صينية معكرونة بالبيشاميل ( معكرونة غراتان )


         وصفة : منى                 2007/09/27                 41 تعليقات
صينية معكرونة بالبيشاميل ( معكرونة غراتان )

صينية معكرونة بالبيشاميل ( معكرونة غراتان )



عبوة معكرونة بوزن 250 غرام ( أنا أفضل المعكرونة الشرايط )
جبنة صفراء مبشورة
زبدة لدهن الطبق

الحشوة :

ملعقة كبيرة زبدة أو ملعقتين زيت
نصف كيلو دجاج مشفى من الجلد و العظم
حبة صغيرة بصل
حبة صغيرة فليلفة حمراء
كوب فطر مقطع
ثلث كوب بازلاء مسلوقة
ثلث كوب ذرة


صلصة البيشاميل :

6 كوب حليب
6 ملعقة كبيرة طحين أبيض
رشة فلفل أبيض
ربع حبة جوزة الطيب
3 ملعقة كبيرة زبدة
3 ملعقة كبيرة جبنة كريما





تحضير الحشوة :

• يسلق الدجاج حتى ينضج ثم يقطع لمكعبات و يحتفظ بالقليل من مرق السلق جانباً .

• يفرم البصل ناعماً و تفرم الفليلفة الحمراء لمكعبات صغيرة .

• يقلب البصل بالزبدة حتى يطرى ثم تضاف باقي الخضار و يقلب الكل لمدة 5 دقائق .

• يضاف الدجاج للحشوة مع القليل من مرق سلق الدجاج و تترك الحشوة على نار هادئة حتى تنشف كل المرقة .

تحضير صلصة البيشاميل :


• تحضر صلصة البشاميل يخفق كوبان من الحليب مع الطحين حتى تختفي الكتل .

• تبشر ربع حبة جوزة الطيب أو أقل حسب الذوق , المهم استعمال بشر طازج .

• يوضع باقي الحليب على النار و عندما يغلي يضاف مزيج الطحين للحليب الغالي بشكل تدريجي مع التحريك المستمر و السريع حتى يغلي الصوص و يبدأ المزيج بالسمك ثم يترك على نار هادئة مدة خمس دقائق .

• تضاف الزبدة و الجبنة و يحرك حتى تختفي و بعدها أصبح البيشاميل جاهزاَ .

• يمكن أن يحضر صوص البيشاميل بالطريقة الفرنسية الأصلية و ذلك حسب الرغبة .


تطبيق الوصفة :

• تدهن صينية بايركس كبيرة بالزبدة , يرفع مقدار كوب من صلصة البيشاميل للوجه جانباً , يحمى الفرن على درجة حرارة 180 مئوية .

• تسلق المعكرونة حتى تنضج ثم تصفى من مرقها و من دون أن تغسل تمزج مع صلصة البيشاميل المحضرة .

• تصب نصف كمية المعكرونة في الصينية ثم تغطى بالحشوة ثم تغطى بباقي المعكرونة .

• يصب البيشاميل الذي رفع جانباً على وجه المعكرونة ثم ترش الجبنة المبشورة و يمكن وضع بضع مكعبات صغيرة من الزبدة فوق الجبنة لإضفاء لون جميل و نكهة غنية للوصفة .

• يخبز الغراتان في الفرن لمدة 45 دقيقة أو حتى يحمر قاعها ثم يشعل الشواية من فوق لبضع دقائق حتى يحمر الوجه .

• يترك الغراتان ليهدأ لمدة 10 -15 دقيقة ثم يقدم .


