دجاج بالكريم


         وصفة : منى                 2009/08/28                 33 تعليقات
دجاج بالكريم

·         ينظف الدجاج و يقطع لأصابع ثم ينقع بالخل لمدة ساعتين .

·         تذوب الزبدة و الزيت على نار متوسطة في قدر كبير ثم يضاف البصل و يقلب حتى يطرى .

·         يضاف الفطر و يقلب لبضع دقائق .

·         يضاف الدجاج و تقوى النار و يترك حتى يشقر اول طرف , ثم يقلب حتى يشقر من كل الاطراف , يضاف الثوم باخر دقيقة او دقيقتين .

·         يضاف مرق الدجاج و الخردل و الصويا صوص و الملح و يترك حتى يغلي ثم تهدى النار و يترك حتى يطرى الدجاج و يقارب النضج .

·         تضاف الكريما و تترك لتغلي على نار خفيفة حتى يكمل الدجاج نضجه ثم يقدم الدجاج فوراً مع الرز المفلفل .   






نصف كيلو من صدور دجاج منزوعة الجلد و العظم
3 ملعقة كبيرة خل
2 ملعقة كبيرة زبدة مع ملعقة كبيرة زيت نباتي
2 – 3 كوب فطر مقطع شرائح , ممكن استعمال الفطر المعلب او الطازج
2 حبة كبيرة بصل مقطع شرائح
2 – 3 فص كبير ثوم
نصف ملعقة كبيرة خردل
2 ملعقة كبيرة صويا صوص
2 كوب مرق
2 كوب كريما فريش
ملح







• ينظف الدجاج و يقطع لأصابع ثم ينقع بالخل لمدة ساعتين .

• تذوب الزبدة و الزيت على نار متوسطة في قدر كبير ثم يضاف البصل و يقلب حتى يطرى .

• يضاف الفطر و يقلب لبضع دقائق .

• يضاف الدجاج و تقوى النار و يترك حتى يشقر اول طرف , ثم يقلب حتى يشقر من كل الاطراف , يضاف الثوم باخر دقيقة او دقيقتين .

• يضاف مرق الدجاج و الخردل و الصويا صوص و الملح و يترك حتى يغلي ثم تهدى النار و يترك حتى يطرى الدجاج و يقارب النضج .

• تضاف الكريما و تترك لتغلي على نار خفيفة حتى يكمل الدجاج نضجه ثم يقدم الدجاج فوراً مع الرز المفلفل .
  • وصفات تانية ممكن تعجبك


التعليقات

  1. بشرى 30 August 2009

    امممم باينتها طيبة .. وخاصة إنو جوزي من هواة الدجاج .. بس سؤالي منوشة إنو بنقدر نستغني عن الخردل ولا لاء ؟
    يسلمو إيديكي حبيبتي والله يديم عليكي عيلتك الحلوة واللمة الأحلى وإن شاء الله بيتكم عامر بالمحبة والفرح .. يسلم إيديكي تعيشي وتعملي عزايم :)

  2. منى 30 August 2009

    هلا بشورة :)
    الله يسلمك و يخليكي حبيبتي و ما انحرم من هل الطلة الحلوة .
    الخردل فيكي تستغني عنه بس لو تحطيه رح يعطي طعمة حموضة خفيفة كتير من دون ما تبين طعمته ;) يعني انصحك تجربي الوصفة بالخردل حتى لو ما كنتي تحبيه :zzz

  3. رنا 30 August 2009

    ياعيني شي لذيذ والله …يسلم ايديكي بدي حاول جربها ولاول مرة رح استخدم الكريما بس مابعرف كيف رح تكون الاصداء بتعرفي الكبارية مو ممكن يتقبلو فكرة الكريم فريش كتير :grin

  4. سارونات 30 August 2009

    لسلام عليكم و رحمة الله و بركاته

    و لك دخيل الحكاوي الحلوة و اسم مروانوف لابق للوصفة الله يحفظلك عيلتك يا رب
    منووش متل ما بتعرفي انا ما بستعمل الكريما بالطبخ فهل فيني حط حليب مع نشاء او شي بديل للقشطة او ما بينفع و كمان هل ممكن استغنى عن الصويا صوص تمامااو عوضها بصوص الفطر

    بالتوفيق
    سلام

  5. eman000 1 September 2009

    اول شي كل عام وانتم بالف خير يارب انا ايمان من الاردن متابعة جيده للموقع وبجرب اغلب الطبخات في منهم بزبط وفي منهم لا (متل بطاطا كوينز) ما زبطت ما بعرف لية؟؟؟ :sigh وهلا حابة جرب الدجاج بالكريما بس عندي سؤال اذا سمحتي كيف بنحضر الكريما ولا بتكون جاهزة؟؟؟ يعني بس بنضيف ماء؟؟؟ وشكرا كتير اللك

