عدس مدمس


         وصفة : منى                 2009/07/05                 31 تعليقات
عدس مدمس

·         يقلى البصل بملعقتين من زيت الزيتون حتى يطرى و يصفر . يضاف الثوم المهروس و يقلب حتى يصبح لونه أشقر مع ضرورة الانتباه أن لا يحترق .

·         توضع البندورة و الفلفل الحرّ في حال استعماله في الخلاط و يمزج حتى يصبح ناعماً .

·         تضاف البندورة على البصل و تترك الصلصة على النار حتى تتسبك .

·         في هذه الأثناء يغمر العدس بالماء و ملعقة الزيت الباقية و يوضع على نار متوسطة , بعد أن يغلي تهدى النار و يغطى القدر و يترك حتى ينضج و يمتص الماء لمدة ساعة إلى ساعة و نصف .

·         تضاف الصلصة المسبكة و الكمون بعد نصف ساعة من طبخ العدس  و تترك حتى يكمل العدس نضجه .

·         يهرس العدس بالخلاط العامودي حتى ينعم ثم يذاق للتأكد من ملحه و بهاراته و في هذه المرحلة يمكن اضافة القليل من عصير الليمون حسب الرغبة .

·         يصب العدس في طبق التقديم و يزين الوجه بالكمون و الفليلفة الحمراء و زيت الزيتون و يقدم ساخناً أو فاتراً مع الخبز العربي أو خبز الصاج أو التميس .  

فكرة سريعة :

يمكن استبدال البندورة بملعقة كبيرة من صلصة الطماطم . يوضع نصف كوب ماء مع ملعقة الصلصة على البصل المحّمر ثم يتابع اعداد الوصفة كالسابق .




3 ملعقة كبيرة زيت زيتون
حبة بصل
2 فص ثوم
3 حبة بندورة مقشرة
حبة فلفل حرّ أحمر أو أخضر ( اختياري )
كوب عدس أحمر , مغسول و منقوع لمدة 6 ساعات على الأقل
2 كوب ماء
نصف ملعقة صغيرة كمون ناعم


للوجه :

زيت زيتون
فليلفة حمراء ناعمة
كمون







• يقلى البصل بملعقتين من زيت الزيتون حتى يطرى و يصفر . يضاف الثوم المهروس و يقلب حتى يصبح لونه أشقر مع ضرورة الانتباه أن لا يحترق .

• توضع البندورة و الفلفل الحرّ في حال استعماله في الخلاط و يمزج حتى يصبح ناعماً .

• تضاف البندورة على البصل و تترك الصلصة على النار حتى تتسبك .

• في هذه الأثناء يغمر العدس بالماء و ملعقة الزيت الباقية و يوضع على نار متوسطة , بعد أن يغلي تهدى النار و يغطى القدر و يترك حتى ينضج و يمتص الماء لمدة ساعة إلى ساعة و نصف .

• تضاف الصلصة المسبكة و الكمون بعد نصف ساعة من طبخ العدس و تترك حتى يكمل العدس نضجه .

• يهرس العدس بالخلاط العامودي حتى ينعم ثم يذاق للتأكد من ملحه و بهاراته و في هذه المرحلة يمكن اضافة القليل من عصير الليمون حسب الرغبة .

• يصب العدس في طبق التقديم و يزين الوجه بالكمون و الفليلفة الحمراء و زيت الزيتون و يقدم ساخناً أو فاتراً مع الخبز العربي أو خبز الصاج أو التميس .

فكرة سريعة :

يمكن استبدال البندورة بملعقة كبيرة من صلصة الطماطم . يوضع نصف كوب ماء مع ملعقة الصلصة على البصل المحّمر ثم يتابع اعداد الوصفة كالسابق .
  • وصفات تانية ممكن تعجبك


التعليقات

  1. dado 5 July 2009

    مرحبا منوش
    يمكن توقعتي كون من أول المقبلين على هالوصفة وإن الله راد من رح كون من أول المطبقين 8)
    فكرتها كتير لذيذة وفي كتير وصفات بالعالم العربي من هالعائلة بس نحنا ما منعرفها.
    متل ما حكيتي.. سبحان الله الفول والحمص من عند الفوال غير شكل.. وقد ما دقت ما بلاقي أطيب من فولات أبو علي يلي عنا بالحارة. كل مرة بس إنزل علبى سوريا ما مكن فوت متعة تناول فولاته :grin