أفكار و تنويعات :

يمكن أن تحضر المعكرونة بحشوات أخرى حسب الرغبة كحشوة الدجاج و الفطر أو حشوة اللحمة و لتحضيرها تقلى حبة بصل بالقليل من الزبدة حتى تصفر ثم يضاف نصف كيلو لحمة مفرومة و تقلب حتى تنضج و يجف مرقها ثم تتبل بالملح و البهار و الفليلفة الحمراء الناعمة و تضاف ملعقتان أو ثلاثة من رب البندورة و نصف كوب ماء و تترك الصلصة على النار حتى تتسبك ثم تستعمل .
  • وصفات تانية ممكن تعجبك


التعليقات

  1. linda 1 October 2007

    السلام عليكم ورحمة الله وبركاته
    رمضان كريم منى و لو انها متاخرة بس والله ما في وقت
    الله يسلم ايديكي على هل الاكلة اكيد بدي اعملها جوزي من عشاق المعكرونة
    على فكرة صرت عاملة كتير من وصفاتك والحمدلله كلو عم ينال الرضا والاستحسان
    يعطيكي العافية

  2. منى 1 October 2007

    هلا ليندا :)

    رمضان كريم عليك و على عيلتك كلها يا رب

    الله بيعرف قديه مشتاقتلك و بالي عندك ليندا ..

    الله يسلمك يا رب و ان شاء الله عوافي و هنا على قلبك و قلب جوزك و جبريل و شام :)

    شو جربتي ؟

  3. linda 1 October 2007

    و انا مشتاقتلك كتيرالله يعلم
    يا ستي جربت المحمرة و سندويش الفلادلفيا و السمبوسة يا امي شو حبيتا
    و دجاج كباب و ساندويش التوشكا والكارنيارك و انا يلي كنت مفكرتها اكلة شامية طلعت تركية
    بتعرفي بالمطاعم التركية بيعملو متل هي الاكلة و بعتقد نفس المقادير بس بتكون البيتنجانة مقطعة مكعبات مو متل ما هيي و بيكون عليها فليفلة خضرا حرة كتير يمييي شو طيبة
    بتعرفي اليوم جربت نفس الطريقة بس بدال ما يكون الصوص بندورة حطيت بشاميل و كنت حاطة ايدي على قلبي ما تطلع طيبة بس طلعت بتجنن

    و كتير شغلات جربتها مو حاضرة ببالي هلاء
    الله يوفقك و يجزيكي الخير.
    سبحان الله رح يخلص رمضان و بهل الغربة العيد مالو طعم والله ما بحس انو في شي تغير
    يالله بعين الله

    يا ويلي شو حكيت
    سلام :grin

  4. منى 1 October 2007

    بالعكس ليندا :)

    انا مشتاقة لحكياتك الحلوة , و لما غبت حسي في شي ناقص و الله

    الله بيعين و ان شاء الله ترجعي لبلدك يا رب بخير و سلام

    بتعرفي انك جربتي وصفاتي المفضلة و الا عملتها لضيوفي لما اجو فطروا و اتسحرو عندي :)

    المحمرة بموت عليها و ما بقدر قاومها ,, و الا الفيلادلفيا ممم

    و الا التشكن كباب مع الرز , غير شكل :eek

    ريتو عوافي يا رب

    فكرة حلوة هي انك تحطي البيشاميل بدل الصوص الاحمر

    رح جربها اذا الله راد :)

    تصبحي على خير يا عسل

  5. هوايتي الطبخ 8 April 2008

    شكرا علي الموقع الاكثر من رائع
    الله يعطيك العافيه يا اخت مني شكلك طباخه ميه ميه انا احب اطبخ بس ما كنت اعرف وصفات كتير الان صار عندي مليون وصفه حلوه من موقعك انشاءالله اطبقهم

  6. منى 9 April 2008

    هلا فيك أختي نور الموقع و ان شاء الله تستفيدي و تجربي و تكون الطبخااات على كيفك ;)

  7. هيلين 9 July 2008

    قايمة فورا جربها بس انا بعرف انو الغراتان ما بينحطلو غير جاج ؟فالوصفة جديدة علييى تماما

  8. منى 9 July 2008

    و انا كنت حضرها بس بالدجاج , و مرة خطرت الي هل الفكرة و طلعت بتجنن و تغييير, ان شاء الله تجربيها و تكون على زووءك ;)

  9. تورتاية بالكريز 13 July 2008

    تسلم ايدكي احلى منمون والله ست بيت سورية أصيلة والله من حبي لكم بحلم يوم ازور بلدكم الحلوة وازورك ياقمر
    كتييييييير طيبة الوصفة تسلم ايدكي على الروائع المتقنة والمضبوطة من كل قلبي الله يعطكي العافية ويرزقك مانتتمني ياقمرويحفظلك القطاقيط الحلوين ويبارك فيهميارب

