سويسرول


         وصفة : منى                 2008/03/30                 39 تعليقات
سويسرول

·          ينخل الطحين مع البيكنغ بودر , تغطى صينية مستطيلة بأبعاد 40 *40 سنتيمتر بورق الزبدة , يحمى الفرن على درجة حرارة 190 – 200 درجة مئوية .

·          يفصل البياض عن الصفار بشرط أن لا تقع و لا نقطة صفار على البياض .

·          يخفق البياض على أعلى سرعة  مع رشة ملح حتى يشتد و يسمك و يصبح كالثلج ثم يضاف نصف كوب من السكر بالتدريج ملعقة ملعقة حتى تنتهي الكمية , يوضع البياض في البراد حتى تحضير المزيج الثاني .

·          يخفق الصفار مع نصف كوب سكر الباقي و بشر الليمون و الفانيليا على أعلى سرعة حتى ينتفخ المزيج .

·          تضاف الزبدة أو الزيت و الماء المغلي و يقلب بلطف ثم يضاف الطحين المنخول و يقلب حتى يتجانس المزيج .

·          يضاف البياض المخفوق بالتدريج لمزيج الصفار , تضاف ملعقة كبيرة من البياض للصفار و تقلب بشكل دائري باستخدام ملعقة خشبية و بلطف  .

·          تضاف ملعقتين من البياض على الصفار و تكرر العملية حتى تنتهي لدينا كل الكمية و الحصول عل مزيج متجانس و منتفخ .

·          يسكب مزيج الكيك في الصينية المجهزة و يفرد على كل الصينية ثم تخبز في الفرن المحمى لمدة 5 دقائق ثم تخفض درجة الحرارة لـ 170 و تترك حتى تنضج و يتضاعف حجمها تقريباً لمدة عشر دقائق مع ضرورة الانتباه أن لا تنشف و أن تبقى طرية كي نتمكن من لفها و تحضيرها بشكل رول .

·          أثناء خبز السويسرول تفرد ورقة زبدة أو منشفة مطبخ نظيفة على طاولة العمل بنفس حجم صينية السويسرول  و يرش عليها سكر بودرة بشكل جيد كي لا تلتصق الكيكة بالورق و ينتزع شكلها .

·          في مرحلة لف الرولو يجب العمل سريعاً , تخرج الصينية من الفرن و تقلب مباشرة و بحذر على الورقة المرشوشة ثم تقطع الأطراف الأربعة للسويسرول بشكل مستقيم لأنها لن تعطينا شكل جميل للرولو النهائي .

·          يلف السويسرول بشكل محكم مع الورق و يضغط عليه بلطف بعد كل لفة ثم يلف من الخارج بورق الزبدة أو ورق الألمنيوم و يوضع في الفريزر أو البراد و يترك حتى يبرد تماماً .

·          تخرج لفة السويسرول من البراد و تفتح بلطف حتى لا يتشقق , ينزع ورق الزبدة عن أسفل الكاتو و يدهن بالكريما و يعمل زكزاك خفيف من المربى حسب الرغبة ثم يلف الرول بشكل محكم و يرجع للبراد حتى تجمد الكريمة .

·          بعد أن يبرد الرول تماماً يخرج و تفك عنه الورقة ثم يغطى الرول بالكريمة و يزين حسب الذوق بالشوكولا المبشورة أو المكسرات المفرومة أو الفريز المقطع شرائح رقيقة و يقدم .

   أفكار و تنويعات :

·          لتحضير سويسرول بالشوكولا تستبدل ملعقتان من الطحين بملعقتان من الكاكاو و تذوب ملعقة نسكافيه صغيرة في الماء المغلية قبل اضافتها .

·          لتحضير سويسرول سهل يمكن أن يدهن بالمربى فقط , بعد أن يخرج السويسرول من الفرن تنزع عنه ورقة الزبدة ثم يدهن بالمربى و هو لا يزال ساخناً ثم يلف و يوضع في البراد حتى يبرد تماماً .
  

 




6 بيض
فانيليا
بشر ليمونة حامضة
كوب سكر بودرة
كوب طحين
رشة ملح
ربع كوب ماء مغلي
3 ملعقة كبيرة زبدة مذوبة أو زيت
ملعقة صغيرة بيكنغ بودر

الحشوة :

كريما شانتي أو مربى فريز أو مربى مشمش





• ينخل الطحين مع البيكنغ بودر , تغطى صينية مستطيلة بأبعاد 40 *40 سنتيمتر بورق الزبدة , يحمى الفرن على درجة حرارة 190 - 200 درجة مئوية .

