جزر بالزيت


         وصفة : منى                 2008/02/12                 20 تعليقات
جزر بالزيت

·          نضع البصل مع الجزر المقطع إلى أنصاف دوائر مع الثوم و كمية جيدة من زيت الزيتون على نار هادئة مع التقليب من وقت لآخر حتى تستوي جميع المكونات.

·          نطفئ النار و نضيف عصرة الليمونة و الملح و الفليلفة الحمراء المطحونة , تقدم باردة أو فاترة مع الخبز العربي .  




زيت زيتون
2 بصلات كبار مقطعة شرائح
5 - 6 فص ثوم
كيلو جزر
عصير نصف ليمونة ( أكتر أو أقل حسب الرغبة )
ملح
ملعقة صغيرة فليفلة حمراء مطحونة





• نضع البصل مع الجزر المقطع إلى أنصاف دوائر مع الثوم و كمية جيدة من زيت الزيتون على نار هادئة مع التقليب من وقت لآخر حتى تستوي جميع المكونات.

• نطفئ النار و نضيف عصرة الليمونة و الملح و الفليلفة الحمراء المطحونة , تقدم باردة أو فاترة مع الخبز العربي .
  • وصفات تانية ممكن تعجبك


التعليقات

  1. منى 12 February 2008

    نورا شو هل الجزر بزيت هادا .. يممي

    من لما شفت الوصفة قمت للمطبخ و ادامي على الطنجرة يا جزراات

    لان أنا بموت على اكلات الزيت و الجزر بالذات غرامي

    عن جد ما في اسهل منها و كتير كتير طيبة , تسلم دياتك , عملت نصف المقدار الي كاتبتيه و بيني و بينك خلصته كله , صحتيين و هنا على قلبي :grin ..
    رح اعمل بكرة كيلو جزر , لان عن جد راائعة

    أنا قللت شوي التوم لان ما بحب تطلع كتير طعمته و حسيتها لما بردت صارت أطيب , مو بتتاكل باردة بالخبز و الا شو ؟؟

    تسلم دياتك نورا طبخاتك دايما لذيذة و سريعة :)

  2. نورا 12 February 2008

    صحة وألف هناء على قلبك يا رب…
    مزبوط تماماً تؤكل باردة متل اغلب اكلات الزيت والصراحة انا متلك كتير بحب اكلات الزيت وخصوصاً على العشاء بحسها خفيفة ومفيدة وطيبة كمان.. دورت عندك وشفت أغلب اكلات الزيت من فاصولياء وشوكي ووو وكلها عملتها وبتجنن … كتير انبسطت انها عجبتك وبشوفك بوصفات تانية إن شاء الله…

  3. منى 13 February 2008

    نورا كتير كتير عجبتني , و الله امبارحة طول اليوم و انا عم اتلمض كل ما اتزكرها , و لو ما كنت كتبير مشغولة كنت ما رح استنى لليوم لحتى ساويها مرة تانية :grin

    صحتين و هنا على الوصفات الي جربتيها و عم استنى باقي وصفاتك و تسلم دياتك مرة تانية :)

  4. ea14812 13 February 2008

    تحياتي منى،،،
    عنجد وصفاتك لذيذة جدا ودائما بتزبط معي

    يا حبيتي إذا في مجال تزوديني بطريقة تارت الشوكولاته

    تحياتي

    إيمان

  5. منى 13 February 2008

    هلا ايمان :)
    الحمد لله اختي ان وصفاتي عجبتك , كتير انبسطت ;) و يا ريت تخبريني شو جربتي لحتى كمان إذا في اخت عاجبتها نفس الوصفة تتشجع ..

    حبيبتي هي طريقة لتارت بيجن بالشوكولا , أكيدة رح تحبيييه [URL=http://www.l2ma.com/content/view/319/2/]على هل الرابط[/URL]

  6. أم عباده 13 February 2008

    يسلمو دياتك على هالاكله الشهيه اليوم جربتا وطلعت طيبه وخفيفه ومفيده للريجيم وانا قللت الزيت شوي مشان هيك يعطيك العافيه وبشكرك على اعجابك بشوربه الطماطم الالمانيه وبتمني تجربيها والف صحه وهنا

  7. Eman 14 February 2008

    يسلمونورا عالوصفة ، عملتها من شي ساعة ، فعلا سهلة ولذيذة ومالها كلفة.

    منيحة لما الواحد بيكون مقطوع وماعنده كتير مكونات.

