طريقة تحضير فرك الكنافة و الكنافة بجبنة


         وصفة : Iman                 2009/05/23                 134 تعليقات

آخر تصويت


آخر تعليق

طريقة تحضير فرك الكنافة و الكنافة بجبنة

3 اكواب سميد ( ارجو قراءه الملاحظات بالاسفل)
1 كوب اما سمنه حيوانيه مثل البقره الحلوب او زبده
1 كوب سكر عادي
نصف كوب ماء مغلي
ربع كوب ماء الورد
ربع كوب ماء الزهر
ربع ملعقه صغيره محلب
2 ملعقه كبيره حليب بودره مثل نيدو او اي حليب بودره ثاني

• يخلط السميد مع السكر و المحلب و الحليب البودره و تذوب الزبده او السمنه على نار هاديه و تفرك مع مزيج السميد.

• تغلي الماء و يضاف له ماء الورد و ماء الزهر و يسخنوا على النار و يضافوا للسميد و يحركو بملعه خشبيه حتى يتمازجوا فقط. يجب ان يكون المزيج له قوام المهلبيه الثقيله او المغلي الثقيل. على حسب نوع السميد ممكن ان تحتاجي ان تضيفي بعض الماء المغلي . لانه كما نعرف فيه انواع تشرب ماء اكثر من انواع اخرى.

• يوضع الخليط في صينيه غير لاصقه اذا توفرت و اذا لم تتوفر يوضع في صينيه عاديه مغطاه بورق الخبيز (بارشمان)

• يوضعوا في فرن حراره 350 لمده 10 - 12 دقيقه فقط في الرف الوسطاني.

• يخرجوا من الفرن و ستلاحظوا ان السميد شرب كل السوائل و اصبح قطعه واحده ولكنه لم يتغير لونه.

• يترك ليبرد ثم اما يفتت باليد او يوطع في محضره الطعام (المولينكس) و يفرم ليصبح مثل الرمل. الان اصبح عنك شيء اسمه فرك الكنافه. من هنا تختاري اما ان تعملي به الكنافه و الحلويات الاخرى او ان تضعيه في الفريزر لاستعماله في وقت ثاني.

لعمل الكنافه نعمل التالي:

• نحضر صينيه تيفال(غير لاصقه) و ندهنها بالزبده و نفرد بها ثلاثه ارباع الفرك الدي حضرناه بالاعلى و نكبسه باليد حتى يكوي متساوي .

• نضع كوب من الحليب السائل على النار مع نصف كوب من السميد الخشن و نحركه حتى يثقل القوام. ثم نضيف له كوبين او ثلاثه اكواب من الجبنه العكاويه المفتته و المحلاه. و نخلط المزيج حتى تذوب الجبنه و يصبح الخليط متجانس.

• يسكب خليط الجبنه على السميد الممدود بالصينيه و يساوى السطح بظهر الملعقه الخشبيه بحرص.

• يغطى مزيج الجبنه بباقي خليط السميد و الزبده و يفرد السميد بواسطه اطراف الاصابع و نحاول او ننزل السميد بين الصينيه و بين خليط الجبنه و الهدف من هذا ان نمنع الجبنه من الالتصاف بحواف الصينيه اثناء الخبز.

• بعد ان نفرد السميد يكبسه برقه حتى يصبح متساوي. لا تخافي كوني جريئه و انت تكبسي لن يضرها هذا بشيء.
• تخبز بفرن محمي مسبقا بحراره 375 على الرف التحتي لمده 30 - 35 دقيقه او حتى تري ان الاطراف اصبحت محمره. عندها تحمي الشوايه و يحمر السطع ولكن انتبهي لا تتركيها لانها بسرعه تتحمر يعني 5 دقائق حسب فرنك .

• تخرج من الفرن و يسكب عليها تقريبا نصف كوب من القطر البارد .

• ندور بالسكينه على حواف الصينيه لنتاكد انه لا يويجد جبنه ملتصقه ثم نضف فوقها صينيه اكبر قليلا و نسمي بالله و نقلبها.

• نسكب تقريبا كوب من القطر البارد عليها و نرشها بالفستق الحلبي المجروش و مربى زهر الليمون.
تقدم من مزيد من القطر على جنب كل واحد و ذوقه.

ملاحظات:

• جربت هذه الكنافي بالسميد الخشن لوحده . او باستعمال نصف سميد خشن و نصف ناعم. او ناعم لوحده او نصف ناعم و نصف طحين ابيض و كل النتائج كانت ناجحه و مبهره انت و ذوقك.

• لاحظت انه باستعمال الزبده تكون الكنافه اخف من السمنه.

• في حال استعمال السمنه الحيوانيه حاولت ان اخففها لثلاثه ارباع الكوب و نجحت ايضا و لكن الزبده يجب ان تظل كوب كامل (لان الزبده بها ماء)

• لاحظت انه اضافه ربع ملعقه صغيره من المحلب كافي جدا و الا سيصبح طعم المحلب غالب و سيوءثر على النتيجه النهائيه.

• السبب في اضافه السميد و الحليب مع الجبنه ان الجبنه ستصبح هشه جدا و لن تصبح قاسيه و لن تجلد عندما تبرد قليلا.

• هذه المقادير تعمل صينيه بمقاس قطرها 40 سم .

• من هذا الفرك ممكن ان نعمل حلويات كثيره مثل: البصمه و المفروكه بالسميد و المفروكه باللوز و المفروكه بالفستق و ممكن ان تحشى بالقشطه او الجوز او الفستق .

  • وصفات تانية ممكن تعجبك


التعليقات

  1. منى 23 May 2009

    الله الله الله يا أمونة

    و الله قعدت اقرا الوصفة و كل هل الملاحظات الي ذاكرتيها , سبحان الله ما قدرن الا قلت قديه انت كريمة !

    واحدة غيرك ما كان ممكن تعطي سرها الي وصلت اله بعد كذا تجربة .

    الف الف الف شكر الك للوصفة و للملاحظات و لكل الاجوبة الي شفتها بمجرد ما يخطر على بالي السؤال ..

    ربي يسلم هل الديات و ان شاء الله رح جربها الاسبوع الجاية اذا بقي عندي صبر , لان هل الاسبوع امتحانات الأولاد

    سلم دياتك و ربي يعطيكي الف عافية و صحة

    على فكرة طريقة الكنافة مرة شفت طريقة تحضيرها بفتافيت و متل ما حكيتي , و بعدها الشيف الي حضرها , طبعا ما عطاني ايا مقدار بس طريقة , بعد ما حمصها طحنها على ماكينة فرم اللحمة

    شكر كبير الك و ان شاء الله الدعوات الي عيتلك اياها تكون من قسمتك و نصيبك

  2. ام محمد 24 May 2009

    الله يعطيكي العافية اختي على الوصفة باين عليها طيبةان شاء الله التجربة قريبا :zzz

  3. ام نور 24 May 2009

    الله يبارك فيكي اخت ايمان وصفة الا قيمتها فعلا وهي الاساس لا كتير انواع من الحلويات العربية :) ذكرتيني بالكنافة وشهيتيني اعملا جربتا مرتان وخلص عندي المقادير من والدي عالتمام بس سبحان الله ولا مرة خطرلي نزلا بس الفرق ما بيحط والدي ماء الزهر والورد مع الفرك والسبب انو بيحط بالقطر
     وبيعجنا بالحليب وبالاخير لما يطحنا بتطلع ناعمة بينخلا كتير منيح لا حتى يكون الفرك متساوي ,وبيخبزا عالنار دغري مانو بالفرن وبيضل يبرم الصينية لا حتى تشقر كلا وبيرجع بيقلبا عالطرف الاخر شغلة بتطلع

  4. منى 24 May 2009

    ممم , كلام جميل كتير ام نور :) الله يعطيكي الف عافية للمعلومات و الاضافات و ربي يخليلك الواد بصحته و عافيته :)

  5. آرام 24 May 2009

    شكراً جزيلاً على الوصفة الثمينة فعلاً .. ولكن أعتقد أني سأجرب أولاً الكنافة بالجبنة مع فرك كنافة جاهز من السوق .. وإذا ظبطت معي سوف أجرب تحضير فرك الكنافة في البيت.

  6. لين 24 May 2009

    الله يسلم و من ادين ما نعدمون يا رب شي بي شهي بس ما بعرف ازا في محلب هون

  7. رنا 24 May 2009

    يالله …يعني شو صار لو حاطتيلنا كل واحد قطعة :cry والله انا حامل وبشهري الثامن وماعم بقدر وقف كتير عم بتعب واشتهيت على هالاكلة …ياللله شو باينتها طيبة …ياستي يسلم هالايدين الي بتلتف بالحرير وهالطريقة الواضحة جدا جدا جدا ;) وبالنسبة لقطعة الكنافة كنت عم بمزح معك وانت عملتي خير اكتر من لو طعميتينا ياها لانه متل مابيقول متل ياباني انه لو عطيت الواحد سمكة ممكن تكون سديت حاجته للطعام ليوم واحد بينما لو علمته يصطاد طول عمره مارح يجوع ;) يسلمو ايديكي والله يجزيكي كل خييييير …بس ياترى مافي صورة ;)

  8. رنا 24 May 2009

    بس عزيزتي شو قصدك بدرجة الحرارة 350 ؟؟درجة مئوية ولا فهرنهايت لان بفرني مافي غير درجة 250 وانا بالعادة بخبز الكاتو ع 180 يعني حط الكنافة على 250؟؟

  9. Iman 24 May 2009

    اهلين منى. و انتي اكرم حبيبتي. طبعا مع اي وصفه بعطيها لاي حد لازم اعطي معاها اسرار نجاحها بكل امانه. ما انتي نفس الطبع حبيبتي. الله يرضى عليكي قديش عم بتفيدي ناس بهالموقع الغني. منى عندما تدخلي الفرك للفرن انتبهي عليه الا يكون قشره قاسيه على الوجه يعني بعد عشر دقائق مثلا اخرجيه و مري عليه بظهر الملعقه الخشب مرريها و انتي تضغطي فاذا تفتت الفرك يكون جاهز و اذا حسيتي انو بعدو معجن خليها كمان 3 او 5 دقائق فقط. لا نريد ان تتكون قشره قاسيه على الوجه. و انا بستعمل محضره الطعام احسن من ماكنه فرم اللحمه لانه بيطلع مفتت و هش. اعتقد ماكنه الفرم راح تضغطه و نحن نريد الهشاشه. و شكرا للدعوات لك مثلها حبيبتي.
    ————-
    اهلين ام محمد الله يعافيكي يا رب ان شاء الله بتجربيها و بتعجبك اختي.
    ————
    اهلين ام نور الله يخليلك الوالد و يطول بعمره. صح حبيبتي طريقه الوالد هي الاصليه و القديمه. بس لانو الحياه صارت سريعه و مع وجود اجهزه تسهل علينا في المطبخ اختلفت الطرق ولكن ما شاء الله النتائح هي نفسها.
    ————
    اهلا الاخ ارام فعلا وصفه ثمينه لانها اساس لكثير من الحلويات الغنيه. ان شاء الله بتجربها اخي و بتعجبك.
    ————
    اهلين الاخت لين. الله يرضى عليكي حبيبتي. شكرا للدعوه الحلوه ولك بمثلها. مش مهم بالاول ما كنت احط محلب ولكن اصبحت اضيفه لاني ما بحب ريحه السمنه ووجدت انه باضافته اصبحت الطعمه مثل الجاهزه. ولكن جربي بدونه لن يوأثر على جودتها اختي.