  2. ام محمد 5 July 2009

    مرحبا منمون الله يسلم دياتك انا كتير بحبها وخاصة ايام الشتاء بحسها بدفي وبتعطي طاقة
    هون عنا بالسعودية كل محل عدس جنبه محل تميس وهو نوع من انواع الخبز بس سميك وطعمته كتير طيبة بس سؤال منمون العدس وقت بشتريه بلاقي بداخله شي اخضرشكله بيشبه السلق اوالسبانخ انتي اش رايك :roll

  3. ام نور 5 July 2009

    يا سلام هيدي اول مرة بسمع انو العدس بيصير مدمس فكرة حلوة والله بس شكلو بالصورة بيشبه الحمص انشالله رح جربا عن قريب عندي سؤال منى عن الفول اليابس ما بعرف ليش لما اسلقوا بيستوي قلب الحبة والقشرة بتضل سميكة مع اني بنقع الفول بالبكينغ باودر قبل بيوم وبسلقوا بكربونات فصرت اكره الفول اليابس لا هالسبب

  4. semo 5 July 2009

    والله متل ما قلتي لما بناخدو جاهز بيكون الو طعمة غير
    بس اكيد رح جرب هالوصفة ان شاء الله
    بس بدي اسالك سؤال انت كنت متغربة بالسعودية
    لاني لاحظت ببعض المقادير بتقوليهن موجودين برا سوريا غالبا صح بسوريا صار في كل شي
    بس حاسة انك ممكن تكوني تغربت برات سوريا ولا لأ؟

  5. سارونات 5 July 2009

    السلام عليكم و رحمة الله و بركاته

    عجبتني كتير الوصفة من اسمها و صورتها و دخلت تحتى شوف المقادير و قريت المكونات لحتى وصلت على كلمة عدس احمر و قلت جات الحزينة تفرح مالقتلهاش مطرح
    اختي منى بينفع بالعدس البني او لا :?

    بالتوفيق
    سلام

  6. منى 5 July 2009

    هلا ام محمد :)
    و الله صح ما في اطيب منه بالشتي , بس بهل اليومين عم تهف نفسي على عدس شي سلطة شي مدمس شي متبل شي و شويات , ما بعرف ابصر كني معي فقر دم :roll

    و الله هادا الاخضر ما عرفته , لو كان اسود كنت ممكن قلك مسوس العدس , بس الاخضر ما عرفته

    على كل اذا ما بيمشي معناها ما في مشكلة:grin

  7. منى 5 July 2009

    هلا ام نور :)
    هو امرق من الحمص بشوي و عن جد طيب و بتحسيه اخو هل الوصفات , بس اخوهم السعودي الي لسا ما اكتشفناه :zzz
    المشكلة الي قلتي عليها بالفول اتوقعها من نوعية الفول نفسه , و الحل انك تطولي فترة السلق أكتر و تكون الطنجرة مغطاية اكيد و النقع بيكون 24 ساعة كاملة , يا رب تنحل المشكلة و اتمنى تجربي هل العدسات و يعجبوك :zzz

  8. منى 5 July 2009

    هلا سمسوم :)
    ان شاء الله تجربيه و يطلع اطيب من برة .
    اما عن سؤالك فنو , انا ما اتغربت عن سوريا ابدا , بس متل ما بيقولوا الي مصادري الخاصة التي ترفض الكشف عن اسمها :grin

  9. منى 5 July 2009

    هلا سارونات :)
    ليش !
    الله يبعد الحزن عنك و عني و عن كل قلوب المسلمين يا حق , و لهل الوصفة ما بينفع غير العدس الاحمر و غيره لا . بس في وصفات كتيرة جاية بالعدس البني رح نزلها لان هافة نفسي على عدس بكل اشكاله ;)

  10. منى 5 July 2009

    هلا دالو الحلوة :)
    توقعت و الله , و لماحضرتها و فطرت منها قلت يا ريتك جنبي و الا جارتي لحتى ناكل مع بعض او على الاقل اسكبلك شي طبق لدوقيها, يا ريت بقى لو يطوروا هل الايميلات المتخلفة و يصير فينا نبعت شي حقيقي فيها :zzz

    يا رب تجربيها و تعجبك

    بتعرفي دالو حتى لما بتاكلي عند الفوال بيطلع الفول اطيب الشي , حتى اطيب من لما منجيبه للبيت و احلى و اطيب الشي التصليح
    مع اني من دعاة النظافة و ما كتير بقبل اكل برة , بس الفوال و خصوصا الفوال ابو عبدو عندنا بحلب لا يعلى على فولاته ;)

  11. Shaza_82 6 July 2009

    انا بعرف شي بالسعودية بيشبه اللي حكيتيه بس اسمو قلابة وهي عبارة عن عدس وفول وبندورة مع بعض. ميرسي على الوصفة وانشاله رح اجربها بكرة.

