حلى السفرجل على الطريقة الاسبانية


         وصفة : منى                 2007/12/16                 32 تعليقات
حلى السفرجل على الطريقة الاسبانية

·          يغسل السفرجل و يقشر ثم يتم انتزاع بذوره مع الجزء القاسي المحيط بها و يقطع لقطع خشنة ثم يغمر بالماء و يوضع على النار و يترك حتى يغلي .

·          تقشر الليمونة بحيث نحصل على الجزء الأصفر الذي يحوي كل النكهة من دون المرار الموجود في الجزء الأبيض و يوضع فوق السفرجل مع الفانيليا أو يستخدم عود القرفة حسب الرغبة ثم تهدى النار و يغطى الوعاء و يترك السفرجل على النار حتى يطرى لمدة 45 دقيقة تقريباً .

·          يصفى السفرجل من الماء و يتم التخلص من عود القرفة في حال استعماله أو عود الفانيليا و يترك قشر الليمون ثم يوضع السفرجل و كوبان من ماء السلق في الخلاط أو في محضرة الطعام و يمزج الكل حتى الحصول على بيوريه ناعمة .

·          توضع بيوريه السفرجل في قدر ذو قاع سميك على نار متوسطة و يضاف السكر و عصير الليمون و بعد أن تغلي تهدى النار .

·          تترك البيوريه لمدة ساعة أو أكثر قليلاً حتى يسمك المزيج جداً و يتحول لونه للون الأرجواني الجميل مع التحريك بملعقة خشبية بين فترة و أخرى , هذه المرحلة قد يعلق المزيج بالقدر لذا يجب الانتباه .

·          يحمى الفرن على أخف درجة ممكنة , تغلف صينية بايركس بورق الزبدة ثم تدهن بالزبدة بشكل خفيف ثم يصب فيها مزيج السفرجل و يمسد الوجه ثم توضع الصينية في الفرن لكي يجف المزيج لمدة ساعة تقريباً ثم تترك حتى تبرد .

·          يحفظ الحلى في وعاء محكم الإغلاق و للتقديم تقطع قطعة من الدولتشي دو ممبريلو و تقدم مع الجبنة و التوست أو الخبز العربي .

 




2 كيلو سفرجل
3 كوب سكر
3 ملعقة كبيرة عصير ليمون


للتنكيه يمكن الاختيار ما بين :

عود فانيليا مع قشرة ليمونتان
أو عود قرفة





• يغسل السفرجل و يقشر ثم يتم انتزاع بذوره مع الجزء القاسي المحيط بها و يقطع لقطع خشنة ثم يغمر بالماء و يوضع على النار و يترك حتى يغلي .

• تقشر الليمونة بحيث نحصل على الجزء الأصفر الذي يحوي كل النكهة من دون المرار الموجود في الجزء الأبيض و يوضع فوق السفرجل مع الفانيليا أو يستخدم عود القرفة حسب الرغبة ثم تهدى النار و يغطى الوعاء و يترك السفرجل على النار حتى يطرى لمدة 45 دقيقة تقريباً .




• يصفى السفرجل من الماء و يتم التخلص من عود القرفة في حال استعماله أو عود الفانيليا و يترك قشر الليمون ثم يوضع السفرجل و كوبان من ماء السلق في الخلاط أو في محضرة الطعام و يمزج الكل حتى الحصول على بيوريه ناعمة .

• توضع بيوريه السفرجل في قدر ذو قاع سميك على نار متوسطة و يضاف السكر و عصير الليمون و بعد أن تغلي تهدى النار .


• تترك البيوريه لمدة ساعة أو أكثر قليلاً حتى يسمك المزيج جداً و يتحول لونه للون الأرجواني الجميل مع التحريك بملعقة خشبية بين فترة و أخرى , هذه المرحلة قد يعلق المزيج بالقدر لذا يجب الانتباه .


• يحمى الفرن على أخف درجة ممكنة , تغلف صينية بايركس بورق الزبدة ثم تدهن بالزبدة بشكل خفيف ثم يصب فيها مزيج السفرجل و يمسد الوجه ثم توضع الصينية في الفرن لكي يجف المزيج لمدة ساعة تقريباً ثم تترك حتى تبرد .


• يحفظ الحلى في وعاء محكم الإغلاق و للتقديم تقطع قطعة من الدولتشي دو ممبريلو و تقدم مع الجبنة و التوست أو الخبز العربي .


