دجاج مشوي بالفرن بصوص الليمون و الزعتر الأخضر


         وصفة : منى                 2008/01/09                 25 تعليقات
دجاج مشوي بالفرن بصوص الليمون و الزعتر الأخضر

·          تقشر البطاطا ثم تقطع لشرائح بسماكة نصف سنتيمتر تقريباً , تقلى بالزيت حتى تشقر ثم توضع على ورق ماص .

·          تمزج مقادير التتبيلة بشكل جيد ثم تدعك بها قطع الدجاج من الداخل و الخارج .

·          يوضع الدجاج مع كل التتبيلة في وعاء بلوري ثم تغطى و تترك في البراد طول الليل أو لمدة 6 ساعات .

·          تنقل قطع الدجاج و شرائح البطاطا و كل الصلصة لصينية فرن بحيث يوضع الصوص أولا ثم ترتب شرائح البطاطا و أخيراً تغطى بقطع الدجاج بحيث يكون الجلد للأعلى , تضاف ورقة الغار و الماء حتى تغمر نصف الصينية ثم تخبز الصينية في الفرن المحمى على درجة حرارة 180 درجة مئوية و تترك حتى تنضج لمدة ساعة و نصف إلى ساعتين و يحمى الفرن لبضع دقائق من فوق لتحمير قطع الدجاج إذا دعت الحاجة .

·          ترفع ورقة الغار و ترمى ثم تقدم صينية الدجاج حارة مع الخبز العربي . 

فكرة سريعة :

·          إذا بدأت قطع الدجاج بالاحمرار قبل نضجها تغطى الصينية بورق ألمنيوم و تتابع عملية الخبز .

·          هذه الكمية تكفي لشخصين أو ثلاثة أشخاص .

 

 




دجاجة مقطعة لأربع قطع أو دجاجة كاملة ( غير منزوعة الجلد أو العظام )
3 – 4 جبة بطاطا متوسطة
ورقة غار
ماء حسب الحاجة


التتبيلة :

ملعقة صغيرة زعتر أخضر أو أوريغانو
رشة حبق
ملعقة صغيرة بابريكا
ملح و فلفل أسود
حبة بصل صغيرة مفرومة ناعماً ( اختياري )
4 فص ثوم مهروس
عصير حبة ليمون حامض أو أقل حسب الرغبة
فنجان صغير زيت زيتون





• تقشر البطاطا ثم تقطع لشرائح بسماكة نصف سنتيمتر تقريباً , تقلى بالزيت حتى تشقر ثم توضع على ورق ماص .

• تمزج مقادير التتبيلة بشكل جيد ثم تدعك بها قطع الدجاج من الداخل و الخارج .

• يوضع الدجاج مع كل التتبيلة في وعاء بلوري ثم تغطى و تترك في البراد طول الليل أو لمدة 6 ساعات .

• تنقل قطع الدجاج و شرائح البطاطا و كل الصلصة لصينية فرن بحيث يوضع الصوص أولا ثم ترتب شرائح البطاطا و أخيراً تغطى بقطع الدجاج بحيث يكون الجلد للأعلى , تضاف ورقة الغار و الماء حتى تغمر نصف الصينية ثم تخبز الصينية في الفرن المحمى على درجة حرارة 180 درجة مئوية و تترك حتى تنضج لمدة ساعة و نصف إلى ساعتين و يحمى الفرن لبضع دقائق من فوق لتحمير قطع الدجاج إذا دعت الحاجة .

• ترفع ورقة الغار و ترمى ثم تقدم صينية الدجاج حارة مع الخبز العربي .

فكرة سريعة :


• إذا بدأت قطع الدجاج بالاحمرار قبل نضجها تغطى الصينية بورق ألمنيوم و تتابع عملية الخبز .

• هذه الكمية تكفي لشخصين أو ثلاثة أشخاص .



  • وصفات تانية ممكن تعجبك


التعليقات

  1. نهال صبري 11 January 2008

    إحنا هنا لا نأكل الدجاج كثيراً لأن نكهته فيها زفارة .. لكن طريقتك منى أكيد هتضيع الزفارة دي و كمان تسوية الفرن بتدي طعم جميل للدجاج غير السلق في الماء ثم الشوي .. هجربها إن شاء الله لما نجيب دجاج .. و تسلم ايدك يا عسل .

  2. منى 11 January 2008

    الله يسلمك نهولة على الرد الجميل :)
    كلك زووء يا عسل و ان اء الله تجربيها و تحبيها ;)

  3. ام نور 11 January 2008

    الله يسلم هالديات يا اخت منى :) ويعطيكي العافية . انا زوجي كتير بيحب الجاج بشكل يعني ما بتمرء جمعة بدون ما اطبخو فيا او طاجين او مشوي او محشي مع انو الجاج بفرنسا متل ما قالت الاخت نهال مزنخ بس لمايتغسل بالخل والملح قبل ما ينقع بالتتبيلة بيمشي الحال ومع التتبيلة بيتروح الزنخة ;) .
    انا حابة اطلب منك اذا مجربتيا او عندك فكرة عنا طريقة المسخن الي بيحطوا مع الدجاج سماء وخبز كتير حابي جربا اد ما سمعت انها طيبة :p