  12. ميساء 7 July 2009

    مرحبا ميمو
    سبحان الله الجمعة الماضية كنت عند بيت أهلي وماما عندها بنت اندونيسية كانت تشتغل بالسعودية وقالت لي عن هالأكلة وعملتها أنا وياها وطلعت طيبة كتير والكل حبها وطلب إعادتها ورغم أنو نحنا عشنا بالرياض لما كنت صغيرة بس ما بعرف هالأكلة ولكن كنا نجيب فول مدمس مهروس من عند فوالة يمنيين وهالفول ما بنسى طعمتو ابدا على كتر مو طيب وكمان في أكلة بالعدس على الطريقة الهندية لذيذة كتير قدمتها منى عامر عالتلفزيون على نفس طريقتك مع إضافة الزنجبيل المبشور وحبوب الخردل على تقلاية البصل ورب البندورةو طبعا الكمون والكركم وبعدين بتحمضها بالتمر هندي المنقوع والمصفى ولا يهرس بالخلاط ويترك حتى يتسبك وبالآخر قبل 3 دقائق من رفعه عن النار يضاف كزبرة خضرة مفرومة وطعمتو يا ميمو بتاخد العقل :zzz مابعرف يمكن لأني من عشاق العدس يعني لما اسلق عدس لازم آكلي صحن مع ملح وكمون وحمض ما بقدر قاومو ابدا يمكن اليوم كترت حكي بس الدنيا عدس (متل الدنيا عيد ) وشكرا ويسلمو دياتك على إثراء الموقع لأنو فعلا كنز :)

  13. منى 7 July 2009

    هلا شذى :)
    ان شاء الله تجربيه و يعجبك و مية اهلا و سهلا فيك بالموقع اخت جديدة كريمة و غالية :zzz

  14. منى 7 July 2009

    هلا ميوس :)
    ريتو الف هنا و عافية على العدسات بالصحة يا رب على قلبك و قلب كل العيلة , بتعرفي انا متلك كتير بحب العدس و على رمضان من كتر ما بشرب شوربة بوصل للفطور ما بقى في محل لشي :roll

    هي الوصفة الي قلتي عليها هياتها بتجنن , رح جربها بعد كم يوم مع ان كل مقاديرها عندي , لان هل اليومين مشغولة كتير كتير , بس بالخير الحمد لله

    خليلي عينك ميوس على الفكرة و ببقى بورجيكي تطبيقي , و الدنيا عدس و حلوة بس نعرف ناكلها ;)

  15. سمسمة 7 July 2009

    الله يسلم ايديك منى رايح علي كتير آكلات طيبة لأن النت كان مقطوع عندي واليوم رجع حاسة حالي متل الضايعة بدونه
    حبيبة ألبي منى العدس المقصود هو المجروش يلي بنستعمله لشوربة العدس

  16. منى 8 July 2009

    هلا سمسوم :)
    ما راح شي كله موجود انت بس بحبشي . و انا عمن قول لحالي وين هل الغطة , اذا هيك المانع معلش

    العدس المقصود هو المجروش , اتمنى تجربيه و يكون على زوءك ;)

  17. TENDERNESS 13 July 2009

    يعطيكم الف عافيه على هالموقع الحلو والاكلات اللي بتشهي
    عندي سؤال صغير وهو انو بالصورة مو باين انو في بندورة انخلطت مع العدس يعني حتى ما في لون احمر بالمره كلو لون العدس الاصفر !! وين اختفت البندورة ؟؟
    وسؤالي التاني لاختي منى انا كان عندي صديقة شامية ومرة اكلت عندها فاصوليا خضرا كانت امها عاملتها بطنجرة الضغط وكانت حرة شوي ولليوم نفسي اعرف كيف بتنعمل ياريت تقوليلي كيف لانو نفسي فيها .. ويسلمو كتير على كل شي :zzz

  18. منى 13 July 2009

    هلا حنان :)
    بالاول مية اهلا و سهلا فيك , نور الموقع و اهل فلسطين دايما الهم رزاية زيادة و محبة خاصة بالقلب , نورتي و شرفتي .

