فطيرة الدجاج بشكل جميل


         وصفة : منى                 2007/08/15                 26 تعليقات
فطيرة الدجاج  بشكل جميل

·          يسلق الدجاج و يضاف عود زعتر أخضر لمرق السلق في حال توافره و يترك حتى ينضج تماماً ثم يفرم لمكعبات .

·          يفرم البصل و الجزر لمكعبات صغيرة  , يهرس الثوم و يفرم الفطر .

·          يقلب الجزر و الفطر بالزبدة حتى ينضج الجزر قليلاً ثم يضاف البصل و يقلب حتى يطرى , يضاف الثوم و يقلب الكل لدقيقة إضافية  ثم يضاف الدجاج المسلوق و يقلب لبضع دقائق أخيراً  يرش الملح و البهار و تضاف البازلاء , أصبحت الحشوة جاهزة تترك جانباً حتى تبرد  .

·          يمزج مرق الدجاج مع علبة القشطة .

·          تدهن صينية بايركس أكبر قياس بالقليل من الزبدة ثم تمد إحدى رقاقتي الباف باستري في الصينية .

·          تغطى العجينة بالحشوة المجهزة ثم تغطى بمزيج الكريما .

·          تمد الرقاقة الثانية من عجينة الباف على طاولة العمل ثم تقطع إلى أصابع طويلة باستخدام سكينة حادة .

·          ترتب أصابع العجين المقطعة على وجه الحشوة بشكل متراكب حتى الحصول على شكل يشبه الشبكة .

·          يخلط زلال البيضة و الحليب و الفلفل الأبيض و يدهن بها وجه الفطيرة ثم تخبز في الفرن المحمى على درجة حرارة 180 حتى تنتفخ و تشقر .

 


عبوة من عجينة الباف باستري

4 صدور دجاج منزوعة الجلد و العظم
4 فخذات الدجاج منزوعة الجلد و العظم
1 – 2 ملعقة كبيرة زبدة
حبة جزر
حبة كبيرة بصل
ملح و بهار
2 فص ثوم
نصف كوب بازلاء مسلوقة
نصف كوب فطر
ملح و بهار
نصف كوب من مرق سلق الدجاج
علبة قشطة

لدهن الوجه :

زلال بيضة
ملعقة كبيرة حليب
رشة صغيرة فلفل أبيض





• يسلق الدجاج و يضاف عود زعتر أخضر لمرق السلق في حال توافره و يترك حتى ينضج تماماً ثم يفرم لمكعبات .

• يفرم البصل و الجزر لمكعبات صغيرة , يهرس الثوم و يفرم الفطر .

• يقلب الجزر و الفطر بالزبدة حتى ينضج الجزر قليلاً ثم يضاف البصل و يقلب حتى يطرى , يضاف الثوم و يقلب الكل لدقيقة إضافية ثم يضاف الدجاج المسلوق و يقلب لبضع دقائق أخيراً يرش الملح و البهار و تضاف البازلاء , أصبحت الحشوة جاهزة تترك جانباً حتى تبرد .

• يمزج مرق الدجاج مع علبة القشطة .

• تدهن صينية بايركس أكبر قياس بالقليل من الزبدة ثم تمد إحدى رقاقتي الباف باستري في الصينية .

• تغطى العجينة بالحشوة المجهزة ثم تغطى بمزيج الكريما .

• تمد الرقاقة الثانية من عجينة الباف على طاولة العمل ثم تقطع إلى أصابع طويلة باستخدام سكينة حادة .

• ترتب أصابع العجين المقطعة على وجه الحشوة بشكل متراكب حتى الحصول على شكل يشبه الشبكة .

• يخلط زلال البيضة و الحليب و الفلفل الأبيض و يدهن بها وجه الفطيرة ثم تخبز في الفرن المحمى على درجة حرارة 180 حتى تنتفخ و تشقر .


  • وصفات تانية ممكن تعجبك


التعليقات

  1. بتول 4 November 2007

    ما هي الباف باستري

  2. منى 4 November 2007

    هلا بتول :)

    أختي الباف باستري نوع من أنواع العجائن الجاهزة التي تباع في السوبر ماركات
    و هي عبارة عن عجينة مورقة ..

    ما دامك بسوريا فأفضل نوع هو عجينة الباف باستري من أبو اللبن و العلبة الواحدة فيها رقاقتين رح نستخدمهم لهل الوصفة

  3. بتول 4 November 2007

    اختي منى بصراحة انا كتير معجبة فيك و بنشاطك يا ريت تسمحلي الفرصة اتعرف عليك :roll على فكرة انا كمان ادب انكليزي للعام 97-98 لكن للاسف حرقة في قلبي اني وصلت للرابعة ولم اتخرج حتى الان بسبب الزواج و الاولاد الله يخليهن يا رب انا و صديقاتي منقول انا سامعين كتير باسمك بس ما بعرف اذا صدف وشفتك بالكلية او لا على كل حال أنا أعتبر نفسي محظوظة باشتراكي بالموقع و اقبليني أخت جديدة لك و شكررررررررررررررررررا

  4. منى 5 November 2007

    هلا بتول :)

    معنى كلامك انك عم تعمليلي دعاية بين رفقاتك ;) ..