  4. منى 11 January 2008

    هلا ام نور :)

    و الله نحنا كمان منموت على الدجاج عنا , و بطبخه كتير كتير مع أن الموقع فيه وصفات قليلة , بسأنا لسا عندي للدجاج وصفات أشكال و ألوان ;)

    المسخن بعمله و بالفعل بيجنن , اتعلمته من أخت فلسطينية يعني ان شاء الله رح أكتب لك الطريقة الأصلية :)

  5. ام نور 12 January 2008

    الله يبارك فيكي انا بانتظار المسخن

  6. منى 12 January 2008

    إن شاء الله من عيوني ;)

  7. نورا 17 January 2008

    سلامات يا منى… والله شكلها طيبة ورح اجربها إن شاء الله.. بس السؤال انه الماء اللي اضفناها رح تنشف كلها؟؟؟ وما رح تطري البطاطا بحيث تبين مسلوقة؟؟؟
    على كل إن شاء الله رح جربها لانه ضرتي الوحيدة في الدنيا هي الدجاجة … ما بيمرق أسبوع إلا وبنكون اكلنا فيه على الأقل مرتين دجاج بكل طرق التحضير المعروفة وغير المعروفة…

  8. منى 17 January 2008

    هلا نورا :)

    المي ما لازم تنشف كلها و هي المرقة رح تغمسي فيهاالخبزة مع البطاطا و الفرووج ,, يمممي

    البطاطا رح تطرى أكيد , بس أنا أولادي ما بياكلوها إلا إذا كانت إلا شوي نازل نيغها :grin

    إذا بتحبيها شوي أأقسى حطيها بنص الشوي

  9. jassmen 18 January 2008

    السلام عليكم اخت منى انا مشتركة جديدة معكم وبحب المطبخ كتير انا من مصر وبتمنى اكون شاطرة ولى نفس كتير حلو فى الطبخ بس فى حجات مش بعرف معناها زى الباربيكاوالحبق ممكن اعرف دول بالمصرى ايه والغار كمان وميرسى جدا ليكى على كل وصفاتك الهايله دى :) :roll :)

  10. jassmen 18 January 2008

    سورى انا اسفه نسيت اكتب الاميل بتاعى المرة اللى فاتت

  11. منى 19 January 2008

    و عليك أفضل السلام و أتم التسليم ياسمين أخت جديدة و عزيزة في المطبخ معانا ;)

    أختي الحبق هو الريحان و ما بعرف اذا هو دا اسمه بالمصري :roll أما البابريكا فهي الفليلفة الحمراء الحلوة المطحونة

    ورق الغار هو ورق اللورا و دا الوحيد الي اعرف اسمع بالمصري :grin

    نورتي يا عسل و على فكرة م في داعي تكتبي الايميل بيكفي انك تعملي تسجيل دخول و بس ;)

  12. نورا 9 February 2008

    يسلموا يا منى على هالأكلة … طيبة جداً جداً … عملتها يوم الجمعة وكتير عجبتني وعجبت زوجي… بس ما حسنت أحطلها حبق لأنه ما عندي وما بعرف منين جيب حبق يابس… على كل الاوريغانو كفى ووفى والحمد لله… سبحت فيها سباحة..الله يعطيكي الف عافية على هالأكلات الطيبة…
    الجمعة الماضية عملت فروجة كاملة بالفرن كمان وما تبلتها بشي غير الملح وبس… وتركتها مكشوفة بدون ما اغطيها لنصف مرحلة الشواء تقريباً وبعدين غطيتها لوقت ما استوت وآخر الشي دهنت وجهها بالزبدة السايحة وتركتها تتقمر على حرارة الفرن… طلعت جنان.. إذا صار لك جربيها لانها عن جد تغيير شكل بالمرة… حتى الصدر مع انه ناشف عادة بس بما انه تسقسق بالسوائل النازلة من الفروجة عن جد رائعة … وطلع شكلها روعة كمان…
    إذا صارلك جربيها وخبريني النتائج… وصحة وهناء على قلبك يا رب

  13. منى 9 March 2008

    صحتين و هنا يا نورا :) أكيد رح جربها ما دامنا من عشاق الجاج بكل أنواع و اشكاله ;)

  14. سارونات 15 October 2008

    السلام عليكم و رحمة الله و بركاته
    اختي منى بدي اعرف ازا بتنفع ازا كان الدجاج منزوع الجلد و ازا هيك فهل بغلفها بالالومنيوم من الاول او انطر و غلفها بس ازا بدت تحمر من غير ما تنضج
    اختي منى بعرف اني عم اسأل كتير اسئلة لعدة وصفات ورا بعض و هالشي لاني عم جمع الوصفات اللي راح جربهم و اتأكد من كل شي مشان وقتا اجي جربهم ما يصير لبس خصوصا ان الاتصال بالانترنت مو مضمون و هالايام عم ينقطع كتير و لفترات طويلة يقى مشان الله ما تواخزيني على كترة الوصفات اللي عم اسال عنهاو فيكي تجاوبي لما تقدري بعرف انك مشغولة و مو ضروري بسرعة خدي راحتك و الله يجازيك كل خير على الوصفات اللي ترفع الراس و ان شاء الله راسك دايما مرفوع
    بالتوفيق
    سلام