  10. Iman 24 May 2009

    اهلين رنا. ان شاء الله تقومي بالسلامه حبيبتي. والله لو انك جنبي كنت لقمتك اياها بايدي حبيبتي. يعليي هيك حزنتيني عليكي? رنا لما يكون عندك وقت اعملي الفرك بياخد عشر دقائق سريع و بعدين في يوم ثاني اعمليها. و بالنسبه للحراره 350 فهرنهايت يعني 180 سنتيغريد. الحلو فيها انها ممكن ان تخبز قبل العزومه بيوم و في العزيمه سخنيها على حراره 350 لمده عشره دقائق. و كتير مرات بعمل صينيتين و بحطون بالفريزر. لما بتطلعهيا بتدوب و بتسخليها على حراره 180 حطي عليها ورق فضي ولكن ليس باحكام. تاخذ تقريبا عشره دقائق لتسخن.

  11. لارا مينا 24 May 2009

    والله تسلمي أخت إيمان على هالوصفة … وكل شيء واضح تمام بس ياليت تحطين صورة في أقرب فرصة وإن شاء الله أعملها بعد الصور على طول … على رأي المثل (الصورة تغني عن ألف كلمة )خصوصا إن الوصفة جديدة علي تماما وأبغى وقت لحد ما استوبعها كويس وبالذات الوصفات العربية الأصيلة أحس إنها دقيقة جدا ولازم الحذر في البداية لحد ما نتقنها بعكس الوصفات الآسيوية أو الغربية بتزبط معي من دون تعب كثير , وإن شاء الله الأخت منى بتنزل صور وبنكون استفدنا مرتين, وعندي سؤالين إذا ممكن , شو البصمة والمفروكة باسمع فيها دايما وإذا بتعرفي طريقتها ياليت تحطينها لنا مستقبلا حسب وقتك وظروفك أكيد؟
    والسؤال الثاني في نهاية الوصفة كتبتي ممكن تحشى قشطة أو فستق أو جوز يعني أعمل نفس طريقة الكنافة بالجبنة بس أستبدل الجبنة بأحد الأشياء المذكورة .
    وألف ألف شكر لكي على كل شيء والله يعطيكي العافية والصحة على طول وأستميحك عذرا على الإطالة وإذا أخذنا من وقتك :) :) :)

  12. ميساء 25 May 2009

    تسلم ايديكي أخت ايمان والله هالكنافة باين عليها طيبة كتير وريحتها وهي طالعة من الفرن وصلت لعندي ألف شكر على التفصيل والشرح الوافي للوصفةوجزاك الله كل خير :zzz

  13. رنا 25 May 2009

    الله يجزيكي الخير يااخت ايمان والله كاني اكلت انشالله رح طبقها باقرب وقت
    بس مبارح بعد ماقريت وصفتك …دورت شوي وبحبشت بالنت وشفت كتير طرق لتحضير الفرك بس اغلبهن بيقولوا انه نحمي الفرن كتير بعدين نطفيه وندخلها مشان ماتصير قاسية او نخبزها على حرارة كتير واطية ياترى انتي شو رايك ؟؟

  14. نور الأسلام 25 May 2009

    السلام عليكم الله يعطيك العافيه اخت ايمان والله شي حلو وتمام الله يجزيك كل الخير وسلم دياتك :)

  15. semo 25 May 2009

    بسم الله ماشاء الله

    مبين عليكي من بيت كرم وجود الله يعطيكي ليرضيكي ويوفقك

    فعلا انو خجلتينا بكرمك وحسستينا كأنو قاعدين ببيتك ونحنا ضيوفك وقمت بكل واجبات الضيافة واكتر

    فعلا الدنيا لسا بخير طالما في من امثالك
    الله يجزيك كل خير بابنت الكرم والجود والله يسلم ايدين اللي ربوكي ويرحم البطن اللي جابك
    حاسة شو ماقلتلك ودعيتلك قليل الله يسعدك يارب

  16. منى 25 May 2009

    يا سلام على هل الدعوات الحلوة يا سيمو :) ربي يجعلهم من قسمة أمونة و نصيبها ;)

  17. semo 25 May 2009

    والك كمان متل هي الدعوات يامنى فلولا رب العالمين بعدين موقعك الرائع مكنا عرفنا هالأكلات الطيبة والناس الاطيب وهالموقع هو اللي عرفنا بهيك ناس كريمة وبتعطي من قلبها

    الله يعطيها ويعطيكي العافية

    ويجعل دعواتي الكن من قسمتكن ونصيبكن

    الله يعطيها ويعطيكي العافية

    ويجعل دعواتي الكن من قسمتكن ونصيبكن

  18. منى 25 May 2009

    الف شكر الك سيمو و هادا بس من زووءك و لطفك و ان شاء الله تجربي وصفة من الموقع أو أكتر و تكون متل ما بتحبي ;)

  19. Iman 25 May 2009

    اهلين اختي رنا. حبيبتي بالنسبه للطريقه اللي شفتيها بقول كل الطرق توءدي الى روما و كلها صح انتي اختاري. بس بدك تروحي من الطريق الطويله او الطريق القصيره? ههههه ذكرتيني بقصه ليلى و الذئب هههه. الله يجزيكي الخير. ولا يهمك حبيبتي بس تشوفي الصوره راح يكون القرار سهل.
    ————
    اهلين نور الاسلام. العفو كل الشكر الى الاخت منى صاحبه الموقع المميز . كل الشكر و الاحترام.
    ————
    الاخت سيمو شكرا حبيبتي و الله خجلتيني. في مثل من الباديه يقول: كل من يرى الناس بعين طبعه. يعني ابن الكرم و الاصول بيشوف الكل كريم. و كل الشكر لك و للغاليه منى و هالموقع المميز بوصفاته الشهيه و الاصيله و روح صاحبته الكريمه الخلق.
    ————
    اهلين لارا الصور صارت مبعوثه عالطريق ان شاء الله الاخت منى بتنزلهم عن قريب. بالنسبه للبصمه هي نوع من انواع البقلاوه معموله من الفرك و محشيه بخليط الصنوبر و الكاشيو. اما المفروكه كمان من الفرك المحمص و عليها قشطه و لوز مقلي . اما بالنسبه لسوءالك الثاني بالحشوات المختلفه. فنعم ممكن حشوها بالقشطه مثل طريقه كنافه الجبنه. اما الجوز او الفستق فلها طريقه اخرى بعد ما تتم التجارب عندي سابعثها للموقع لتنزلها الحبيبه منى باذن الله. لك كل الشكر.

  20. آرام 26 May 2009

    أخت إيمان .. عملت الكنافة بجبنة البارحة وكانت لذيذة .. شكراً لك.
    اشتريت فرك جاهز من السوق، بس ما كان قوامه رملي مثل ما ذكرت، كان شعيرات دقيقة وقصيرة، يعني مثل الكنافة العادية بس مطحونة، ولكن البائع أكد لي أن هذا هو فرك الكنافة وأنه يستخدم للنابلسية. استغربت من سعره الرخيص، الكيلو 40 ليرة مثل الكنافة العادية تماماً! يعني بالتأكيد لم يحضر بالطريقة الي ذكرتيها وما فيه لا سمنة ولا حليب ولا غيره .. ولذلك فركته بكوب من خليط السمنة والزبدة (لنصف كيلو كنافة) وبالنهاية طلع طيب كتير.
    أنوي تحضير الفرك في البيت قريباً، وعندي بعض الأسئلة لو سمحت:
    ـ كم يجب أن تكون سماكة الخليط في الصينية تقريباً، أم أنها لا تهم؟
    ـ حالياً ما عندي صينية تيفال، وورق الخبيز (بارشمان) لا أعرفه، سألت المحل الذي أشتري منه ورق الألمنيوم والنايلون وغيرها من مواد التغليف فلم يعرفه أيضاً، هل له اسم آخر وأين يمكن أن أجده؟ أم يمكن استخدام البايركس بدون هذا الورق؟
    ـ ما الغاية من قلب الصينية في النهاية؟ البارحة ما قلبتها! تركتها بصينية البايركس وسقيتها بالقطر ثم قطعتها.
    ـ وأخيراً، ما هو مربى زهر الليمون؟ لم أسمع به من قبل!
    أكون شاكراً لو أوضحت لي هذه النقاط أختي الكريمة.

  21. Iman 26 May 2009

    اهلين ميساء حبيبتي. ارجو ان نجربيها و تعجبك و شكرا على الرد الحلو يجزينا الخير و ياك عزيزتي. كل الشكر
    ———–
    الحبيبه منى ارسلت لك الصور على الايميل ان شاء الله وصلوا و اذا مش متل ما بدك ممكن تضعي صور خاصه بك عزيزتي.
    ———-
    الاخ ارام
    1- الفرك اللي اشتريته اخي هذا خاص بالكنافه النابسليه و في منه الناعم و الخشن و هو طيب و ولكن انتبهت انه كثير من الناس لا تعرف ان الكنافه اللبنانيه تعمل بالفرك الذي اساسه السميد.
    2-سمكه في الصينيه بالطبقه الاولى يجب الا تزيد من ثلاثه ارباع الى اسم بالكثير.
    3-ورق البارشمان اذا مش موجود مو مشكله يمكنك ان تستعمل صينيه المنيوم عاديه و تدهنها بالزبده البارده او السمنه بحراره الغرفه فستعمل طبقه عازله.ارجو الا تذوب الزبده او السمنه قبل الدهن نحن نريدها جامده حتى تكون طبقه عازله كافيه.
    4-نقلبها بالاخير لانه الوجه التحتي هو الوجه ذو السماكه المطلوبه و الوجه المحمر مظبوط و هو الوجه اللي راح يخلي شكلها بروفيشيونال و كانك جايبها من احسن محل حلو. انا عارفه انو في كتير اسئله انا مثلك بسال قبل ما اعمل وصفه غريبه بس لو اتبعت الخطوات بالاعلى ستدهشك النتيجه اخي. بالتوفيق. و انا حاضره خطوه بخطوه بس ارجو سماحي لانه في اختلاف بالوقت اخي بيننا.
    5- مربى زهر اليمون او زهر النارنج هو منتج سوري و لبناني و يعمل من ازهار اليمون او النارنج يطبخ مع السكر و يضاف له اللون الاحمر تزين به معظم الحلويات العربيه اذا مش متوفر مش مشكله الفستق المجروش كافي جدا اخي. حظ موفق.