  • وصفات تانية ممكن تعجبك


التعليقات

  1. ام نور 16 December 2007

    ماشالله عنك يا اخت منى دقوا عالخشب فعلا كلك ذوء وست بيت غير شكل ,كل يوم وصفة غير شكل وشي بيشهي الله يبارك فيكي ويوفقك يا رب ;)

  2. منى 16 December 2007

    هاد بس من زووءك ام نور :)

    نورتي يا عسل ;)

  3. ام نور 17 December 2007

    اخت منى انا اليوم بدي اعمل المعمول باذن الله بس الاخت نداء قالتلي انو رح تنزلي طريقة غير شكل فيا ريت تنزليا باسرع وقت والك الف شكر :) عم نتطلب كتير بس انت كريمة ونحن منستاهل ما هاك :?

  4. منى 17 December 2007

    الله يسامحك ام نور ..

    انت بتامري امر

    ان شاء الله الوصفة ساعة و بنزلها ;)

  5. نهال صبري 18 December 2007

    السفرجل عمري ما جربته ولا أعرف طعمه .. لكن وصفتك شكلها لذيذ أوي و هتشجعني أجربه ان شاء الله ، الموقع منور بأصحابه :) .. بارك الله فيك.

  6. منى 18 December 2007

    هلا نهال :)

    السفرجل بيجنن في في الموقع وصفة للسفرجل باللحمة الكباب , رااائعة ;)
    و كمان لمربى السفرجل , لو حابة تجربي انصحك تجربي المربى أول الشي ;)

    مية أهلا و سهلا و فيك أختي

  7. بدور 24 December 2007

    بعد زمان مو بالله؟
    والله انتي ببالي ديما يا منى انت و وصفاتك الروعة وموقعك البجنن والله بيعلم انها مو مجاملة بس حسب ظروفي عبغط كتير :roll

    كل عام وانت بالف خير بمناسبة العيد والله يعيدو عالجميع بالصحةوالعافية.

    ونشالله يوم عن يوم بينشهر الموقع اكتر و بيكبر بوجودك و وجود الخوات الطيبات ;)

    يسلمو ايديكي كتير على هالوصفة أنا بحب السفرجل كتير ونشالله رح جربا بأسرع وئت.

    الله يبارك فيكي و يخليلنا ياكي أخت غالية و معملة باهرة :zzz

  8. منى 24 December 2007

    هلا بدورة :)

    و الله بعد زمان , بس انت دايما بالبال

    ان شاء الله و انت بألف خير , و ينعاد عليك بالخير و بالفضل من الله ..

    ان شاء الله تجربيها و تكون على زووءك

  9. سارونات 6 August 2008

    لسلام عليكم و رحمة الله و بركاته
    سامعة فيها لهالوصفة بس ما كنت بعرف انها اسبانية سنيوريتا منى يسلم دياتك اكيد راح جربه ان شاء الله بس يصير عندي سفرجل بدي اسال ما فينا نحط فوقها شي يعني جوز هند مثلا او بتنتزع طعمته كمان هل فينا نساويه بغير فواكي و خصوصا الاجاص شو رايك
    بالتوفيق
    سلام

  10. منى 7 August 2008

    ممكن أختي :) بس انا بحبه من دون اضافات , هيك لاستمتع بطعم السفرجل لحاله

    و أظن ان هل الوصفة خاصة بالسفرجل :roll ما اظن فيك تستبدليها بغير شي

  11. سارونات 7 August 2008

    السلام عليكم و رحمة الله و بركاته
    معك حق ازا حطينا شي فوقه راح تتغير الطعمة
    صار لازم يصير اسمي اجاصة لان باغلب ردودي عم احكي عن الاجاص بس و الله عندي كمية كبيرة و ما عرفت شو ساوي فيها كتير دورت على وصفات و ما لقيت :cry
    لا تواخزيني
    بالتوفيق
    سلام

  12. منى 8 August 2008

    :grin و لا يهمك حبيبتي , حاسة فيك , ان شاء الله رح ضيف كم وصفة و تكون على زووءك ;)

  13. سارونات 8 August 2008

    السلام عليكم و رحمة الله و بركاته
    الله لا يحرمني منك يا اختي منى و ناطرة الوصفات على احر من الجمر
    ربنا يوفقك
    سلام

  14. سارونات 8 August 2008

    السلام عليكم و رحمة الله وبركاته
    الله يخليلي ياكي و ما يحرمني منك ابدا كتير فرحتيني :zzz
    ناطرة الوصفات على احر من الجمر
    ربنا يوفقك
    سلام

