سلطة الايتش


         وصفة : منى                 2013/12/20                 5 تعليقات
سلطة الايتش

انا من الناس الي فيها تعيش على البرغل و بس في هل الحياة , بموت عليه حتى لو منقوع مع ليمون و زيت زيتون و نتفة ملح لهيك بتلاقي الكبة النية بزيت أو الايتش على الاغلب حاضريين يومياً على سفرتي ..

هل الوصفة خفيفة طيبة و هي متل الايتش بس فيها خضرة أكتر و البرغل منقوع و بس , يعني من دون ما ندعكه أو نعزب حالنا و نديره على ماكينة الكبة , و انا دوماً عم حضرها بهل الايام ما دام الرمان موجود , و ما دام ما بتاخد وقت كتير و شغل لحتى تجهز و بتشبع و طعمتها مممممم ما في أطيب منه .

بالصحة و الهنا

شو لازمنا ؟
كوب برغل ناعم
ربع كوب زيت زيتون
بصلة صغيرة جداً , مبشورة أو مفرومة ناعمة جداً ( اختياري )
ملعقة كبيرة رب البندورة
ملعقة كبيرة دبس فليفلة
2 ملعقة كبيرة دبس رمان
عصير ليمون حسب الرغبة
ملح
رشة كمون و رشة قرفة
ملعقة صغيرة فليفلة حمراء ناعمة
حبة رمان , مفروطة
1 خسة صغيرة أو كبوسة أو ربع حبة ملفوف , مفروم

- للتقديم :
ورق ملفوف أحمر صغير ( اختياري )

طريقة التحضير

1 - يغسل الرغل جيداً و يوضع في وعاء , يضاف زيت الزيتون و البصل و دبس البندورة و دبس الفليفلة و الملح و الكمون و افليفلة الحمراء الناعمة و القرفة و يترك جانباً لمدة ربع ساعة . يضاف نصف كوب ماء و يترك حتى يتشربه البرغل و يطرى .

2 - تضاف الخسة المفرومة و الرمان المفروط و دبس الرمان و عصير الليمون حسب الرغبة , يوزع في أوراق الملفوف و يقدم .

التعليقات

  1. نور 24 December 2013

    كتير مبينة طيبة وسهلة يسلمو

  2. Nosheen Zaza 28 December 2013

    مرحبا منى و يسلموا على السلطة اللذيذة. آكلتها من قبل شغل صديقتي التركية و فعلا شي لذيذ.
    بس كأني شايفة جرجير بالصورة و مو مذكور ضمن المكونات؟

    • منى 29 December 2013

      هلا نوشين , الله يسلمك و يخليك على طول صديقة غالية

      ممم , لا ما في جرجير , لهي الوصفة انا مستعملة كبوسة , شي متل الخس و ما بعرف اا اله اسم تاني

  3. Nosheen Zaza 20 January 2014

    ضربني الفضول و صرت عم دور فوقاني تحتاني عن أصل و فصل الكبوسة و ما يطلع معي شي. هل هي نفسها الهندباء؟ طعمها شوي على مرار مثلا؟

    بعرف أنا كتيرة غلبة من هالنواحي. بس، ما عم أعرف نام من ورا هي القصة  :D

    • منى 19 May 2014

      صباخ الورد نوشين :)
      هههههههه متلي تمام وقت شوف شي ما بعرفه بتضرب في راسي السوسة و ما بتحل عني الا لوقت افهم
      هلا الكبوسة غير الهندبا ، الكبوسة متل الخسة الصغيرة و ما بدها تحلاية ، اما الهندبا فهي مرة و بدها تحلاية و ورقها كانو مجعد
      وقت يصير تحت ايدي بصورها ان شا الله

تقييم الوصفة
عاديةقد أحضرهاجيدةممتازةأكثر من رائعة (4 votes, average: 4.00 out of 5)