تشيز كيك النسكافيه


         وصفة : منى                 2010/03/24                 18 تعليقات
تشيز كيك النسكافيه




الطبقة الاولى:

تنين و نص باكيت بسكوت سامي
نص قالب زبدة

الطبقة التانية :

نص كوب لبن
5فناجين حليب بودرة
3فناجين سكر

الطبقة التالتة :

تلتين كوب ماء
1باكيت كريم كراميل
ملعقة صغيرة نسكافيه





• تفرك مقادير أول طبقة مع بعض ثم ترص في بطبقة بالجاط البايريكس قياس وسط .

• تحضر الطبقة التانية توضع كل المقادير بالخلاط ثم توضع فوق طبقة البسكوت ويوضع بالفرن حتى يجمد ثم نتركه حتى يبرد تماما .

• تعمل على النار الطبقة التالتة وهي عبارة عن تلتين كوب ماء نتركهم حتى يبدء بالغليان ثم نضيف 1باكيت كريم كرلميل وملعقة صغيرة نسكافيه و تترك لتغلي قليلا ثم يترك حتى يبرد قليلاً ويسكب فوق الطبقة التانية ويضع بالبراد حتى يبردوصحة وهنا .
  • وصفات تانية ممكن تعجبك


التعليقات

  1. منى 24 March 2010

    كتير شكلها شهي و سهل و اللبن بالوصفة رح يخليها خفيفة 8)

    سلم ايديكي مريم ;)

    يا ترى الاسم مناسب و الا حابة غير اسم ؟

  2. marim 24 March 2010

    لاء كتير الاسم حلو كل شي من ايديكي بركةتسلمي يارب وبتمنى تجربيها :roll

  3. marim 24 March 2010

    بس بدي قول انو قصدي بالفنجان هو فنجان القهوة المرة

  4. semo 24 March 2010

    فعلا باينتها كتير خفيفة ولزيزة وسهلة وسريعة

    يعني full options :grin
    يسلمو هالايدين
    باينتو هالكتاب كتير حلو وفي وصفات طيبة صرت سمعانة فيه كتير

  5. ام عبدو 24 March 2010

    يسلمو ايديك عالوصفة الحلوة

    الله يسلم هالايدين ويسعد صاحبتن

  6. farah 24 March 2010

    والله عجبتني هالوصفة لا فيها تشيز ولا جيلاتين :zzz
    لأن تعقدت من وصفات التشيز كيك اللي فيها جيلاتين وفكرة اللبن جديدة ومنيح انك وضحتي العيار بفنجان القهوة لأني ذهلت من المقادير اول ما قرأتها انشاء الله بنجربها وسلم دياتك

  7. اماني 25 March 2010

    تسلم ايديكي على هل الوصفة السهلة واللي مبين عنها انها طيبة كتير يسلم ايديكي :)

  8. marim 26 March 2010

    الله يسلمكم كلكم مدام منى وفرح واماني وام عبدووسيموكتير مبسوطة بردكم والله يجزيكم الخير وعم استنى تجربوها وتقولولي رايكم

  9. marim 26 March 2010

    هلاء اليوم حابة قدملكم وصفة حلويات جديدة اخدت طريقتها من رفيقتي الله يجزاها الخير حابة اللكل يجربها لانه طيبة ومفيدةكتيير وهي اسمها تمريةوان اي وصفةبكتبها انشاءالله واثقة من نتيجتها لانه مجربتها بدل المرة مرات والمقادير تنين ونص باكيت بسكويت سامي سادة ونص قلب زبدة بيفرك مع بعضه وترص بجاط بايريكس قياس وسط والطبقة التانية عبارة بالخلاط نضع علبتين قشطة و24 حبة تمر منزوع الواة وعلبة نستلة القياس الكبير بنخلطهم ونسكبن فوق البسكوت ثم يوضع بالفرن لحتى يجمد شوي بعدين تترك بالخارج حتى تبرد وبعدين توضع بالبراد وصحة وهنا طيبة كتتتتتيير :roll :roll

  10. منى 26 March 2010

    ممم , كتير بحبها لهل الوصفة , سلم ايدك للمشاركة و اذا بتحبي تشوفي طريقتي , كتير قريبة الها على [URL=http://www.l2ma.com/content/view/314/2/]هل الرابط[/URL]

    رح جربها المرة التانية من دن كيري على طريقتك ;) ان شاء الله

  11. marim 26 March 2010

    تسلمي كتير مدام منى بتمنى انك اتجربيها وتقوليلي شورايك لانه شرف كبير الي انك تقوليلي رايك فيها وازا بتحبي هالوصفات عندي كتييرمنها وكلها مجربة مابحب نقل شي لحدى و يدعي علي انا كتير بحب الطبخ والحلويات عندي هوس فيها ومابمر يوم الاوبكون مجربة شي :grin

  12. الدمشقية 29 March 2010

    يسلم ايديكي
    عزيزتي اللبن يعني لبن عادي
    ولا كيف

  13. منى 29 March 2010

    مريومة من زووقك :) و الف صحة و هنا و عافية على البك

  14. marim 30 March 2010

    تسلمي يارب اختي الدمشقية اي قصدي اللبن العادي مو الحليب لبن البقر
    :roll

  15. رامو 10 April 2010

    يسلم ايديكي مريومة وحبيت قلك انو انا بعمل نفس الحلو بس بدل اللبن والحليب البودرة والسكر بحط حليب مكثف وجبنة كيري بس وبتطلع كتير طيبة كمان بس كمان طريقتك طيبةكتير لانو اختي بتعملها متلك باللبن ونحن منقلها حلو الطبقات وبنصح الكل يجربها لانو عنجد غريبة وطيبة لاتواخذوني طولت عليكن :)

  16. marim 11 April 2010

    الله يسلمك رامو وشكرا كتير عالرد انبسطت فيه كتيير :roll

  17. اوتار الحزن 16 February 2011

    روعه يسسسلمو ايديكي

  18. عطر التميز 21 April 2011

    مشكوووره حبيبتي
    بس ياترى تقصدي باللبن هل اللبن الرائب والا تقصدي الحليب لان اخوننا المصريين بينكتب في وصفاتهم لبن والمقصد حليب

تقييم الوصفة
عاديةقد أحضرهاجيدةممتازةأكثر من رائعة (2 votes, average: 2.50 out of 5)