سلطة الخريف


         وصفة : منى                 2009/12/09                 26 تعليقات
سلطة الخريف

·         يفرم الخس شرائح رقيقة , يفرم الملفوف بنفس الطريقة , يبشر الجزر ثم يخلط الكل مع فرط الرمان .

·         تمزج مقادير الصلصة و تتبل بها الخضار المفرومة , يعدل الحمض حسب الرغبة و تقدم .




نصف خسة
2 جزر
فرط نصف رمانة
ملفوف , حوالي ربع حبة متوسطة

الصلصة :

4 – 5 ملعقة كبيرة خل بيتوتي
عصير نصف ليمونة
ملح و رشة كمون و فليلفة ناعمة
5 ملعقة كبيرة زيت زيتون





• يفرم الخس شرائح رقيقة , يفرم الملفوف بنفس الطريقة , يبشر الجزر ثم يخلط الكل مع فرط الرمان .

• تمزج مقادير الصلصة و تتبل بها الخضار المفرومة , يعدل الحمض حسب الرغبة و تقدم .


  • وصفات تانية ممكن تعجبك


التعليقات

  1. ميساء 9 January 2010

    صباح الخير منى :)

    انشا الله ألف مبروك يا رب عالجائزة والله أنت وهالموقع الرائع بتستاهلو كل جوائز الدنيا :zzz وبالنسبة للسلطة باينتها طيبة كتير واليوم انشاء الله عالتجريب ويسلم هالايدين الحلوين يا قمر النت

  2. gsm 9 January 2010

    اول شي ان شاء الله الف الف مليون مبروك على هل الجائزة بس في سؤال يعني ما عرفت تعطيك الجائزة قبل هههههه والله انو هل الموقع من احلى المواقع يللي تعرفت عليها بحياتي وكل ما اتعرف على عالم جدد فورا بدلن على هل الموقع على قد مانه مفيد خصوصي للبنات يللي متح حكايتنا بالغربة وجايين ما بيعرفوا يقلوا بيضة :grin :grin تاني شي يممممممممممم يم على هل السلطة بس يا ستي انو سلطة خريف نحنا عندنا هون سقيع وجليد الله وكيلك كلمالها عندناا درجة الحرارة عم تنزل تقولي سيبيريا مو هيك :sigh بس الحمد لله على كل حال على كل انا رح اجرب هل الوصفة بس من دون الخل البيتوتي لأنو ما سبق وجربته وهلق لحتى اجرب اعمل الخل رح استعمل الخل الجاهز بس يا ترى ممكن استعمل الخل البلسمي بدال الخل البيتوتي ويعطي نفس النتائج او قريب منها
    ما تواخذيني اخدني الكلام وطولت عليك كتيير
    ومرة تانية ان شاء الله الف مبروك على الجائزة وعقبال الاحسن منها

  3. منى 9 January 2010

    هلا ميوسة :) صباح الفل و الورد الابيض

    الله يبارك بعمرك يا زووء ,ان شاء الله تجربيها و تاكلوها بالهنا و تكون طيبة متل ما بتحبوا :zzz

  4. نور الأسلام 9 January 2010

    السلام عليكم تحياتي يا احلى منى الف الف مبروك الجائزه والله انك بتساهلي كل الجوائز الحلوة بالدنيا :zzz يسلمو اديك على هالسلطه بجربها انشاء الله

  5. Mays 9 January 2010

    مبينة هالسلطة طيبة و سهلة، و سؤالي متل سؤالgsm فينا نستعمل خل البلسمي .

    منى يعتلك رسالة على حسابك بالفيس بوك يا ترى وصلتك :?

  6. منى 10 January 2010

    هلا نور :)
    الله يسلمك يا ام الزوء و اللطف .

