تيراميسو االبسكويت


         وصفة : منى                 2007/07/02                 24 تعليقات
تيراميسو االبسكويت

·          تترك الجبنة في حرارة الغرفة لمدة نصف ساعة حتى يسهل امتزاجها بالكريما .

·          تخفق الكريما مع الحليب البارد حتى تنتفخ و تتكثف ثم تضاف القشطة و الجبنة و يمزج الكل حتى يتجانس أصبحت الكريما جاهزة .

·          يذوب النسكافيه في الماء أو الحليب ثم يغمس فيه البسكويت بشكل خفيف جداً و يرتب في طبق التقديم حتى يشكل أول طبقة من البسكويت .

·          تمد الكريما فوق البسكويت ثم نكرر العملية طبقة كريما و طبقة بسكويت حتى تنتهي لدينا كمية الكريما على أن تكون أخر طبقة من الكريما .

·          يوضع التيراميسو في البراد لمدة 5 ساعات على الأقل ثم توضع الكاكاو في مصفاة صغيرة و يرش وجه التيراميسو  بالكاكاو و يقدم . 

تنويعات :
 
 يمكن تحضير التيراميسو الطبقات و سيكون الشكل النهائي رائع جداً , بعد تحضير الكريما تقسم إلى قسمين و تخلط ملعقتان من الكاكاو مع أحد القسمين , أصبح لدينا كريما بيضا و كريما على شوكولا , تمد طبقات الكريما بالتناوب مع البسكويت بحيث نمد طبقة بسكويت ثم طبقة كريما بيضا ثم بسكويت ثم طبقة كريما شوكولا و هكذا على ان تكون أخر طبقة كريما بيضاء و يزين الوجه بالكاكاو أو الشوكولا المبشورة .




3 – 4 عبوة بسكويت سادة
علبة كريما دريم ويب
كوب حليب بارد
علبة قشطة
4 حبة جبنة كيري

- للتغميس :

كوب ماء أو حليب
ملعقة كبيرة نسكافيه

- للتزيين :

كاكاو أو شوكولا مبشورة





• تترك الجبنة في حرارة الغرفة لمدة نصف ساعة حتى يسهل امتزاجها بالكريما .

• تخفق الكريما مع الحليب البارد حتى تنتفخ و تتكثف ثم تضاف القشطة و الجبنة و يمزج الكل حتى يتجانس أصبحت الكريما جاهزة .

• يذوب النسكافيه في الماء أو الحليب ثم يغمس فيه البسكويت بشكل خفيف جداً و يرتب في طبق التقديم حتى يشكل أول طبقة من البسكويت .

• تمد الكريما فوق البسكويت ثم نكرر العملية طبقة كريما و طبقة بسكويت حتى تنتهي لدينا كمية الكريما على أن تكون أخر طبقة من الكريما .

• يوضع التيراميسو في البراد لمدة 5 ساعات على الأقل ثم توضع الكاكاو في مصفاة صغيرة و يرش وجه التيراميسو بالكاكاو و يقدم .

تنويعات :

يمكن تحضير التيراميسو الطبقات و سيكون الشكل النهائي رائع جداً , بعد تحضير الكريما تقسم إلى قسمين و تخلط ملعقتان من الكاكاو مع أحد القسمين , أصبح لدينا كريما بيضا و كريما على شوكولا , تمد طبقات الكريما بالتناوب مع البسكويت بحيث نمد طبقة بسكويت ثم طبقة كريما بيضا ثم بسكويت ثم طبقة كريما شوكولا و هكذا على ان تكون أخر طبقة كريما بيضاء و يزين الوجه بالكاكاو أو الشوكولا المبشورة .


  • وصفات تانية ممكن تعجبك


التعليقات

  1. بدور 6 September 2007

    يسلمو هالايدين ميمو الحلوة أنا بعمل أكلة بتشبها كتير بس أخف ما فيا جبنة كيري و بعرف اسما شارلوت.
    الشغلة الجديدة الحبيتا و بدي جربا نشالله هي إني أقسم الكريما قسمين وأعمل طبقة شوكولا طبقة حليب :p
    رح جربا نشالله متلك والله يسلم هالايدين يا رب والله إنتي عندك أفكار خطيرة كتير :zzz

  2. منى 7 September 2007

    هي الطريقة اتعلمتها من حماتي :)

    دقته مرة عندها و عجبني كتير كتير ..

