حبات الفراولة بالشوكولا الملونة


         وصفة : منى                 2007/07/02                 23 تعليقات
حبات الفراولة بالشوكولا الملونة



150 غ شوكولا بيضاء
150 غ شوكولا بالحليب
150 غ شوكولا سوداء
ثلاث أرباع كيلو فراولة من الحجم الكبير( فريز )





• تغسل الفراولة ثم تجفف بمنشفة المطبخ , لا ينزع منها الجزء الأخضر لكي يعطينا لوناً جميلاً , تغلف صينية واسعة بورق الزبدة .

• تقطع الشوكولا البيضاء إلى قطع صغيرة ثم توضع في وعاء زجاجي مقاوم للحرارة .

• يملأ قدر صغير بالماء حتى ثلثه فقط ثم يوضع على النار حتى يسخن جداً من دون أن يغلي ثم تهدى النار و يوضع وعاء الشوكولا فوق القدر مع ضرورة الإنتباه أن لا يمس وعاء الشوكولا الماء المغلي و تحرك الشوكولا بملعقة حتى تذوب و تنعم .

• تغمس الفراولة بالشوكولا ثم توضع على الصينية المجهزة , و نكرر العملية مع باقي أنواع الشوكولا .

• توضع حبات الفراولة المجهزة في البراد حتى وقت التقديم .



  • وصفات تانية ممكن تعجبك


التعليقات

  1. بدور 16 August 2007

    ما شاء الله عليكي شئد مرتبة و مزوئة بتزيين طاولتك و أكلاتك معناتا مزوئة بكلشي طبعا والله مو مجاملة :)

  2. منى 17 August 2007

    هلا بدور :)

    هدا من زوءك حبيبتي و لطفك ..

    نورتي 8)

  3. rose reem 9 April 2008

    منى الحبيبة.. عم اكتبلك هلا وما بعرف كم قلب حب بيني وبين الشاشةعم ييطلع :zzz ممنونة الك كتير,واخترت هالصفحة لانو حسيتها الانسب ;) وبمتل الامانة اللي بتفيدينا فيها رح خبرك لهلأ شو عملت… حبات الفراولة بالشوكولا. مربى قشور البرتقال المغمس بالشوكولا. صلصة التوفي كريم. رز بحليب مبطن. مربى البرتقال حلى وردات الجوري. كرات التويكس. فطيرة التفاح. كرمبل التفاح والموز. كاتو الشوكولا بحشوة الاناناس والكراميل. الارز بالملفوف والخضار المشكلة. فيليه السمك بالخضروات. اليالنجي. جزر بالزيت. السفرجلية باللحمة الكباب :zzz اصابع التونا. الهمبرغر. صينية اللحمة بالبندورة والبصل. سلطة البطاطا بالنعناع. بيتزا البطاطا. ارز بالكاجو والجزر. سلطة الرايتا. المحمرة. كرات اللحمة مع البطاطا. وفطيرة اللحمة بالخضروات :p لك محبة وود ودعاء..

  4. منى 9 April 2008

    لااااااااااا هيك القصة صار بدها عزيمة غير شكل لحتى دووء من أطيب ديات و اطيب قلب ;)

    صحتين و هنا و عوافي يا رب , ان شاء الله يكونوا عجبوك و طلعوا على زووءك و بيضوا وشك :)

    على فكرة هل التعبير هو نفس التعبير الي بستخدمه لما بكون حابة عبر عن حبي لشخص بقوله طالع من عيوني قلوووب :grin و الف شكر ليك على هل الثقة ;)

  5. شكلس 30 January 2011

    لك الله يسلم هالايدين يا رب يا مدام مني انا هي الاكلة شفتها عند جماعة وكنت كتير معجبة فيها بس خجلت اسال عن الطريقة وهلأ بالصدفة بلاقي الطريقة على الموقع
    شكرا كتير لجهودك ووصفاتك اللي بتجنن والله يجزيك الخير يارب