  15. منى 16 October 2008

    و لا يهمك أختي , تحت امرك انا دوما ;) اكيد الدجاج بينفع يكون منزوع الجلد , سبحان الله انا حضرت الوصفة من شي اسبوع بصدور بس , هلا بالدجاج الكامل اطيب اكيد , بس بالصدور تنفع و خصوصا اذا الواحد عامل ريجيم , بيخفف الزيت و البطاطا من دون قلي و صدور و بس بيطلع يممي ;) لا تغطي الصينية من الاول بس عينك عليها و قلبيها و اذا شفتي ان الصدر بدي يتحمر ممكن تغلفيه , انا ما احتجت :zzz

  16. منامينو 13 November 2008

    حبيبي منى، التتبيلة عجبتني كتير. فكرة حلوة وجديدة إنه بدون بندورة أو رب البندورة. بس يا ترى بقدر أنا إذا عملتها دجاجة كاملة بدون تقطيع إني أحطها مع تتبيلتها وقطع البطاطا بكيس فرن بدل الصينية، وبدون إضافة أي ماء طبعالإنه الدجاجة هي اللي راح تصفي ماء.. وبعد النضج منرتبها بطبق التقديم مع المرق اللي تصفى الدجاجة؟ :roll :roll .. شو رأيك؟ بيصير؟ :?

  17. منى 13 November 2008

    أكيد بيصير , بس يا ريت لو تضيفي البطاطا بعد شوي من وضع الدجاجة في الفرن لحتى ما تنهمس .. ;)

  18. DOUHA 21 July 2009

    اليوم جربتو روووووووووووووووووعة :p شكرا متى :)

  19. منى 21 July 2009

    هنا و الف صحة ضحى , يممم طعمة الليمون و الزعتر مع بعض ما في اطيب منهم , نا على قلبك بكل لقمة و كل تغميسة ;)

  20. farah 21 January 2010

    -

  21. laraye 19 February 2010

    مرحبا منوش
    اليوم جربتو وكان رائع
    بس انا كمان سمعت انو هون الدجاج مزنخ هلء اليوم ما اثر وكان طيب بس بغير حالات كيف فيني غسلو بالخل والملح؟
    ويا ترى انا فهمت صح انو ممكن نعمل الدجاج هيك بس بدون جلد؟
    يسلموا

  22. منى 20 February 2010

    هلا لارا :)
    الف صحة يا رب و هنا و عافية

    الدجاج بتفركيه بالملح كتير منيح و كمان بعدها بتحطي الخل على ايدك و بتفركيه فيه من برة و جوى و بيمشي الحال

    احيانا بحضر هل الوصفة بصدور دجاج بس , هلا بتطلع طيبة و حامضة و بتشهي , بس اذا عندك ضيوف الاحسن تحضريها بجلد , بيطلع الطبق كله انكه و اطيب ;)

  23. karamela 20 November 2010

    مابعرف شلون تاركة هالوصفة من دون تعليق
    كيفك اختي منى والله كتيييييييييييييير اشتقنالك واشتقت لتحطينا وصفة جديدة بالموقع ويدخلوا كل هالصبايا ونعرف اخبارن
    والله متمنية كتير ادخل على الفيس بوك مشان قرب منكن اكتر بس ما بينفتح من عندي
    وبالنسبة لهالوصفة مابيتخيل الواحد من مكونات بسيطة تطلع هيك طعمة روووووعة
    ياترى انشغلتي عنا وما بقى تنعاد هيك طبخات بالموقع طمنيني الله يخليكي انا من بعد ماتعرفت على لقمة طيبة ما بقى فتحت موقع طبخ تاني
    لاتتركينا انتوه بعد ما لقيناكي :cry

  24. منى 21 November 2010

    تشتاقلك الف الف عافية يا رب , و عن جد انا كمان مشتاقة كتير , رح حطلك وصفة معايدة صغيرة لحتى نشوف اخر الاخبار بالعيد

    الفيس بوك شغلته سهلة , بس حطي حرف s ورا حرف p متل مو مبين هون
    https://www.facebook.com
    و بيفتح ان شاء الله

    ان شاء الله صحة و الف الف هنا , و لا يهمك الجايات اطيب بكتير من الرايحات و على ضمانتي ان شاء الله ;)

    شكرا كتير على ردودك حبيبتي و ممنوتك , الله يديم الوج و المعروف

  25. jojo30 29 July 2011

    طييييييييييبة عن جد جربت كتير قبل بس ولا وصفة عطت هي النتيجة بجد تسلم ايدك هي الوصفة انقذتني اليوم اجاني ضيف فجئة على طول دخلت ع الموقع وقلت اكيييد ساجد ضالتي عندك وفعلا ما خاب ظني
    مشكوووووة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)