    بس لازم تستعملي كاكاو من نوعية طيبة لحتى يطلع معك طيب ;)

    بس بدورة الشارلوت غير شي تماماً , بيستعملوا في تحضيره بسكويت اصابيع اسمه الليدي فنجر lady fingers..

    إذا جربتيه خبريني :)

  3. بدور 7 September 2007

    ما بعرف أنا تعلمتو من بنت خالي و قالتلي اسمو شارلوت :roll

    انا ماصرلي زمان بهتم بالاكلات والطبخ يمكن يا دوب سنة مشان هيك ماعندي خبرة أبدا وهلأ بعد ماتخرجت الحمدلله صرت أهتم أكتر وأحب أجرب وبصراحة إنت مرجعي الأول بتعلم الأكلات والحلويات خاصة.

    ماما أكلا طيب كتير كمان بس مابتعمل الاكلات الغربية والحلويات مشان هيك نبسطت كتير على موقعك لإني بحب كتير هيك أكلات وماكان في حدا يعلمني ياهون

    بس بصراحة كتير أحيانا بحس حالي متل الأطرش بالزفة لإني مو ماعندي خبرة ومابطبخ أبدا وئت بتحكي أنت و ليندا أو أم نور أو بتنزلوا أكلات جديدة أنا مابعرف شي خصوصي بالكبة :roll
    مشان هيك بحس حالي كسلانة كتير ومابعرف شي :upset

    عكل حال يسلمو كتير لمتابعتك ونصايحك والله يخليلنا ياكي يارب ونشالله بيوم من الأيام بصير شطورة متلك ادعيلي ;)

  4. منى 8 September 2007

    الله يسلمك يا رب بدور :)

    و لا يهمك , شوي شوي الواحد بيتعلم بس إذا كان بده من جوى قلبه ..

    بالعكس , إذا واحد ما بيعرف هدا مو كسل و خصوصا انك لسا ما اتزوجت و انسألت عن طبخ لعيلة

    مية هلا بدور

  5. بتول 26 November 2007

    مرحبا عزيزتي منى بعد زمان يا ترى ممكن أستعمل جبنة لافاشكيري المثلثات أو اي نوع آخر و شكرا

  6. منى 26 November 2007

    هلا بتول :)

    نورتي أختي و مية أهلا و سهلا

    أختي ما بتقدري تستعملي الا الكيري لان ما فيها ملح , أما الافاشكيري و غيره فيه شوية ملوحة لهيك رح تنزع الطعمة :roll

    إن شاء الله إذا جربتيها خبريني شو بيصير معك :)

  7. BaSmAa 13 January 2009

    رووووعة وسهلة جدا
    بارك الله بك أختي منى

  8. منى 14 January 2009

    الله يخليك بسومة, ان شاء الله تجربيها و رح تعجبك اكيد ان شاء الله :zzz

  9. zanalook 7 March 2009

    الوصفة جميلة تسلم ايدك يارب
    بس ليا سوال لو سمحتى كنتى قولتى انناممكن نعمل القشطة فى البيت بس انا معنديش الماكينة الى كانت فى الصورة ممكن استخدم الخلاط الطماطم او مضرب البيض بدل منها وهل هايدونى نفس النتيجة ولا لا وجزاك اللة كل خير
    وربنا يبارك لك فى اهل بيتك

  10. منى 8 March 2009

    الله يخليلي ياكي على هل الدعوة الغالية
    اامين يا رب و انت كمان أختي ربي يبارك ال بعيلتك و فيك يا حق :)

    اختي انا مو مجربتها الا بالماكينة الي ظاهرة بالصورة , و ما عندي فكرة اذا رح تظبط بغيرها , بس ممكن تجربي و اكيد ما رح تخسري شي , لان حتى لو ما طلعت قشطة ممكن تستخدميها مع اي صوص ابيض ;)
    ان شاء الله تجربي و تبقى خبريني شو بيصير معك

  11. zanalook 9 March 2009

    اختى منى انا جربت القشطة فى الخلاط تبع الطماطم لكن اتحولت لذبدة قولت لازم اخبرك بالنتيجة وشكرا على ردك وتفاعلك معايا
    جزاك اللة كل خير وجعلة فى ميزان حسناتك