  6. محبةالمصطفى ملك 24 March 2011

    السلام عليكم..
    اي شو هالصورة اللي بتوقع القلب…
    رااااااااااااااااائعة
    مع أنك مالك متفننة فيها كتير و غط قلبي على كم فريزة..بقا لو تفننتي فيهم شو كان صار؟؟؟
    بس أنا زعلانة منك يا منوش..
    بعرف انك مشغولة بس في كتير ردود بأكتر من صفحة و انت ما عم تردي عليهم….
    :cry

  7. منى 25 March 2011

    ابوس روحك على الدعوت الكريمة , ان شاء الله تجربيها و تكون يمممي و نورتي الموقع اختي :zzz

  8. منى 25 March 2011

    و عليكم السلام ملك :)
    هي ما بدها تفنن , على السريع غطسي الفريزات منطلع خالصيين ;)

    يا ستي حقك علي , و كله الا زعلك :roll

  9. محبةالمصطفى ملك 25 March 2011

    :p
    تسلمي يا مزوءة…
    لك ما في أطيب منك يا منوووشة..
    طيب أول شي بدي أقلا انو الكاسترد طلع طيب كتيييييير..يسلم دياتك..
    و تاني شي يلا خيت في كم صفحة عم يستنوكي حطي الباشايه و الحقيني :eek

  10. farah 26 March 2011

    يا حياتي يا منى ألذ فاكهة عندي الفريز ومع شوكولا يعني قمة الدلال تسلم ايدك :zzz

  11. مريومة 29 March 2011

    كيفك مدام منى بدي اسالك الكريب يلي جنب الفراولة شلون مساويتيه وشو حاشيتيه مشتهية جربو بليز

  12. منى 30 March 2011

    هلا مريومة :)
    بنزله بالتفصيل ان شاء الله ;)

  13. منى 30 March 2011

    هلا فروحة :)
    متل حكايتي , الفريز لحاله نغم و الشوكولا نغم تاني و مع بعض بيطلع نغم ما بيشبه شي :zzz

  14. مريومة 30 March 2011

    الله يوفقك يامدلم منى بس لاتطولي فيه حابة جربو عندي عزيمة عالعصرية يوم السبت وكتير حابة اعملو :zzz

  15. منى 31 March 2011

    بركي اليوم المسا بقعد على الوصفة و بجهزلك ياها :)

  16. محبةالمصطفى ملك 31 March 2011

    لأ خلص يعني منى ليش نا عم تردي علي؟؟
    أنا بدي أجرب كم وصفة من هالموقع الرائع بس ملكوعة عليك يا خانم :(
    كنت عم أقول مشغولة بس بعدها بدخل و بشوفك كاتبة لغيري يعني بدك تزعليني :eek
    خلص أنا مخصماك :roll :cry

  17. منى 31 March 2011

    معقول ملك انت :roll يعني معقول ما رد عليك انت تحديدا , حرام الظلم بنتي :sigh

    انا الي مخصماكي لان لازم تعرفي انو انا بكل يوم عندي على الاقل 30 رد لرد عليهم , بقى اذا راح من هون او هون رد لازم تعطيني عذر

    لا خلص زعلت :x

  18. محبةالمصطفى ملك 1 April 2011

    :)
    طولي بالك منووووووووشة أنا ما بهون علي زعلك يا حلو…
    ربنا يبارك فيك :zzz
    خلص صافي يا لبن؟؟ :?

  19. منى 1 April 2011

    تيب ;)

  20. مريومة 2 April 2011

    وينننننننننك يامدام منى

  21. محبةالمصطفى ملك 3 April 2011

    ما فهمت منى :eek
    شو يعني تيب؟
    يعني طيب مثلا؟؟ :roll
    طيب منووشة في صورة حاطيتيهم بالجروب بس بدون طريقة..بدنا الطريقة يا حلو؟؟؟
    و بعدين حبابة على صفحة الكب كيك خمس دقايقو كاتو التمر بدون بيض….بانتظارك

  22. منى 4 April 2011

    اسفة صبايا للتاخير , صار في حالو وفاة بعيلة زوجي و انشغلنا.. ان شاء الله اول ما بقدر بنزل الوصفة

  23. مريومة 10 April 2011

    العمر اللك مدام منى حملتيني همك مامشكلة قيمتة ماحسنتي تنزلي وصفة الكريب انا عم انتظرك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)