تشيز كيك خفيف


         وصفة : منى                 2010/01/04                 19 تعليقات
تشيز كيك خفيف



300غ بسكوت
اصبع زبدة
400غ لبن(بقر)
7فناجين(قهوة) حليب بودرة
فنجانين سكر
جلي حسب الرغبة





- يطحن البسكوت ثم يخلط مع الزبدة ويرص في البايركس ويوضع في الفرن 5دقائق .

- وفي هذا الوقت يخلط في الخلاط اللبن و حليب البودرة و السكرحتى يصبحوا مثل الكريمة ثم يصبوا فوق البسكوت ويوضعوا في الفرن10دقائق او حتى يتماسك الخليط .

- بعد ان تبرد , يكون الجلي محضر سابقاوقبل ان يتماسك يصب فوقها ويوضع في البرادوصحتين وهنا
  • وصفات تانية ممكن تعجبك


التعليقات

  1. منى 4 January 2010

    كتير هياته سهلة هل التشيز كيك ,و اظن انه خفيف من استعمال اللبن , انا هل الطعمة بحبها كتير :zzz

    سلم ايديكي و بانتظار وصفات تانية منك

  2. ام جنى عبيدات 4 January 2010

    يسلم ايديكي

  3. farah 5 January 2010

    انا بحب التشيز كيك وفكرة اللبن عجبتني انشاء الله بدي جربه تيلم ايديكي
    بدي اسأل الأخت منى يا ترى كان الموقع مسكر قبل رأس السنة شي اسبوع ولا كان العطل من عندي :roll
    بصراحة استفقدتلكم كتييير واليوم بعد ما رجعت اشتراك النت فتحت فورا لأطمن والحمد لله كان اشتغل :)

  4. om albara 5 January 2010

    بتعرفي دخلت مخصوص بشان اشكرك على وصفة هالتشيز الرائعه والمحببه لاطفال والسهلهوجزاكي الله خير وكل البنات
    :zzz :zzz

  5. منى 6 January 2010

    فرح كان واقف لشي كم يوم , و الحمد لله مشي الحال ;)

  6. sahreeg 6 January 2010

    الله يعافيك ولسه لما تجربيه بتشوفي كيف بسيط وخفيف بس بدي اللقب يطلع ام ريم ممكن :cry

  7. منى 7 January 2010

    تكرم عيونك :)

  8. TENDERNESS 27 January 2010

    عنجد هالوصفه كتير طيبة وبنصحكم تجربوها ، انا اليوم عملتها وطلعت كتير زاكيه ، وبحب اقلكم ممكن نحط بدل الجلي نوع مربى اذا متوفر عنا مربى البرقوق مثلا او التوت او اي نوع والنتيجه فعلا مذهله ، بشكر اختي ام ريم على هالوصفه

  9. sahreeg 1 February 2010

    الله يسلمك وبالهنا والعافية بدي اسالك اختي منى انابعثت من اسبوعين وصفةالمبشورهي وصلت ولا ابعث غيرهاولك جزيل الشكر

  10. منى 2 February 2010

    وصلت اختي :) سلم ايديكي يا رب

  11. sahreeg 7 February 2010

    اهلين بالجميع بدي اسالكم على حلى جلدالنمر حدا بيعرفهاانا سمعت فيهاوحابة اجربهابس بدي اتاكد من المقاديرفاذا بتعرفوها خبروني ولكم جزيل الشكر

  12. منى 8 February 2010

    بزمناتي جربتها , بس بقى الله اعلم وين الوصفة , بدور و ان شاء الله بلاقيها مرة تانية ;)

  13. sahreeg 9 February 2010

    الله يعطيك العافية عذبتك معي

  14. منى 9 February 2010

    و لا يهمك اختي :zzz

  15. أم ريم 25 February 2010

    الله يعطيك العافية وشكرا كتير الك الوصفة عرفتهابطريقتين وجربتها بس كانت كتيردسمة فما حبيت انزلها اذا عندك وصفه خفيفة خبرينه :?

  16. منى 25 February 2010

    ما لقيت وصفتي , ما بعرف كانت مكتوبة بالاوراق و الاوراق بالمكتبة و المكتبة مدري كم رف :grin

  17. TENDERNESS 26 February 2010

    انا ما بعرف طريقة حلى جلد النمر بس دورت عليها ولقيتها كمان دسمة على الرابط[URL=http://vb.arabseyes.com/t42107.html]حلى جلد النمر[/URL]

  18. 7ayah 10 June 2010

    السلام عليكم
    شكراً كتير الك أم ريم عالوصفة الحلوة
    شكلا كتير بسيطة
    بس بدي اسأل
    اللبن إلي بالوصفة هو نفسو إلي اسمو يوغرت بالانجليزي ولا قصدك حليب مثلاً؟

  19. منى 11 June 2010

    هو اليوغرت بعينه :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)