  12. منى 10 March 2009

    اتحولت لزبدة معناها زدتي عليها بالخفق , لو تجربي مرة تانية و تخفقيها لفترة ابسط و ان شاء الله تظبط ;)

  13. ام احمد الغالي 1 September 2009

    السلام عليكم
    كيفك منى

    هلاء انا كنت على وشك اجرب هالوصفه بس ما لقيت حاطة سكر بنحط سكر ولا مااا وازا بنحط شقد :roll
    ويسلم دياتك

  14. منى 1 September 2009

    لا ما الها , لان الكريما فيها سكر , بس على كل اذا بتحبي فيك تزيدي شوية سكر مدوبة بالحليب ;)

  15. إسراء 18 October 2010

    السلام عليكم كيفك ست منى الله يعطيكي العافية على هالموقع وعلى الوصفات اللي بتجنن جربت هي الاكلة وطلعت كتيررررررررر طيبة وكل ما برجع بعملها بدعيلك بالخير ….. على فكرة انا حلبية بس عشت بالشام ولما تزوجت سكنت بحلب وخلال شهر سمنت خمسة كيلو على اكلات حماتي وهلق اذا رح ضل مواصلة على موقعك رح طيح المية ههههههه الله يعطيكي العافية بجد نفسك غير ………
    إسراء :)

  16. منى 25 October 2010

    هلا اسراء :)
    اتشسرفت حبيبتي , ان شاء الله جازو الدهر و تعيشوا مع بعض بسعادة و هنا يا حق :)
    الف صحة و هنا على البك على كل شي جربتيه و شسكرا كتير لردك الحلو :zzz

  17. gsm 31 October 2010

    السلام عليكم منى إمبارح جربت هل الترامسيو وشو طلع يميييييييييييي عن جد كتيير طلعت طيبة يسلموا إيديك ياااااارب

  18. منى 9 November 2010

    صحتين و الف الف هنا غفران , مطرح ما سرى مرى حبيبتي :)

  19. lolli 14 December 2010

    حبيبتي منى
    مو حابة اخد من وقتك كتير
    بس من يومين بعتت رد و كتبت فيه طريقة التيراميسوالايطاليه الاصليه وكان التعليق طويل شوي
    ياترى وصلت و لا ضاعت عالطريق؟و كنت كاتبه اني ح ابعت صورتها بس للاسف الصورة اخدتها بكامرة الموبايل وبلكي هالاسبوع بعملها و بصورها بالديجيتال واكيد ح تعجبك

    وشكرا سلفا ع مجهودك معنا
    :)

  20. منى 15 December 2010

    وصلت الحمد لله , رح استنى الصورة لحتى نزلها ان شاء الله

    شكرا كتير للوصفة المميزة و تفاصيلها المهمة ;)

  21. رغد غسان علاء الدين 1 February 2011

    آها..حلو كتير..وهي الأكلة أغرتني..بكرة بإذن الله..بجيب أغراضها وبعملها..

  22. رغد غسان علاء الدين 3 February 2011

    جاري التنفيذ…… :zzz

  23. رغد غسان علاء الدين 5 February 2011

    شو بدي أحكيلكون لأحكيلكون..النتائج مذهلة والآراء عواصف من الإعجاب..الحمد لله طلع كتير طيب ورائع..أضفت إضافة صغيرة ..إنو بعد القشطة والكيري حطيت علبة نستلة صغيرة حليب مكثف محلى..لأنو لما دقت الكريما بعد ما صار كل الخليط جاهز شفت الحلو قليل كتير..وبالبسكويت رح نغمسو مع حليب ونسكافيه فحسيت رح يصير الصنف مو حلو..فلما أضفت الحليب المكثف صار الطعم إكســـــــــترا..وهيك طلع صنف رائع والله يبيض وشك يا منى ..بيضتي وشي قدام بيت احماي..الكل قاعدين والقلوب عمتطلع من عيونن ..اتملت الغرفة قلوب :grin

  24. لينا 24 September 2013

    مرحبا منى بدي اسألك علبة الكريما تقريبا اديش وزنها ياريت تجاوبيني

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)