    البندورة الها اثر خفيف على اللون و هو رح يصر اصفر بس محمر , يمكن من الصورة مو كتير باين لان الشمس ضاربة في الطبق

    يا ترى الفاصوليا الي قلتي عليها بزيت و الا بلحمة :zzz

  19. TENDERNESS 13 July 2009

    شكرا كتير على الترحيب كلو من زوقك والله
    ويسلمو عالتوضيح وان شاء الله رح جربها لاني بحب العدس الاحمر كتير واكيد بخبرك بالنتيجه :)

    الفاصوليا بتذكر انها بزيت زيتون لكن ما كان عليها مرقة وكانت حبتها صغيره وامها لصديقتي مو مقطعتها يعني الحبات صغار ومتل ما هم بالاضافة للطعم الحار شوي الظاهر فيها ، واكلناها تغميس بخبزة او بالشوكة مو مع رز يعني ، ان شاء الله تكوني عرفتيها ويسلمو سلف غلبتك معي :zzz

  20. منى 13 July 2009

    الوصفة الي عم تقولي عليها هيا الفاصوليا بزيت و هي طريقتي [URL=http://www.l2ma.com/content/view/155/2/]لتحضيرها[/URL]
    و ما دامك عم تقولي انها حرّة معناها الفليفلة الحمرة الناعمة الي استعملتها حرّة .

    يا رب تجربيه و تكون على زووءك و على فكرة استعمال طنجرة الضغط مو اساسي للوصفة ;)

    ان شاء الله تجربي هل العدس و يطلع طيب و على زووءك و نورتينا مرة تانية اختي

  21. semo 14 July 2009

    مبارح جربت هالعدس
    وطلع بياخد العقل
    قسمتو نصين قسم بدون طحن وتاني طحنتو
    التنين طلعو بيجننوا جوزي ماعاد يقدر يوقف اكل
    كل لقمة بيقلي اطيب من تبع السوق بكتير
    والله دعينالك كتير الله يعطيكي اللي في بالك ويحقق لك امانيك بولادك يارب

  22. منى 14 July 2009

    خليلي عينك يا سمسومة :) الف هنا و عافية على قلبك و قلب الباشا يا حق و كتير انبسطت انك جربتيه و عجبك و عجب العيلة ..

    الف شكر الك للدعوات الغالية و ان شاء الله الك متلهم و احلى انت و الغاليين عليك ;)

  23. na3oom 8 January 2010

    منون الوصفة بتعرفي بأي جزء من السعودية
    لأني عشت طفولتي في الرياض وبعد زواجي بجدة وماعمي سمعت عنها
    على العموم دخلت مزاجي وراح جربها شي مرة لأني من عشاق أكلات العدس

  24. محبةالمصطفى ملك 26 May 2010

    اممممم يا منى أنا جوعانة بدون هالحديث الشهي :zzz
    و الله أطيب فول و حمص من القباني شهيتيني كتيييييييييييييير امممممممممممممممممم :zzz
    منوووش بدي أسألك أكيد صلصة الطماطم قصدك ماء البندورة؟؟؟
    و تاني سؤال أنا ما عندي خلاط عمودي بينفع بخلاط الكوكتيل؟؟؟؟
    و اذا ما فيها ازعاج منين بتنصحيني بشراء الخلاط و كم سعره تقريبا لأني امبارح لسه كنت عبفكر فيه لأني عملت عدس بحامض و خلطته بالخلاط و آخر سؤال بينفع نخلط العدس و ساخن بالخلاط العمودي؟؟؟

    كترت أسئلة ما :roll

  25. منى 27 May 2010

    هلا نعوم :)
    ما عندي فكرة باي زء بالضبط , بس وصفة سعودية و كتير معروفة و مستاهلة تجربيها ;)

  26. محبةالمصطفى ملك 27 May 2010

    وااااااااااااء ليش ما رديتي علي :? :cry

  27. منى 28 May 2010

    جايتك خيت , اشبك بصلتك محروقة :grin
    صلصة الطماطم بقصد فيها مية البندورة , بس موالحامضة الحلوة

    بيصير بخلاط الكوكتيل اكيد .

    انا انصحك بنوعية بوش , كتير منيحة و صراحة ما عدت اتذكر سعرها , عندي ياها من زمان

    بينفع نخلطه بالخلاط العامودي بس لوتكون الايد تبعته من الستانلس ستيل ;)

  28. محبةالمصطفى ملك 10 June 2010

    :grin شايفة ريحة الحرق وصلت لعندك

    هلأ سألتك قبل بمرة بس شو أعمل أنا لحوحة مية البندورة قصدك الجاهزة؟؟؟ ما بتصير بالبيت؟؟

  29. منى 11 June 2010

    تبعة البيت فيها حموضة كتير , و انا مو مجربتها فيها ;)

  30. محبةالمصطفى ملك 12 June 2010

    :)

  31. منى 13 June 2010

    ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)