  6. soma 2 September 2009

    يسلم اديكي أخت منى أكلة كتير طيبة أنا بعمل نفس هالمكونات تقريبا بالمعكرونة بتطلع كتير طيبة بس دسمة :zzz

  7. منى 2 September 2009

    هلا رنونة :)
    بيحبوه لا تاكلي هم , حماتي بعد ما داقت اول لقمة قالتله لبشورة اخي , تبقى خلي منى تعلم عروستك هل الطبخات الطيبة :zzz

  8. منى 2 September 2009

    هلا سارونات :)
    بتعرفي كل ما بيكون الوصفة فيها قشطة بقول هلا رح تساليني اذا فيكي تستغي عنها :grin

    طيب , فيكي تستبدلي القشطة بانك ترشي طحين على الدجاج و بعدها تضيفي المي و بس ما استوى بتضيفي الحليب كاستين , الطحين لكل كوب مرق ملعقة صغيرة ;) بس الطعم بالكريم رح يكون اطيب و اغنى
    فيكي تستبدلي صويا وص بصلصة الفطر و مو بس لهل الوصفة , تقريبا لكل الوصفات

  9. سارونات 2 September 2009

    السلام عليكم و رحمة الله وبركاته

    :grin :grin يخليلي ياكي منووش

    ان شاء الله راح جربهاو خبرك بالنتيجة

    منووش بدي اسالك عن كيفية تسخين الرز يعني هل في شي طريقة تحافظ على شكل الرز لما نسخنه

    بالتوفيق
    سلام

  10. eman000 3 September 2009

    :sigh انا كتير زعلانة منكم لانه ما بتردوا على تعليقاتي وما بتجاوبوني ولا على شي؟ :cry :cry :cry :cry :cry :cry :cry :cry :cry

  11. منى 3 September 2009

    له يا امونة , ما انتي ما دامك متابعة لازم تعرفي ان احيانا من كترة الردود, انا بتاخر لرد , بس ما بنسى و لا واحدة و كل واحدة لااازم رد عليها , بقى مسحي هل الدمعات الله لا يجيب زعل ابدا :zzz

    البطاطا كوينز ما زبطت معك لان بتكوني زدتي سلق البطاطا , على فكرة لهل الوصفة انا ما اضفت مي او حليب للبطاطا كان بيكفي ضيف بس نشا .

    لهل الوصفة منضيف شي اسمه كريم سائل و هو شكله متل الحليب بس اسمك شوي و بيكون طعمته غنية كتير و لذيذة كتير و هو متوفر بالمحلات و السوبر ماركات , بجنب الحليب و القشطة و هل القصص ;)

    ان شاء الله تجربي الوصفة و تكون على زووءك و انا رح استنى رايك بعد التجربة

  12. سارونات 5 September 2009

    السلام عليكم و رحمة الله و بركاته
    منوووش شو جوابك على سؤالي انا ناطرتك

    بالتوفيق
    سلام

  13. eman000 6 September 2009

    السلام عليكم يا احلى ست منى بالعالم انا مبارح جربت الشاورما بالدجاج والبطاطا و كريم التوم وبصراحة كلة زبطت وكل اشي كان تمام بس البطاطا شربت زيت :sigh وانا بصراحة بحسد حالي على هادا الموقع وهلا بطلت زعلانه ابداً لاني كتير بحبك وبحب الموقع وبحب جرب اي اشي جديد اسفة طولت عليكي

  14. رنا 12 September 2009

    منى هلأ اذا بدي جرب القشطة كم علبة احط …ياريت بالغرام لو سمحتي…وانا عندي شي اسمه قشطة طازجة يعني مدتها بعد الفتح 3 ايام بتكون بيضا وطيبة كتير …بس كأنه لاحظت انه انتي بتستعملي قشطة نسلة صح ولا انا غلطانة ؟؟؟والي مطلوب هون قشطة نسلة يلي بيكون لونها مايل للسكري ولا هديك القشطة ؟؟؟

  15. منى 13 September 2009

    هلا سارونات :)
    احسن الشي تسخنيه على الميكرويف , تغطيه منيح و تسخنيه , و ممكن تقلبيه على تيفال , بي الا ما ينتزع شكله شوي ;)

  16. منى 13 September 2009

    هلا امونة :)
    كتير انبسطت انك جربتيهم و عجبوك , اما البطاطا فما دامها شربت زيت معناها ان القلي كان على نار مو قوية

    تحبك العافية يا قمر و اتمنى ان دايما تبقي منورة , انا الي محظوظة فيك و ببقية الاخوات , نورتي ;)

  17. منى 13 September 2009

    هلا رنون :)
    يعني للنص كيلو دجاج بيكفي علبة قشطة , اظن وزنها 170 او 180 .

