صرة الأوزي


         وصفة : منى                 2007/09/03                 27 تعليقات
صرة الأوزي

·          يغسل الارز جيداً بالماء البارد ثم ينقع بالماء و الملح لمدة ساعة , تسلق حبوب البازلاء لمدة 10 دقائق حتى تنضج ثم ترفع من ماء السلق و توضع مباشرة في ماء مثلج للحفاظ على لونها الأخضر الجميل .

·          تحمص المكسرات كل على حدة بالسمنة حتى تشقر ثم ترفع من السمنة و توضع على ورق ماص .

·          بنفس السمنة تقلي اللحمة حتى تحمر و يجف مرقها ثم تتبل بالبهارات و تقلب لمدة دقيقتين .

·          يضاف الأرز و يقلب بلطف مع مزيج اللحمة حتى تختلط البهارات بالأرز مدة خمس دقائق , أخيراً يضاف المرق المغلي و تترك حتى تغلي .

·          بعد أن تغلي المرق يغطى  الوعاء و  تخفف النار حتي تظهر ثقوب على وجه الأرز و يجف الماء و تنضج حبوب الأرز , تطفى النار و تقلب الحشوة بالشوكة بلطف ثم تترك حتى تبرد تماماً من دون كشف الغطاء عنها .تضاف البازلاء و يقلب الكل بلطف . أصبحت الحشوة جاهزة .

·          يرش القليل من الطحين على طاولة العمل و تفرد عجينة الباف باستري ثم تقطع إلى مربعات كبيرة حسب الحجم الذي تفضليه ( 14 سم حجم مناسب ) .

·          يحضر صحن صغير مقعر ( صحن زبادي ) و تفرد  فيه رقاقة و يضغط عليها بلطف حتى تأخذ الرقاقة شكل الطبق .

·          يوضع  القليل من المكسرات في قاع الرقاقة ثم يسكب فوقها من حشوة الأرز و يضغط جيداً كي تأخذ صرة الأوزي شكل الزبدية , يمكن خلط المكسرات مع الأرز ثم حشي العجينة بها لإختصار الوقت .

·          تثنى أطراف الرقاقة فوق الرز ثم توضع اليد عليها و تقلب الزبدية حتى تصبح الصرة على الكف .

·          ترتب الصرر في صينية مدهونة بالقليل من السمنة أو بصينية غير لاصقة و يدهن الوجه بالحليب .

·          تخبز الصينية  في فرن متوسط ( 180 درجة ) حتى يحمر أسفل الصرر ثم يشعل الفرن من فوق لبضع دقائق فقط حتى يحمر وجه الصرر .

·          يزين وجه كل صرة بالفستق الحلبي المبشور أو المقطع لأنصاف في حال استعمال الفستق ثم تقدم فوراً مع السلطة أو اللبن . 

سر الطبخة  :

يجب أن تبرد الحشوة تماما قبل أن نحشي بها الرقائق وآلا فان الرقاقة ستتمزق .

 

 




2 ملعقة كبيرة سمنة
نصف كيلو لحمة غنم مقطعة مكعبات و مسلوقة
أربع أكواب بازلاء
ملعقة صغيرة من البهار المشكل
نصف ملعقة صغيرة من حب الهال المطحون قليلاً
ربع ملعقة صغيرة من القرفة
ربع ملعقة صغيرة من القرنفل المطحون
2 كوب رز مصري
2 كوب و نصف من مرق سلق اللحمة
صنوبر و فستق و لوز
علبة عجينة باف باستري

بيضة مخفوقة قليلاً مع ملعقة حليب لدهن الوجه
فستق مبشور أو مقطع أنصاف للزينة ( اختياري )





• يغسل الارز جيداً بالماء البارد ثم ينقع بالماء و الملح لمدة ساعة , تسلق حبوب البازلاء لمدة 10 دقائق حتى تنضج ثم ترفع من ماء السلق و توضع مباشرة في ماء مثلج للحفاظ على لونها الأخضر الجميل .

• تحمص المكسرات كل على حدة بالسمنة حتى تشقر ثم ترفع من السمنة و توضع على ورق ماص .