  22. آرام 27 May 2009

    شكراً أخت إيمان على التوضيحات. سأجرب تحضير الفرك قريباً وأخبرك النتيجة.
    بالنسبة لمربى الزهر صار عندي فضول أعرف طريقته بالتفصيل ;)

  23. wedadswed 28 May 2009

    عندي سؤال بعدإذنك يا أخت منى بيصير أطحنهابالطاحونة تبع البهارات

  24. ام دانية 29 May 2009

    يسلم ايدك يارب عجبتني فكرتا كتيررررررررر كنت حابة كتير جربها بس للاسف مالي فاضية لانو عم جهز حالي للنزلة على حلب بس ان شاءالله رح جربها بس ارجع :grin وخصوصا انو هون ما بلاقي منا :cry بس يعني ممكن سوال على الماشي ياترى شو هاد محلب؟وين ممكن اشتري من حلب؟

  25. منى 29 May 2009

    هلا أختي وداد :)
    اتمنى أمونة تجاوبك لان انا لسا مو مجربة الوصفة و هي اكيد أدرى , بانتظار امونة لتجاوب ;)

  26. منى 29 May 2009

    هلا ام دانبة :)
    المحلب ملياااان بكل مكان , و اكيد بالمدينة رح تشوفي باي محل بتسألي فيه , عند سوق العطاريين :)

  27. آرام 29 May 2009

    أخت إيمان .. جربت تحضير الفرك اليوم الصبح .. عملت نصف الكمية وقسمت كل المقادير على 2 .. وبعد أكتر من ربع ساعة بالفرن بقيت معجنة .. حسيت أنو في شي غلط .. رجعت قرأت الوصفة بدقة .. واكتشفت أني خبصت خبصة ماكنة .. قسمت كل المقادير على 2 عدا الماء المغلي .. حطيت نص كوب وكان لازم أحط ربع :upset وبالفعل كنت لاحظت قبل ما أحطها بالفرن أنو الخليط مانو سميك متل المهلبية الثقيلة يعني كان مريق متل سيريلاك الأطفال .. طبعاً في النهاية ما طلع عندي فرك .. طلعت مامونية .. بس كتير مشرشحة :grin
    كررت العملية من الأول .. وانتبهت للمقادير بدقة .. وطلع الفرك ولا أروع :zzz
    يسلموا ايديك والله يعطيك العافية .. بالفعل وصفة ممتازة ودقيقة.
    جهزت بالفرك صينية كنافة بالجبنة .. حسيت أنو الفرك ناشف وناقصه زبدة أو سمنة (مع أني حطيت نص كوب زبدة لـ 1.5 كوب سميد حسب الوصفة) .. فأضفت 3 ملاعق كبيرة سمنة للفرك .. وبعد ما خبزت الصينية بالفرن طلع شكلها حلو وريحتها طيبة كتير .. فرحت عليها وقررت أني أقلبها هالمرة .. حتى تطلع بروفيشيونال .. هزيت الصينية لأتأكد أنو ما في التصاق بالأرضية أو الحواف وبعدين قلبتها .. وعينك ما تشوف إلا النور .. نزلت كل شقفة لوحدها .. وصارت خبيصة .. يبدو أن السمنة الزيادة ما خلتها متماسكة ففرطت أثناء القلب ونزلت كرفتة .. أو يمكن أنا ما عرفت أقلبها .. المهم أني لازم أخبصها دائماً .. بس الحقيقة أنو طعمتها طيبة كتير لولا سمنتها الكتيرة .. الأكيد أنو المرة الجاية ما رح أضيف ولا نقطة سمنة .. وكمان ما رح أقلبها .. ومو ضروري تطلع بروفيشيونال يعني :)
    ألف شكر إلك .. وللأخت منى طبعاً .. ودمتم بخير.

  28. Iman 29 May 2009

    اهلين الاخت وداد بالنسبه لسوءالك اختي بيصير اعتقد ليش لا لانها مثل محضره الطعام بس على اصغر جربيها. بالتوفيق
    ==========
    اهلين ام دانيا ان شاء الله بتجربيها اختي و بتعجبك. المحلب مثل ما قالت الاخت منى بتلاقيه عن العطارين او محلات بيع البهارات. فيه منه الحب او المطحون. انا بشتري المحطون و بريح حالي. بالتوفيق و ان شاء الله ترجعي بالسلامه اختي.
    ==========
    الاخ ارام. اول شيء برافو عليك لانك اول واحد تجراءت و نفذتها و عندك اصرار انك تتقنها ما شاء الله عليك. بالنسبه لكميه زياده الماءء معليش حتى اذا زاد قليلا مش راح يضرها كتير. تاني مره اذا زاد الماء قليلا لا ترميها خليها بالفرن شي 51 دقيقه ثم اخرجها و لا تمسكها اتركها لتبرد تماما ستلاقي ان السميد شرب كل الزياده بعدها قطعها و اقرمها بالمحضره سيكون كل شيء تمام. بالنسنه للسمنه الزياده يعني مش لازم انها تفرط معاك اخي بس يمكن ما رصيتها منيح لما حطيتا بالصينيه? ااااه هلاء عرفت …. هل سميت بالله قبل ما تقلبها???? صار لي 6 سنوات بعملها و كل مره قبل ما اقلبها بقول بسم الله الرحمن الرحيم يا رب بيض وشي قدام الناس و بم بقلبها مره واحده . لازم تمسكها بالمساكات من الجهتين باحكام حتى لا تفلت الصواني من بعض و بقلبه واحده ثابته و سريعه تقلبها بعد ما شو بعد ما تسمي بالله. والله لو تشوف صورتها ان شاء الله تنزلها الاخت منى باقرب فرصه لحتى تشوف كيف شكلها. على العموم هذه اول تجربه و انا حاسه انك راح تتقنها من ثاني مره باذن الله. بالتوفيق اخي.

  29. Iman 30 May 2009

    عفوا.. في اخر رد لي للاخ ارام قلت اذا زاد الماء ضعها في الفرن واحد و خمسون دقيقه بالغلط وانا قصدت خمسه عشر دقيقه. اسفه ليس عندي كيبورد عربي و كل مره بدخل على موقع ثاني حتى اكتب بالعربي. عندماا اكتب الارقام تظهر امامي بالصوره الصحيحه و عندما ارسلها تظهر غلط فارجو المعذره. من الان فصاعدا ساكتب الارقام كتابه بالاحرف.ارجو تصحيح الغلطه اذا ممكن.

  30. آرام 31 May 2009

    شكراً أخت إيمان على التوضيحات .. فعلاً أنا ما رصيتها كتير يعني الطبقة الأولى كبستها حتى صارت مستوية والطبقة التانية حطيت فوقها ورق نايلون ومسدتها تمسيد حتى صارت مستوية بس!
    وكمان ما سميت بالله!!!
    خلص المرة الجاية بدي رصها ع المزبوط .. وكمان رح سمي بالله! ولازم تزبط، ما بقى إلها حجة يعني! بس ما رح أقدر أعيدها قبل شهر على الأقل .. عندي كتير وصفات مهمة هالصيفية لازم أنفذها .. والأخت منى ما شاء الله عليها كل يوم وصفة جديدة.
    على فكرة أخت إيمان .. المحلب مو منيح تشتريه مطحون .. بيفقد كتير من نكهته .. أنا بعمل متل ما ذكرت الأخت منى سابقاً .. بشتريه حب ولما يلزمني أطحنه بدقيقة .. وكل البهارات والتوابل (عدا الزنجبيل لأن طحنه صعب وبيطلع فيه وبر) أشتريها حب وأنقيها من الشوائب وبعدين أطحنها أول بأول .. أدقها بالهاون النحاس وبعدين أطحنها ناعم على طاحونة البن الصغيرة .. بتعطي نكهة مختلفة تماماً عن البهارات المطحونة جاهزة. بإمكانك أختي تعملي تجربة بسيطة، الكمون أو الكزبرة مثلاً، ورح تشوفي فرق شاسع بالنكهة.

  31. منى 31 May 2009

    سبحان الله ارام و الله محضرة وصفة و في المقدمة ذاكرة نفس المعلومات الي ذكرتها انت , حرفيا ! بس بكم اضافة .
    انا معك البهارات المطحونة غير البهارات الحب تمام و كلهم طحنهم سهل ما عدا الزنجبيل :)

  32. منى 31 May 2009

    أمونة شو هل الصور التحفة هي , الله يخليلنا ياكي شي بياخدج العقل ..