• يفصل البياض عن الصفار بشرط أن لا تقع و لا نقطة صفار على البياض .

• يخفق البياض على أعلى سرعة مع رشة ملح حتى يشتد و يسمك و يصبح كالثلج ثم يضاف نصف كوب من السكر بالتدريج ملعقة ملعقة حتى تنتهي الكمية , يوضع البياض في البراد حتى تحضير المزيج الثاني .

• يخفق الصفار مع نصف كوب سكر الباقي و بشر الليمون و الفانيليا على أعلى سرعة حتى ينتفخ المزيج .

• تضاف الزبدة أو الزيت و الماء المغلي و يقلب بلطف ثم يضاف الطحين المنخول و يقلب حتى يتجانس المزيج .

• يضاف البياض المخفوق بالتدريج لمزيج الصفار , تضاف ملعقة كبيرة من البياض للصفار و تقلب بشكل دائري باستخدام ملعقة خشبية و بلطف .

• تضاف ملعقتين من البياض على الصفار و تكرر العملية حتى تنتهي لدينا كل الكمية و الحصول عل مزيج متجانس و منتفخ .

• يسكب مزيج الكيك في الصينية المجهزة و يفرد على كل الصينية ثم تخبز في الفرن المحمى لمدة 5 دقائق ثم تخفض درجة الحرارة لـ 170 و تترك حتى تنضج و يتضاعف حجمها تقريباً لمدة عشر دقائق مع ضرورة الانتباه أن لا تنشف و أن تبقى طرية كي نتمكن من لفها و تحضيرها بشكل رول .

• أثناء خبز السويسرول تفرد ورقة زبدة أو منشفة مطبخ نظيفة على طاولة العمل بنفس حجم صينية السويسرول و يرش عليها سكر بودرة بشكل جيد كي لا تلتصق الكيكة بالورق و ينتزع شكلها .

• في مرحلة لف الرولو يجب العمل سريعاً , تخرج الصينية من الفرن و تقلب مباشرة و بحذر على الورقة المرشوشة ثم تقطع الأطراف الأربعة للسويسرول بشكل مستقيم لأنها لن تعطينا شكل جميل للرولو النهائي .

• يلف السويسرول بشكل محكم مع الورق و يضغط عليه بلطف بعد كل لفة ثم يلف من الخارج بورق الزبدة أو ورق الألمنيوم و يوضع في الفريزر أو البراد و يترك حتى يبرد تماماً .

• تخرج لفة السويسرول من البراد و تفتح بلطف حتى لا يتشقق , ينزع ورق الزبدة عن أسفل الكاتو و يدهن بالكريما و يعمل زكزاك خفيف من المربى حسب الرغبة ثم يلف الرول بشكل محكم و يرجع للبراد حتى تجمد الكريمة .

• بعد أن يبرد الرول تماماً يخرج و تفك عنه الورقة ثم يغطى الرول بالكريمة و يزين حسب الذوق بالشوكولا المبشورة أو المكسرات المفرومة أو الفريز المقطع شرائح رقيقة و يقدم .


أفكار و تنويعات :

• لتحضير سويسرول بالشوكولا تستبدل ملعقتان من الطحين بملعقتان من الكاكاو و تذوب ملعقة نسكافيه صغيرة في الماء المغلية قبل اضافتها .

• لتحضير سويسرول سهل يمكن أن يدهن بالمربى فقط , بعد أن يخرج السويسرول من الفرن تنزع عنه ورقة الزبدة ثم يدهن بالمربى و هو لا يزال ساخناً ثم يلف و يوضع في البراد حتى يبرد تماماً .






