؟؟وشو شكلها ؟؟الواح ؟؟

  8. منى 25 June 2008

    هلا رنونة :)

    الحليب لما بتحضرييه بالبيت استخدمي تقريبا 400 غ منه , ما بقيان عندي كنت قسته الك بالكاسات :roll

    و الجلاكسي هي الالواح السادة الي فيها بس شوكولا ;)

  9. رنا 25 June 2008

    شكرا كتير الك يامنى هلكتك باسئلتي

    بس هلأ نحنا رح نستخدم 400 غ بكل الوصفة ….شلون بدي اعرف قديش بدي حط بالطبقة التانية وقديش بدي حط بالطبقة التالتة
    وهل اذا حضرت كيلو حليب بيكفي لاعداد هالوصفة ؟؟
    يعني العلبة الصغيرة لنسلة بتطلع يمكن شي معلقتين كبار او تلاتة ؟؟؟ :upset

    وشكرا الك مرة تانية

  10. منى 25 June 2008

    طيب شو رايك هل المرة تشتري علية جاهزة من النستلة و غير مرة تجربي تحضريها
    لان متل ما قلتلك ما عندي شي جاهز هلا من الحليب المكثف , ما فيني فيدك :roll

    و الكمية الازمة لكل طبقة بتقدريها تقدير ;)

    و انا هون بالخدمة و تحت الامر لاي سؤال

  11. رنا 23 August 2008

    طيب هلأ رح نحط مقدار الزبدة نفس البسكويت يعني ميتين بميتين …هيك رح تطلع البسكويت اقرب للسائل …عادي يعني؟

  12. منى 23 August 2008

    لا أبدا ما الها علاقة بالسائل , الزبدة 150 غ و باردة رح تفركيها بالبسكويت رح تصير متل الرمل ;)

  13. سارونات 13 September 2008

    السلام عليكم و رحمة الله و بركاته
    جازاك الله خيرا اختي منى
    ان شاء الله راح جرباطريقتها سهلة و ما بتاخد كتير وقت
    كل يوم عم اكتشف وصفة جديدة و عم قول كيف ما شفتها من قبل صارت قائمة التارت و الكاتويات اللي راح ساويهم طويلة و كل ما ساوي وحدة راح خبرك بالنتيجة
    بدي اسالك عن قطر و حجم الصينية انا عندي وحدة بتشبها كتير تقريبا نفسها بس مو متاكدة من الحجم كأن اللي عندي اصغر يمكن تكون بنت اللي عندك :grin
    كمان بدي اعرف قديش منحتاج حليب مكثف محلى من اللي مصنوع بالبيت
    و هل فينا نستغنى عن القشطة و نستبدلها بالحليب او لا
    بالتوفيق
    سلام

  14. souha 6 October 2008

    هلا منى :)
    أديش درجة حرارة الفرن :?
    ولما بدي حط الطبقة الثانية بالفرن ما بتحترق الطبقة السفلية :upset و الأخت سارونات سألت عن قطر الصينية ياريت يا منى تجاوبي عه السؤال بعرف أسألتي كتيرة بس دخيلك ما تأخذيني

  15. منى 7 October 2008

    هلا سارونات :) الصينية 22 سنتيمتر الحليب المكثف المحلى وزن العلبة 395 غ و أما بالكوب ما عندي فكرة لان مو متوفر هلا عندي :roll و القشطة ضرورية و ما فيك تستبدليها بالحليب أبدا نوو , هل المرة ما بيمشي الحال :zzz

  16. منى 7 October 2008

    هلا سهى :) الفرن على 180 درجة و في الرف الوسط و أكيد اذا كانت صينيتك منيحة ما رح يصير للتارت شي , بس بشرط ما تكون من التيفال الرقيق الي بينزع الوصفات ;)

    و الصينية 22 أو 24 سم , مية هلا سهى و اي سؤال انا تحت امرك

  17. souha 7 October 2008

    تسلميلي يامنى كلك زوء

  18. souha 9 October 2008

    هلا منى البارحة جربت التارت شو طلع ظريف يعني فعلاً من عجائب الدنيا :) سألتك المرة الماضية عن الصينية أنا فعلا الصينية اللي عندي من النوع الرقيق بس على مين :zzz حطيت صينية التارت جوا صينية ألمنيوم سميكة و هيك بضمن توزيع جيد للحرارة تسلم دياتك