• بنفس السمنة تقلي اللحمة حتى تحمر و يجف مرقها ثم تتبل بالبهارات و تقلب لمدة دقيقتين .

• يضاف الأرز و يقلب بلطف مع مزيج اللحمة حتى تختلط البهارات بالأرز مدة خمس دقائق , أخيراً يضاف المرق المغلي و تترك حتى تغلي .

• بعد أن تغلي المرق يغطى الوعاء و تخفف النار حتي تظهر ثقوب على وجه الأرز و يجف الماء و تنضج حبوب الأرز , تطفى النار و تقلب الحشوة بالشوكة بلطف ثم تترك حتى تبرد تماماً من دون كشف الغطاء عنها .تضاف البازلاء و يقلب الكل بلطف . أصبحت الحشوة جاهزة .

• يرش القليل من الطحين على طاولة العمل و تفرد عجينة الباف باستري ثم تقطع إلى مربعات كبيرة حسب الحجم الذي تفضليه ( 14 سم حجم مناسب ) .

• يحضر صحن صغير مقعر ( صحن زبادي ) و تفرد فيه رقاقة و يضغط عليها بلطف حتى تأخذ الرقاقة شكل الطبق .

• يوضع القليل من المكسرات في قاع الرقاقة ثم يسكب فوقها من حشوة الأرز و يضغط جيداً كي تأخذ صرة الأوزي شكل الزبدية , يمكن خلط المكسرات مع الأرز ثم حشي العجينة بها لإختصار الوقت .

• تثنى أطراف الرقاقة فوق الرز ثم توضع اليد عليها و تقلب الزبدية حتى تصبح الصرة على الكف .

• ترتب الصرر في صينية مدهونة بالقليل من السمنة أو بصينية غير لاصقة و يدهن الوجه بالحليب .

• تخبز الصينية في فرن متوسط ( 180 درجة ) حتى يحمر أسفل الصرر ثم يشعل الفرن من فوق لبضع دقائق فقط حتى يحمر وجه الصرر .

• يزين وجه كل صرة بالفستق الحلبي المبشور أو المقطع لأنصاف في حال استعمال الفستق ثم تقدم فوراً مع السلطة أو اللبن .

سر الطبخة :

يجب أن تبرد الحشوة تماما قبل أن نحشي بها الرقائق وآلا فان الرقاقة ستتمزق .









  • وصفات تانية ممكن تعجبك


التعليقات

  1. linda 3 September 2007

    يمممممممممممممممممممممممممم
    يا امي شو بحب هل الاكلة

    يالله يا منى انا شاطرة بالاكل و بحب اطبخ بس شغلات بسيطة و للاسف الاكل العربي ما بحسو بيزبط معي

    بس بدي ساويها شي نهار برمضان ان شاء الله

    بتعرفي شو
    جوزي ما بيحب شي اسمو سمنة او زيت بتلاقيني بطبخ بنقطة زيت زيتون كل شي
    فبحس الاكل و خاصة الرز بيطلع ناشف مدري كيف :upset

    حكيتلك قصة حياتي يا حياتي :grin

    تصبحي على خير

  2. منى 4 September 2007

    و انت من أهل الخير ليندا :)

    يمكن الاكل العربي ما بيظبط معك لان ما تعملتيه من ماماتك بسبب السفر ..
    بتعرفي في اشيا صغيرة و الواحدة ما بتنتبه عليها من غير ملاحظات الام ;)

    رح قول لك سر ..

    أنا كمان بحط للرز زيت زيتون عوض السمنة و الزيت العادي ,, بتعرفي الصحة أهم الشي ..

