ضفيرة الزيتون


         وصفة : منى                 2008/09/07                 28 تعليقات
ضفيرة الزيتون

·          تنزع بذرة الزيتون ثم يفرم , تفرم الفليلفة الحمراء و الخضراء ناعمة .

·          تخلط الفليلفة و الزيتون و الجبنة جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .

·          تفرد عجينة الباف باستري على ورق زبدة فوق الصينية التي ستخبز فيها  ثم ترق باستخدام شوبك .

·          توزع الحشوة طولياً في متصف العجينة ثم يقطع طرفي العجينة لأصابع كما ظاهر بالصورة , يرد أحد الأصابع من طرف اليسار فوق العجينة ثم اصبع من طرف اليمين و هكذا حتى تنتهي كل العجينة .

·          تخفق البيضة قليلاً باستخدام شوكة صغيرة ثم يدهن بها وجه الفطيرة  .

·           تخبز الضفيرة في الفرن المحمى على 180 درجة حتى تنضج و يشقر وجهها .

 




رولو واحد من عجينة باف باستري

الحشوة :

حبة كبيرة فليلفة حمراء
حبة كبيرة فليلفة خضراء
كوب زيتون مفروم
كوب جبنة صفراء مبشورة أو أكثر
نصف ملعقة صغيرة كمون
نصف ملعقة صغيرة زعتر أخضر
ملح بعد التذوق

بيضة لدهن الوجه





• تنزع بذرة الزيتون ثم يفرم , تفرم الفليلفة الحمراء و الخضراء ناعمة .

• تخلط الفليلفة و الزيتون و الجبنة جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .

• تفرد عجينة الباف باستري على ورق زبدة فوق الصينية التي ستخبز فيها ثم ترق باستخدام شوبك .

• توزع الحشوة طولياً في متصف العجينة ثم يقطع طرفي العجينة لأصابع كما ظاهر بالصورة , يرد أحد الأصابع من طرف اليسار فوق العجينة ثم اصبع من طرف اليمين و هكذا حتى تنتهي كل العجينة .


• تخفق البيضة قليلاً باستخدام شوكة صغيرة ثم يدهن بها وجه الفطيرة .

• تخبز الضفيرة في الفرن المحمى على 180 درجة حتى تنضج و يشقر وجهها .
  • وصفات تانية ممكن تعجبك


التعليقات

  1. ام دانية 7 September 2008

    والله شكلها حلوة كتير رح حاول جربا ان شاءالله تنجح :?

  2. ام نور 7 September 2008

    من زمان وبدي اسالك منى
    عن الفطاير بزيتون كانت ندوش الله يوجهلا الخير تعملا كتير وتطلع معا طيبة بس فرق بين طريقتك وطريقتا لان العجينة هي تساويها والحشوة فيا دبس رمان ,

  3. ام نور 7 September 2008

    يا ريت يا منى اذا عندك صور عن طريقة الحشي والتقطيع بيكون اوضح لان ما كتير فهمت كيف اذا ما متوفرين مرة تانية تسلمي وامانة لا تواخذيني عم اتطلب

  4. muna.g.7 7 September 2008

    باين عليها طيبه لاكني حاخرها لبعد رمضان لما يجون جاراتي غندي الصبحية نشرب الشاي ونتبادل الاخبار شكرا وتسلمي

  5. منى 8 September 2008

    هلا ام دانية :)
    ان شاء الله تجربيها وتعجبك , نورتي أختي

  6. منى 8 September 2008

    هلا ام نور :)
    متل ما قلتي حبيبتي هل الفطيرة غير فطاير الزيتون الي منعملهم بعجينة عادية و مع الحشوة دبس رمان , بيجننوا بس هي أسهل و تغير ;)
    ان شاء الله بس حضر الوصفة لسهرتي ببقى بنزل خطوات مصورة , دا انت تامر يا جميل :zzz

  7. منى 8 September 2008

    هلا منونة :)
    ان شاء الله تجربيها و تعجبك جاراتك , هلا فيك نورتي

  8. نهى 8 September 2008

    من وين ممكن الاقي عجينة الباف باستري
    :roll

  9. منى 8 September 2008

    هلا نهى :)
    من أي سوبر ماركت بينباع عجينة جاهزة , العبوة عندنا في سوريا فيها 2 رولو :) , ممكن يكون اسمها كمان العجينة الهشة ..