  • وصفات تانية ممكن تعجبك


التعليقات

  1. WAFAA 31 March 2008

    ماشاء الله اخت منى يسلموا ايديكي الحلوين
    وان شاء الله بحاول اجربه

  2. ام نور 31 March 2008

    روعة شي بيشهي سلم هالديات وما يحرمنا من هالوصفات الحلوة يا رب ;)

  3. منى 31 March 2008

    الله يسلمك وفا و ان شاء الله بتجربيه و بيكون متا ما بتحبي ;) مية أهلا و سهلا فيك

  4. منى 31 March 2008

    هلا ام نور بعد زماان القمر ما بان 8)
    الله يسلمك يا رب و اذا جربتي الوصفة يا ريت تخبريني ;)

  5. souha 7 November 2008

    هلا منى أنا اليوم هلكتك من كتر التعليقات بس عندي كم سؤال :?
    على أي حرارة لازم يكون الفرن محمى في البداية حتى بعدين نخففها على 170
    لما نضيف الطحين نحرك بملعقة و لا بيمشي الحال نخفق على أقل سرعة
    كيف بدنا نلف السويسرول لما بيطلع من الفرن مباشرة و هو سخن ما بتحرقي إيديكي

  6. منى 7 November 2008

    بالعكس سهى , انت و تعليقاتك على العين و الراس :zzz
    الفرن بيكون على درجة حرارة 200 – 190 درجة , كيف ما انتبهت ان مو كاتبتها:roll و لما نضيف الطحين نحركها بالملعقة و ما بيمشي الحال انك تستخدمي الخفاقة
    لف السويسرول رح يكون عن طريق المنشفة او ورق الزبدة , يعني ما رح تنحرق الايدين :zzz
    الوصفة وصلت , الف شكر ليك عليها رح ضيفها و نزلها على الصفحة الرئيسية قريب ان شاء الله

  7. رنا 11 March 2009

    ولي من وين بدي جيب صينية 40*40
    مالقيت غير الصاج تبع الفرن بس كتير فايش ومو غميق ياترى بينفع يمكن شي 2 سم ارتفاعه؟؟

  8. منى 26 March 2009

    هلا رنونة :)
    الصينية متوفرة بالسوق و اذا نو ممكن اكيد تستعملي صاج الفرن و انا كتيررر كنت حضره بالصاج قبل ما شتري الصينية 8)

  9. رنا 26 March 2009

    ياستي حتى لو اشتريت صيينية مابستفيد لانه فرني صغير يعني طوله شي 35 وعرضه هيك شي

  10. منى 26 March 2009

    كتير منيح معناها ممكن تحضري هل الوصفة بصاج فرنك بس انتبهي ان كمية مزيج الكيك لمن تصبيها في القالب ما تزيد عن سم واحد لحتى ما يطفطف الكيك من جوانب القالب لما يستوي و ينفش

  11. قهوه مُره 12 April 2009

    السلام عليكم….اللبن زبادي ولا السايل….وبالنسبه لورق الزبده بنحط تحتها زبده ولا بدون ولاشي تحتها..جزاك الله خير

  12. منى 12 April 2009

    اللبن زبادي أختي ;) و ممكن تدهني ورق الزبدة و ممكن نو , انا بدهنخفيف بس لحتى تثبت في محلها

  13. shoq7 23 July 2009

    يسلموووووووووووووو اناملك حبيبتي

  14. منى 23 July 2009

    الله يسلمك شوق , شرفتينا و نورتينا يا عسل ;)

  15. الحنونة 13 February 2010

    من شي 3 شهور عملت هاي الكيكة وصارت عندي الكيكة الاساسية والكل انبهر فيها
    ومرة عملتها واخدتها معي عالمدرسة البنات طار عقلون وياكلو ويسألو انت بس شلون لفيتها هيك نحن ما منعرفها إلا جاهزة
    وطبعا لما صار يجي عنا ضيوف … سوسن لا تنسي السويس رول
    يعني صرت مشهورة فيها هههه
    بنصح الكل يجرب هاي الكيكة لأنو سهلة ولذيذة كتييييير
    ومن كم يوم عملت نفس الكيكة بطريقة تقديم مختلفة راح حطها بالموقع ان شاء الله
    والشكر كل الشكر الك اختي منى لانك عنجد مبدعة
    وعم بتعلمينا شغلات كتير حلوة

  16. منى 13 February 2010

    الف صحة و هنا لو تعرفي رد متل ردك اديه بيفرحني , الحمد لله انها زبطت معك و كانت يممي و الشكر الك لثقتك في و لتجربتك وصفاتي :zzz

    ممم , كلي عني كم لقمة كل مرة بتاكلي فيها منها ;)

  17. ام نور 5 April 2010

    [img]http://www.theittihad.com/upload.php[/img]

  18. ام نور 6 April 2010

    منى اولك ليش ما فتحت الصورة :?

