شاورما الدجاج


         وصفة : منى                 2007/09/09                 43 تعليقات
شاورما الدجاج



كيلو صدور دجاج
بهارات الشاورما
نصف ملعقة صغيرة أوريغانو أو كاري ( اختياري )
رشة سماق
ربع كوب زيت زيتون
بشر و عصير حبة ليمون كاملة
3 ملعقة كبيرة خل
2 فص ثوم مهروس حبة بصل مقطعة أرباع جزرة مقطعة دوائر

للتقديم :

كريم الثوم
مخلل الخيار
بندورة مقطعة شرائح
بطاطا مقلية






• تغسل صدور الدجاج ثم ترتب فوق بعضها البعض و توضع فيي الفريزر لمدة 3 – 6 ساعات تقريباً أو حتى تكون جامدة بشكل غير كامل , هذه الخطوة هدفها الحصول على قطع رقيقة من الدجاج عند التقطيع .

• تخرج صدور الدجاج من الفريزر ثم تقطع إلى شرائح رقيقة باستخدام سكين حادة .

• توضع شرحات الدجاج في وعاء غميق و تتبل ببهارات الشاورما و السماق و الأوريغانو أو الكاري في حال استخدامه و الخل و الليمون و بشر الليمون و الثوم و الزيت و تقلب حتى يمتزج الكل جيداً ثم يضاف البصل و الجزر ثم يغطى الوعاء و يترك منقوعاً لمدة 24 ساعة في البراد .
• يرفع الجزر و البصل من مزيج الشاورما ثم ترفع شرائح الدجاج من مرق النقع و تقلب في مقلاة غير لاصقة على نار قوية على دفعتان و تقلب حتى تنضج و تشقر من الطرفيين .
• تقدم الشاورما ساخنة مع البطاطا المقلية و البندورة و المخلل و كريم الثوم .

  • وصفات تانية ممكن تعجبك


التعليقات

  1. ام نور 10 September 2007

    اه والله يسلموا هالديات وما ننحرم من هالوصفات الحلوة. :zzz بالمناسبة سمحولي باركلكون بحلول هالشهر الفضيل اعاده الله علينا وعليكم وعلى جميع المسلمين بالخير والسلام :grin

  2. منى 11 September 2007

    و أنت بالف خير أختي ام نور :)

    يا ريت تجربي الشاورما و تعجبك أختي ..

  3. ام نور 11 September 2007

    اكيد رح جربا بدون كلام بهيدي الجمعة باذن الله لان الجمعة القادمة بتبلش جامعتي وبيصير الوقت ضيق :cry وبدي اطلب منك اختي طريقة تحضير الفتة بعملا بس ما بتنجح كتير وبرمضان كتير منعملا :zzz

  4. منى 11 September 2007

    تكرم هل العينتين ام نور :)

    بس يا ترى أيا فتة بتقصدي ؟

    فتة الحمص و إلا فتة الجاج و إلا فتى البتنجان و إلا فتة المكدوس :roll

    شو عم تدرسي ؟

  5. ام نور 11 September 2007

    والله في فتة مكدوس وباتنجان انا صراحة بعرف الجاج والحمص وانت شو بتحبي تحطي وصفات بتكوني مشكورة منتعلم :) .
    انا دارسة معلوماتية ادارية والان عم ادرس ادب فرنسي كتير في فرق مهاك :?

  6. ام نور 11 September 2007

    ما قلتيلي شو رايك بهل بيتي فور مجربتي عفكرة المقادير من البابا وعطول بعملها خاصة عالعيد والمناسبات

  7. منى 12 September 2007

    وصفة البيتي فور شكلها بتاخد العقل :)

    الله يخليلك باباتك و لا يحرمكم من بعض يا رب :)

    تكرم عيونك ام نور , رح نزل الوصفات اذا الله راد…

    انا دارسة ادب انكليزي , يعني في شي مشترك بينا ;)

  8. ام نور 22 September 2007

    اليوم اشتريت صدورة جاج وجلدتون والصبح انشالله رح قطعون وانقعون بالتوابل يعني الاثنين بطبخون وبقول شو صار معي انشالله تظبط لان وعدت زوجي فيا وناطرا لان كتير بيحب الشاورما :p ;)

  9. منى 23 September 2007

    ان شاء الله بيطلعوا طيبين ام نور :)

    عم استنى رايك حبيبتي , بس ما في داعي تجلديهم لبكرة :roll
    بيكفي لليوم المسا ;)

  10. Rino 25 September 2007

    عزيزتي منى
    تسلم ايديكي عالوصفة سهلة و بتلزم بأوقات كتيرة بس بدي أسألك شو هي بهارات الشورما و من وين أشتريهم
    و عا فكرة فيكي تحطيني بقائمة العضوات اللي بينهم أشياء مشتركة لأني أنا كمان خريجة أدب أنكليزي