    يا ترى هيك منيح ؟ أكمل بصور الخطوات التفصيلية و الا في شي حابة تغيره ؟

  33. نور الأسلام 31 May 2009

    :eek السلام عليكم شو هدا اخت ايمان الله يعطيك الف عافيه بسم الله ماشاء الله الصوره غيرررررررررررشكلا الله يجزيك كل الخير شي بشهيي

  34. freesoul 31 May 2009

    مرحبا
    كنت مارقة من جنب لقمة طيبة دخلت بدي اشوف اذا في شي جديد خصوصا انو انا بادية دايت من شي اسبوع وحابة اعمل من وصفات السلطات . ولمن شفت صورة فرك الكنافة شطت ريالتي
    مو معقول الصورة
    فظيعة من جمالها .الصراحة لا تقاوم
    :p
    بس راح حاول غض بصر منشان ما تضعف عزيمتي قبل لا يضعف جسمي
    يا ستي يسلمو هالايدين ويعيشوا ويعملو ابداعات

  35. منى 31 May 2009

    و الله مو معقولة , بروح و بجي و بتطلع على الصورة و مع ان الحلويات مو كتير صحابي , بس هل الصينية الكنافة بالذات مو معقول شو مشتهية دوقها , بس وين راحت على ان شاء الله ربي الف عافية و الف صحة و هنا بكل فرفوطة كنافة دقتوها و لا تنسي امونة شي مرة تبعتيلي كنافة من شغل دياتك الحلوة :)

  36. Iman 31 May 2009

    اهلين منى شكرا حبيبتي. بتقدري انك تحطي صوره الفرك و هو طري ثم بعد ما طلع من الفرن و نصفه مفتفت ثم الجبنه وهي تنزل على الطبقه الاولى ثم و انا بنزل الفرك بين الصينيه و الجبنه للتوضيح. اذا امكن صور صغيره لانه الصوره تغني عن مليون كلمه . انا اللي لازم اشكرك على كرمك و اخلاقك العاليه يا بنت الاصول. و يا ريتك جنبي لاعملك احلى صينيه كنافه. واذا بعتيلي عنوانك عيب علي اذا ما بعتلك اياها ب ارامكس بتوصلك مثلجه بس سخنيها بالفرن. (مش عم بمزح) هههه كل الحب و الاحترام لك.
    ==========
    اهلين نور الاسلام شكرا اختي جازاك الله خيرا. ان شاء الله بتعملها و راح تطلع احسن من الصوره. تحياتي.
    ==========
    اهلين فري سول. الله يسلمك حبيبتي. عندي اقتراح. قولي لحالك بس انزل هالكام كيلو راح كافيء حالي بقطعه كنافه صغيره. انا مثلا بحاول ما اكل نشا او حلو بس باكل قطعه صغيره بيوم من ايام نهايه الاسبوع. لان الواحد روح بييجي على باله مرات شي حلو. سلام.
    ========== :)

  37. ام عمر 31 May 2009

    ما شاء الله روعة روعة روعة :zzz :zzz :zzz :zzz :zzz :zzz :zzz :zzz استني مني كم مليون سؤال قبل مااعملهااااااااا بالرد الجاية ان شاء الله

  38. ام محمد 1 June 2009

    الله يسلم دياتك يا ايمان عملتها البارحةوالفرك طلع تمام وريحته بتاخدالعقل والطعمة روعة بس الحشوة عملتها بالقشطة المعلبةوالقشطة كان لونها بيج يعني ما طلع معي هذه الطبقةالبيضاء الجميلة مثل الصورة بس طعمتهاروعةوكمان في شغلة طلع لون الكنافةعندي بني وانتي طالع معك احمربشهي شو السر :roll واخيرا بعرف حالي طولت بس عجد وصفة اكثر من رائعة الله يجزيكي كل خيروبانتظار الوصفات اخرى :zzz

  39. آرام 1 June 2009

    لو تعرفي أخت إيمان شو عملت فيني هالصورة .. يعني معلش اسمحولي بهالكلمتين .. من فترة سمعت الأخوات عم يحكوا عن شوربة الأنوثة وسلطة الأنوثة وما إلى ذلك .. بس الحقيقة أنو الأنوثة كلها بالصورة الي فوق .. شوفوها منيح .. شو ممكن يكون فيه أنوثة أكتر من هيك .. بيضا .. وشقرا .. عيونها خضر (مع رشة الفستق الحلبي يعني) .. وخدودها حمر .. ناعمة .. وغضة .. ملمسها حرير .. وريحتها فل .. أنيقة .. وحلاوتها عسل .. ورغم إنها ـ متل كل بنات حوا ـ بترفع الضغط .. وبترفع السكر .. بس عن جد .. جاذبيتها لا تقاااااااوم

  40. wedadswed 1 June 2009

    مرحباأختي منى حابة أعرف لون الكنافة هيك لوحده ولا حاطة صبغة وإذا حاطة صبغة يا ريت تقوليلي المقدار وكمان مرة قريت في منتدى تاني عن فرك الكنافة بس بعد ما مدو الكنافة في الصينية الطبقة الأولى حطو عليها سمنة مرة تانية وحسيتها صارت تقيلة فهل هاد الشي مظبوط وإذا مو مظبوط فهل العجينة بعد الخبز بتمسك لحا لها أو الحشوة بتمسكها لأنها حسب ما تخيلتها بتكون فرك يعني مو ماسكة وميرسي كتير

  41. منى 1 June 2009

    :roll هلا وداد
    و الله اختي انا لسا مو مجربتها , بس ما دام امونة ما ذكرت الصبغة معناها ما في , هلا الكنافة العادية بيطلع لونها على اشقر معي من دون صبغة و السبب لان بخليها على نار 160 لحتى تستوي , فبتلاقي صار لونها احمر و بيجنن .. هلا ان شاء الله بتلحقنا امونة بالجواب

  42. Iman 1 June 2009

    الاخت ام عمر شكرا حبيبتي. ان شاء الله بتجربيها و بتشوفي قديش سهله بس حبيبتي اقرئي كل الملاحظات و الاجوبه لانه فيه اجابات لكثير من الاسئله و انا حاضره. تكرم عينيك.
    =============
    ام محمد برافو جربتيها انا مبسوطه. صحتين. هذه الحشوه بالصوره ليست قشطه هذا خليط الجبنه مع السميد و الحليب. بس ممكن عمل قشطه هذا القياس بياخذ ثلاثه اكواب حليب مخلوطه مع سته ملاعق كبيره نشا يعقدوا على النار و بعد ان يثخنوا يضاف علبه او علبتان قشطه مثل نستله او اي نوع ثاني يعني القشطهالمضافه تكون بمقدار كوب مش اكثر. و يخلط معهم ملقه صغيره من الماء زهر و الماء ورد و ممكن حبه واحد فقط مسكه مطحونه. اضغطيالفرك باول طبقه منيح ثم ضغي القشطه لازم تكون جامده ثم ضعي ثاني طبقه فرك ووزعيها بحرص شديد. اخبزيها لمده ثلانين دقيقه مش اكتر. بالتوفيق.
    ============
    الاخت وداد لم اضف لون هذا اللون طلع غامق بالتصوير لونها طلع بني محمر لاني انشغلت عنها بالفرن خسه دقائق زياده. لازم يكون لونها اشقر محمر احسن من بني محمر حطيها لمده ثلاثين دقيقه فقط بالفرن. بالنسبه لمقادير المنتدى الثاني انا بقول خليكي معانا هون لانه كل الوصفات مجربه اكثي من مره و اذا لاحظتي انه انا عم بحاول انو اطلع احسن النتائج باقل دسم. شوفي الصوره راح تنطق هههههاقلك شي نفذي الوصفه و انتي مغمضه بس اقرائي كل الملاحظات و كل الاجوبه. بالنسبه للسميد راح يمسك لانه بعد ما خبزناه اول مره فتحت الحبه و صار طري فلما نضغطه باول طبقه راح يمسك باذن الله. اتكلي على الله اختي بالتوفيق.
    ===========
    الاخ ارام. مش عارفه شو اجاوب اقول شكرا او لا حول ولا قوه الا بالله :roll

  43. Iman 1 June 2009

    الاخت وداد عفوا نسيت اذكر انه هذه الكنافه لا يضعوا عليها صبغه ولكن في بعض من اصحابنا بيحبوها مع لون فبضيف ثمن ملعقه صغيره مع الماء المغلي و انا عم بعمل الفرك. ثمن ملعقه و ليس اكثر. لا احب الالوان لانها ضاره بالصحه. بدون لون احلى خاصه لما تضيفي الفستق و مربى زهر الليمون بيعطي تضارب بالالوان.

  44. سارونات 1 June 2009

    السلام عليكم و رحمة الله و بركاته

    يسلم دياتك اختي ايمان و الصورة طالعة كتير حلوة ان شاء الله بس افضى راح اقرأ الوصفة منيح و اذا صار عندي اي سؤال راح اسألك بقى حضري حالك لوابل من الاسئلة :grin

    جازاك الله خيرا اختي و في انتظار المزيد من وصفاتك

    بالتوفيق
    سلام

  45. ميساء 2 June 2009

    مسا الخير عالجميع :)
    أنا كان تلفوني معطل من يوم الخميس وكنت را يحة طق وانجلط لأني ما عم أقدر فوت عالموقع بس لما امبارح تصلح ودخلت ولقيت وصفة كاتو الكاراميل وصورة هالكنافة اللي بتاخد العقل صرت راح موت على لقمة واحدة بس :cry الله يسلم ايديكي يا منى ولا يحرمني منك ويسلم ايديكي يا إيمان ما شاء الله عليكي ويجزيكي ربي كل خير على التوضيح بالصور

  46. منى 2 June 2009

    هلا ميوسة :)
    منيح الي اتصلح , بس شو طول :roll , يلا ان شاء الله تجربي هل الكنافة و كمان الكيك و يكونوا على زووءك و الله يعطيها الف عافية امونة على هل الوصفة و الصور كمان , زينت الموقع فيهم و الله :)

  47. semo 2 June 2009

    بدي اسأل شوية اسئلة لان بكرة رح اعملها واخدها لبنت حماي

    وهي بعيدة عني 4 ساعات تقريبا

    بقدر اعمل الكنافة بنفس اليوم ولما تطلع من الفرن اخدها بدون مااقلبها ؟؟وبدون ما حطلا قطر؟؟ولا لازم اقلبها؟؟

    اذا مو لازم اقلبها رح اقلبها عندا بس بتنصحيني غطيها بالسيارة وهي سخنة ولا خليها مكشوفة؟؟

    هي ما عندا فرن كهربا بقدر سخنها بالمكرويف ولا بتفرط؟؟

    واذا حبيت حطها بالفريزر خليها بنفس الصينية ولا اقلبها وبدون قطر؟؟

    بعرف تقلت عليكي
    بس والله مضطرة ياليت تجاوبيني

  48. Iman 2 June 2009

    اهلين سارونات الله يسلمك و يحلي ايامك يا رب. حبيبتي اقرائي الوصفه مع الصور و الملاحظات وكل الاسئله و الاجوبه تحتها و بعدها تكرم عينك حبيبتي اسالي قد ما بدك راح افتح لك هوت لاين مخصوص لللاسئله.
    =================
    اهلين ميساء. الله يسامحه التلفون. هلاء وقته يخرب? سلامه قلبك حبيبتي بتمنى تجربيها و تجربي كيك التوفي بيشهي ماني مصدقه و اجربه. شكرا على الكلام الحلو.
    ================
    اهلين يا منى. يا حبيبتي انتي اللي شرفتيني بوضع وصفتي في موقعك المميز يا مزوقه. الله يرضى عليكي. :)

  49. ام محمد 3 June 2009

    الله الله الله البارحة جربتها بالجبنةويا سلام كل لقمة نغم ومن دون مبالغة اطيب من الجاهزبكتتتتيروبتشعري باالفخروقت بتقدميها
    الله يعطيكي الصحة والعافيةومشكورة لانك وضحتيلي
    كيف اساوي الكنافة بالقشطةوهدا كله بيدل على ذوقك وكرمك :)

