فاصولياء بيضاء بالدجاج على الطريقة التركية


         وصفة : منى                 2014/04/10                 لا تعليق بعد

آخر تصويت


آخر تعليق

فاصولياء بيضاء بالدجاج على الطريقة التركية

الفاصوليا البيضا للأتراك وصفة شعبية متل الفول بمصر و متل المعكرونة بايطاليا , بتتحضر بطرق ما بتنعد , طرق ممكن تكون كتير غريبة علينا , بس قريبة كتير ع زوئنا , و بس ما تحضريها أول مرة رح تصير من وصفات عيلتك المفضلة و المعتمدة
فاصولياء بيضاء بالدجاج واحدة من أطيب هل الوصفات , بحضرها كتير بالشتوية , و بستعمل فليفلة حمرا حدة , مممم هيك بتطلع النكهة فيها حرّ خفيف , بتجنن .
الجزر مو بالوصفة الأصلية , بس انا بحبو معها , انت ع زوءك ضيفيه او الغيه . و إذا في بندورة فريش عندك فرمي حبتين تلاتة ناعم كتير و ضيفيهن للمرق , خيلة
بالصحة و الهنا

-المقادير:

3 كوب فاصوليا بيضاء يابسة
3 - 4 ملعقة كبيرة زيت زيتون
1 ملعقة كبيرة زبدة
1 حبة كبيرة بصل , مفروم ناعماً
500 غ دجاج مشفى من الجلد و العظم , مقطع مكعبات
1 ملعقة كبيرة فليفلة حمراء ناعمة
ملح
1 ملعقة صغيرة بهار
1 حبة فليفلة حمراء أو خضراء , مفرومة
2 حبة جزر , مفروم مكعبات ( اختياري )
2 - 3 ملعقة كبيرة معجون طماطم
1 ملعقة صغيرة دبس فليفلة
8 كوب ماء
- طريقة التحضير :

1 - تغسل الفاصوليا و تغمر بالماء و تنقع طول الليل
2 - تغسل الفاصوليا ثم توضع في قدر و تغمر بالماء , توضع على نار متوسطة و بعد أن تغلي تهدى النار و يغطى الوعاء و تترك حتى تنضج , تحتاج من نصف ساعة إلى ساعة و نصف حسب نوعية الفاصولياء , و يراعى أن لا تسلق لفترة اضافية بعد نضجها كي تحافظ الحبة على شكلها, تصفى و توضع جانباً .
3 - يوضع الزيت و الزبدة في قدر كبير على نار متوسطة , يضاف البصل و يقلب حتى يصفر , تضاف مكعبات الدجاج و البهارات و الملح و تقلب على نار قوية حتى يجف مرقها و تشقر أطرافها .
4 - يضاف الجزر و الفليفلة و يقلب الكل لمدة دقيقتان , يضاف معجون الطماطم و دبس الفليفلة و يقلب لمدة دقيقة , يضاف الماء و يترك حتى يغلي .
5 - تضاف الفاصولياء المسلوقة و بعد أن تغلي المرق تهدى النار و تترك لمدة 30 دقيقة . يعدل الملح حسب الرغبة .
6- تقدم فوراً مع الأرز المفلفل أو البرغل المفلفل و مع الفجل و الفليفلة .

التعليقات

Comments are closed.

تقييم الوصفة
عاديةقد أحضرهاجيدةممتازةأكثر من رائعة (4 votes, average: 3.00 out of 5)