  11. منى 26 September 2007

    هلا رينو :)

    سبحان الله , الدم غلي :grin

    رينو بهارات الشاورما فيك تحضريهم على ايدك و بتشوفي الطريقة [URL=http://www.l2ma.com/content/view/214]على هل الرابط[/URL]

    مية اهلا و سهلا فيك :)
    و ان شاء الله اذا جربتيهم رح يعجبوك كتير ;)

  12. أم عباده 22 January 2008

    يسلمو هالديات على هالوصفه عنا الدجاج الو زنخه شوي بس بطريقتك مابقي الها أثر وصارت الشاورما بالبيت ولاأطيب بس بضيف بضع حبات من الهال بتعطي نكهة مميزة وسرية جدا

  13. منى 22 January 2008

    بالفعل أختي ام عبادة أهم بهار للشاورما هو الهال مع المستكة , كلك زووء أختي و الله يسلمك و يخليك يا رب ;)

  14. رنا 11 May 2008

    عزيزتي منى انا قطعت الشاورما ونقعتها وكل شي بس هلأ هي بالبراد …..خسيت عم يطلع منها مي بيضا يمكن مزيج اليمون والزيت والخل …..بس سؤال هلأ المستكة مو اذا الواحد اكلها بتصير متل العلكة يعني بتعطي علكة ولا بتفرط ….لانه عطتني حماتي شوي وحكيتها بس بعدين دقتها شفتها مابتعلك بقا ياترى شو هاد اللي حطيته ؟؟؟وسؤال كمان المي يلي طلعت مع الشاورما اتخلص منها ولا احطها كلها سوا بالفرن ؟؟؟وكمان شغلة اغطي الصينية بالقصدير ولا اتركها بلا غطا ؟؟؟
    وجعتلك راسك باسئلتي بس انشالله تزبط لانه جرحت ايدي اربع جرحات وانا عم قطعها بقا ياريت يطلع شي طيب ومايروح تعبي عالفاضي :zzz

  15. منى 12 May 2008

    هي هي المستكة المظبوطة , مو لازم تعلك هي بتفرط لما بتطحنيها ;)

    بعد ما ينتقع الدجاج لمدة يوم كامل بترفعيه من ميته و بتحطيه بالصينية , و بتخبزيه من دون ما تغطي الصينية لحتى تستوي الشاورما ;)

    أي سؤال تاني أنا تحت أمرك و بخدمتك و ان شاء الله رح تعجبك و بتدعيلي ;)

  16. رنا 12 May 2008

    ساويتها …بس ماطلع الطعم متل مابدي ..مابعرف طلع فيها طعمة معطرة :upset انا بظن يامن الخل لانه استعملت خل ابيض …ويمكن طبشت ايدي شوي بالكمية …..بس انتي متأكدة انه المستكة ماممكن تكون مسؤولة عن هالطعمة ؟…كمان شغلة انا ماصفيتها من ميتها …لانه حطيتي الرد بعدمااكلناها :zzz وقلت لحالي اذا ماغطيتها يمكن تقرمد ؟؟؟مابعرف عجبتني فكرتها ونويت اعيدها بس بدي اسألك اذا حطيت مع التتبيلة شوية دبس فليفلة بتخيل بتعطيها نكهة طيبة
    ويسلمو ايديكي يااحلى منى بالعاللللللللم

  17. منى 12 May 2008

    ما بعرف رنا , انا المستكة الي بستخدمها عبارة عن قطع صغيرة متل البلور الشفاف ..

    يمكن الطعمة المعطرة اجتك من مية النقع !! احترت و الله :roll

    فيك تحطي معها دبس فليلفة أكيد , بس اصولها ما بدها , بقى كمان على زووءك ;)

    الله يسلمك رنونة يا قمر و اذا جربتيها مرة تانية يا ريت تخبريني :)

  18. رنا 13 May 2008

    ياستي اكتشفت انه طعمت التعطيرة اجت من الخل لاني زودت الكمية شوي وماصفيتها يعني بميتها … :eek بالفرن …بس على فكرة جوزي كتير حبها وصرت راقبه وهو عم ياكل واضحك قله عن جد حبيتها يقلي والله كتير طيبة :grin بس بدي اعيدها اكيد 8) وشكرا للاهتمام

  19. منى 13 May 2008

    هلا رنونة :) هنا و عوافي على قلبه و قلبك كمان ;)

    ان شاء الله بتجربيها مرة تانية و بتعجبك .