    ان شاء الله تجربي السلطة و تحبيها و تدعيلي :zzz

  7. gsm 11 January 2010

    اهلين منونة اليوم عملت هل السلطة وكتييييييييير طلعت طيبة حطيت شوية خل جاهز وشوية خل بلسمي وكتيير صارت النكهة لذيذة يسلموا إيديك
    يا ستي انا عايشة ببريطانيا وهل الشتوية اجت كتيير قوية وعم توصل درجة الحرارة لل -18 برررررررررررد لأ وهي اول شتوية غلي بأوروبا بعد ما كنت بالخليج بقى شوفي على الفرق الفظيع
    طولت عليك ما تواخذيني
    :zzz

  8. آرام 11 January 2010

    مرحبا أخت منى
    شكرا كتير على السلطة اللذيذة، أنا دائما بعمل سلطة ملفوف بس بدبس الرمان، وأحيانا بالليمون، ما خطر ببالي أجربها بالخل! وكمان ما خطر ببالي سابقا أحط معها فرط رمان.
    المهم أنها طلعت لذيذة جدا .. خصوصا مع الخل البيتوتي :)

  9. منى 12 January 2010

    هلا gsm :)

    الله يبارك بعمرك يا رب , هادا من زووءك يا عسل .

    يا ترى انتي هلا ووووين :roll

    الحمد لله رب العالمين الجو عنا بسوريا منيح , البرد الكتير او ا شوب الكتير ما بيطول و الغالب اننا عايشين بنعمة , من فضل الله

    ممكن تجربي السلطة اكيد بالخل البلساميك و حتى بالخل العادي , انا جربتها بكل الطرق , بس الكمية رح تختلف , ااقل شوي و حسب زوءك ;)

  10. منى 12 January 2010

    هلا ميس :)
    وصلتني و شي بيشهي , الله يسلم هل الدياات

    ان شاء الله تجربيها بالخل البلسمي و تطلع طيبة , رح استنى رايك

  11. ام دانية 12 January 2010

    ان شاءالله الف مبروك الجائزة والله بتستاهلي كل خير والسلطة شكلها طيبة رح جربها وخصوصاانو المقادير كلها متوفرة عنا بس ياريت تنزلينا شي وصفة لذيذة من دياتك تكون ساخنة حاكم البرد عنا غير شكل :eek

  12. souha 12 January 2010

    هلا منونة :)
    ألف مبروك على الجائزة و إنشاء الله دايما للأحسن بس صورة الجائزة ما عم تطلع عندي حبيت شوفهايمكن عندي شي غلط
    سلم دياتك على السلطة باينتها كتير ظريفة

  13. Iman 14 January 2010

    اهلين منى. الف مبروك الجائزه ادها وادوود والله. و شو هالسلطه الحلوه. راح اعملا بكره انشاءالله لانو كل المقادير متوفره عندي ما عدا الخل البيتوتي. والله شهيتيني اجربه. سلم ايديكي مره تانيه

  14. منى 21 January 2010

    هلا gsm :)
    هنا و الف صحة يا رب .
    يا ستي مهونة ان شاء الله , و الغربة صعبة بالشوب و البر د و ما في شي بيدفي الواحد من جوى و برة الا بلده و لو شو ما كان

    لا طولتي و لا شي , نورتي يا قمر :zzz

  15. منى 21 January 2010

    هلا ارام :)
    الف هنا و صحة اخي , بتعرف سبحان الله انا سلطة الملفوف بدبس الرمان صار الي شي 10 سنين ما دقتها , و نهار الي قرات تعليقك زكرتني فيها قل رح حضرها , بس كنت معزومة على الغدا عند اختي و اذ بتكون هل السلطة على السفرة

    مرة تانية الف هنا و صحة على السلطة و على الخل كمان , نورت اخي

  16. منى 21 January 2010

    هلا ام دانية :)
    ان شاء الله تجربيها و تحبيهاو انا رح استنى رايك ;)

    تكرم عيونك اختي ام دانية

  17. منى 21 January 2010

    هلا ام السوس :)
    يمكن ما عم تطلع لان البلوج عنا ممنوووووع , سسسس , لا تقولوا لحدا :roll

    ان شاء الله تجربي السلطة و تطلع طيبة و الف الف شكر الك للخل يا قمر

  18. منى 21 January 2010

    هلا امونة :)
    جربيه و ما بتكوني الا رضيانة ان شاء الله , انا رح استنى رايك بعد التجربة و ان شاء الله تكون يمم يمم يممي

