زيتون بخلطة دبس الرمان


         وصفة : منى                 2014/04/30                 6 تعليقات
زيتون بخلطة دبس الرمان

الزيتون ملك سفرة الفطور و الغدا , بينوجد بكل بيت و في خلطات مشكل ملون لتحضيره , كل خلطة الها لذتها و نكهتها و تميزها , هل الخلطة أطيب خلطة عندي لتحضير الزيتون, زيتون بخلطة دبس الرمان ما بشبع منها , وقت تكون حاضرة ما بفطر غيرها .
إذا عندك زعتر أخضر فريش فيكي تضيفيه عواض المجفف , كمان بيطلع غير نغم .
بالصحة و الهنا

-المقادير:

1 نصف كيلو زيتون مكسر و محلى و جاهز للاستعمال
1 كوب دبس رمان , أو حسب الحاجة
نصف ملعقة كبيرة كمون
1 ملعقة كبيرة زعتر أخضر مجفف
1 ملعقة كبيرة فليفلة حمراء ناعمة
نصف كوب زيت زيتون
ملح حسب الحاجة
1 - 2 حبة رمان مفروط
- طريقة التحضير :

1 - ينزع البذر عن الزيتون و يغسل جيداً , يمكن ترك البذر للسهولة و السرعة .
2 - يقلب الزيتون مع الزعتر الأخضر و الفليفلة و الملح و الكمون و دبس الرمان و الزيت , يترك جانباً لمدة ساعتين على الأقل لتتمازج النكهات .
3 - عند التقديم يضاف الرمان و يقلب و يقدم مع الخبز العربي
4 - يحفظ الزيتون في البراد و يفضل تناوله خلال أربع أيام .

التعليقات

  1. Haya 30 April 2014

    ممممممم شكلها كثير طيبة تسلم ايديك يا رب ،، بس اديش كمية دبس الرمان لان مو ذاكرتيها بالوصفة

    • منى 30 April 2014

      اي و الله هيا , سقط سهواً , الكمية كاسة تقريباً , هلا بعدلها , شكرا كتير :)

  2. رانو 30 April 2014

    انا بحط دبس فليفلة وزعتر اخضر ودبس رمان …بس كمون ماجربته …رح جربا ان شاء الله

    • منى 30 April 2014

      مممم , يا عيني يا عيني , أكيد طيبة مع دبس الفليفلة , بدي جربها ان شا الله
      شكرا للاضافة و ان شا الله تحبيها مع الكمون :)

  3. زهراء 4 June 2014

    يسلمو ايديكي بحبا كتير مع خبز تازا وكاسة شاي يمي يمي
    بس السؤال انه فينا نعملها لقطرميز كامل ؟ واحفظه بالبراد ؟

    • منى 5 June 2014

      الله يسلمك يا قمر :)
      اي بيصير , بس لازم يتاكل بسرعة , بالكتير اسبوع لان بيتغير طعمته بعدها

تقييم الوصفة
عاديةقد أحضرهاجيدةممتازةأكثر من رائعة (4 votes, average: 4.50 out of 5)