سلطة الجرجير


         وصفة : منى                 2007/08/12                 9 تعليقات
سلطة الجرجير
باقة جرجير
حبة بندورة

الصلصة :

2 – 3 ملعقة كبيرة عصير ليمون أو دبس رمان
4 – 5 ملعقة كبيرة زيت زيتون
فص ثوم مهروس ( اختياري )
نصف ملعقة صغيرة فليلفة حمراء ناعمة
ملح و رشة كمون





• تنزع أوراق الجرجير من الساق ثم تقطع باليد إلى قطع أصغر من دون استخدام السكين .

• تغسل أوراق الجرجير جيداً ثم تترك حتى تصفى تماماً .

• تفرم البندورة مكعبات متوسطة الحجم ثم تخلط مع الجرجير و توضع في طبق التقديم و تحفظ في البراد حتى وقت التقديم .

• عند التقديم تمزج مقادير الصلصة جيداً ثم توضع فوق السلطة و تقلب ثم تقدم فوراً .



التعليقات

  1. بدور 12 August 2007

    يسلمو ايديكي على هالنشاط والأكلات الطيبة والمغرية :)
    مبارحة رجعت عالبيت وتفاجئت انو ما عنا جرجير يعني لسا ماعملت شي :roll
    نشالله اليوم بعملها بهالطريقة وبخبرك النتائج بس شكلا كتير مغري.شكرا كتير على هالوصفات الحلوة ;)

  2. منى 13 August 2007

    الله يسلمك و يخليك بدور :)

    ان شاء الله ..
    و انا عم استنى رأيك و ريتو عوافي و هنا مقدما ;)

  3. بدور 28 August 2007

    حبيت خبرك النتائج :)
    أول مبارح عملت السلطة وبابا حبها كتير أل أطيب من المطعم شكرا كتير على هالوصفات الحلوة الله يباركلك بوئتك و بكل شي بتعملي بحياتك يارب ;)

  4. منى 28 August 2007

    ريتو صحة و هنا و عوافي يا رب على قلبك و قلب بابا و قلوب كل مين داقها ;)

    و شكرا ليك بدور على الدعوة الحلوة , و ان شاء انت كمان الله يبارك لك بوقتك و عمرك و عملك أختي :)

  5. منامينو 15 November 2008

    يا عيني عالجرجير وفوائد الجرجير. تسلم الأيادي. أنا بعمل نفس السلطة ولكن بالسبانخ مش بالجرجير. يعني سبانخ وبندورة ونفس الصلصة. أما الجرجير فبعمله سلطة مع لبن وملح وثوم حسب الرغبة. أما لا لا، هيك صار لازم أجرب الجرجير على طريقتك لإنه عجبتني كتير :eek . تسلم أفكارك الحلوة :zzz

  6. منى 19 November 2008

    كتير أقرا عن وصفات فيها سبانخ بالسلطة بس و لا مرة خطر ببالي جربها ..
    بس ما دامك بتعمليها رح جربها و تكون الفكرة اجت منك ;)
    الله يخليكي يا قمر و لا انحرم من ردودك الغيرر شكل

  7. عيون ريم 14 February 2009

    تسلم اديكي ياعسل

  8. منى 14 February 2009

    الله يسلمك أختي :)
    و مية هلا فيك بالموقع , نورتي :zzz

  9. مدام الصن 4 February 2011

    سلام حبيبتي مبارح عملت شوربه الكراث والروكلي طلعت كتير طيبه وجوزي حبها مه انو صعب يعجبه شي فشكرا كتير
    رح اجرب اعمل سلطه الجرجير بهالطريقة لانو انا بالعاده بعملها مع جبنه كعاب سوربه وبصله صغيره وبندوره صغيره وخل وزيت وملح كمان جوزي بحبها وبتطلع طيبه يالله حبيبتي سلام وعم ننتظر اكله جديده

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)