  50. semo 3 June 2009

    الظاهر ما شفتي اسألتي امونة :cry

  51. Iman 3 June 2009

    اهلين سيمو. سوري حبيبتي لما بعتت الجوابات ما كان سوءالك لسه طالع بعدين رحت نمت. تذكري انو في اختلاف وقت كبير 8 ساعات. على العموم نعم حبيبتي بتقدري تعمليها كامله مثل الوصفه و حطي قطر نصف كوب قبل القلب و كوب كامل بعد القلب و رشي فستق و غطيها بالورق الفضي باحكام. ما راح يضرها ابدا انا هيك بعمل.
    ممكن تسخينها على فرن عادي او على طنجره بها ماء عم يغلي على النار الوسط و حطي الصينيه فوقها مثل محلات الحلو. و بينفع في المايكروويف كمان بس ديري بالك بالمايكروريف مش كتير كل نصف دقيقه افتحي حسيها. بالهنا حبيبتي.
    =========
    اهلين ام محمد ياااا الله شو مبسوطه انك عملتيها متل الوصفه بالجبنه. شايف شو طيبه و بتبيض الوش?? بتعرفي انا مرات ما بيكون عندي جبنه عكاوي بخلط نص فريش مازوريللا و نص مازوريللا عادي و بغش بحط معهم حبه مسكه مدقوقه ناعم ولا بيبن كانه عكاوي. على العموم كتيييير انبستط انكم دقتوها. وشكرا انك خبرتينا عزيزتي. علشان الكل يتشجع و يعملوها و يتهنوا فيها. بارك الله فيكي اختي.

  52. Iman 3 June 2009

    سيمو بالنسبه للفريزر شوف شو بعمل. لما بدي اخذها لناس او بدي افرزها بقلبها بعد ما تطلع من الفرن بالصواني الفويل الفضي يللي بتستعمل و بتنكب بس من النوع المقوى. بحط مثل ما قلت بالوصفه نصف كوب اول ما تطلع ثم كوب كامل بعد القلب و بخليها تبرد على الكاونتر ثم بلفها كذا مره بالورق الفضي باحكام و على الفريزر. او بقطعها الى مربعات و كل مربع بلفه لحاله بالورق الفضي و بحط كل اثنين في كيس الفريزر ثم بثلجها.

  53. ام محمد 3 June 2009

    ياسلام يا امونة بتطلع طيبة وسبحان الله وقت عملتها حطيت جبنة موزريلا مع العكاوي وكتيرطلعت طيبة بس اختي ما فهمت شويعني نص فريش مازوريللا و نص مازوريللا عادي انابجيب جبنة موزاريلا على شكل مستطيل وبقطعها وببشرهافاالله يخليكي قوليلي شو يعني فريش وعادي :?
    وجزاك الله الف خير :)

  54. wedadswed 3 June 2009

    صباح الخير لكل الأعضاء حبيبتي منى اليوم عملت عيار ونص من الفرك وحطيتو كله مرة وحدة بس الصينية كبيرة وبعد ما طلعت حسيتها منجوا رطبة شوي وما بعرف ليش حسيت أنو اغزم تكون ناشة فقسمتها على صينيتين ورجعتهن على الفرن كل وحدة خمس دقايق وكمان بيصير أطحنها بماكينة الكبةلأنو ما عندي محضرة الطعام وإذا بيصير على الراس الوسط إلا الناعم

  55. Iman 4 June 2009

    صباح الورد عالجميع. ام محمد اختي المازوريللا الفريش بتكون لونها اابيض و حواليها شويه ماء و طريه كتير. لو تسالي السوبرماركت . انا مش عارفه اذا حضرتك مغتربه بس اذا بامريكا بشتريها من كوستكو كل قالبين بيكونوا مع بعض. بتغرفي اختي لما تاخذي وصفه اعملي تجارب و طوريها و اعملي اضافات عليها ممكن في ناس اللي بتحب طعمه جبن الماعز ان تضع شويه قشقوان معها.
    ========
    الاخت وداد معليش اذا كان الفرك مرطب هكذا يكون احسن لانه يكون باستطاعتك ان تفركيه بين يديكي بدون فرامه و راح ينزل مثل الرمل. بس اذا تشفتيه كتير ممكن ان تطحنيها على ماكنه فرم اللحمه و بعد ذالك مرريها من المنخل حتى تتاكدي انها ناعمه يعني مثل الطريقه القديمه شويه بتغلب بس بعد كام مره بيصير عندك خبره متى تطلعي الفرك من الفرن. احسن شيء جربي عشره دقائق فقط و خليها تبرد و افركيها بين راحتي يديكي. بالتوفيق.

  56. wedadswed 5 June 2009

    مرحبا :مبارح تأخر الردعلي بس توكلت على الله وعملتها على الماكينة لأن عندي ضيوف وطلعت بتجنن والكل طار عقلو فيا حتى إني خبيتها من بين إيدين ولادي لبين ما وصلو الضيوف يسلمو كتير يا عزيزتي إيمان ويا منى

  57. Iman 8 June 2009

    الاخت وداد الحمدالله انها عجبتك و عجبت ضيوفك. يسلموا ايديكي حبيبتي و الف صحه و هنا على قلوبكم. يا الله شو مبسوطه على ردك. كتير بفرح لما حدا بيجربا و بيرجع يخبرنا شو النتيجه. و يا ريت اي حد بيجربا يذكر اي نوع سميد جرب. انا اكتر شي بحب نصف سميد خشن و نص ناعم. صحتين شكرا على الرد عزيزتي. :zzz

  58. wedadswed 8 June 2009

    العفو يا روحي :السميد اللي استخدمتو خشن بس ويعد الفرم على الماكينة أنعم راس طلعت ناعمة وما بتفرق إذا كان السميد ناعم أو خشن هيك بظن , المهم مشكورة كتير على الرد الظريف .

  59. لارا مينا 9 June 2009

    مساء الخير…قبل يومين عملت الفرك بسميد ناعم وبالزبط مثل ماقالت الأخت إيمان,,, واستفدت كثير من أخطاء الإخوان والأخوات ومن ردود الأخت إيمان عليهم وطلع بسم الله ماشاء الله مع إن الوصفة جديدة علي تماماوأخذ معي 18 دقيقة بالفرن أول شيء 15 من تحت وبعدين 3 من فوق … وما كان عندي محضرة الطعام والفرامة فيها قطعة ناقصة وطحانة البن إلي عندي صغيرة ورح آخذ وقت كبير وأنا أفرم الفرك ففكرت في فكرة وهي إني أفرمه في قطاعة الخضار الكهربائية وهي بتشبه محضرة الطعام بس على أصغر وأطول شوي وكمان من مولينكس وطلع الفرك 100% والخطوة إلي بعدها عملت الحشوة وطلعت 100% وبعدها جبت صينية ستيل ومن نوع فاخر لأن ماعندي صينية غير لاصقة ودهنتها بالسمنة بحرارة الغرفة وبكمية مناسبة وضغطت أول قسم من الفرك بشكل كويس وحطيت الحشوة وبعدها الفرك وكمان ضغطت بشكل كويس وبعدها خبزتها على الرف التحتي 30 دقيقة على 180 درجة مثل الوصفة بالزبط وحمرتها شوي من فوق وكان كل شيئء تمام وسميت بالله وقلبتها وعينك يامنى وياإيمان ماتشوف إلا النور على رأي الأخ أرام :grin انفصلت الطبقة السفلى عن الحشوة تماما وكانت لاصقة بالصينية وكأنها مثبتة بصمغ لأنها كانت محروقة… والطبقة وحتى وهي محروقة متماسكة وهذا يعني إن الفرك طلع مزبوط بس الحراة كانت قوية.. مع إن الفرن كهربائي نوعيته ممتازة وأنا عادة مستحيل أخبز الكيك أو المعجنات على الرف التحتي بس الوسط لأن بتتحمر أسرع شوي بس أنا حبيت أتقيد بالوصفة لأنها أول مرة فهاذي أول غلطة لأن أكيد الأفران بتختلف عن بعضها أو كان المفروض أخبزها وقت أقل والغلطة الثانية كان لازم صينية غير لاصقة لأن الفرك بطبيعته بيلزق حتى لوكانت مدهونة كويس وهاذي الغلطة الثانية أو كان لازم أستخدم ورق الزبدة علشان تنقلب الكنافة كويس المهم أنا طولت عليكم بس حبيت أخبركم بالنتيجة والأخطاء إلي صارت معي علشان إلي ماعملوها يستفيدون زي مااستفدت من أخطاء غيري وطبعا أخطائي عرفت تصحيحها ورح أتلافاها المرة الجاية.. وعلى فكرة رشيت الكنافة بشيرة وقطعتها وأكلناها كلهامع إنها بدون سقف علوي :grin وطيبة كثيييير يعني ماخسرنا شي.. فلكي كل الشكر أخت إيمان وعلى صبرك وطولت بالك علينا وتحياتي الحارة لكي . وألف حمد الله على السلامة أخت منى أو مثل مابيقولوا بالعامية عندنا (سلامة الأسفار ) والله يسعدكم دائما وأبدا ومبروك نجاح أولادك .

  60. منى 10 June 2009

    هلا لارا يا عسل :)
    و الله حسيت حالي واقفة بجنبك و انت عم تقلبي الصينية و تاكلي هل المقلب , بس اهم الشي انك عرفتي وين الاغلاط :)
    انا هلا ما بقيت مظغوطة و ان شاء الله رح جرببها هل الكم يوم , و كتير محمسة الها

    الله يسلمك لارا و الف صحة و عافية و هنا على الكنافة بسقف و من دونه :grin

  61. Iman 10 June 2009

    اهلين لارا. حبيبتي انا كتير معجبه باصرارك و عزمك على تغلب الصعاب. يعني اشتغلت بعكس الظروف ما شاء الله عليكي. حبيبتي الغلطه الوحيده يا عمري هي استعمال صينيه استينليس استيل. فهو لا ينفع لمثل هذه الوصفه لانه يسحب حراره بشكل اكبر من الفرن و بالتالي يحرق و تلصق الاشياء عليه. انا ذكرت بالوصفه انه اخبزها بالصينيه الغير لاصقه او ممكن صينيه المنيوم. لانه اذا دهن جيدا بالزبده او السمنه لن يلصق. على العموم انا هون بحب انصح اي حد راح يجرب وصفه انو يجربا على مقادير صغيره يعني ربع المقدار مثلا حتى لا تخسروا حبيباتي. شكرا كتير يا لارا يا حلوه لانك خبرتينا بالنتيجه. باذن الله المره الجايه را تزبط و تطلع احسن مني. والله انها بتستاهل اكثر من تجربه لان الطعمه خياليه. اسالوا ام محمد هههه. شكرا يا لارا.
    =========
    اما الحبيبه منى انا ماني مصدقه تجربتك يا ام التجارب. بدي صوره تجربتك ههههه. ان شاء الله تعجبك و تعجب عليتك. :zzz

  62. منى 10 June 2009

    و لو يا امونة , ما بقى يطلعلي جنب هل الصورة تبعتك :zzz

  63. رنا 14 June 2009

    لااااااااا لازم جربها بس عندي سؤال هلأ كم كمية الزبدة بالغرام ؟؟؟كوب يعني 150؟؟

  64. Iman 14 June 2009

    العزيزه رنا الكوب المستعمل في هذه الوصفه هو كوب القياس و هو تقريبا بحجم كوب الشاي و سعته 169 مائه و سته و تسعون غرام. Good luck

  65. Iman 14 June 2009

    عفوا يا رنا كوب الزبده يساوي 225 مائتان و خمسه و عشرون غراما. اما القياس الذي بعثته بالرد السابق هو للسكر.

