خلية النحل بالكيري و بصوص العسل


         وصفة : منى                 2008/02/11                 21 تعليقات
خلية النحل بالكيري و بصوص العسل

·          تجهز العجينة كما في وصفة البريوش و تخمر لأول مرة ثم تدعك و توضع في البراد لمدة ساعتين أو ثلاثة حتى تبرد العجينة و يسهل التعامل معها .

·          تدهن صينية دائرية صغيرة بقياس 22 سنتيمتر بالزبدة ثم تغلف بورق الزبدة .

·          تمرغ اليدان بالطحين ثم تقطع العجينة الباردة لـ 20 – 22  كرة تقريباً .

·          تجهز الحشوة : تقطع كل قطعة من الجبنة لقسمين , تحشى كل كرة من العجينة بنصف حبة كيري ثم تصف في الصينية المدهونة و تكرر العملية حتى الانتهاء من كل الكرات .

·          تغطى الصينية بورق نايلون لاصق بشكل محكم و تترك لمدة ساعتين أو حتى تنتفخ من جديد و يتضاعف حجمها و تسد كل الفراغات بين الكرات .

·          يحمى الفرن على درجة حرارة 180 درجة مئوية , يدهن وجه الخلية بالحليب أو بصفار البيض ثم تخبز في الفرن المحمى  لمدة 45 – 60 دقيقة أو حتى تنضج و تشقر .

·          في هذه الأثناء يجهز القطر , يوضع السكر و الماء أو الحليب على النار لبضع دقائق حتى يذوب السكر و يترك ليغلي قليلاً , يبعد القطر عن النار و يضاف العسل , أصبح القطر جاهزاً .

·          تخرج صينية الخلية من الفرن , باستخدام سكينة يعمل في الصينية بضع ثقوب في مكان التقاء كرات البريوش ثم تسقى بقطر العسل و تترك حتى تبرد .

·          أصبحت خلية النحل جاهزة , تقدم مع كوب من الشاي الساخن و بألف صحة و هنا .

 




عجينة البريوش

للوجه :

حليب أو صفار بيضة

الحشوة :

10 قطع جبنة لافاش كيري أو كيري

قطر العسل :

نصف كوب سكر
نصف كوب ماء أو حليب
2 ملعقة كبيرة عسل





• تجهز العجينة كما في وصفة البريوش و تخمر لأول مرة ثم تدعك و توضع في البراد لمدة ساعتين أو ثلاثة حتى تبرد العجينة و يسهل التعامل معها .

• تدهن صينية دائرية صغيرة بقياس 22 سنتيمتر بالزبدة ثم تغلف بورق الزبدة .

• تمرغ اليدان بالطحين ثم تقطع العجينة الباردة لـ 20 – 22 كرة تقريباً .

• تجهز الحشوة : تقطع كل قطعة من الجبنة لقسمين , تحشى كل كرة من العجينة بنصف حبة كيري ثم تصف في الصينية المدهونة و تكرر العملية حتى الانتهاء من كل الكرات .

• تغطى الصينية بورق نايلون لاصق بشكل محكم و تترك لمدة ساعتين أو حتى تنتفخ من جديد و يتضاعف حجمها و تسد كل الفراغات بين الكرات .

• يحمى الفرن على درجة حرارة 180 درجة مئوية , يدهن وجه الخلية بالحليب أو بصفار البيض ثم تخبز في الفرن المحمى لمدة 45 – 60 دقيقة أو حتى تنضج و تشقر .

• في هذه الأثناء يجهز القطر , يوضع السكر و الماء أو الحليب على النار لبضع دقائق حتى يذوب السكر و يترك ليغلي قليلاً , يبعد القطر عن النار و يضاف العسل , أصبح القطر جاهزاً .

• تخرج صينية الخلية من الفرن , باستخدام سكينة يعمل في الصينية بضع ثقوب في مكان التقاء كرات البريوش ثم تسقى بقطر العسل و تترك حتى تبرد .

• أصبحت خلية النحل جاهزة , تقدم مع كوب من الشاي الساخن و بألف صحة و هنا .
  • وصفات تانية ممكن تعجبك


التعليقات

  1. غيث 11 February 2008

    يسلمو ايديك يا اخت منى انا هون بالرياض بالسعوديةبجيب خلية النحل جاهزة وطيبة كتير والله منظرها بالصورة مثل اللي بجيبها جاهزة شكرا لك لاعطائنا طريقة صنعها ورح اجربها ان شاء الله قريبا ;)

  2. منى 12 February 2008

    و الله و انا بحبها كتير و كنا ما مناكلها الا برمضان لهيك بقيت جرب وصفات لحتى طلعت معي متل الي منشتريها ;)
    ان شاء الله إذا جربتيها تبقي تخبريني :)

  3. نهال صبري 13 February 2008

    ما شاء الله.. شكلها يجنن :p .

