سلطة الزعتر الأخضر و الجبنة البيضاء


         وصفة : منى                 2009/04/04                 17 تعليقات
سلطة الزعتر الأخضر و الجبنة البيضاء



باقة زعتر أخضر
4 – 5 كعب جبن أبيض ( أنا استعملت جبنة حلب )
عصير ليمونتان أو أكثر
5 ملعقة كبيرة زيت زيتون
رشة نعناع يابس
ملح حسب الحاجة


• تنتف أوراق الزعتر عن الأعودا ثم يغسل و يترك جانباً حتى يجف .

• تفرم الجبنة لمكعبات ثم تقلب مع الزعتر و بقية المقادير و تقدم .
  • وصفات تانية ممكن تعجبك


التعليقات

  1. ام محمد 5 April 2009

    تسلم دياتك يا منى :)
    انا كتير بحبهاوبعملها مثلك بس بضيف بصلة صغيرة
    ورشة سماق شهيتني اروح وساويهاوالله يعيني على تنتيف اوراق الزعتر :x مرة تانية شكرا ياعسل

  2. سلاف 5 April 2009

    يسلم هالايدين يامنى لو تعرفي اديه بحب هالاكله
    من شيئ شهر وشوي توحمت عالزعتر الاخضر والجبنه والقصه مافي عندي غير الزعتر الخضر اليابس الاوريغانو وحده من قرايبيني لما عرفت جابتلي كيس زعتر اخضر مصفر ومحطوط بالفرزيه بس عنجد شيئ بجنن مافي 3 ايام ماكان بقيان ولا زعترايه
    المهم سألتها شلون ساوته قالتلي انه بنات حماها بصفروه وبيحفظو بالفريزر بس هيه مابتعرف شلون
    منى الله يخليكي مدام هلا يمكن بلش ينزل او نزل الزعتر الاخضر كيف فينا نحفظه بالفيزر منشان قول لماما تجهزلي ياه
    8)
    يسلم ايدكي يامنى لو كنتي حنبي كنت قلتلك ابعتيلي هالصحن فرط ريقي اممممممممممممممممممم
    جبنه وزعتر وليمون ياسلام

  3. غيث 5 April 2009

    يا عيني اه اشقد بحب هالطبق وكل العائلة عندي كتير لذيذ وبيقبل بتاكلي ما بتشبعي الله يعطيك العافية منى على ترتيباتك اللي بتفتح النفس شكر ا لك صحيح متل ما سالتك الاخت سلاف عن الزعتر الاخضر افيدينا منشان انا كمان ماماتي تحضر لي ياه بتعرفي غربة ومو كل شي متوفراو من الصعب تعرفي كل شي ببلد غريب عنك انا بعتت الوصفة اللي ما وصلت اللي ارسلتها من شهر اعدت كتابتها وبعثتهاالبارحة على اتصل بنا يا ترى وصلت لانها تالث مرة بكتبها وبعتقد ان ما وصلتك خلص ما عاد عيدها لانها جننتني وانابعيد وبكتب عموما كله خير من ربنا وشكرا لك على اهتمامك

  4. لارا مينا 6 April 2009

    مساء الخير أخت منى ولجميع الأصحاب … إن شاء الله تكوني بخير والله يديم عليكي نعمه وخيراته يارب حبيت أسال عنك بس ..وخبرك إني عملت برغل بالبندورة , والكبة المقلية , و مكدوس الباذنجان ولحد اليوم وأنا بدعيلك ,,والحمد لله اتبعت الطريقة بالزبط ومافيه شيء اتخربط معي والكبة عملت نصف الكمية و طلعت خيال وآخر حبة كبة حشيتها بآخر ملعقة حشوة يعني عالقد تمام والباذنجان استخدمت نوع أسود حجمه صغير لأن الفاتح مش متوفر أبدا ولا نحلم حتى نشوفه بالمنام ومع ذلك تحفة فلكي كل التحايا على مجهودك ومجهود أخواتك وأمك وبصحة وعافية على طول وفكرتك رائعة جدا بتصوير عزايمك سواء فطور أو غداء أو عشاء حتى لو جلسة عصرية للأصدقاء لأن يمكن مايخطر ببالك كيف استفدنا منها بشكل كبير جدا وما أقدر أعبر عنه بالكتابة بس.. وشكرا .

