سلطة فاكهة الخريف


         وصفة : منى                 2011/11/20                 18 تعليقات
سلطة فاكهة الخريف

سلطة اليوم هي نسخة الخريف عن سلطتي الفواكة و بحضرها لما بتكون نازلة اكتر خضرة مفضلة عندي و الا هي المنجا أو الخرما او ما بعرف شو اسمها الحقيقي , المهم انها شي اورانجي قلبها طري و حلو و وقتها بالخريف و ريحتها و لونها بيذكروك بشهر ايلول … و هي اطيب فاكهة عندي , بوقتها بفطر منها و باكل قطعة بعد الغدا و بتعشى منها و بايام حملي كنت فيق الساعة 3 بالليل و اكل منها , بس هلا بطلت لفيقة نص الليل


من فترة كنا عند امل و اكلت عندها سلطة فواكة و كان حاطة معها عصير رمان عواض عصير البرتقال أو الأناناس , عجبتني الفكرة كتير و خصوصي انو الاناناسات كان صاير لونهم فوشي و اول ما شفتهم قلت الها لاية انو هل الاناناس ما بيصير هيك لونه الا اذا كان منقوع بمرقة مخلل اللفت , جربته مع سلطتي و كان خيلة , و ما دام عم حضر السلطة الي و لملذاتي الشخصية فبفضل ما حط الها معلبات , بس وقت الضيوف بلغي البرتقال و بحط عواضه اناناس ..


بالصحة و الهنا




4 حبة كاكي , خرما , مقشرة و مقطعة
2 حبة تفاح أحمر , مقطعة
2 حبة برتقال أو علبة أناناس , مقطع
3 – 4 موز , مقطع شرائح
2 حبة كبيرة رمان حلو , مفروط
1 – 2 حبة كبيرة رمان حلو , معصور
سكر أو عسل حسب الرغبة
2 – 3 ملعقة كبيرة عصير ليمون




• يقلب الموز و التفاح و عصير الليمون سوياً لمنع تغير اللون .

• تضاف بقية المقادير و تقلب حتى تتجانس , يضاف السكر أو العسل للتحلية حسب الرغبة .



التعليقات

  1. أم نوران 22 November 2011

    يسلمو ايديكي منوش ..انا كمان كتير بحب هالسلطو خصوصا بوقت الرمان يا سلااام بس دايما بحطلا برتقان وفكرة كويسة الاناناس راح جربها ان شاء الله ..انا اوقات برش عليهن شوية سكر بني و شويية مي و بحطن بالبراد و بيطالعو مي يعني ما بحطلن لا عصير و لا شي .. :) شكرا على الوصفة

  2. farah 22 November 2011

    يا ستي شكلها لذيذة ومنعشة وبالذات انا من عشاق الرمان
    انتي كل شي بتضيفيه مميز واله نكهة بتميزه
    انا عادة سلطة الفواكه بضيفلها بالآخر قطرات قليلة من ماء الورد او ماء الزهر بخلطه بعصير الليمون المضاف للسلطة كتير بيعطي لمسة فريش و شرقية وعلى وجهها كم حبة مكسرات نية بس تكون منقوعة بالماء البارد قبل كم ساعة ويفضل اللوز والفستق الحلبي بتطلع ضيافة مفتخرة وبالصيف كنت ضيف طابة بوظة فانيليا عليها و وذوقي وادعيلي

  3. ام نبيل 23 November 2011

    ممممم
    شكلها بشهي لونها روعة هو الرمان معجزة عظيمة بطعمته ولونه وكل شي فيه حلو وبحبو بكل نكهاتو
    والمنجا ياسلام بتلاقي جوزي عبدور عليها دوارة وبيعرف يجيبها بتكون طيبة حلوة وما الها لفة لاني ما بحبها
    تسلم ايدك على هالابداع وان شاء الله كل ايامك حلوة وتدوم حلاوتها دائما

  4. منى 23 November 2011

    هلا ام نوران :)
    ان شاء الله تجربي عصير الرمان معها و تحبيه , كان كتير طيب و اشتهيت الحبايب ..

    حبيت فكرة السكر البني كتير ,كراميل من دون توفي , بس يا ترى كيف بيطلع اللون :?

  5. منى 23 November 2011

    هلا فروحة :)
    من زووءك حبيبتي و انت وصفاتك كمان ما شاء الله اول ما الواحد بيعملها بيصير ادمااان معه ;)

    يمكن الطريقة الي زكرتها متل هل[URL=http://www.l2ma.com/content/view/494/2/]الوصفة ؟[/URL]

    حبيت كمان فكرة البوظة , يممم , ان شاء الله رح جربها باول ما يصير وقتها مناسب ;)

  6. منى 23 November 2011

    هلا ام نبيل :)
    ياااي عن جد معجزة من رب العالمين , في انواع فواكهة بيحتار الواحد كيف يوصفهم و الرمان و الزيتون من بيناتهم