  20. سارونات 13 August 2008

    السلام عليكم و رحمة الله و بركاته
    الشاورمااااااا بدي جربا بالبيت :cry و ان شاء الله تضبط معي بس بدي ساويها سندويشات اختي منى عندي طلب الله يخليكي بدي طريقة عمل الخبز بالتفصيل و اهم شي طريقة خبزه تحتى احشي الشاورما فيه
    و بدي اعرف هل فيني ادهن رغيف الخبز بكريم الثوم بدل المايونيز او صلصة الطحينة
    بالتوفيق
    سلام

  21. منى 14 August 2008

    من عيوني أختي :) وصفة الخبز حابة نزلها بالموقع بس لحتى تظبط معي وصفة تكون تمام ..

    الخبز فيك تحشيه بكريم التوم أو المايونيز على كيفك أما الطحينة لأ لان الطحينة منحطها مع شاورما اللحمة :)

  22. سارونات 14 August 2008

    السلام عليكم و رحمة الله و بركاته
    تسلميلي اختي منى و ان شاء الله يضبط معك الخبز و تحطي الوصفة و الله فكرت الطحينة بتمشي مع شاورما الدجاج شكرا جزيلا على المعلومة بس قليلي مو 24 ساعة فترة طويلة بعرف بتطلع الطعمة احلى بس جربتي تخليها بس 12 ساعة او اقل و الشاورما ما ممكن نحتفظ فيها في البراد صح ازا ممكن بيكون كتير منيح بس ما بعتقد شو رايك
    بالتوفيق
    سلام

  23. منى 14 August 2008

    هلا أختي :)
    انا بالعادة بحضرها قبل بيوم كامل , ما جربت اتركها أأقل :zzz

    شو قصدك بالبراد ؟ ما كتير فهمت , يا ترى قصدك بعد التتبيل ؟ إذا هيك أكيد منتبلها و منخليها في البراد لمدة يوم كامل أو ممكن تتبليها و تحطيها في الفريزر بتقعد معك لمدة شهر ;)

  24. سارونات 14 August 2008

    السلام عليكم و رحمة الله و بركاته
    عفوا لا تواخزيني اختي منى انا قصدي الفريزر ما بعرف كيف كتبتها براد :x
    جازاك الله خيرا على المساعدة
    بالتوفيق
    سلام

  25. susu 23 September 2008

    مرحبا منى
    اناعضوة جديدة و من زمان كنت حابة اشترك بس ما كان عم بمشي الحال و الحمد لله اليوم ظبطت معي
    بدي اسالك عالشاورما:عم تطلع ناشفة معي.مافي طريقة تطلع مسقسقة متل الشاورما الجاهزة يلي بتكون عم بتشر من عالسيخ؟
    مشكورة

  26. منى 23 September 2008

    مية هلا سوسو نورتي و نور الموقع بأخت جديدة و كريمة و غالية :) الشاورما لازم تنقيها بالخل و الزيت و لما تجي تقليها تكون النار عالية و إذا بتحبيها مدهنة ممكن تنقعي معها شرائح دهن بتكون مقطعة كتيرررر رقيقة , و عندي وصفة للشاورما بتاخد العقل , ان شاء الله بنزلبها و بتجربيها لانها اطيب من الشاورما الجاهزة ;)

  27. susu 23 September 2008

    الله يحميكي يا منى.دغري رديتي عسؤالي.شو فاعدة انت عالنت دايما؟
    عكل شكرا كنير و رح اعمل متل ما قلتيلي

  28. منى 24 September 2008

    :grin لا اكيد مو دايما بس صدفت ان انا و انت كنا اون لاين مع بعض , ان شاء الله تظبط معك

  29. haya 14 November 2008

    السلام عليكم كيفك اخت منى تسلم دياتك على الوصفة كثير طلعت زاكية الشاورما اليوم احترت شو بدي عشي زوجي والاولاد فقررت اعملن الشاورما وكثير حبوها بس انا ما قليتها حطيتها بالفرن لكن على الشواية يعني ما شغلت الفرن من الاسفل بس من فوق بس بجد طلعت كثير زاكية

  30. منى 15 November 2008

    هلا هيا :)
    عافية و صحة على قلبك و قلب كل العيلة .
    كتير انبسطت انها عجبتك و فيك انت تطبخيها بالطريقة الي بتريحك :zzz

  31. Eman 20 November 2008

    وأخيرا عملت الشاورما الرائعة !!1
    طول حملي كنت متوحمة عليها بس ما كنت أتجرأ أعملها لحاللي ،، يا ريت لو كنت بعرف إنها رح تطلع هيك لكنت عملتها من زماااااان .. :grin
    حبيناها أنا وزوجي .. والمسا رجعت سخنتها وحطيتها بالشواية وكانت أطيب بكتير يسلمو منوشة على هالوصفة الروعة :)