  5. منى 7 April 2009

    هلا ام محمد :) الف هنا و اكيد طيبة مع البصلة , و مع السماق رح تصير لسا احمض و احمض ,. بجربها ان شاء الله المرة التانية على طريقتك ;)

  6. منى 7 April 2009

    هلا سلوفة :)
    الله يعينك على الوحام و قصصه , ان شاء الله بتمضى على خير و بتقومي انتي و الببي بي بالف صحة و عافية يا حق

    سلوفة هي الزعتر الأخضر ما بعرف احفظه الا بطريقتين , اما نشفه و اطحنه كل شوي بشويتها أو مع ليمون و مي و زيت بمرطبان , بس بالفريزر جربت مرة قام اسود كله و ما قدرت استفيد منه بشي :roll

    و الله لو كنتي جنبي كنت بعتلك اطيب سلطة او يمكن كنت عملتها و عزمتك ناكلها مع بعض ;)

  7. منى 7 April 2009

    هلا غيوثة :)
    ان شاء الله تعملي هل السلطة و تتزكريني لأن انا بحبها كتير كتير
    حفظ الزعتر متل ردي على سلاف , ما بعرف كيف ممكن ينحفظ بالفريزر من دون ما يسود او يتغير لونه :roll

    المربى وصل و ساويته امبارحه و اليوم كنت من شوي عم صوره , كتير طيب و تغيير شكل , سلم هل الديات يا حق غيوثة انت و أختك هناء و ربي يديمكم لبعض ;)

  8. منى 7 April 2009

    هلا لارا :)
    بعد زمان القمر ما بان ,. يا ستي هنا و صحة على الكبة و المكدوس و البرغل بالبندورة , نقيتي اكلات كلها طيبة و ما بينشبع منها ;)

    خلص ان شاء الله ما بتمرق اي مناسبة عندي من دون تصوير و لو كم صورة على السريع , و ربي يديم الافراح و يديم اللمة و الجمعة الحلوة بالصحة و العافية

  9. سلاف 7 April 2009

    أنا بعرف طريقة الزيت والليمون بس عم قلك يامنى هالطريقه عنجد تقولي هلأ قاطفتيه انا رح خلي ماماتسألي اللي بصفروه بسوريا وان شاء الله اذا زبط مع ماما وعرفت الطريقه يبقى ببعتلك ياها
    والله يخليلي ياكي يامنى والله كاني اكلت الصحن كله تسلميلي شو كلامك حلو وبيوصل للقب بسرعه
    هلا بما انه موسم الكمايه مابعرف اذا لسه موجوده بس كمان بتتفرز متل الشوكي مو هيك ؟؟؟سبحان الله هالحامل مابتفكر غير بالاكل
    :roll

  10. منى 7 April 2009

    ان شاء الله سلوفة و بكون الك ممنونة ;)

    الكماية تنحك منيح منيح و بعدها اما تقطعيها أو تتركيها على حالها و تسلقيها بمي و ملح , و مية السلق لا ترميها لان مفيدة كتير :zzz

  11. بدور 22 April 2009

    يا سلام على هالسلطة ما اطيبها وما اسهل طريئتها..

    بعد زمااااان والله شتئت للموقع ولكلشي فيه 8)
    الله يسلم دياتك النواعم يارب

    الصيف عالبواب واطيب شي بالصيف السلطات والحلويات والعصير :p

    الله يخليلنا ياكي ويباركلك بعملك ووئتك يارب.
    شكل هالسلطة مشهي وطعمتها ولا اروع من هيك.
    يسلمو كتير ميمو الحلوة ;)

  12. منى 23 April 2009

    خليلي عينك يا قمر , لو كنت جاية على عزيمتي كنت دقتيها :roll

    خيرها بغيرها و ان شاء الله تجربيها و تكوون على زووءك :zzz

  13. Noora 20 March 2011

    هي السلطة كتير طيبة منى بس أنا بعملها بطريقة تانية وهي:
    زعتر أخضر مغسول ومفروم
    جبنة مفرومة
    بصلة خضراء مفرومة
    بندورة مفرومة ناعمآ
    زيت زيتون
    عصير ليمون
    رشة ملح+فليفلة حمرا
    جربيها ورح تدعيلي وممكن نعملها بدون البندورة والليمون بتعطي طعمة تانية كتير طيبة عالعشا مع الشاي أو بتنحط بخبزة وبتنعمل سخانة يمممي صدقيني رح تصير من الوصفات المفضلة عندك لأنه كل يلي داقوها عندي أخدوا الطريقة

  14. منى 20 March 2011

    و الله كل مقاديرها عندي , رح حضرها اليوم على الغدا ان شاء الله

  15. Noora 20 March 2011

    عزيزتي منى بعتلك طريقة حفظ الزعتر الأخضر في الفريزر إن شاء الله تكون وصلت حتى تعم الفائدة ويستفيدوا منها الكل‎ ‎وهي طريقة مجربة ومضمونة لأني كل سنة بحفظ الزعتر الأخضر بهل طريقة أنا وكل يلي بعرفهن

  16. منى 20 March 2011

    و الله ما وصل شي نورا ؟ وين بعتيها :roll

  17. Noora 22 March 2011

    طريقة حفظ الزعترالأخضر في الفريزر:يوضع وعاء ماء+ملعقة سكر على النار ويترك حتى يغلي ثم نضع كمية من الزعتر الأخضر في الماء لثانيتين ثم يرفع على مصفاة لدقيقة واحدة فقط ثم يعبأ وهو ساخن في كيس نايلون وعالفريزر فورآ أما إذا ترك حتى يبرد فسيصبح أسود اللون وهذا هو السر ثم توضع كمية أخرى من الزعتر وهكذا

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)