  10. منى 23 July 2008

    هلا ام ياسمين :)
    الله يسلمك و يحفظك و يخليكي , بتنور سوريا باطيب و احلى ناس يا عمي , بس لا تنسي تعمليلي زيارة :zzz

    ان شاء الله ليك متبل هل الدعوات الحلوة و اكتر يا حق

    و اذا جربتي الغراتان , يا ريت يعجبك

  11. سارونات 3 September 2008

    السلام عليكم و رحمة الله و بركاته
    اناراح استعمل السباغيتي متل ما نصحتي لان كمان بعتقد راح تطلع احسن من المكرونةالتانية
    بدي اسال السباغيتي منقطعهازغيرة او بالطول العادي يعني عود السباغيتي
    منقسمو على 2 لان بدي جربا قريبا ان شاء الله بس اول مرة راح ساوي كمية زغيرة
    بالتوفيق
    سلام

  12. منى 3 September 2008

    ما بتفرق أختي , قطعيه بالطريقة الي بتناسبك , انا ممكن ااقطعه لقسمين أو ثلاثة بشكل عشوائي :)

  13. سارونات 20 October 2008

    السلام عليكم و رحمة الله و بركاته
    جازاك الله خيرا اختي منى
    انت قلتي انك بتفضلي المعكرونة شرايط بدي اعرف هل هالشي يتعلق بالذوق و الرغبة ام انها بالمكرونة التانية بتطلع معجنة او شي بس كان بدي اتأكد و سؤالي هل بتنفع بالمكرونة اكواع
    بالتوفيق
    سلام

  14. منى 21 October 2008

    بينفع اي نوع معكرونة , بس اصولها بالشرايط ;)

  15. سارونات 16 January 2009

    السلام عليكم و رحمة الله و بركاته
    اختي منى بدي ان شاء الله بهاليومين ساوي هالوصفة بحشوة اللحمة و بدي اسالك اذا فيني حضرها بالليل و وقف عند خطوة ادخالها في الفرن يعني ساويها كلها و بس ما دخلها الفرن و غلفها بورق المنيوم و حطها بالبراد لبكرا هل بينفع هالشي او لا لان ما بدي الوصفة تنتزع
    ربي يوفقك و يسهل دربك
    سلام

  16. منى 17 January 2009

    معلش أختي سامحيني للتاخر و منيح انك رجعتي ذكرتيني :)
    اكيد بينفع تحضريها قبل بيوم و تحطيها في البراد و لما يجي وقت الغدا بطالعيها و على الفرن و ممكن كمان انك ما ترشي وجهها فورا بالجبنة و بعد ما تقرب تستوي ترشي وجهها بالجبنة و تخلييه يحمر شوي ;)

  17. سارونات 21 January 2009

    السلام عليكم و رحمة الله و بركاته
    اختي منى ساويتها اليوم و طلعت طتير طيبة :zzz انا خفت شوي لان حسيت حشوة اللحمة كتير بسيطة و خفت ما تطلع الطعمة طيبة بس ضفتلها رشة زعتر يابس بعد ما جهزت الحشوة لان بحسو بيعطي طعمة و ريحة طيبة
    و ان شاء الله المرة الجاية راح جربها بحشوة الدجاج انا هالمرة ساويتها بحشوة اللحمة لان اسرع
    جازاك الله خيرا اختي منى
    بالتوفيق
    سلام
    اختي منى اذا فيكي جاوبيني على سؤال الموساكا
    :zzz

  18. منى 21 January 2009

    هنا و عافية اختي و الحمد لله انها عجبتك , صحة يا حق :)

    بلا لاحقتك على الموساكا

  19. سارونات 21 January 2009

    السلام عليكم و رحمة الله و بركاته
    ما بعرف شو بدي قول اختي منى الله يوفقك و يسهل دربك و يجازيك و يجازي احبائك الجنة ان شاء الله
    المكرونة بالبيشاميل اليوم انقذتني من موقف محرج صار المساء الحمد و الشكر لله
    ما راح انسى معروفك طول عمري
    سلام