  19. أم علي 26 January 2010

    السلام عليكم كيف حالكم ان شاء الله تمام :grin شو اخبارك ست منى والله اشتقتلك كتير والف مبروك على الجائزة :) اعذريني انشغلت على
    مراسلتك ابتعرفي البيت والاولاد :zzz بس انا من فترة لفترة كنت افتح الموقع وشوف كل شي جديد عندك وهلق ان شاء الله دائما رح اتواصل مع اكلاتك الشهية وتسلم ايدك على هالسلطة الشهية ;)

  20. قهوه مُره 1 February 2010

    السلام عليكم…كيف حالك عزيزتي …يعطيكي العافيه ..تبارك الله كل أكلك لذيذ بياخد العئل..بدي أسألك عن شغله شفتها بالسوق..صواني بلاستيك للكاتو (يعني بتنحط بالفرن)بس ماني عارفه بتنحط بألب صينيه فيها مي بالفرن..خايفه حطها من غير شي .تسيح وتبهدل كلشي؟؟ أفيديني أفادك الله :)

  21. منى 2 February 2010

    هلا ام علي :)
    تشتاق الك العافية و الحمد لله ما دام كل امورك الخير ما في مشكلة المهم اطلطلي علينا كل فترة ;)

    الله يسلمك و يخليك و ان شاء الله تجربيها و تحبيها

  22. منى 2 February 2010

    هلا مريومة :)
    من زووءك اختي , الله يخليك و يحفظك دوما

    الصواني الي قلتي عنهن هنن من السيليكون و ممكن استعمالهن للفرن , بس انا ما كتير حبيت الفكرة , ايه شو من قلة الصواني العادية :roll
    بس للفريزر ممكن تستعمليهن و عم يجي منهن اشكال حلوة كتير , بتعطيكي شكل حلو لكيك البوظة او الجيلو ;)

  23. semo 2 March 2010

    والله غيابي هالشهرين عن الموقع صارت فيه قصص كتيرة واحلى قصة هالقصة

    ألف ألف مبروك منوش والله بتستاهلي هيك واكتر

    من وقت ماتعرفت عموقعك انقلبت حياتي بالمطبخ وصار الكل بيحكي عن سفري ونفسي عالاكل

    وانت سر كل اكلة بقدمها وكل حدا بيقدملي كلمة حلوة عن اي اكلة حتى لو ما اخدتها منك بقدملك مقابلها دعوة حلوة الله يجعلها من نصيبك

    سلطةبتحكي قصة فصل ونجاح ومحبة

    يسلم ايديكي

  24. منى 2 March 2010

    بتعرفي سمسم ردك و كل الدفى الي فيه حركلي قلبي من جوى , الله يخليلي ياكي و ان شاء الله كل دعوة حلوة دعيتيها الي ترجع الك احلى و تكون من نصيبك و نصيب كل عيلتك يا رب :)

    الله يسلمك , بوسات كتير سمسوم

  25. نوراقطر 10 October 2010

    يخليلي قلبك يامنى جد بيضتي وجهي الحمدلله كل وصفة من ايديكي الحلوين عم تطلع بتاخد العقل امبارح عملت هالسلطة لزوجي وعملت متبل البطاطا الي انتي محضرتيه وطلعو يمي يمي :p اول ماكنت اطبخ يقلي زوجي طيب بس ماتخلص الاكلة بس من وقت ماعملت وصفاتك وينجحو معي عي يقلي ليه هيك انتي بخيلة :roll مع انو نفس المقادير تقريبا جد الله يقويكي ويخليكي دايمة لعيلتك والنا :grin [img]null[/img][B]null[/B][I]null[/I]

  26. منى 25 October 2010

    هلا نور :)
    ان شاء الله وجك ابيض على طول و دايما, و انا كتير مبسوطة ان الوصفات عم تزبط معك
    متل ما قلتي هي التفاصيل الصغيرة هي الي بتعمل فرق و هل التفاصيل كلها اتعلمتها من الستات الكبارية الي حوالي و في شي من تجاربي , الله يخليلنا ياهم دايما هن الاصل :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)