  66. رنا 17 June 2009

    طيب معناها السميد بشو بدي قيسه …ياحبيبتي ياامونة طلع عندك كذا كوب …ياريت تحدديلي المقادير بالغرامات اذا مافيها سئلة ;)

  67. Iman 18 June 2009

    اهلين رنا سوري انا لخبطك كتير. قيسي كل شيء في كوب واحد انت اختاري اما كوب القياس او كوب شاي عادي حبيبتي. يعني قيسي السكر و السميد و الزبده و الجبنه قي نفس الكوب. ارجو ان اكون قد وضحت الصوره لك عزيزتي. و اي سوءال ارجو الا تترددي. :)

  68. آرام 29 June 2009

    الأخت إيمان والأخت منى .. جربت الكنافة مرة أخرى من يومين .. طلعت أفضل من المرات السابقة بس كمان فاشلة .. مع أني سميت بالله بكل خطوة وقرأت آية الكرسي كذا مرة أثناء العمل :roll
    استخدمت نص سميد خشن ونص ناعم .. واستعملت زبدة بس وحسب الكمية المذكورة بالوصفة .. الفرك طلع تمام وما فيه أي مشكلة .. ورصيت الكنافة كتير منيح الطبقة الأولى وبعدين التانية .. وما كان عندي أي مشكلة التصاق لا بتحضير الفرك ولا بالكنافة .. المشكلة هالمرة على ما أعتقد كانت بالحشوة .. ما توفرت عندي جبنة حلوة فاستخدمت موزاريلا .. وباعتبار أنها بتدوب بسرعة خفت تطلع سائلة زيادة فما أضفت إلها الحليب والسميد .. قطعتها شرائح بسماكة 0.5 سم ورتبتها جنب بعض فوق الطبقة الأولى .. وأثناء خبز الكنافة ظهرت تشققات على الوجه .. وبعد ما طالعتها من الفرن كان سطحها متشقق وغير مستو (فيه تضاريس) مع أن الجبنة ذابت وصارت طبقة واحدة .. بس كان واضح أن الكنافة غير متماسكة .. ولو حاولت أقلبها أكيد كانت رح تفرط .. ولذلك سقيتها بالقطر وقطعتها بدون ما أقلبها .. وبالفعل منيح ما قلبتها .. لأن القطع (مع أني قطعتها بحجم صغير نسبياً) كانت يا دوب ماسكة حالها .. يعني طلعت الكنافة لذيذة وشهية بس شكلها غلط .. وبدل الأمورة الحلوة الي بالصورة فوق طلعت معي عجوز شمطاء :cry
    متل ما قالت الأخت لارامينا هذا جزاء إلي ما يسمع الكلام ويطبق الوصفة بحذافيرها :grin
    على كل حال رح ضل أعيدها حتى تزبط .. وأنا وراها والزمن طويل.

    أخت منى عندك فكرة عن مربى زهر الليمون وين بينباع بحلب :?

  69. منى 29 June 2009

    :roll ووواخ , يلا خيرها بغيرها , و يا رب المرة التانية تزبط معك و تصير متل الصلاة على النبي و تطلع معك يا سيدي على كيف كيفك :roll

    و انا عم استفيد مع الاخطاء الي صارت معكم و هياتي ما رح اتلجلج بهل الوصفة لتزبط معي متل امونة .

    شوف ارام انا اشتريت هل المربى مرة واحدة , بس من شي تلات سنين و الصراحة ما عم اذكر من وين , يمكن من المختار الي بالخالدية , بس و الله مو متذكرة مزبوط :roll , ان شاء الله اذا شفته في شي محل ببقى بخبرك فورا .

  70. Iman 8 July 2009

    اهلين الاخ ارام. اخي بالنسبه للكنافه لو انك خلطها مع خليط السميد و الحليب كان مسكها لانو المازوريللا كتير طريه و بتصير مايعه لحالها كتير. بس معليش هيك عم تتعلم من اخطائك. بس عندي سوءال بالله عليك يعني شو بيصير لو انك تقيدت بالخطوات بحذافيرها? هههههه عم بمزح. ان شاء الله ريتو الف صحه وهنا. و عندي احساس انه من كتر التجارب راح تضارب علينا بالنهايه و يمكن انك تخترع طريقه جديده كمان. هههه اما بالنسبه لمربى زهر الليمون او زهر النارنج رحت جبت المرطبان اللي عندي اشتريته من عمان من سوبرماركت الامانه وهو منتج سوري و مكتوب عليه التالي: مربى زهر النارنج ماركه زينه ريف دمشق س . ص 16 س. ت ( من اليمين للشمال بالارقام بس راح اكتبها بالاحرف( سته واحد سته واحد) انتاج شركه عاصم سكر و شركاه. ان شاء الله اكون افدتك اخي. و اذا حبيت انك انت تسويه لازم تجمع ازهار النارنج او البرتقال و تحط معاهم سكر بنفس وزنهم و شويه ماء و مثل المربى يغلو كام غلوه مو كتير وبعدين بيضيفو لهم نقطه ليمون علشان يعقد السكر و شويه لون احمر و يحفظوا في مرطبان معقم و جاف مثل المربى تمام في البراد. يمكن اذا ما لقيت وين بينباعوا انك تشتري الزهر طاره و تعمله انت بالبيت :)

  71. آرام 9 July 2009

    ألف شكر إلك أخت إيمان على المعلومات القيمة بالنسبة لمربى الزهر .. وحتى لو اشتريت منه جاهز هلأ بس ناوي الربيع الجاية بإذن الله أحضره بالبيت .. عندنا في الشركة عدة أشجار نارنج .. وفي العادة بأيام الربيع لما تزهر الأشجار كل يوم أضع زهرة نارنج مع إبريق الشاي .. بيطلع شي نغم :)
    بس عندي سؤال أختي .. يمكن طريقة مربى الزهر بتشبه طريقة مربى الورد (موجودة الوصفة بقسم المربى بالموقع) .. يعني لازم نستخدم بس أوراق الزهر البيضاء ونتخلص من قلب الوردة وما يحتويه مو هيك ؟؟
    بالنسبة للتقيد بالوصفة بحذافيرها فــــ … التوبة … المرة الجاية ما رح أحيد عن التعليمات قيد أنملة :grin بكل الأحوال الموزاريلا ما عاد أستخدمها بالكنافة، والجبنة البلدية الحلوة أطيب وأضمن.

    أما قصة إني أضارب عليكم فمعاذ الله .. يعني إذا طلعت معي الكنافة في يوم من الأيام بربع حلاوة الصورة الي فوق يكتر خير الله :roll

  72. Iman 10 July 2009

    نعم اخي ارام فقط الاجزاء البيضاء من الزهره و لا نستخدم الاجزاء الاخرى. بس انتبه اخي لا تفرك الاوراق كما في مربى الورد يجب ان تحتفظ الاوراق بشكلها الكامل. انا كمان عندي في الحديقه شجرات برتقال و ليمون و شجره ليمون حلو مش عارفه يمكن هو النارنج? لانو اجاني زوار الاسبوع الفائت و عندما كانوا يغادروا المنزل قطفت لهم بعض ازهارها ليشموها من جمال ريحتها فقالوا انهم يضعوا بعض من زهرها بالشاي فاستغربت. يمكن تكون شجره نارنج ! على العموم دائما بلاقي مئات من اوراق الازهار واقعه تحتها كل مره افكر ان اجمعها و اعمل منها هذا المربى. ان شاء الله تجربه و ينجح معاك. بالتوفيق اخي.

  73. Iman 12 July 2009

    منى و الاخ ارام اذهبوا الى الموقع ادناه و الصقوه في مساحه العنوان ستجدون اين يباع مربى زهر النارنج بسوريا.

    http://www.aljudi.net/index_ar.php?type=products&sub_cat=80

  74. منى 13 July 2009

    سلمن امونة , وصلت الفكرة ;)

  75. gsm 7 September 2009

    السلام عليكم
    انا من شوي حطيت الكنافة بالفرن بس انا صار معي كذا قصة بالاول اتبعت كل التعليمات وبعد ما زبطت المقادير وخلطت الفرك حطيته بالفرن وما بقى ينشف متل العادة ضل رطب شوي بعدين قرات احدى استفسارات الاخوات ولاقيت انو بينفع بكون بالفرك رطوبة خصوصي انو ما عندى ما كينة محضرة طعام فقمت بفرك العجينة على ايدي ومشي الحال بعدين عملت الجبنة وانا حطيت حوالي نص كاسة حليب مع ربع كاسة سميد وطبعا حطيت 3 كرات من جبنة الموتزاريلا الفريش وخطلت الخليط بس المشكلة انو حسيته مريق شوي بعدين رصيت الفرك بالصينية البايرسكس وحطيت الجبنة لاقيت انو طبقة الجبنة سايحة شوي وماقدرت ارص العجينة منيح حاليا هية بالفرن ولنشوف شو رح يطلع معي بس انا اكيد ما خرج اقلبها لأنو حاسة النتائج ما رح تكون مشجعة وببقى بخربك عن النتائج اخت ايمان

  76. gsm 9 September 2009

    سلام عليكم اخت ايمان انا رح اخبرك شو صار معي هلق الحشوة طلت روعة وكتيير طيبة ونكهة الفرك كمان لذيذة بس بصراحة حسيت انو ما بعرف ما صارت معي كما يجب الظاهر كان لازم ينشف الفرك مزبوط وبعدين احطة بالماكينة يمكن كان زبط اكتر على كل رح ارد احاول مرة تانية ويسلمو ايديك على الوصفة