  20. منى 22 January 2009

    الحمد لله اختي :)

  21. سارونات 28 January 2009

    السلام عليكم و رحمة الله و بركاته
    اختي منى كتبت رد قبل ما يتعطل الموقع بس مبينتو ما وصل
    انا كتبت اسالك اذا فينانحضر المكرونة بالبيشاميل و نحطها بالفريزر متل اللازانيا و عن صواني البايركس ما بيصرلهن شي اذا حطيناهم بالفريزر يعني ما راح يتكسر
    بالتوفيق
    سلام

  22. منى 28 January 2009

    هلا أختي :)
    فيك تحضريها وتحفظيها بالفريزر , بس انا ببقى من أنصارالفريش و التازة

    الصواني ما بيصير الهم شياذا كانوا من نوعية منيح , اما اذا نص نص لا تغامري ;)

  23. سارونات 4 February 2009

    السلام عليكم و رحمة الله و بركاته
    ساويتها قبل بيوم و حطيتها بالبراد و اليوم الثاني ذخلتها الفرن و طلعت كتير طيبة كمان هالمرة ساويتها بمعكرونة بيني و ضفت للحشوة شوية بقدونس
    بس بوافقك الراي انها بالسباغيتي احسن حتى لو ان الطعمة بتظلها نفسها اذا بدلتي المعكرونة بس السباغيتي بتطلع شي كتير مختلف لانها رفيعة
    بالتوفيق
    سلام

  24. zsoukar 12 March 2009

    مرحبا اختي منى .يعني الله يبيض وجهك متل مابيضتي وجهي .هي اول مره بساويها وكان عندي ضيوف وطلعت كتير طييييبه وكمان شكرا من قلبي على البسمشكات .الله يقويكي يا فنانه الاكل

  25. منى 13 March 2009

    هلا سارونات :)
    الف عافية و هنا و صحة على قلبك اختي , كتير انبسطت انها عجبتك عوافي

  26. منى 13 March 2009

    هلا اختي ام عمر :)
    الله يبل قلبك على هيك دعوة حلوة و غالية , ربي الك متلها و احلى
    ريتو الف عافية على كل لقمة أكلتوها انت و كل عيلتك و ضيوفك :zzz

  27. شفاء 28 May 2009

    السلام عليكم

    كيفك ياست منى ان شاء الله تمام

    انا جربتها باللحمة والدجاج بس عيلتي حبوها باللحمة اكتر مابعرف ليش بس حسيت حشوة الدجاج ناقصها شي يعني طعمتا ماكانت قويةالله اعلم شو السبب رح ارجع اساويها واحاول اتلافا الاخطاء قدر الامكان

    بس عكل حال يسلمو كتير انا عمبصور كل اكلاتي اللي عم بعملن من موقعك بس ما عمبعرف انزلن

    مشان اورجيك ابداعاتي

  28. منى 31 May 2009

    هلا شفاء :)
    سبحان الله بتبقى شغلة زوء , انا بالبيت بيحبوها بالدجاج اكتر ;) ممكن تكتري البهارات اكتر أو تزيدي شي بتحبه العيلة عندك بالعادة

    اتمنى اشوف الصور و ممكن تبعتيهم عن طريق الايميل اذا ما في مشكلة ;)

  29. آرام 16 August 2009

    مرحبا أخت منى
    اشتقت كتير للموقع .. صار لي شهر مشغول للآخر وما عندي وقت للطبخ والنفخ ولا حتى للنت .. بس والله كل ما أكلت لقمة طيبة بأي مكان بتذكرك وبدعيلك بالخير.
    هالوصفة من أوائل الوصفات الي جربتها من الموقع .. وجربتها كمان مرة من يومين .. من زمان كنت آكلها بس بالمطاعم وما كنت أتخيل في يوم من الأيام أني ممكن أعملها بالبيت.
    يسلموا إيديك أختي ولا يحرمنا منك يا رب

