سندويش البيض و الزيتون


         وصفة : منى                 2009/03/15                 22 تعليقات
سندويش البيض و الزيتون


بيض مسلوق جامد
زيتون مجرح
دبس رمان
زيت زيتون
كتشاب ( اختياري )
شرائح بندورة
خس مفروم
رشة كمون
رشة بهار
رشة فليلفة حمراء ناعمة
رشة ملح
خبز عربي


• يسلق البيض جيداً ثم يقشر و يقطع أرباع .

• يقلب الزيتون مع دبس الرمان و القليل من الزيت .

• يفتح رغيف الخبز العربي و يدهن بالقليل من الكتشاب ثم ترتب فوقه شرائح البندورة و الخس و أرباع البيض .

• ترش البهارات حسب الرغبة ثم يضاف الزيتون مع القليل من صوص الدبس رمان .

• يلف السندويش و يقدم فوراً .
  • وصفات تانية ممكن تعجبك


التعليقات

  1. غيث 15 March 2009

    يسلم ايديك منى والله انا بالعكس كتير بحب البيض المسلوق وسندويشتك هذه اكيد على التجريب اليوم كمان بالعشا ان شاء الله بس ما شاء الله على ملاحظات امهاتنا ما في شي بيمر هيك ما شاء الله على خبرتهم فورا بلقطو وين في شي غريب الله يخلينا ياهم يا رب

  2. منى 15 March 2009

    هلا غيوثة :)
    الله يخليك حبيبتي اكيد ان شاء الله رح يعجبوك , طيبين و سهليين ;)
    الله يخليهم و يحفظهم هنن الاصل

  3. نور الأسلام 15 March 2009

    مرحبا منى كيفك تحياتي شو طيب هالسندويش اناكنت ساويه لكن بدون دبس رمان باين انك بتحبي دبس الرمان كتير :) تحياتي الك وللوالده

  4. سمسمة 15 March 2009

    يعيشوا هالأيدين منى خانم استفدنا كتير من أطباقك وأفكارك الحلوة وان شاء الله كل عملك في ميزان حسناتك

  5. منى 15 March 2009

    هلا نور :)
    جربيه مع دبس الرمان و ن شاء الله رح تحبيه
    معك حق انا بحبه كتير , يمكن فيني اشربه بفنجان القهوة و اتمزم فيه :zzz
    الله يسلمك اختي , سلامك بيوصل ان شاء الله ;)

  6. منى 15 March 2009

    اممين سمسومة :)
    الله يخليك يا قمر , الف شكر الك للرد و التواجد أختي و ان شاء الله تجربي السندويش و يكون على زووءك

  7. رنا 16 March 2009

    بيض ودبس رمان وزيتون …يعني مابدها تنين يحكوا فيها اكيد بيجنننننن يسلم هالايدين

  8. منى 16 March 2009

    الله يسلمك رنونة :)
    و الله متل مل قلتي , كتير طيبة و بعد ما اكلها بحس حالي أخذت كفايتي من الغدا المفيد لليوم ;)

    ان شاء الله تجربيها و تعجبك :)

  9. haya 18 March 2009

    واااااو يا منى شو هالاكلة الطيبة هذه عن جد شكلها بيفتح النفس صار نفسي اجربها وان شاءالله تعجب عائلتي يارب تسلم ايدك على هالافكار الحلوة

  10. منى 18 March 2009

    هلا هيا :)
    ان شاءالله رح تحبه و يصير يطلبوه منك دوما

    نورتي اختي , بعد زمان ;)

  11. بدور 23 April 2009

    على قولة أخي عبودة يلي كان آعد جنبي وأنا عبشوف هالوصفة.. قال لي: أنا يلي ماكتير بحب البيض بس على هالصورة المغرية شتهيت عليها لاهيك السندويشات لا بلا :p

    الله يسلم دياتك ياقمر والله شكلا كتير مغري وفعلا مع دبس الرمان يممممممممي ما اطيبا :zzz

    الله يخليلك ماماتك و ماماتنا جميعا ولا يحرمنا نصائحون اللي ما منئدر بلاهون يارب.

  12. منى 24 April 2009

    هلا بدورة :)
    سلميلي على عبودة كتير , شو قاعد عم يعمل جنبك :roll

    الله يخليهم و نحنا من دوهم سلطةو الله , نورتي بدورة حبيبتي

  13. gsm 1 September 2009

    بتعرفي يا منى تذكرتيني باكلة كانت نانا على طول تعملي ياها لما ازور عندهاعلى الفطور كانت تتبل الزيتون الاخضر بتبلة كتيير طيبة وتحطله دبس رمان بس مشتهية اعرف شو كانت تحطله يالله رح انزل كمان 20 يوم على العيد على حلب بلكي بآخد الوصفة منها ويسلموا إيديك رح اجرب هي الأكلة بس تخلص فترة الوحام تبعي لأنو حاليا ما عم اشتهي آكل شي :sigh

  14. ريتات 12 October 2010

    السلام عليكم عندما زرت هذا الموقع ولأول مرة ارتحت بما في من وصفات واشكر كل من ساهم في انشاء هذا الموقع وادعو لهم بالتوفيق والنجاح الدائم واتمنى ايضا ان يكون لنا في كل لحظة مساعدة وشكرا
    ريتات
    واتمنى لي ولهم كل التوفيق والنجاح الدائم
    وهذه الوصفة رائعة وسلسة وسريعة وطيبة

  15. منى 13 October 2010

    هلا غفران :)
    ما شي اطيب من الي بتحضره ستاتنا و امهاتنا النا , بيبقى دوما طعمته غير :zzz

    ان شاء الله بتمرق على خير و اذا فيك تعلميني الوصفة بكون ممنوتك ;)

  16. منى 13 October 2010

    هلا ريتات :) و عليكم السلام و اتم التسليم

    الشكر الك اختي و لتواجدك الطيب و دعواتك الكريمة , نورتينا و شرفتينا :zzz

  17. حبوبه الكل 5 November 2010

    شكله بيشهى تسلم اديكى وراح اقديمه كمان للاولاد :) :zzz

  18. إسراء 9 January 2011

    طيبة كتيررررررررر كتيررررررررررر مع انو ماكان متوفر عندي الزيتون ههههههههه بس مشي حالها بدون زيتون يسلمو كتيرررر اول شي امي ضحكت عليي قالتلي حتى السندويش بدك تاخدي وصفتو من النت بس لما داقت غيرت رأيها قالتلي مو كل السندويش سندويش هههههه

  19. منى 10 January 2011

    صحتين و الف الف عافية و سلام خاص لماما ست الكل :zzz

  20. رغد غسان علاء الدين 27 February 2011

    كتير شكلها حلو..وحسيتها فكرة ذكية كتير بالنسبة للأولاد اللي ما بتحب البيض ..يعني طريقة لحتى نخليهون يتسفيدو منو..وحتى الكبار اللي ما بيحبو البيض كتير..كمان فيهون يتقبلوه بهالطريقة.. :)

  21. منى 27 February 2011

    ايه و الله رغودة و انا بصراحة هي هي الطريقة الوحيدة الي باكل فيها البيض , لان مو هل الاد صحبة معه :zzz

  22. منى 27 February 2011

    ايه و الله رغودة و انا بصراحة هي هي الطريقة الوحيدة الي باكل فيها البيض , لان مو هل الاد صحبة معه :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)