  15. منى 9 August 2008

    أن شاء الله اختي :) مية هلا

  16. muna.g.7 5 January 2009

    شكرا شكرا اختي منى جربتها وقطعتها مكعبات وقدمتها لضيوفي مع القهوه العربيه ولا اروع ولااطيب مليون مرة اطيب من الشيكولاته مع القهوه وصحيه ميه ميه

  17. منى 6 January 2009

    اي و الله منونة :)
    انا بحب هل الوصفات الي بتكون تغير عن الوصفات العادية :)
    الف الف هنا على قلبك و قلب ضيوفك يا احلى عسل :zzz

  18. DOUHA 7 May 2009

    شكلا مغري
    منى سؤال هلئ لما بيتبرد بتصير جامدة شوي يعني شوي من الجليه؟؟
    ومرسي الك

  19. منى 8 May 2009

    هلا ضحى :)
    بتصير جامدة و فيك تقطعيها متل الجيلو , و لمن تدوقيها بتكون طرية و بتدوب دوبان بالتم ;) و انا عني حاططتها بمرطبان , ل ما بشتهي على تحلاية باكل منها , عوض البنبونة يعني ;)

  20. DOUHA 8 May 2009

    اوكي منى شكرا لجوابك تغيير شكل رح جربا وبخبرك
    يسلمواا

  21. منى 9 May 2009

    ان شاء الله تجربيها و تكون على زووءك و يا ريتني مدوئتك ياها وقت جيتي لعندي :roll

  22. DOUHA 17 October 2009

    السفرجل على النار

    للحديث بقية

    :grin

  23. DOUHA 17 October 2009

    هلئ انا عملتا وهية بالفرن بس الغريب ما صار لونا ارجواني متل يلي بالصورة
    انا عملت كيلوا سفرجل وكاسة ونص سكر وملقعة ونص عصير

    ياترا ليه؟؟

    للحديث بقية :sigh

  24. منى 18 October 2009

    كان بدها وقت اطول على النار , انا ما بشيلها من على النار الا لحتى تصير متل اللون الي بالصورة , هلا ان شاء اللهرح تطلع الطعمة طيبة حتى لو ما كان اللون احمر :zzz
    ضحى هي فيكي تعتبريها تحلاية متل البنبون او قطعة الراحة او الغريبة , اطيب ما تاكليها مع الجبنة , هيك انا راايي ;)

  25. DOUHA 18 October 2009

    الطعمة بتاخود العقل هلئ انا خليتا اكتر من ساعة يعني لو تاركتا اكتر كان اتغير اللون

    انتي لما عمليتا بعد اديه اتغير لونا
    يلا رجعي بذاكرتك ل 2007 ههههههههه

    عم امزح شكرا منى

  26. ream 25 November 2010

    شكلها بشهي ومغري
    وحسيتا سهلة-امبارح جربتا وتركتا تغلي ساعتين لحتى تحول لونها للأرجواني بس كانت متل البركان عم تفور وتبقبق- وبالفرن مابقا تجف تركتا أكتر من 3ساعات عل 125درجة وماكانت تجف وبالاخير سودت وحترقت يعني فشلت فيها فشل ذريع :cry :cry :cry

  27. ream 25 November 2010

    وين الغلط برأيك؟؟؟؟

  28. منى 26 November 2010

    انا مرة هيك صار معي , المهم , سبب الفشل ان المي الي خلطتيها مع السفرجل كبيرة و اكبر من الكمية المذكورة في الوصفة , لهيك ما بقى تنشف معك :roll

    بكل الاحوال اذا صح الك جربيها مرة تانية , مع التقيد الحرفي بالمقادير و رح تعجبك كتير ان شاء الله ;)

  29. ream 26 November 2010

    بس أنا حطيت بس كاستين من ماء السلق سعة 200 مل -برأيك أقلل المي كمان؟

  30. Mona 15 November 2012

    ريم كنتي طالعيها من الفرن بعد ساعة و هي بس ما تبرد رح تشوفي انها جمدت ;)

  31. Mona 15 November 2012

    عوافي و صحة يا قمر :zzz

    خجلتيني

  32. ياسمينا 15 November 2012

    روعة يا منى , كل سنة صرت حضرها و صار كل رفقاتي يطلبوها مني , مية على مية يا استاذة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)