  30. منى 20 August 2009

    هلا ارام , ان شاء الله مشغول بالخير اخي :)

    الف صحة و هنا يا حق على الغراتان هل المرة و المرة الماضية كمان و ربي الك متل هل الدعوات الكريمة من اخ كريم و اكتر باذن الله

  31. violet 12 June 2010

    مرحبا
    جربتا وطلعت كتييييييير طيبة بس ماتفاجأت كنت متوقعة هالنتيجة
    بس عملتها بمعكرونة مو شرايط
    لأنو ماعرفت في ناس بيعملوها متل عجينة هيك شرايح بتشبه عجينة البرك بجبنة انو شرايط تخينة
    بس أنا طلعت بنيو تاون شفت معكرونة شرايط مو تخينة رفيعة ياترى هي اللي بتقصديها
    بس مافي منها أنواع كتيرة

    بدي أسأل سؤال تاني مالو علاقة كريما اللي بتستعملوها بالطبخ هي من وين بدي جيبها يعني شو أقول عمو عطيني كريمة تبع الطبخ ؟؟؟؟؟ :?

    صرلي زمن عبحاول ابعت ردود بس ماعبنبعتو مابعرف اذا العذر من عندي أو من الموقع :sigh

  32. منى 12 June 2010

    هلا اختي :)
    صحتين و الف عافية يا رب .

    ما كتير فهمت عليك , المطلوب هو عجينة شرايط مو سميكة , متل عجينة الازانيا بس مقطعة لشرائح طويلة ;)

    بتقوليلو للعمو بدي كريما سائلة و هو رح يعطيكي علبة بيضا و النوع المتوفر هل كم يوم في المولات هو نوع فرنسي

    ما بعرف شو المشكلة , اتوقع من عندك ما دامها انحلت لحالها , بكل الاحوال ممكن مرة تانية تراسليني و انا بحللك المشكلة فورا اذا ربنا راج

  33. violet 13 June 2010

    ليش انا بعرف شو هي عجينة اللازانيا :?
    عكل ماشي لما بدي حطها بالزورق بحطها كيف ماكان وبصب فوقها الصلصة ولا بطبقها بشكل مستقيم انو فوق بعضا
    مابعرف كمان اذا فهمتي علي ماكتير عبعرف أعبر
    عكل يسلمو عزبتك معي

  34. violet 13 June 2010

    ليش انا بعرف شو هي عجينة اللازانيا :?
    عكل ماشي لما بدي حطها بالزورق بحطها كيف ماكان وبصب فوقها الصلصة ولا بطبقها بشكل مستقيم انو فوق بعضا
    مابعرف كمان اذا فهمتي علي ماكتير عبعرف أعبر
    عكل يسلمو عزبتك معي

  35. منى 14 June 2010

    عجينة الازانيا عينة شكلها متل الورقة بس اسمك شوي :

    اكيد ما منحطهن شلونما منكان , اول الش طبقة مرتبة من المعكرونة و بعدا الحشوة و بعدها معكرونة و اخر الشي طبقة البيشاميل ;)

  36. ام شهلا 25 March 2012

    جاري تطبيق الوصفة ..
    الوصفة ناجحة ..
    اتوجه بالشكر للشيف العالمي منى
    :grin

  37. منى 26 March 2012

    :grin
    منورة حبيبة قلبي و انا مو شيف عالمي و لا شي , سري اني ست بيت من دون ايا ادوات خاصة غير حبي للطبخ و كتابة الوصفات بدقة :zzz

  38. رنين 28 June 2014

    شكراااااااااااااكثيراااااااااااااااااااااااااا

    • منى 28 June 2014

      اهلا و سهلا منورة :)

  39. الاء 16 June 2016

    شخصيا ما عندي دفتر للطبخ و لا للوصفات ، لقمة طيبة هو دفتري و وصفة المعروك و كل الوصفات بتجنن و اليوم رح اعمل هي الوصفة كمان

    • منى 1 July 2016

      الله يكرمك الاء يااارب
      وانا كمان ما عندي دفتر :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 4.33 out of 5)