حلى طبقات الكيك و الكريما و الجيلو


         وصفة : منى                 2008/04/13                 26 تعليقات
حلى طبقات الكيك و الكريما و الجيلو

·          ترتب شرائح الكاتو في طبق بايركس كبير ذو حواف مرتفعة .

·          يسقى الكاتو بالقليل من الحليب أو بعصير الأناناس ثم تصف فوقه شرائح الفريز أو الأناناس .

·          تخفق الكريما البودرة مع الحليب حتى تنتفخ و تسمك .

·          تمزج القشطة مع الجبنة حتى نحصل على مزيج ناعم , يضاف مزيج الجبنة للكريما و يخفق الكل .

·          تمد الكريما البيضاء فوق الكاتو و يمسد السطح بحيث يغطي الكاتو تماماً و لا يبقى أي فتحة و لو صغيرة غير مغطاة بالكريما ,  يوضع في البراد حتى تبرد الكريما تماماً لمدة ساعتين على الأقل .

·          يحضر الجيلو كما ذكر على العلبة و يترك حتى يبرد من دون أن يجمد بعدها يسكب فوق الكريما بلطف و يرجع للبراد حتى يجمد  ثم يقدم بارداً .

فكرة جميلة :

يمكن تزيين الجيلو بشرائح من الفريز أو الأناناس أو بخطوط من جوز الهند أو الفستق المبشور .

 




شرائح كاتو
شرائح فريز أو أناناس
بضعة ملاعق حليب أو عصير أناناس

الكريما :

علبة كريما بودرة
ثلاث أرباع كوب حليب مثلج
علبة قشطة
6 حبة جبنة كيري ( أو 120 غ من أي نوع أخر جبنة طرية مثل فيلادلفيا )

طبقة الجيلو :

علبة جيلو على أناناس أو فريز ( حسب اختيارك للفواكة )
كوب ماء مغلي
كوب ماء مثلج





• ترتب شرائح الكاتو في طبق بايركس كبير ذو حواف مرتفعة .

• يسقى الكاتو بالقليل من الحليب أو بعصير الأناناس ثم تصف فوقه شرائح الفريز أو الأناناس .

• تخفق الكريما البودرة مع الحليب حتى تنتفخ و تسمك .

• تمزج القشطة مع الجبنة حتى نحصل على مزيج ناعم , يضاف مزيج الجبنة للكريما و يخفق الكل .

• تمد الكريما البيضاء فوق الكاتو و يمسد السطح بحيث يغطي الكاتو تماماً و لا يبقى أي فتحة و لو صغيرة غير مغطاة بالكريما , يوضع في البراد حتى تبرد الكريما تماماً لمدة ساعتين على الأقل .

• يحضر الجيلو كما ذكر على العلبة و يترك حتى يبرد من دون أن يجمد بعدها يسكب فوق الكريما بلطف و يرجع للبراد حتى يجمد ثم يقدم بارداً .


فكرة جميلة :

يمكن تزيين الجيلو بشرائح من الفريز أو الأناناس أو بخطوط من جوز الهند أو الفستق المبشور .
  • وصفات تانية ممكن تعجبك


التعليقات

  1. omtasneem 13 April 2008

    السلام عليكم ورحمة الله وبركاته. شي بيشهي والله تسلم دياتك عزيزتي منى بس الجيله عنا مابنقدر ناكلها بشو فيني استبدلا او فيني اعملا بالبيت مشكورة :?

  2. منى 13 April 2008

    هلا فيك أم تسنيم:)

    حبيبتي ما بعرف كيف ممكن نعمل الجيلو بالبيت :roll , بس فيك تستبدلي الجيلو بطبقة رقيقة من المربى ;)

  3. Mahone 13 April 2008

    بدي منها …

  4. منى 13 April 2008

    :grin من عيوني التنتين , حضر الصحون و ما بتلاقيني الا على بابكم ;)

  5. رندوش 14 April 2008

    مشكوره عزيزتي منى طبق صيفي شهي

  6. منى 15 April 2008

    هلا رندوشة الشكر ليك على التواجد الطيب بالموقع ;)

    ان شاء الله تجربيها و تكون سهلة و منعشة :)

  7. أم مــــالــــك 16 April 2008

    تسلم ايدك اخت منى واحنا داخلين على الصيف طبق متل هاد روعه بطلع بارد وخفيف 8)

  8. منى 16 April 2008

    الله يسلمك ام مالك , كلك زووء يا عسل ;)

  9. بدور 16 April 2008

    يمي يمي والله مبينتا كتير كتير طيبة و مشجعة الواحد يجربها بسرعة و مشجعة عالسمن كمان :grin

    الله يسلم ايديكي الحلوين يا رب..