  8. ea14812 16 February 2008

    صباح الخير منى
    يسلمو كتييير كتيير يا زوق
    أنا يا ستي العزيزة جربت الطبخات التالية:
    1. الكبة اللبنية
    2. الكبة المقلية
    3. صفوف
    4. تشيكن بوب كورن
    5. الدجاج المشوي
    6. تشكن مكسيكانو
    7. السمبوسك
    8. عجينة أمك الذهبية الله يخليلك إيها

    وكان كل شيء عم بعملوا أزكى من الي قبلوا وأنا كتيير كتيير بستفيد من وصفاتك في العزايم عنجد الله يخليلنا إياك إنتي وصفاتك

    مع تحياتي
    إيمان

    :zzz

  9. منى 16 February 2008

    أمولة صباح الخيرات و الليرات و صحتين و هناااااا يا رب , ووووواو كل هل الوصفات جربتي و هلا لحتى خبرتيني :eek

    خليلي عينك أمولة , و الله لا يحرمني هل الطلة و الدعوات الحلوة ;)

  10. لارا مينا 20 November 2008

    صباح الخير للجميع البارحة عملت الأكلة على العشاء وطلعت كثير طيبة .. واليوم أنا صايمة وما اتسحرت غير موزة وأحس إن الطبخة هي إلي مخليتني صامدة لحد هلأ ولا الله العالم شو كان صار بحالي …عندي سؤال صغير الجزر إلي استخدمته كان شوي حلو فطلعت كأني حاطه سكر فهي هيك أصولها ؟ وإذا لأ كيف ممكن خفف طعم الحلو ؟ لأني ناويه أسويها مرة ثانية على قد ماهي طيبة وخفيفة . أنتظر الرد منك أو من ألأخت نورا ولكما خالص شكري وتحياتي .

  11. منى 21 November 2008

    الله يتقبل صيامك ,ان شاء الله تكوني تذكرتيني بدعوة صغيرة على الفطور :roll
    انا هل الطبخة من أطيب وصفات زيت الزيتون عندي , حسيت ان سرها انك تكتري شوية زيت و تقلي الجزر يتقلى فيه منيح لحتى تطلع تمام , هي بتطلع معي فيها حلو بس يكاد لا يزكر
    على فكرة هل الاكلة اذا الواحد ما كان بيحب الجزر بالطبخ ما رح يحبها ,انا هيك العيلة عندي انقسمت نصيين نص بيموت عليها ونص ما بيدوقها , هنن الخسرانيين :zzz

  12. dado 5 December 2008

    السلام عليكم

    نورا.. شو هالوصفة هي.. بتاخد العقل :)
    صرت مجربتها كتير .. آسفة تأخرت بالرد لهلأ.. بس الحق كله على منى.. ما عم لحق جرب الوصفات يلي بالموقع :p
    مبارح حضرتها على العشا.. وكل مرة بستمتع بالطعم كأنو أول مرة بدوقها.
    ومتل ما حكيتلك صرت عاملتها كتير وما عم ينقطع الجزر من عندي وكأنو أرنب مو هيك :grin

  13. منى 5 December 2008

    و الله و انا متلك دالو , يعني هل الوصفةى من اول الشتي لاخروا و انا عم ااكل فيها
    و كل ما بيخلصوا الخمس كيليات جزر الي جابهم زوجي بيقلي , شو عم يصير معك :grin

    يا ستي الف هنا على قلبك هلاا لوقت ما ترجع نورا للموقع صار الهما فترة مو مبينة :roll

  14. سارونات 12 December 2008

    السلام عليكم و رحمة الله و بركاته
    الجزر و ما ادراك ما الجزر و كمان مع البصل و زيت الزيتون يعني تشكيلة مميزة و عم شوف اخواتي اللي بالموقع جربوها و شجعتوني كمان جربها ان شاء الله راح جربها قريبا
    جازاك الله خيرا اختي على الوصفة
    بالتوفيق
    سلام

  15. DOUHA 7 May 2009

    جاري التجربة شكرا كتير منى ونورا
    انا بحب الاكلات الخفيفة :p

  16. منى 8 May 2009

    هلا ضحى :)
    هل الوصفة لازم يكونوا زيتاتها مناح لحتى تطلع طيبة , ان شاء الله تظبط معك و تحبيها :zzz

  17. na3oom 4 January 2010

    طيبة يسلمو الأيادي
    بقى أناكترت الليمون لأني عم بتوحم مابعرف إذا بدويضل شي لزوجي ولا لأ

  18. منى 4 January 2010

    شوفي اذا متل حكايتي بتوقع ان راحت على زوجك :grin

  19. ream 7 January 2011

    أنا اليوم جربتا وكتيييير طلعت طيبة وندمت كتير لأني ما كترت الكمية كتير-وحطيتلا شوية دبس فليفلة

  20. منى 7 January 2011

    صحتين و الف الف عافية ريم على البك يا حق :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)