    بس بالعزايم بحضره بالسمنة :roll

    ان شاء الله تجربيها و تكون على زوءك :)

  3. بدور 6 September 2007

    يمممممممممممممممي
    شكلا كتيير طيبة نحنا ما منعملها بالبيت أنا دئتا وئت كنت أدرس بالأردن من رفيئتي كانت تجيبا معها بس بصراحة هي شكلا أطيب نشالله رح جربا بس يمكن لسا صعبة علي :roll
    الله يسلم هالايدين ميمو الحلوة :zzz

  4. منى 7 September 2007

    لا بدور و الله مو صعبة أبدا

    اعمليها و ان شاء الله بتدعيلي و بتفرحي ماماتك فيك ;)

    الله يسلمك يا رب :)

  5. Eman 28 November 2007

    السلام عليكم ،

    شلونك حبيبتي منى ؟ يسلمو إيديك على الوصفات الرائعة اللي بنشوفها كل يوم تزين الموقع، البارحة عملت الأوزي لعزيمة وعملت جنبها فريكة ولحمة،وطلع الأوزي رائع والضيوف حبوه كتير وأثنوا عليه 8) ،
    بس الله يسامحك على هالعملة، هيك ما بتحطي طريقة عمل الفريكة :cry ؟
    ما عرفتها انخبصت ولا احترقت وزوجي يدوق ويقول ما استوت يمكن بقيت شي ساعة على النار وما تستوي ونويت ما أرجع أعملها لتحطي وصفتها على موقعك المميز :roll .

    لا تواخذيني إذا عم كتر غلبة، الله يخليلنا ياكي ولا يحرمنا من وصفاتك الحلوة.

  6. منى 29 November 2007

    مية أهلا و سهلا ايمان :)

    صحة و هنا يا رب على قلبك و قلب ضيوفك

    لا يهمك من ان فريكتك انتزعت , يمكن نوعها مو كتير زيادة

    على كل طريقتها مو صعبة و من عيوني التنتين , تكرمي و أحلى طريقة للفريكة رح اكتبها الك ;)

  7. ام نور 30 November 2007

    هيدي الاوزة الي قصدي عليها اخت منى بس سبحان الله اديش الي بفوت عالموقع ولا مرة انتبهتلا :) وعفكرة اذا بتجربيا بعجينة البقلاوة بتطلع ولا اطيب البابا ما بيعملا الا بعجينة البقلاوة

  8. ام نور 30 November 2007

    انا بدي اسال اخت منى ما بعرف اذا منزلتيا وما نتبهتلا
    على اكلة اسما عش البلبل
    كتير مشهورة حابي اتعلما لان كتير شفت نسوان هون بيعملو العجينة عا ايدون ما بعرف شو رايك كيف بتعمليا :?

  9. منى 1 December 2007

    مية هلا ام نور :)

    يا ترى شو قصدك بعجينة البقلاوة ؟
    هلأ انا بحضرها بعجينة الباف باستري , يمكن عجينة البقلاوة قريبة الها .

    عش البلبل منعمله و كتير كتير سهل ..
    بس كمان بعجينة الباف باستري ,
    بتمدي العجينة على الطاولة و بتفرديها شوي بالشوبك بعدها بتقطعيها لدوائر .
    بتحضري الحشوة البلدية الي موجودة بهل[URL=http://www.l2ma.com/content/view/97/2/]الرابط[/URL]
    و بتمديها على الدوائر و بعدها بتخبزيها لحتى تستوي ..

    يلا اذا جربتيها خبريني
    ;)

  10. ام نور 1 December 2007

    عجينة البقلاوة التي نشتريها من محل الحلويات بيعملو من البقلاوة المشكل كتير بتطلع هالاكلة فيا طيبة شي مرة جربيا ;)

  11. منى 2 December 2007

    مممم

    إذا لقيت من هل العجينة رح جربهاإذا الله راد :)

    ألف شكر ليك ام نور ;)

  12. omtasneem 5 February 2008

    [I][/I] :? السلام عليكم ورحمة الله وبركاته اختي العزيزة منى الاوزي من الاكلات المفضلة عندي بس ما بقدر ساويها بسبب عدم توافر رقائق الباف باتيسري ممكن اذا مافيها غلاظة تساعدني بعمل العجينة بالبيت وبكون الك من الشاكرين

  13. منى 5 February 2008

    هلا فيك اختي ام تسنيم :)
    و الله أختي انا عندي طرق للعجينة بس لسا مو مجربتها …
    و على كل رح اسالك عن طريقة سهلة :)
    أختي فيك تستعملي الرقائق العادية و بتطلع طيبة ..
    ما دام انك بألمانيا فأكيدة متوفرة لان هي بتدخل بكتير في وصفات الاتراك ;)