  19. منى 10 October 2008

    مية ألف هنا سهى , كل لقمة عافيات و صحات :) , ممم فكرة كتير حلوة انك حطيتي صينية بقلب صينية و لا مرة ما خطرت الي :roll , الله يسلمك و ان شاء الله تجربي وصفة تانية و تعجبك

  20. سارونات 12 December 2008

    السلام عليكم و رحمة الله و بركاته
    اختي منى بدي ارجع ساوي وصفة القشطة المنزلية و ان شاء الله تضبط معي هالمرة بدي اعرف بالتقريب قديش كمية الحليب اللي بتغليها و قلتي من قبل ان فيني جمع الطبقة اللي بتطلع على الحليب بعد الغليان بالفريزر تحتى توصل للكمية المطلوبة و ساوي فيها قشطة طيب هيك ما راح يصير فيها ماء و تنتزع
    بالتوفيق
    سلام

  21. منى 13 December 2008

    هلا سارونات :)
    و الله اختي انا بتزبط معي و ما بتنتزع عادي , الكمية ما في شي محدد لان أحيانا بيكون الحليب منيح و بيطالع قشطة منيحة و احيانا يا دوب بيطلع منه شي :roll

  22. سارونات 12 April 2009

    السلام عليكم و رحمة الله و بركاته

    جربتها اليوم و تحضيرها سهل و ما بياخد وقت انا صينيتي قياسها 27 سم و طلعت على قدها لانها مو مرتفعة متل اللي بالصورة
    جمعت القشطة متل ما قلتيلي بافريزر و عملتها اليوم و استعملتها مباشرة

    بكرا الصبح ان شاء الله راح ندوقها و نشوف النتيجة و ان شاء الله ما تطلع ثقيلة لان فيها زبدة و قشطة و حليب مكثف محلى اول مرة عم استعمل القشطة و الحليب المكثف المحلى و اول مرة كل هالمكونات تجتمع بنفس الوصفة عندي
    الله يستر
    بالتوفيق
    سلام

  23. منى 13 April 2009

    ان شاء الله بتعجبك و تكون على زووءك و تدعيلي , يلا بانتظار النتيجة بعد الدوق :zzz

  24. سارونات 14 April 2009

    السلام عليكم و رحمة الله و بركاته

    معك حق اختي منى ان طعمتها كتيييير طيبة و مميزة بس شوي ثقيلة و كمان حلاوتها زيادة بس بعد رشيت فوقها الكاكاو نقصت شوي كمان مكلفة شوي بس بعتقد اذا امكن استعمال جبن مثلثات و عمل الحليب المركز المحلى بالبيت راح تطلع ارخس

    بس هي وصفة جدا مميزة و كتير فرحت اني جربتها
    بالتوفيق
    سلام

  25. منى 15 April 2009

    منيح ان عجبتك شوي , و اختي على التكلفة كل شي صاير عم يكلف بس الواحد بيدورله على لقمة طيبة ;)

  26. رنا 22 April 2009

    هلأ بيصير استعمل بسكون دايجستيف ؟؟ولا لازم بسكويت اولكر السادة العادي
    انا لما جربتها كنت عند اهلي واستعملت بسكوت سامي بس هلأ انا هون وعندي كتير بسكويت دايجستيف بقا شو قولك ;)

  27. منى 23 April 2009

    اكيد بيصير و بيطلع بيجنن ;)

  28. hajar 17 May 2010

    فعلا تحفة وانا ماعندي كمان كلمات اقدر اوصفه اكتر :zzz تحفـــــــــة

  29. zina 21 December 2010

    ألسلام عليكم انا جديدة علىالموقع وجربت هل وصفة طلعت بتجنن يسلمو ايديكي والله يجزيكي الخير هي اول مرة بلاقي موقع بحط عيارات مزبوطة

  30. لمورة الامورة 19 July 2011

    ياسلام شكلها طيبة كنيير انا جربت متل هيك بس الوجه الاخير حطيت جيلو بس فعلن ماكتير طيبة اكيد بالشوكولا اطيب
    تسلمي وتحياااتي
    لولووو

تقييم الوصفة
عاديةقد أحضرهاجيدةممتازةأكثر من رائعة (3 votes, average: 2.67 out of 5)