  19. منى 6 April 2010

    ما عندي فكرة :( رح اطلع على الرابط و شوف شو القصة

  20. منى 7 April 2010

    بتجنن ماجي , انا شفت الصور بالفايس بوك , بس مدري ليش هون عم يطلعوا كبار

    الف الف صحة و هنا و عافية يا رب , كتيرررر بتشهي

  21. roroo51 13 April 2010

    هلا
    أنا جربتها و كتير طلعت طيبة بس جاي على بالي تاني مرة أزينها بصلصة الشوكولا شو رأيك بيصير؟

  22. منى 14 April 2010

    بتطلع بتجنن , على ضمانتي :)

  23. Saralina 28 September 2010

    :zzz رووووووووووووووعة …اشتغلت معك خطوة خطوة وطلع شي بيجنن…بس أنا ما بحب فصل بياض البيض عن صفاره…كتير صعب :sigh بس الحمدلله مشي الحاااال …يعطيكي ألف عافية أختي..

  24. منى 28 September 2010

    الف الف صحة و هنا على البك :)
    متلي , انا ما بحب فصل الصفار عن البياض و خصوصا اذا كان البيض مو تازة

  25. 7ayah 10 November 2010

    ما عم يطلعو عندي الصور كاملين :cry
    كلن رايحين لجهة اليسار
    يمكن السبب الصورة الكبيرة الي موجودة بالتعليق
    لأنو مرة هيك صار لما نزلت صورة من عندي كبيرة كتير على الصفحة
    شو الحل :?

  26. ام نور 11 November 2010

    [img]http://www.thihad.com/newupload/juzxnojqqfjc.JPG[/img]
    شو رايك موني بتطبيقي نفس طريقتك بس الحشوة كريم موسلين وكريم شانتيه وفريز ومن برا كريم شانتيه وفستق عبيد محمص

  27. منى 11 November 2010

    زبطت هلا

    مسحي دمعاتك , لحتى ما ازعل :roll

  28. 7ayah 11 November 2010

    :zzz

  29. منى 11 November 2010

    :)

  30. 7ayah 26 November 2010

    مرحبا منى
    في عندي سؤال
    أحياناً بلاقي عيار لكيك كتير بيعجبني و بقرر انو جربو
    بس لما بشوف إنو بالمقادير راح نستخدم بس بياض بيض و بكمية كبيرة ببطل أساويه لأنو ما بعرف شو راح ساوي بصفار البيض إلي راح يضل
    عندك حل لهالمشكلة :?
    لأنو في كيكة كتير حابة ساويا و بدا بياض 12 بيضة تقريباً :eek
    كتير مو :?
    بس إذا شفتي صورتا راح تغيري رأيك أكيد
    [img]http://www13.0zz0.com/2010/11/26/23/989168665.jpg[/img]
    شو رأيك؟
    بتستاهل :)
    بس شو بدي ساوي بصفار 12 بيضة :?

    7ayah Dayyen

  31. منى 27 November 2010

    بتعرفي حياة , هادا الانجل فود كيك صارلي حاطتته بزهني اكتر من سنة , و من قبل ما تطلع الصورة اتوقعت ان تكوني قاصدتيه ;)

    يمكن الحل ان نعمل بصفار البيض عجة او كريم باتيسير , شو رايك نقرر نعمل هل الكيك انا و انتي , حااااااج بقى تاجيل

  32. 7ayah 6 December 2010

    يييييييي
    انتي رادة عليي من أكتر من أسبوع و هلأ هلأ شفتو :eek
    غريبة! ما وصلني شي عالايميل انك رديتي :roll
    المهم
    أنا عم فكر هالأسبوع أو الأسبوع إلي بعدو ان شاء الله جرب نصف عيار بس كتجربة :)
    و لقيتلي وصفة بدا صفار و شكلا طيبة مع الكيكة
    اسما بعد الترجمة خثارة الليمون :grin
    و بالانجليزي مع الرابط [URL=http://www.countryliving.com/recipefinder/lemon-curd-4012]Lemon Curd[/URL]
    ان شاء الله تعجبك ;)
    و شفت بموقع عاملين نفس الكيكة رخامية باللون الزهر
    شكلا و ألوانا طلعو كتير كتير حلوين
    و هاي صورتا الحلوة
    [img]http://www6.0zz0.com/2010/12/06/16/836379960.jpg[/img]
    بس ما كانوا حاطين كيف عملو هيك
    فأنا اتوقعت إنو اما استخدموا جيلي فراولة بودرة أو صبغة
    :)