  4. منى 13 February 2008

    هلا نهولة :) يا ريت لو فيني أوقف على باب الموقع و أعطي كل حبايبي قطعة قطعة , و الله نفسي تدوقوا من طبخاتي كلكم ;)
    شكرا ليك نهولة على ردودك و تشجيعك ;)

  5. ام نور 13 February 2008

    الله يبارك فيكي مجرد التفكير فينا كأن طعميتينا وبعدان ماشالله عنك مبين أكلك بيشهي وبيفتح النفس :p الان خمرت العجينة وبوقرة انشالله بعطيكي الجواب .

  6. منى 14 February 2008

    هلا ام نور يا عسل , اكيدة رح تعجبك ان شاء الله , انا بموت عليها و ما بتسدقي اني انا و جوزي ممكن نقضي على الصينية كلها بقعدة واااحدة :grin

  7. ام نور 16 February 2008

    شو هالخلية النحل طلعت معي شو هالبريوش هيدا :p رهيب ما بتسدقي خفيف وطري وطعمتو بتشهي وما اخد معي تحضير الوقت الي انت محددتي اقل بكتير لان الشوفاج عندي شغال فالبيت دافي وبسرعة طلع العجين والاهم طعمتو بتسوا البريوش الجاهز الله يبارك فيكي

  8. منى 17 February 2008

    هلا حبيبتي ام نور :)
    عوافي و هنا على قلبك و قلب نور و القطة الحلوة الصغيرة ..

    كتير انبسطت لان حبيتيها و كانت على زووءك بس لا تنسي تاكلي عني كم قطعة :grin

  9. منامينو 17 November 2008

    حلو حلو يا منى، روعة, ما شاء الله عليكي. يسلمو إيديكي.. طب خطرت لي فكرة :roll .. شو رأيك نعمل حشوة الكرات مش كلها نفس الشي؟ يعني شوي نحشيهن جبنة وشوي تمر أو شوكلاتة أو أي شي ثاني. ووقت ما نحطهن بالصينية منحطهن بترتيب عشوائي بنفس الصينية طبعا، هيك عشان الزغار يتشوّقو ياكلو ويقولو لبعض كل واحد شو الحشوة اللي طلعت له :grin وبيصيرو بتحزّرو كمان إنه شو راح تطلع الحشوة.. وهيك بيصير أكل مع شوية متعة وضحك :zzz خصوصا إنه الزغار (والكبار كمان) ما شاء الله بيحبو المفاجآت :eek .. شو رأيك؟ :? :roll :x

  10. منى 19 November 2008

    فكرة بتجنن يا عسل انت يا ام الافكار , انا احيانا بعملها بحشوات مالحة مختلفة بس و لا مرة ما خطرلي جربها بحشوات حلوة مختلفة :zzz

    من هلا اتوقعت اولادي شو رح يصير بحالتهم , فكرة مميزة الف شكر ليك عليها ;)

  11. tala11 28 November 2010

    السلام عليكم
    كيفك ياعزيزتي منى والله ما بتصدقي ادي حابة شوفك
    منشان اوصفلك ادي بحبك وبحترمك وبعزك :roll :zzz
    يعني عملتا لخلية النحل اليوم وطبعا هي اول مرة بجرب عجينة البريوش وطلعت كتيييييييييير طيبة يعني ما توقعت تطلع هيك :eek
    وطبقت فكر ة منامينو :)
    مع انو ولادي صغار بس بتمشي ال ولابو الشباب :grin :zzz
    والحشوة هي تمر وجبنة وشوكولا بس اطيب شي الجبنة
    عم استنى زوجي لحتى ييجي ويشوف الابداع تبع مرتو :p :grin :eek قصدي تبع حبيبة قلبي منى :p

  12. رغد غسان علاء الدين 20 February 2011

    رح أجربها بعجينة أمي الذهبية..لنو وصف البريوش عنجد دوخني وفتت بسبعمية حيط وضعت..كم مرة مذكور الطحين؟؟ دخت..واتخربطت..رح جرب عجينة أمي وبحكيلك النتيجة.. :upset

  13. منى 20 February 2011

    رغودة جربيها , بس اذا جربتي هل العجينة رح تجي لعندي مخصوص لتعطيني بوستين :grin
    لا بجد , شايفة المعكرو المحشي الي منشتريه برمضان , بتطلع اخته اللزم ;)

  14. رغد غسان علاء الدين 24 February 2011

    يسعد أوقاتك ميمو.. :)
    اليوم رح جرب هالأكلة بإذن الله تعالى..وهللئ طالعة أجيب اليانسون والمحلب والمستكة..ما بدي ينقص ولا ذرة مذرذرة من الوصفة :grin
    وببقا بحكيلك عالنتائج يا قمر :zzz
    دعواتك يا جميــــــل :)