  32. منى 21 November 2008

    الف الف هنا على الشاورما , كتير انبسطت انك جربتيها و انك حبيتيها و عجبتك,
    لو تجربيها سندويش ,, ممممم رح تفتحي محل بعدها :grin ببقى بنزل طريقة السندويش اذا الله راد

  33. reem220 21 February 2009

    بصراحة ماضلت أكلة ما بعرفا وبنفسي إلا شفتا بهالموقع الغني الله يجزيكن الخير ومشكورة كتير اخت منى عهالوصفات اللذيذة اليوم بدي جرب الشاورما من وصفتك كان بنفسي من زمان اعملا عندي اطيب من الأكل برا

  34. منى 22 February 2009

    هلا ريم :)
    الف شكر الك اختي للرد والتواجد الطيب بالموقع , ان شاء الله تجربي هل الشاورما و تحبيها , و كمان تجربي بقية الوصفات الي كانت بنفسك ;)
    نورتي اختي

  35. majdo 28 June 2009

    والله يسلموا ايديكي على الوصفه عملتها وطلعة بتشهي وانبسطت كتير شكرا كمان مره

  36. majdo 28 June 2009

    :grin

  37. سارونات 24 December 2009

    السلام عليكم و رحمة الله و بركاته

    اخيييييرا ساويت الشاورما و بالرغم من غياب الفلفل الحلو بالبهارات و السماق ضبطت و الحمد لله

    جازاك الله خيرا منوووش و ان شاء الله بالمرة الجاية راح جرب شاورما اللحم بس انا ما راح ساويها باللية بعتقد راح تطلح طيبة او شو قولك

    بالتوفيق

    سلام

  38. Jassy 5 January 2011

    السلام عليكم ورحمة الله

    من زمان بخاطري إعملها وما كنت أوصل. أولتا امبارح اشتريت صدور مخصوص وجمدتون، امبارح تبلتون واليوم ساويتون .. يااااااااي طلعوا جناااان طييييبييييين.. ونكهة الليمون بتسطل !
    صحي ما أضفت أكتر مكونين أساسيين – على قولتكون – واللي هنة المستكة والهيل .. لكن حتى هيك طلعت بتجنن …… يسلمو كتير منى الله يجزيك الخير وجوزي كتير عجبتو واتفقنا ارجع اعملها شي يوم (مع العلم هو ما بيحب شي جديد بنوب ولا حتى يدوقو).
    بس الجزرات والبصل ما سخيت كبون، فبعد قلية الشاورما قليتون بنفس المقلاية آموا خلصوا قبل الشاورمات الله وكيلكون ! طيبين كتير طلعوا عالتتبيلة.

    الاسبوع الجاي حاعمل كليين وفرزهون، مالي كتير خلق عالطبخ آخر شهرين من الحمل. برغم أن جاي عبالي بس بوقت التنفيذ بفوت بالحيط هههههه.

    عذكر الشاورما تذكرت نكتة:
    كان في واحد مبالزووور بالزور يطلع معو حرف الشين وبالصدفة بس، فكان دايما ياكل فلافل، بيوم فاق الصبح وهو مشتهي على شاورما، آم ضل ساعتين بالبيت وهو عم يغسل ويلبس تيابو ويحلق يتدرب على قولة حرف الشين لبييييين ما زبطت معو، آم ما فلت هالحرف من تمو : ( ششششششـ )، لبس جراباتو وهو عم يقول: ( ششششششـ ) وجزمتو وطلع عسفل البناية وهو عم يقول : ( ششششششششششـ ) وهييييك توصل عالمحل، وقلو للبياع : (شششششششششششششششششششاورما !!!!)، آم البياع بحلق فيه شوي وقلو: ( شو قلتلي بدك ؟؟ ) .. آم الزلمة قلو : (اللعنة عليك ! هات فلافل) .

    مع فائق الاحترام :) :grin

  39. رهف 26 March 2011

    الظاهر يامنى اني مقصرة بحقك كتيير لأني الوصفة كتير طيبة وصار عملتها تقريبا 4 مرات ولسه ماقلتلك تسلم ايديكي أنا كتير بحب الأكلات يلي مابدها وقت وطعمتها طيبة وبموقعك استفدت كتير من هيك أكلات شكرا كتير

  40. نزيهة 23 November 2012

    بهارات الشاورما مو متوفرة فالجزائر شو اعمل :? :cry :roll :x

    • منى 11 July 2013

      فيكي تحضري بهارات الشاورما ع ايدك , الوصفة بتلاقيها بالتفصيل هون

      http://l2ma.com/?p=533

  41. nour 13 July 2013

    بهارت الشاوما غير متوفر فا لجزائر

تقييم الوصفة
عاديةقد أحضرهاجيدةممتازةأكثر من رائعة (6 votes, average: 5.00 out of 5)