    7ayah Dayyen

  33. 7ayah 10 December 2010

    حبيت إلـّك إنو اليوم جربت أعمل الاينجل فود كيك
    بس ما زبط معي :cry لعدة أسباب
    أول شي ما استخدمت القالب الخصوصي لهاد الكيك لأنو لسة مو متوفر عندي
    و ما استخدمت كريم الترتار لأنو كمان مو متوفر عندي :sigh
    و آخر شي
    لأنو عملت عيار صغير مقارنة بحجم قالب التشيز إلي عندي
    بس خلص
    بما إنو اشترينا سيارة بدل سيارتنا إلي كانت خربانة راح انزل ان شاء الله و اشتري القالب و كريم الترتار :zzz
    بس ما اتوقع يصير هالشي قريباً :grin

    على فكرة
    أنا صورت كل خطوة بشغلي ,,, بس أكيد ما صورت الكيكة بعد ما طالعتا من القالب ,,, لأن شكلا مو سياحي :grin

    سلامي الحار

    7ayah Dayyen

  34. منى 12 December 2010

    يا خسارة حياة , الواحدة فينا بتزعل كتير لما بتكون محمسة على شي و ما بيزبط معها . من فترة جربت كاتو جديد بالليمون و فكرته كتير كانت حلوة

    الله وكيلك بعد ما طلع و دقته , حتى للقطة ما خرج طعميها ياه :roll

    ضحت من جوى قلبي على المظهر الغير سياحي للكيك :grin

    رح جربه انا بس بركي اسبوع الجاية اذا رب العالمين راد و ببقى بخبرك شو بيصير معي

    على فكرة كريم الترتار مو ضروري , بيكفي رشة ملح مع كم نقطة من عصير الليمون بيعطي نفس المفعول ;)

  35. 7ayah 12 December 2010

    سلام منى
    أنا حطيت رشة ملح و شوية ليمون متل حكيتي
    بس مع هيك هبطت شوي الكيكة و ما ضلت ع نفس الانتفاخ إلي كانت فيه قبل الخبز
    مو مشكلة
    الواحد ما بيتعلم إلا من التجارب و الأخطاء و التخبيص على قولة إمي :grin
    ان شاء الله بتساويه و بيزبط معك
    ابقي خبريني بالنتيجة ;)
    سلامي

    7ayah Dayyen

  36. إسراء 24 February 2011

    السلام عليكم ورحمة الله وبركاته
    جربت السويسرول وبظط معي من اول مرة الحمد لله بس عملته ع شوكولا بس الحمد لله ما تشقق غير شقشوقة وحدة قدرت رقعها بالكريما ومابينت ;)

    بس حطمت رقم قياسي بالكركبة اللي صارت بالمطبخ وبالجليات اللي طفطفوا من على المجلى لانو بدي كل شي يكون جاهز بوقت واحد وكل شي بدو يكون ع السريع بقيت شي ساعة بالمطبخ مشان رجعلو منظرو المتعارف عليه هههههههه
    شكرا كتير ست منى
    الصورة ع الفيس بوك
    :)

  37. رانو 30 September 2012

    السلام عليكم موقعكن بجنن …دلتني عليه من زماااان أم عبادة ..دائما متابعة لكل جديد وجربت كتيييير وصفات ..بس ماكنت اعرف اكتب تعليق :p
    جربت السويسرول بس مالقيت ورق زبدة بأي مكان :sigh
    اللي صار انو دهنت الصينية متل العادة بالسمن والطحين بس لزق وما طلع من الصينية :cry
    وبالاخير اكلنا مشقشق بس كتير طيب ..بس والله زعلت كتير لأني كتير كنت مشتهيتو :sigh

  38. شيرين 15 May 2014

    مدام منى…يسلم هل أيدين ع هل وصفه الرائعة صرت عاملتو اكتر من اربع مرات
    بس عندي سؤال .. هلا عملت الوصفة وعم استناها تبرد بالبراد بس نفسي أحشيها ايس كريم!؟ شو رأيك بالموضوع
    انو ممكن تضبط واذا حطيتها بالفريزر ممكن تنتزع

    • منى 17 May 2014

      مية هلا شيرين :)
      الف هنا و صحة و عافية ، برافو عليك و ريتو عوافي بكل لقمة
      اي طبعا بيصير و بتطلع فخمة كمان
      رح استنى رايك بعد ما تجربيها

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)