  14. Eman 9 September 2009

    السلام عليكم …

    كيفك أختي منى ؟ شو أخبار الصيام ورمضان ؟؟

    يا ستي عندي عزيمة الجمعة وعملت أوزي وحطيته بالفريزا ، بس المشكلة من قبل كان لما طالعه الوجه يتشقق وهالشي يصير لما أعمله بسبرنج رول ، شو الحل حتى ما خل الرقائق تتشقق ؟؟ هل أطالعه لحتى يدوب للأخير؟ ولا شو أعلم ؟

  15. ام جنى عبيدات 6 December 2009

    مسالخير ياحلو.. اليوم انا كتير مبسوطه عملت صره الاوزي مع سلطه الرايتا الهنديه وتبوله واول ماشاف السفره زوجي سالني هاي من النت؟؟ وامني امانه اوصلك انه بهديكي سلامه لان الاكل طلع طيب كتير :) تسلم ايديكي يامنى :zzz

  16. منى 6 December 2009

    هلا امولة :)
    ممكن لو خليتيه يحل على الاخير تخف المشكلة , بس رح يبقى يتشقق بالاخير و لو شي بسيط

  17. منى 6 December 2009

    هلا ام جنى :)
    لو تعرفي شو انبسطت لان السفرة عجبت الباشا و هادا اهم الشي .

    ريتو الف صحة و هنا على البك و البه و الله يخليكم لبعض و تشوفوا من بعض كل الخير و يرزقكم الذرية الصالحة :zzz

  18. marim 5 February 2010

    كيفك مدام منى بدي اسالك هون بالشام عنا عجينة ابو اللبن بف باستري بس بتجي عشر مربعات صغيرة شو اعمل

  19. منى 6 February 2010

    هلا مريم:)
    من ابو اللبن في نوعين , نوع مقطع مربعات و نوع بيجي فيه رولين و مو مقطع , انتي يبي النوع التاني ;)

  20. marim 6 February 2010

    مرسي كتير على الرد ولا تاخزيني اني كتير بسال بس بوثق فيكي بكل شي

  21. منى 6 February 2010

    و لا يهمك اختي , انا دوما تحت امرك ;)

  22. larooo 14 February 2010

    السلام عليكم
    بس بدي اسأل هلأ عجينة الباف باتسري مو هي اللي لما بتنخبز بتصير متل رقايق فوق بعض ؟؟
    اذا هي .؟ كيف بتزبط مع الاوزي ؟لأنو بعرفه بكون بس طبقة وحدة من العجين ؟؟ او بجوز مخربطة :grin

  23. منى 15 February 2010

    ايه هي العجينة الي فيها عدة طبقات .

    هلا كلامك مزبوط , بحلب نحضر الاوزي من عجينة واحدة و بالشام و بقية سوريا بيحضروها بعجينة البقلاوة , بعد التجربة شفت انها بالعجينة الرقايق ( عجينة البقلاوة و الا اقرب شي الها هو الباف باستري ) اطيب بكتير و غير نغم ;)

  24. larooo 27 April 2010

    اخيييرا اليوم جربت الاوزي بعجينة الباف باستيري
    بعد شهرين من السؤال :grin
    وطلعت طيبة كتير وسهلة كتير كمان بما انو العجينة
    جاهزة ..طبعا جوزي فورا أي شي جديد صار يعرف انو
    من موقع لقمة طيبة ;) ;)
    يسلمو ايديكي يارب

  25. منى 28 April 2010

    صحتين و الف الف هنا لارا على البك و الب ابو الشباب , الحمد لله انها عجبتكن , عوافي و الف صحة يا رب :)

  26. Hala 29 June 2014

    ست منى أنا بجيب عجينة البف باستري الي بالأصل مربعات فيني أنا أرقها شوي بالشوبك ولا الأفضل أتركها متل ما هي ويعطيك ألف عافية على هالأكلات اللذيذة

    • منى 29 June 2014

      مرحبا هلا :)
      الافضل تستعمليها متل ما هي , او رقة خفيييييفة متل النسمة لحتى ما تروح توريقتها

      مية هلا فيك حبيبتي

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)