    انا ما استعمل لهل الوصفة القشطة الطازة , بستعمل اما نسلة او الكريم السائل الي بيجي مخصوص للطبخ ;)

  18. منى 13 September 2009

    هلا سمسومة :)
    ايه شوي دسمة , بس يممي ;) ان شاء الله تجربيها مع الدجاج و تطلع طيبة و على زووءك

  19. رنا 13 September 2009

    طيب سؤال بس انتي قلتيلها لسارونات تستعمل صلصة الفطر …اي صلصة قصدك يلي بتجي بعلبة الفطر مرقته يعني ؟؟ولا صلصة فطر يعني الشوربة الجاهزة ؟

  20. semo 19 September 2009

    يسلملي مروانوف الهي

    والله مروان شهاني جربها صار عندي فضول اعرف شوهالطعم اللي معلق طفل فيه وخصوصا انو الاطفال زوءهن صعب كتير

    الله يحميه ومايحرمو من ماماوبابا ولا يحرمن منه

    رح جربها بس بعد العيد ان شاء الله وبخبرك النتائج :zzz

  21. منى 19 September 2009

    هلا رنونة :)
    لا صلصة الفطر لا هي و لا هديك , هي بتجي بقنينة و شكلها و لونها بتشبه الصويا صوص بس غير طعمة , بستعملها لكم اكلة و احيانا لما ما بيكون عندي صويا صوص بحط منها ;)

  22. منى 24 September 2009

    هلا سمسومة :)
    ان شاء الله تجربيها و تعجبك و هي على فكرة من الاكلات الي بكررها و بعملها كتير في البيت و الكل بيحبها بس مروان اكتر الشي :)
    الله يخليلي ياكي على هل الدعوة الحلوة , و ان شاء الك متلها انتي و كل احبابك

  23. جنى 26 September 2009

    اكلة بتجنن بس زوجي ما خلاني اعملها قال ما بحب شي فيه كريمة بس انا بموت بالاكلات اللي فيها كريمابس رح اعملها قريبا ورح ياكلها لانو مافي قدامه غيرهاتسلم ايديك منى بس عندي رجاء ياريت تحطيلنا الوصفات لبقية الاكلات اللي بعزيمتك برمضان لانو شي بياخد العقل وحابة اجربهم كلهم 8)

  24. منى 27 September 2009

    هلا جنى :)
    اذا بدك فيكي تعمليها بالحليب , كله الا يزعل ابو الشباب , بتطلع كمان طيبة , و انا احيانا بحضرها بالحليب لما ما بتكون الكريما متوفرة عندي , طيبة بس بالكريم غيررر شكل ;)

    الوصفات عم حط واحدة ورا التانية تكرم عيونك , باقي بس كرات الدجاج و الكوسا بالطحينة و ان شاء الله ناوية نزلهم هل الاسبوع اذا ربنا راد ;)

  25. violet 13 June 2010

    رح جربها ان شالله اول مابجيب الكريم
    هلأ زوجي ماكتير بحب الفروج بس شو قولك بتعجبه هالأكلة ؟؟؟
    الرز المفلفل قصدك الرز العادي ما هيك ولا قصدك غيرشي ؟؟؟؟

  26. منى 14 June 2010

    ما بعرف انت ادرى :)

    قصدي بالرز المفلفل الرز العادي و لو متوفر عندك الرز البسمتي رح يطلع عندك طبق 5 نجوم ;)

  27. lolli 29 November 2010

    ممم نمنم انا من محبي اكلات الفروج او يمكن لانو بينجحو معي اكتر من الطبخات اللي فيها لحم

    هلء انا بعمل شي بيشبه هالاكلة لحد كبير

    اتعلمتها من رفيقتي اية و اهم الشي انها عجبت زوجي علما انو ما بحب الاكلات الحديثة او الغريبة

    المكونات هيه صدرفروج مقطع مكعبات و متبل ببهارات الشيش طاووق من قبل بيوم
    بصلة كبيرة جوانح
    فليفلة خضرا معصعة مستطيلات
    فليفلة حمرا كمان مقطعة مستطيلات
    و كمان فليفلة صفرا مقطعة مستطيلات (اختياري)
    علبة فطر مقطع
    و3 ملاعق كبار ذرة معلبة
    و اكيدزبدة
    و الصوص كنت اعمل صوص بشميل
    و من جديد عم دوب ملغقة زبدة و حط معلقتين كبار طحين و بضيف بالتدريج علبتين صغار كريما سائلة و اتركهم يغلو ع نار وسط و بالتحريك المستمر
    و لو حبيت امرقها بضيف شوي مي بالتدريج
    هلئ هي من الاكلات المفضلة عند زوجي و ابني