  77. Iman 9 September 2009

    اهلين جي اس ام. كتير مبسوطه انك جربتيها. عندي احساس انها ما طلعت مزبوطه متل ما بدك لعده اسباب:
    1- يمكن ماخليتي خليط السميد و الحليب يصبح كثيف و ثقيل القوام قبل ما تضيفي الجبنه و هذا خلا الجبنه مريقه و هذا يعمل على تفتت الكنافه عند قلبها.
    2- او انك كثفتيه ولكن كانت نسبه الجبنه المستخدمه كثيره على كميه الحليب و السميد لاني في الوصفه قلت كبايه حليب و نصف كبايه سميد على 3 فناجين جبنه. و هذا يعمل ايضا على ان تكون الكنافه مريقه ولا تحتفظ بشكلها عندما تقلب.
    3- في حاله انك ما قلبتيها بعد الخبيز علشان خايفه تخرب. طبعا الوجه الموجود بالاعلى عندك كان يجب ان يكون هو الوجه الاسفل لانه لن يكون محمر مثل الوجه التحتي. هممم انا بقترح عليكي انك تعملها بصينيه تيفال (غير لاصقه) فهي تعطي احسن النتائج. والله انها بتستاهل اكثر من تجربه لانك بعد ما تتقنيها راح تنشهري كتيييير بين اصحابك لانو قليل جدا جدا انك تلاقي ناس بتعرف تتقنها. و المقادير و الطريقه لهذه الوصفه جائت بعد تجارب كثيييره في مطبخي يعني بعد تعب كبير وهي دقيقه جدا جدا. والحمدلله انو في سيدتين ظبطوها وهما الاخت ام محمد و الاخت وداد. على العموم حبيبتي كتير بشكرك على اعلامي بالنتيجه لانو هذه الاسئله والاجوبه يتعلم منها الباقيين. و ان شاء الله المره القادمه راح تكون احسن من اللي فوق بس انتي حطيها في راسك و خلي عندك اصرار. شوفي حبيبتي اذا حسيتي انو خليط الفرك ما شرب الماء بالفرن خليه كمان شوي و طلعيه و اتركيه ليبرد ستلاحظي انو حبه السميد شربت الماء و تفتحت و صار بامكانك انك تفتتيه بالفرك بين الكفين. و اذا نشف كتير افرميه بالماكنه. :)

  78. ام محمد88 21 October 2009

    يسلمو كتير عوصفت الكنافه بلجبنه امبارحه عملتا وجوزي كيف وطار عقلو عليها
    انا جديده بهلمنتدى وعنجد كتير حبيتو رح داوم عليه دائما

  79. Iman 22 October 2009

    اهلين ام محمد88. كتير انبسط انك اعملتيها و عجبت زوجك. يسلموا ايديكي و صحه وهنا على قلوبكم. شكرا انك خبرتينا. و نحنا كمان صرنا مدمنين على هالموقع المميز. :zzz

  80. loosh 24 November 2009

    الله يسلم دياتك على هالوصفة لو بتعرفي قديش صار الي بحاول فيها ومش عم تزبط لان عم جيب الكنافة جاهزة من السوق وفعلا متل ما قالت احدى الصديقات انها متل الشعيرية بس ناعمة هلق رح حاول اعملها وعنجد انا كتير ممنونة منك ورح خبرك بالنتيجة انشالله بس الي طلب وهيدا بالتحديد عندي مهم كتير لان انا برا لبنان وما كنت لاقي طريقة الكعكة تبع الكنافة بتمنى انو اذا في حدا بيعرف كيف طريقتها م بتصدقوا قديش مشتهية اكلها ههه طولت عليكن شكرا الك من جديد وانا بانتظار ردك على الكعكككة بلييييز

  81. loosh 24 November 2009

    الله يسلم دياتك لو بتعرفي كم مرة صرت عاملتها باستخدام كنافة من السوق وما عم تزبط معي ومتل ما قالت احدى الصديقات انو متل الشعيرية الناعمة بس هلق رح جربها وردلكن خبر بس الي طلب بحياة الله تعطوني طريقة الكعكة تبع الكنافة انا برا لبنان وما عم لاقيها بالسوق بتمنى اعرف طريقتها ويلي بترف تخبرني بلييييييز
    شكرا للجميع من جديد ولصاحبة الوصفة اكبر تحية

  82. Iman 7 December 2009

    اهلين لوش ان شاء الله بتجربيها و بتعجبك. حبيبتي وصفه الكعكه راح اعملها قريب جدا و انزلها لعيونك و لعيون كل مغترب و محروم من هالاشياء يلي كنا نفكر انو صعبه ولكن مع العزيمه و الاراده ما بقى في شي صعب. اهم شي هو الاصرار على الاتقان. صح?? بقى خليكي معانا هون و ترقبي التحف على هذا الموقع المميز. :zzz

  83. loosh 11 January 2010

    اختي ايماااااااان ما معقول جربتها وطلعت تححححفة الله يسلم دياتك يا رب ومتل ما عم تعطينا الله يعطيكي خير وبركة وصحة يا رب
    الارادة والعزيمة موجودين الحمدالله وربي يخليلي ياكي الحمدالله انا عندي ذوق بالاكل عموما يعني بعرف اعمل الاكل وبعرف اكل كمان ههههوانا معكن ان الله راد ورح تابعكن دايما
    واهم شي الكعكة لتكمل الاكلة اللي بموت فيها والي سنين محرومة منها :cry

    والك اطيب الدعاوي مني ومن زوجي كمان ;)
    مودتي يالغلا

  84. Iman 14 January 2010

    اهلين لوش. والله بسطيني انك عملتيها و زبطت معك. صحتين وهنا على قلوبكم. الكعكه متل ما وعدتك قريبا بس هالاسبوعين مشغوله كتير. لان لازم اعملا و ابعت الصوره مع الوصفه. شكرا انك خبرتينا بالنتيجه علشان الل يتشجع و يعملا. :)

  85. JEAN 13 February 2010

    تسلم ايديكي ست ايمان على هالاكل الطيب بس ايمتا ستنا رح تعطينا وصفة الكعكة للكنافة ؟ عم عزبك ستنا الله يعتيك الف عافية يا رب…..

  86. Iman 2 March 2010

    حبيباتي انا ما نسيتكم بس عندي ظروف صعبه جدا. زوجي مريض جدا بالمستشفى. باذن الله بس يخف راح ابعث الوصفه. معليش طولوا بالكم علي لانو بالي مش رايق. :sigh

  87. منى 4 March 2010

    :cry

  88. neveenabc 15 April 2010

    I do not like maa alzaher and maa alward can I put water instead

  89. neveenabc 15 April 2010

    can I use water instead of maa ward and maa zaher

  90. منى 18 April 2010

    ما عندي فكرة :roll

    ان شاء الله تشوف امونة السؤال و تجاوبك

  91. Iman 19 April 2010

    Hi all. yes you can replace the flavorings with water Neveen. Also to prevent it from sticking just use a nonstick tray or line your tray with parchment paper this is very important.

  92. neveenabc 22 April 2010

    Thank u very much. allah ejazeek kol kair I will try it and tell u how is it. please let me know if there any arabic sweet I can do at home I live in the usa.

  93. دانا 4 May 2010

    السلام عليكم
    أنا دانا من الأردن عضوة جديدة
    ممكن أعرف كيف أستطيع نسخ هذة الوصفة على سطح مكتب حاسوبي للرجوع اليها عند الحاجة فأنا لا املك طابعة
    مع الشكر

  94. بابريكا 20 August 2010

    اختي الكريمه ايمان انا عملت فرك الكنافه قبل شهر بالسميد الناعم وطلع طري جدا وانا اريد فرك مقرمش مثل فرك كنافة البريد لا اريده ناعم جدا اريد شوية قرمشه ماذا افعل ؟

    شكرا كتير الك ;)

  95. بابريكا 20 August 2010

    نسيت اسال هل اقدر استخدم الفرك لكنافة القشطه ؟ وهل استخدام السميد الخشن يقرمش الفرك ؟

  96. بابريكا 20 August 2010

    اختي الكريمه انا اريد ان اعرف كيف يكون فرك الكنافه مقرمش ,, لانتي جربت طرق كتيره وما تقرمش يكون الفرك جدا طري وانا اريده مقرمش
    ماذا افعل ؟

  97. Iman 20 August 2010

    Hi Paprika, Love your name As for your question about crispy farek you can put less water while preparing the farek before baking it the first time also you can mix the farek with 1/2 a cup of samne before adding the cheese. And finally is to use the coarse smeed instead of fine smeed. I hope this will give you crispier knafe. Good luck. If you tried it this way please let us know to add value to our recipe. :)

  98. Iman 20 August 2010

    Yes Paprika you can use the farek for making ishta knafe. When you press the first layer of farek, add the ishta made with milk and corn flour and make it thick and not runny, then let it get cold before adding the second layer of farek, Please read all the questions because it will have so many answers . :)

  99. بابريكا 21 August 2010

    شكرا لك اختي الغاليه اليوم جربتها وطلعت روعه جدا والفرك مقرمش جدا انما الجبنه ما ذابت بل بقيت متكتله وطلع طعم السميد واضح بدون طعم جبنه لانها ماذابت انا استخدمت الجبنه الحلوه
    تاعة الحلويات وبشرتها وخلطتها مع الحليب والسميد وعند الغليان ما ذابت الجبنه بل بقيت
    متكلتله كتل صغار ظنيتها ستذوب في الفرن لذالك دخلتها نص ساعه لكنها لم تذوب ولم تنمط ,,
    انما الفرك طلع روعه شكرا كتير الك

  100. بابريكا 21 August 2010

    اختي الكريمه كمان ابغى اسالك سؤال مهم عندنا محلات الحلويات لما تشتري كنافه تلقينها طبقه سميكه وجافه ومتماسكه مش متفكك الفرك لا مصبوب صب وسميك جدا مع انه سميد انما شكله مثل البسبوسه جاف ومتماسك ,,

  101. بابريكا 21 August 2010

    8) ;) :grin :eek :cry :( :x

  102. Iman 5 October 2010

    Paprika, for your last question, just use the smeed when you mix it with water and samne . put 2/3 of it in the greased tray and put the cheese mixture in the middle and then put the rest of smeed mixture. Then bake it. This way you skip baking the farek in the first stage. this way the knafe will have a solid top as you want. But to tell you the truth it won be professional. The way I wrote it is the right way. But you can do it as you wish!