  10. رنا 20 April 2008

    يسلمو ايديكي مدام منى وبصراحة انا جربتها بس صارت معي شغلة غريبة الكريما طلعت لفوق والجيليه صار تحت ياترى شو السبب ؟؟ :upset مع اني طبقتها بالحذافير …..ماتواخذيني طولت عليكي بس محسوبتك كتير جدبة بالمطبخ :grin وشكرا الك مرة تانية

  11. منى 21 April 2008

    هلا فيك اختي رنا :)
    بالعكس أختي لا طولتي و لا شي والي صار معكم سببه انك ما غطيتي الكاتو منيح بالكريما لهيك اتسرب الجيلو و راح للكاتو :roll هل المرة ازرعيها بدقني و إذا جربتيها مرة تانية اكيدة رح تعجبك ;)

  12. رنا 21 April 2008

    ياستي عرفت السبب بس والله طلعت طيبة وطارت بسرعة بس المشكلة انه انا عملتها ببسكوت دايجستيف قام ماتشربت العصير منيح يعني ضل البسكوت قاسي بس الطعمة طيبة …..هاليومين رح جرب الشاورما وشوف شو رح يطلع معي ;) شكرا الك

  13. منى 21 April 2008

    رنا استعمالك للبسكويت الدايجستف مو هو المشكلة لان فيك تستعمليه عاادي :roll
    البسكويت لازم يطرى بعد ما تبليه بالحليب أو بالعصير , المهم ان الطعم عجبكم

    ممممم , اكيد رح اسمع اخبار طيبة منك ;) هنا و عوافي على هل الحلى و هنا و صحة مقدما على الشاورما :zzz

  14. نهى 22 April 2008

    فعلا يامنى الطبق ده رائع حقيقي وزوجى بيحبه لدرجة انى اعتقدانه بيدعى على الكيكة تفشل علشان اضطر اعملها ترايفل -ده اسم الطبق ده برضه-
    انا باعمله بتنويعات كتير حبيت اقولك عليها:
    احيانا استبدل العصير بالجيلي.. أصب منه شوية على الكيك يادوب اغطيه واكمل الباقي عادى.. وساعات احط الطبقة الوسطى كسترد او كسترد بالكثير جدا من الكاكاو فيصبح طعمه شيكولاتة واحيانا اضع الكريم شانتيه فقط
    بس ناوية اجرب احط مع الكريمة كيري بطريقتك
    وتسلم ايديكي

  15. منى 22 April 2008

    هلا نهولة :) ضحكت كتيررر لما قلتي زوجي بيدعي على الكيكة :grin

    اضافات لذيذة تسلم دياتك , و الترايفل هو شرحات كاتو مع الكماسترد و الفواكة , يعني ابن عم هل الوصفة ;)

  16. muna.g.7 16 September 2008

    تسلم ايدك اكيد الوصفه لذيذه فيها كل مقومات النجاح الكيك اللذيذ والكريمة الهشة واجيلي اللي يبرد على القلب في هالحر

  17. منى 16 September 2008

    هلا منونة :)
    هادا بس من زووءك , ان شاء الله تجربيها شي مرة و تعجبك , بس بالبسكويت مش بالكيك الفاشل ;)

  18. ام دانية 17 September 2008

    والله انت فنانة وبصراحة شكلها مغري كتير بس للاسف اكيد مارح اعرف اعملها لانو بنوب مالي شاطرة بالحلويات وخصوصا الكاتو والمعجنات :cry

  19. منى 18 September 2008

    هلا ام داانية , و الله مو صعبة ابداً و لا بدها اي شي , بالعكس هي بقى نجاحها مضمون ان شاء الله , اشتري كيك جاهز سادة و حضري فيه الوصفة و رح تعجبك أكيد :zzz

  20. DOUHA 18 September 2008

    بتشهي تسلم ايديك جاري التجربة :p

  21. منى 18 September 2008

    هلا ضحى :) يلا خبريني شو بيصير معك بس انتبهي لازم الكريما تبرد منيح و ما يكون فيها فراغات و إلا بينزل الجيلي للكيك و كمان الجيلي يكون برد كتير و قبل ما يجمد بشوي بتحطييه على الكريما ;)

  22. أم الهدى 15 November 2008

    يعطيك ألف عافية أختي على هالطبق بس عندي سؤال أديش حجم أو وزن علبة القشطة وياترى إذا زاد شوي من خليط الكريما ممكن نحتفظ فيه كم يوم في البراد ولا بخرب
    وفي سؤال شو الفرق بين الجيلي والجيلاتين امبارح جبلي زوجي علبة مكتوب عليها جيلاتين نباتي بودرة وتحضر بالماء المغلي فقط بس شكلها بعد التحضير بصير متل الجيلي
    مشكورة كتير ونحن دائما مغلبينك معنا بأسئلتنا

  23. منى 15 November 2008

    هلا ام الهدى :)
    علبة القشطة بتجي بقياس واحد و كميتها تقريباً ثلاث ارباع كوب
    و اذا زاد أكيد ممكن تحتفظي فيه في البراد , اولادي بيحبو كتير يغمسو فيه البسكويت و ياكلوه
    الجيلي و الجيلو و الجيلاتين نفس الشي و ما في فرق بيناتهم ;)

    أي سؤال تاني انا تحت أمرك أختي

  24. نوارة 7 March 2009

    واخيرا جربتها كتير كتير طيبة رايحة جاي كل ما بدخل على المطبخ بفتح البراد وباكل منها لقمة
    الله يسلم دياتك

  25. منى 7 March 2009

    هلا نوارة :)
    الف الف علفية و صحة على قلبك و قلب النونو الصغير الحلو

    خليلي عينك نوارة , ديريلي بالك على حالك

  26. حمودي 20 January 2011

    انا فهمت انها تكون طبقه كيك وطبقه فواكه وطبقه كريمه وبعدين الجيلي صح ؟
    …………..
    ياريت تردي بسرعه عشان لو فشل الكيك ههههه
    مع خالص تحياتي
    Ahmed 8) :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)