    شو اسمها للمنجا عندكم ؟

    الله يسلمك و يخليك و يديم علينا نعم رب العالمين و يعرفنا اياها بدومها و يقدرنا نشكرها متل ما بيحب رب العالمين :)

  7. غيث 23 November 2011

    سلامة منوش الله يسلم ايديك يا حق يا ستي الرمان ملك وكل شي فيه رمان رائع ما في شك بدي اقلك اسم المانغا هنا بالسعودية بيكتبو عليها كاكااما المانغا اليمني وغيرو فهي المانغا الحقيقية غير الكاكا اللي نحن السوريين نسميها مانغا بالخطـأشكرا منى لكل جديد :)

  8. marmour 23 November 2011

    كتير حبيت الفكرة واليوم جبت شو ناقصني لاعملها اليوم جربت مهلبية الرز وعجبتني كتير. ومهلبية الشوكولا بس طلع سكرها كتير وقريبا رح لجرب الريكوتا ادعيلي

  9. jojo30 24 November 2011

    سلطة الفواكة
    فطور خفيف ماشي
    ضيافة ماشي
    عصرونية ماشي
    وجبة اخر اليل لما الواحد بيطول السهرة وبيجوع مرة تانية بعد العشا ماشي
    لك وين ما حطيتيا ماشي
    وبكل فصل الها فواكة مناسبة
    امااحلى شي لما تجينا طريقة جديدة لتغير والتنويع فيها
    تسلم ايدك يا رب

  10. لارا مينا 27 November 2011

    أحلى شيء بالدنيا سلطة الفواكه
    وأكثر تعليق عجبني تعليق جوجو,
    السلطة وين ماحطتيها بتبيض الوجه,

    وعندنا الفاكهة مشهورة باسم كاكا ,أما المانجا
    فهي المنجة أو المانجو المعروفة ببذرتها الكبيرة ,

    والكاكا عادة نجيب كرتون في الصباح , الساعة 7 المساء مابيكون له أي أثر , كنز مابيتفوت…

    و عصير الرمان فكرة جديدة ومميزة ,وفيه حاجة دايما بسمعها, إن الناس الكبار في السن يقولوا للشخص لما ياكل رمان إنه ياكلها لوحده وما يخلي أحد يشاركه فيهالأن بداخلها حبة من الجنة والله وحده أعلم.

    وبتلاقي الواحد فينا ماسك رمانته وصحنه بالأحضان
    وبيكون يوم أغبر لو أي أحد طلب يشاركه فيها :grin :grin

  11. منى 27 November 2011

    هلا غيوثة :)
    بتذكر اول مرة قلتلها لوحدة من رفقاتي انو اسمها كاكا :grin انو رح تاكلني بلا ملح و اكيد اني غلطانة

    شكرا غيوثة للتوضيح و شكرا الك للتواجد الدائم و الدافئ و الصادق ;)

  12. nosheenzaza 28 November 2011

    يا سلام على المنجة (أو الكاكي). و الشي الي بيضحك انو هون بتكون أرخص شي لما بتكون مستوية. يمكن بيفكروها مفعوسة و خربانة. و بالحالات العادية بيجيبوها يابسة و ما بتتاكل. طبعا بكيف لما بشوف جايبين دفعة مفعوسة و صالحة للأكل.

  13. منى 29 November 2011

    هلا مرمور :)
    عوافي و الف صحة يا رب على كل شي جربتيه و ان شاء الله بيعجبوكي بقية الوصفات الي حاطة عينك عليها ;)

  14. منى 29 November 2011

    و الله جوجو صح , ماااااشي و على الاربع و عشرين كمان ;)

    ان شاء الله تعجبك هل الطريقة و بتمنى اسمع منك اذا جربتيها :zzz

  15. منى 29 November 2011

    هلا لاروش :)
    نفس الكلمة الي كانو يقولولنا ياها , لهيك بتلاقيني لما كنت صغيرة افحصن حبة حبة ايا واحدة يا ترى من الجنة :zzz

    هلا نحنا منسميها منجا , منعرف انو مو اسمها الحقيقي بس هادا الدارج و مؤخرا صاروا الناس عم يسموا الاشيا باسماءها

    المهم اتمنى تجربيها و ان شاء الله بتكون على زوءك 8)

  16. منى 29 November 2011

    هلا نوشين :)
    انا ما بحبها لينة ابدا , بحبها يا دوب مستوية و سبحان الله الدني ازواء ;) بس منيح انها بتجي على زوءك و بسعر منيح :zzz

  17. marmour 20 December 2011

    كتير طيبة هالاكلة قضيت 15يوم كل يوم عم اعملها لزوجي وكيف عليها بتفكري من مكوناتها عادية بس هي كتير مميزة لما بتحليها بالعسل

  18. منى 21 December 2011

    الف هنا و الف صحة على قلبك و قلبو لابو الشباب , و العسل مع عصير الرمان عم يعملو طعمة طيبة هون ;)

    شكرا الك لان جربتي الوصفة و شكرا على ثقتك في

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)