  15. منى 24 February 2011

    ان شاء الله بتطلع معك يمممم , بس انتبهي على كمية السوائل لا تزودي لحتى ما تلوص معك الحكاية ;)

  16. رغد غسان علاء الدين 25 February 2011

    حضري حاكل يا ميمو ويا سيداتي العزيزات على تعليق طويل :)
    يا ستي أول الشي أبشرك..النتيجة روعة..فظيعةولا أجدع محلات المعجنات ممكن تعملها بالهنتيجة الروعة والنكهة الخطيرة..بس إنو شو..ما بعرف يمكن لأنو الدنيا شتا..يعني من وقت ما بديت القصة وبلشنا نفضي الأغراض من الأكياس لوقت ما صار عالصحن وجاهزة للأكل..مضا حوالي 6 ساعات..كتير يعني..أول مرة بيوصل زوجي ولسه النتيجة مو جاهزة..وشو منشان يا مبمو الوصفة بدها كاستين طحين ما عدا نص كاسة التخميرة الاولية..مستحيل مستحييييييل يمشي الحال بلا هالنص الزيادة (( على الأقل)) إنو زيادة بتصير مريقة ولا تقليلي كمية السوائل..أنا مشيت عالمقادير بالذرة وعالتمام..وكمان شغلة..أنا بالنسبة إلي تاني مرة رح قطعة الكيري كلها بدون قسم..لأنو لما تستوي وتنفش وتكبر الكرة..بتصير النص قطعة الكيري كتير قليلة..بتاكلي لقمة وبتستني هللئ بتطلعلي الجبنة..بترجعي بتاكلي لقمة وبتستنتي.. :grin بس شو بدك بالحكي..خيلــــــــــة..عنجد خيلة..كان لازم أعصر برتقال امبارح بدي أعمل شارب وأجلتو لليوم كرمال هالأكلة..قام طيابة الأكلة ونكهتها الروعة مع كاسة الشاي عملت مفعولها السحري ونستو لجوزي يسألني شو صار بالبرتقالات :zzz
    فعلا فعلا..أقصر طريق إلى قلب الرجل..معدته :grin

  17. رغد غسان علاء الدين 26 February 2011

    نسيت أقللك.. :sigh

    ما قدرت أصور الوصفة لأنو ابني الهل يهديه وقع الكاميرا وانعوجت العدسة تبعتها :sigh
    انشالله يكون تصليحها شغلة بسيطة.. :sigh

  18. لوليتا 15 October 2011

    مبين الطبق روعة ، تسلمي منى .
    لازم تكون الحشوة جبنة كيري ولا ممكن نغير لو مومتوفرة.

  19. منى 17 October 2011

    لا لوليتا فيكي تحشيها بايا شي بيخطر ببالك ;)

  20. منى 17 October 2011

    هلا رغود:)
    حسيت حالي كنت بالمطبخ معك , هنا و صحة و عافية و ازرعيها بدقني على التنتيف الي ما زبطت معك , المهم النتيجة العامة كانت منيحة :zzz

    يلا خيرها بغيرها على التصوير , ان شاء الله بتحضريها مرة تانية و بتصويرها بكاميرتك ;)

  21. amoula 8 April 2012

    مدام منى أنا لسا ما جربت وصفتك هي , بس جربت وصفة كتيير طيبة لخلية النحل وحبيت أحطلك اياها :

    المقادير :
    4 كاسة طحين
    2 فنجان قهوة صغير حليب بودرة
    2 فنجان قهوة صغير سكر
    2 معلقة كبيرة خميرة فورية
    معلقة كبيرة باكينغ باودر
    ا فنجان قهوة صغير زيت مازولا
    كأس ماء دافئ
    للتغطية :
    صفار بيضة مخفوقة + قطرات حليب + بضع حبات نسكافيه
    الطريقة :
    -تمزج النواشف , ثم تضاف السوائل بالتدريج مع العجن لمدة ربع ساعة تقريباً , حتى نحصل على عجينة متماسكة لا تلصق بالوعاء
    -يغطي الوعاء وتترك لتتخمر لمدة ساعة ونصف بمكان دافئ
    - تشكل كرات صغيرة وتحشى حسب الرغبة ( تمر , جبنة , كيري ,شوكولا … )
    -بعد الحشو تترك لترتاح لمدة نص ساعة
    - يدهن وجهها بالبيض المخفوق مع الحليب ويرش سمسم أو حبة البركة حسب الحشوة
    -تخبر في الفرن المحمى مسبقاً 180 حتى تحمر تقريباً ربع ساعة او تلت ساعة
    -تدهن بالقطر وهيه ساخنة ( إذا كانت الحشوة نوع حلو )
    وصحة وهنا :)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 4.00 out of 5)