  103. أمــ نــــدى 20 October 2010

    رائعه أختي أيمان
    جزاك الله كل خير ونفع بك
    لكن عندي كم سؤال لأني حابه أجربها جدا

    الأول : هل لابد من استخدام المحلب لانه مو متوافر عندي هنا ..

    الثاني : نفس الشئ بالنسبه للجبنه
    فيني استخدم الموتزاريللا أو الحلوم بدلا من العكاوي ..

    أخيرا , شكراالك وبارك الله فيك

  104. أمــ نــــدى 22 October 2010

    أختي ايمان
    عندي سؤال آخر
    بالنسبه للقطر بعد نضج الكنافه
    مكتوب انه نضع لها نصف كوب قبل ما نقلبها
    ونصف كوب آخر بعد قلبها هل هذا ما فهمته أنا ؟
    أم انك تقصدين نصف كوب فقط ..
    وهل بعد اضافة القطر لها اول مره نقلبها فورا ام ننتظر قليلا

    وكنت كتبت لك أسئله أخرى ما بعرف ليش ما ظهرت
    لكن اتمنى انها تظهر وتجاوبيني عليها
    لانه عن جد حابه جربها
    وجزاك الله خير

  105. أمــ نــــدى 25 October 2010

    تحمليني اخت ايمان الله يخليك
    شو يعني جبن عجاوي محلاه
    يعني تحطين عليها سكر او شو
    وهل تنقعيها قبل استخدامها من الليل
    أو لا ؟

    شكرا الك وان شاء الله تردي بسرعه عليا
    لأنه طار عقلي فيها

  106. Iman 26 October 2010

    اهلين ام ندى.
    للرد على اسئلتك:
    1- المحلب مش ضروري اذا غير متوفر لانو فيها نكهات تانيه مثل الماورد و المازهر.
    2- ممكن استخدام جبنه المازوريللا نعم.
    3- القطر نصف فنجان قبل ما نقلبها و فنجان كامل بعد القلب.
    4- انا بقلبها بصينيه التقديم فورا اول ما اطلعها من الفرن و اضع القطر عليها لانو ضيوفي يادوب يستنوا لحتي تخلص من الخبز. ريحتها بتملي البيت و مااااا حدا بيقدر يقاوم ريحتها او طعمتها الذيذه. اتنمنى اتجربيها عزيزتي. و اي سوءال تكرم عيونك اسالي ولا يهمك.
    نصيحه قبل ما تعمليها بلييييز اقرائي الوصفه تمام و اقرئي كل الاسئله و الاجوبه لانو كتير بتفيد. حظ موفق عزيزتي. :)

  107. أمــ نــــدى 26 October 2010

    جزاك الله خيرا أختي ايمان
    وان شاء الله بجربها بكره
    لحتى لحق انقع الجبن العكاوي
    لان لقيته والحمد لله
    وباذن الله بعرفك النتيجه ويمكن بالصور :zzz

  108. أمــ نــــدى 27 October 2010

    يعطيك العافيه أمونه
    جربتها اليوم وطلعت شئ خيال والله
    من شكل لطعم ولون , ودعيت لك كثير كثير
    بارك الله في عمرك وعملك
    وهذه صوره تطبيقي [url=http://a7lashare.com//uploads/images/A7lashare-b7cfc1ef6b.jpg][img]http://a7lashare.com//uploads/images/A7lashare-b7cfc1ef6b.jpg[/img][/url]
    وطبعا ما بييجي شئ قدام شغل ايدك , لكن منك نتعلم

  109. منى 29 October 2010

    ما شاء الله لا قوة الا بالله اختي ام ندى :) الصورة مشهية كتير و طالعة معك مية على مية و خصوصا انها اول مرة ;)

  110. Iman 29 October 2010

    اهلين ام ندى
    ياااااي شو فرحتيني انا زبطت معاكي!!!!! الحمدلله. والله انو صورتها لا تقل ابدااااا عن اللي بعملا. بسم الله ما شاء الله عليكي! اناجدا فخوره بك. و شكرا حبيبتي كتييييير على الدعوات الحلوه. الله يرضى عليكي و يبارك بك و بعيلتك كمان. سلالالام كبيير كتييير للحبيبه منى و لكل الاخوات و البنوتات الحبيبات اللي تعرفت عليهم بالموقع. صارلي زمان ما دخلت كنت مشغوله الحمدلله زوجت بنتي و خطبت ابني عقبال عندكم يا رب. :zzz

  111. منى 29 October 2010

    يييييي هي بدنا عليها طقة غير شكل , ان شاء الله الف الف الف مبروك حبيتي اخبار بتفرح القلب , عقبال تتحقق بقية احلامك و امانيك :)

    سلامي للعرسان :zzz

  112. Iman 27 November 2010

    الله يبارك بعمرك. و احلى طقه لعيونك منى خانوم. الحمدلله اخبار حلوه متل هيك بدا اكبر عزيمه عن قريب. عقبال اولادك باذن الله. شكرا على الكلام الجميل. :)

  113. الممييزة 1 March 2011

    جاريييييييييييييييييييييي التطبيق :roll :eek

  114. أمــ نــــدى 10 May 2011

    الف الف مبروك اخت ايمان
    الله يفرحك بيهم يارب
    ومعلش متاخره في التهنئه بس مريت دلوقتي وشفت كلامك
    ربي يبارك فيك

  115. bissana 25 July 2011

    انا عملتها امبارح وطلعت بتجنن بس سوالي لما نحط السميد فوق المي بنحطهن على النار والا بنحركهن بس نطفي النار وشكرا

  116. Iman 26 July 2011

    اهلين حبيبتي. صحتين على قلبكم ان شاء الله. شكرا عزيزتي لانك خبرتينا بالنتيجه. كتير بشدد انو النتيجه كتيييير بتكون احسن اذا بنستعمل صينيه تيفال غير لاصقه. لسوءالك عن السميد و المي السخنه. انا بسخن المي و بحط معها الماورد و المازهر و لما يغلو بشيلهم عن النار و بضيف السميد. يعني بسكبهم على السميد يللي بيكون الصينيه يلي بدي اخبز فيها. و لما احركم بالملعقه الخشب بمدهم بالصينيه و اضعهم في فرن 350 فهرنهايت لمده 10 دقائق فقط. ثم اخرجهم و اتركهم ليبردوا. و اكمل باقي الطريقه. و اذا حدا سال كيف بغلي الماورد و المازهر و هل بيصيروا طعمهم مر? الجواب لاء ما بيصير مر ابداااا لاني اول ما يغلوا بطفي النار. سلام كبيييييييير للحبيبه منى الغاليه اتمنى ان تتكوني بخير و لكل الاخوات العزيزات في الموقع.

  117. Iman 26 July 2011

    ام ندى العزيزه. شكرا و الله يبارك بعمرك. عدم الموءاخذه لم ارى رسالتك. شكرا حبيبتي. عقبال اولادك ان شاء الله.

  118. لاريتاريو 11 November 2011

    تسلم ايدك حبيبتي بس عندي سؤال ممكن اعملها بجبن حلوم بدل العكاوي ياليت تجاوبيني لاني حابة اعملها اليوم ومشكورة مرة تانية :)

  119. Iman 11 November 2011

    اهلين لاريتاريو. ولا مره جربتا بالحلوم. لانو الحلوم لا تستعمل في الكنافه او الخبيز لانها تختفي عندما تخبز. ينصح دائما بالجبن العكاوي او العكاوي المخلوط بالجبن المجدل بعد التحليه للاثنين. او العكاوي مع شويه مازوريللا. و ممكن حشوها بالقشطه لوحدها او القشطه المخلوطه بالمازوريللا. حظ موفق. :)

  120. zeina 6 August 2013

    مرحبا انا سؤالي عفوا بس نحط السميد مع الجبنة الجبنة ما بقى الذوب هل ضروري ان نحط سميد مع الجبنة او فيها تكون سميد ناعم بدلا من الخشن شكرا

    • منى 7 August 2013

      و الله زينة هي وصفة أمونة , ان شا الله تشوف السؤال و تجاوبك

  121. zeina 8 August 2013

    شكراا كثير و يعطيكي الف عافية يا ربببب

    • منى 8 August 2013

      مية هلا فيك

  122. هدولة 27 June 2014

    تسلامي على الوصفة بلحقيقة حربتها متل مو مكتوب بلوصفة خطوة خطوة بس لما قلبتها فرطت كلها معي شو ممكن يكون السبب؟

    • منى 28 June 2014

      الحقيقة هي الوصفة الرائعة وصفة مدام ايمان , انا مو مجربتها و ما عندي فيها خبرة ..

      • هدولة 29 June 2014

        ليش ما قلتي الوصفة وصفتك ست منى؟ و انك مجربتيها؟ حطي الوصفة عليومي فود بلكي فيه تجارب غلى الوصفة و منعرف شو السبب.. المشملة ان قضيت وقت كتير بلمطبخ مشان اعمل الوصفة و الحقيقة ما طلعت متل بلصورة و شكرا الك

        • هدولة 29 June 2014

          عفوا ست منى انتبهت ان الوصفة من ست ايمان بس بتمنى الست ايمان تجاوبني على سؤلي

          • منى 29 June 2014

            ان شا الله :)

        • منى 29 June 2014

          ما كتير فهمت عليك هدولة , و ع اليمي فود ما بقدر حط غير وصفة انا مجربتها ..

          الوصفة ناجحة كتير , ان شا الله بتجي ست ايمان و بتعرفلك وين المشكلة :)

  123. منى 29 June 2014

    رحم الله والديك الف مرة على هذه الوصفة وكل الوصفات! فعلاً رائعة والوصف ممتاز كأنه وصف ام لبنتها ! احسنت ودعواتنا لك بالموفقية والنجاح لك ولجميع الاحباب وفرج الله هم بلاد المسلمين جميعاً

    • منى 29 June 2014

      الله يسلمك و يحفظك , وفة الست ايمان الغالية , الله يزيها عنا كل خير :)

      منورة و الله

  124. زياد 14 June 2015

    سيدة ايمان، ممكن عزبك بوصفة المفروكة

  125. luna 3 July 2015

    جزاك الله خير انت كتبت التفاصيل بدقة وامانة وكل صغيرة وكبيرة فيها وكنت حريصة اني اي احد يقرا اوينفذ الوصفة ما يقدر الا يدعيلك بعلم الغيب مشكورة لجهودك كتير الله يسهل امرك

  126. توت 21 May 2016

    مرحبا أخت إيمان يعطيك العافيه جهودك وسعة صدرك

تقييم الوصفة
عاديةقد أحضرهاجيدةممتازةأكثر من رائعة (4 votes, average: 3.50 out of 5)