    متوفرررة نهى , جربيها و بتعجبك ان شاء الله

  10. muna.g.7 22 September 2008

    اختي منى بطلت استنى لبعد العيد حاعملها ان شاء الله بكرة عالفطور لعيلتي ينبسطوا بهالشكل الجميل وحاخلي معمول العيد لجاراتي

  11. منى 22 September 2008

    هنا منونة , جربيها و رح تعجبهم أكيدة و ريتو هنا و عوافي :)

  12. نهى 26 September 2008

    انا اشتريت العجينة بس هي مش طويلة زى الصورة كده.. ولا ح تبقي كده بعدالفرد؟ :roll
    ولو مفيش ورٌق زبدة ممكن ادهن الصينية بزبدة او زيت وخلاص؟ :roll

  13. منى 26 September 2008

    هلا نهى , انتي رح تفرديه بشكل بسيط يعني رح يزيد طوله سنتيميين أو تلاتة بالكتير , و ورق الزبدة ضروري لأن الجبنة رح تسيح و لو ما في ورق زبدة رح تلزق العجينة بالصينية و تنتزع الوصفة

  14. نهى 7 October 2008

    هلا منى
    عملت فطيرة الزيتون وطلعت رهيبة.. فعلا رائعة
    بس الباف باستري هنا مش زى اللى عندك اكيد لانه كان سميك جدا ومارضيت افرده اوى زى ما قلتى فطلعت العجينة سميكة بعض الشئ
    المرة الجاية باذن الله ح اجربها بعجينة ال10 دقايق..
    تسلم ايديكي
    نفس الخليط هو اللى بيوضع على البيتزا صح ولا ايه؟؟ :?

  15. منى 9 October 2008

    هنا و مية عافية نهى :) لا الباف باستري هو نفسه بس بتطوني انت خليتيها برة البراد كتير أو ما خبزتيها فوراً ;) و ممكن تستعملي اي عجينة لتحضيرها , ما كتير فهمت اخر سؤال , الحشوة ممكن تستعمليها للبيتزا ؟ :?

  16. نوارة 25 February 2009

    شكلها بجنن أكيد رح اجربها بس ارتاح شوي
    بس سؤال معلش ورق الالمونيوم بدل ورق الزبدة

  17. لمياء 7 January 2010

    ما شاء الله وصفه سهله وكمان لذيذه
    بارك الله فيكى

  18. منى 8 January 2010

    هلا نوراة :)
    اكيد بيصير , هو المهم شي يمنعها من التلزيق بالصينية .

    رح استنى رايك يا جميل ;)

  19. منى 8 January 2010

    هلا لميا :)
    الله يبار بعمرك و ببدنك و وقتك .

    اتمنى تجربيها و تكون طيبة و على زووك و بانتظار رايك اختي 8)

  20. farah 10 January 2010

    يا سلااااام يا منى عاشت ايديكي ما قدرت ما ضيف تعليق على هالتحفة انا كنت اعمل نفس الشكل بعجينة الزبدة اللي كنت احشيها لحمة وبصلة مقلية مع توابل بس فكرتك النباتية والقطعة الكبيرة شكلها رائع

  21. منى 11 January 2010

    هلا فرح :)
    ممم , كمان الحشوة الي ذاكرتيها طيبة و سهلة , بس يا ترى شو هي عجينة الزبدة , قصدك نفس العجينة ؟
    ان شاء الله بتجربيها و تكون متل ما بتحبي , هل النوع بالذات بيكون عليه اقبال من الكل في العزومات ;)

  22. farah 12 January 2010

    والله يا عزيزتي انا كنت ناوية اسألك عنها :roll
    انا كنت اشتريها جاهزة واسمها كيك ترجمته عجينة الزبدة هي بتشبه عجينة الباف باتسري الباكيت تبعها فيه 10 قطع مربعة بين كل قطعة والتانية ورقة زبدة وعادة بتكون بقسم المجمدات اذا عرفتيها خبريني كنت ناوية تعلميني وصفتها :zzz

  23. بشرى 14 March 2010

    ياي منظرها بيجنن .. ومكوناتها لذيذة ,, رح جربها لانو جاية لعندي رفيقتي وحابة دوقها الأكل السوري 8) يسلمننن يا قمر

  24. منى 15 March 2010

    هلا فرح :)
    ما عندي وصفة الها للاسف , بس ما بتعرفي يمكن بالايام يصير عندي :roll

  25. ssweetangela 16 March 2011

    الله يسلم ايديكي يا ست منى على هالاكلة الطيبة
    جوزي حبها كتير والولاد الله يحميهن …وكمان سهلة جدا ومنظرها بيشهي …باختصار تحفة
    تعيشي وتعملي اكل يا ست الزوء

  26. منى 16 March 2011

    هلا بشرى :)
    ان شاء الله تجربيها و تكون يممي , خبريني رايك ;)

  27. damdom 3 November 2011

    تسلم ايديك مدام منى ، الشكل بشهي معناها الطعم اطيب ……….. :? :grin

  28. منى 3 November 2011

    هي الفطيرة ما في حدى ما حبها , سرها باتع :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)