    و بالنسبة الي يوم اللي زوجي بجيب اللحمة والفروج بقطع مباشرة كل صدر فروجة بحطلة معلقة زيت زيتون و معلقة كبيرة بهارات الشيش طاووق و بخربطهم و بتركهم يرتاحو بعدين بحطهم بكيس مناسب للفريزر و بكتب عليه

    و يوم الطبخ بطلع الكيس من الفريزرو بساعتين بيكون حل و الفروج اخد نكهة البهارات

    عن جد جربوها كتير رح تحبوها
    ملاحظة صغيرة اني بستعمل فليفلة حلوة و بسموها فليفلة رومي او فليفلة باردة

    صحة و هنا ع قلبكم سلفا و ادعولي الله يمن علي بريجيم سهل يرجع فيه خصري اللي ضاع بين ثنايا الدهن

  28. karamela 13 July 2011

    ماضل لااطيب ولاالذ من هيك
    كل العيلة من دون استثناءات حبتها
    ومونت عندي كريمة بالبيت مشان اعملها برمضان
    منمون بدي مون عليكي بطلبين الله يخلينا ياكي بعرف انك مشغولة بس ماعندي شك انك رح تعملي جهدك
    بدي اكلة دجاج بالكاري لانو كل وحدة بتعطيني وصفة شكل وانا ما بوثق الا فيكي
    والطلب التاني كمان بسمع كتير بيستخدموا الشوربات متل شوربة الفطر ماجي بالطبخ لطبخ اسهل وصوص طيب عندك فكرة عن هالموضوع ولو بكم كلمة :roll
    لانو بصراحة عم دور قبل رمضان على اكلات سريعة التحضير مشان ماضيع وقت طويل بالمطبخ اللي متل الفرن
    بعرف اني عم غلبك يخلينا ياكي :)

  29. منى 17 July 2011

    هلا كرميلا :)
    ابوس روحك يا قمر , ان شاء الله كون اد الثقة ;)
    الدجاج بالكاري انا بعمله بطريقة عادية ,ما في اختراعات بس طيبة كتير , بقلي بصلتان و فليفلات حمراء و خضراء اصابع و شي جزرتان اصابع شوي بالزبدة في طنجرة تيفال , بعدها برفعهن , بضيف نصف كيلو دجاج مقطع اصابع و بقلبه على نار قوية و بتبله بملح و فلفل أبيض و ثوم مهروس و بقلب حتى يستوي , برش معلقتان كبار طحين لحتى يغلف الدجاج و بعدها بضيف مرق شوي شوي لحتى يصير الصوص سميك , برجع الخضرة و بضيف معلقة كاري و بتتركيها شي ربع ساعة لحتى تكمل سوي و بتتضيف مع الرز , سهلة و كتير طيبة ;)
    كنت صورتها , بس كاميرتي معطلة , بقى بس ما اتصلحت ببقى بجهزها و بصورها ان شاء الله

    استعمال الشوربات بالطبخ صار دقته اكتر من مرة و عم يعطي طعم كتير طيب , يعني ايا وصفة بدها بيشاميل او صوص كريم فيك تستبدليها بالشوربة الجاهزة , عم تصير الطعمة شي شغل اتويلات و بطريقة سهلة :)

    لا بقى تحكي هيك , انت و طلباتك على عيني و راسي و منورة دما كرميلا

  30. منى 17 July 2011

    تسلم ايديكي لولي :)
    وصفتك بتشهي , حبيت كتير اضافة الخضار , ممم خصوصي بهل الصيفية رح يطلعوا غير شكل ;)

    الف شكر للوصفة و بانتظار مشاركات طيبة كمان

  31. karamela 18 July 2011

    يعني اصريتي ماتطلعي الامع قمر شعبان قمر بالسما وقمر بالنت
    بعجز عن شكرك مشان هيك عم ادعيلك
    قديش بتمنى اتعرف عليكي لاني بحس تعليقاتك بتشبهني كتير
    اليوم اول ماقريت تعليقك عملت تورتليني بشوربة الفطر بدل الكريمة وطلعت كتير طيبة :zzz
    عندي سؤال على الدجاج بالكاري انت بضيفي معلقة كاري كبيرة او صغيرة وبس هي البهارات اللي بتحطيها لاني رح اتبع طريقتك بحذافيرها
    ويخليلي ياكي اخت غالية على قلبي

  32. منى 3 December 2011

    هلا كرميلا :)
    و انا بتشرف حبيبتي :zzz
    معلقة كبيرة و بتكون هي البهارات و بس , رح تعطي نكهة طيبة و بتكفي و بتوفي ..
    ان شاء الله تجربيها و تكون على زووءك و الف صحة يا رب على التورتيليني ;)

  33. denno 19 February 2013

    يييميييي حبيتا بس ممكن كمان تنعمل كصلصة للمعكروونة ^_^

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)