    يمكن سامعين بالاسم لان كنا كلياتنا بنابلس , بس انا دخلت للكلية بعد ما اتجوزت ب2001

    يمكن انتي كنت مع اختي أية :roll

    و الله صعبة كتير انك تركتي الدراسة باخر سنة , يلا اذا الله راد بس يكبروا شوي بتكملي و هي سنة بتخلص كيف ما كان

    الله يجبر بخاطرك يا عسل , و مية أهلا و سهلا فيك :)

    سؤال ؟ كيف اتعرفت على الموقع ؟

  5. بتول 5 November 2007

    اهلين بالحلوة بصراحةانا من كثر ما عجبني الموقع حكيت عنه لكل رفقاتي وأهلي و أقربائي و توقعي هجوم مؤنث على الموقع — انا تعرفت على الموقع عن طريق منتدى لك 8) تحياتي لك ولاختك ولكل آل الصابوني ع راسي والله (الله يجبر بخاطر الكل قولي آمين)
    و هلق باي يا قمورة

  6. منى 6 November 2007

    كلك زووء بتول :)

    أمين يا رب , و مية أهلا و سهلا فيك و بكل رفقاتك و قرايبك و أهلك ;)

    سلام يا عسل

  7. ام نور 7 September 2008

    منى انا ناوية جرب هالفطيرة غدا انشالله لان عندي كل المكونات بس عندي سؤال اذا ممكن لما نحط الكريما مع المرقة العجينة ما بتش :? وفينا نستغني عن المرق والجزر فينا نحطو مسلوق لان اسرع

  8. منى 7 September 2008

    ما رح يصير فيها شي , رح تطرى شي بسيط , و اذا مو عاجبك ممكن تستغني عنه ;) الجزر ما دامك رح تفرميه ناعم ما بياخد وقت يا دوب كم دقيقة :)

    انت شاء الله بتعجبك حبيبتي و لا تنسي تخبريني شو بيصير معك

  9. رنا 13 April 2009

    صارلي كم يوم عم فكر بهالاكلة وجعوني رجلي من كتر مارحت وجيت على هالصفحة بس خلص اليوم اتخذت القرار
    بس عندي سؤالات :grin ياستي هلأ عجينة الباف باستري مابتكون رقيقة يعني بدك تقولي 2سم هيك شي هلأ العجينة يلي عنك هيك حجمها ؟؟طيب اذا هيك انتي بترقيها ولا ببتركيها متل ماهي بقصد بهالسماكة لانه انا متوفرة عندي هالعجينة بس مربعات وانا بطالعهن قبل بشوي بعدين بلزقهن ببعض هديك المرة جربتها بالضفيرة ومشي حالها بس سؤالي هون انهارقهن للمربعات ولااوصلهن متل ماهنن
    بعدين انا شايفة بالصورة انه صاير عندك حواف من العجينة يعني انتي بتطالعي العجينة لحواف الصينية ولا بس عالارضية .؟؟
    خلصوا سؤالاتي الله يعطيكي العافية :zzz ويطووول بالك

  10. رنا 13 April 2009

    طلعلي كمان سؤال اخبزها من فوق ومن تحت ؟

  11. منى 15 April 2009

    :grin هلا رنونة
    عجبتني من كتر ما رحت و جيت للصفحة , ان شاء الله ما رح تندمي

    العجينة بتكون رقيقة , كيف 2 سم , عجينة المربعات ما بتصير , العجينة المطلوبة عجينة مستطيلة الشكل , ما بعرف كيف ممكن تعكلي بالعجينة المربعات , و الحواف على كيفك ممكن تخليهم و ممكن تخلي العجينة بس للأرضية

    نخبزها بالول من تحت و بس ما اشقرت اذا بقي في داعي نخبزها شوي من فوق :)

  12. رنا 15 April 2009

    ايووووووووووه
    ياستي انا هالعجينة بتعمل حماتي فيها الاوزي وانا حبيته وحسيته كتير تغيير شكل عن العجينة هديك الرقيقة كتير يعني عجينة الرقائق
    كنت مخبية الفروجات لاعمل هالاكلة بس بماانه احترت بالعجينة رح استنى لروح عالسوبر ماركت واليوم احترنا بالطبخ قام عملت عالفروجات رز صيني :grin ببقا بس جربها بخبرك
    بس انا استغربت كيف عجينة الباف باستري عندك رقيقة ؟؟ يعني رقيقة كتير متل الورق؟
    انا وقت بتساويها حماتي للاوزي بترقها شي كم رقة وبعدها بتحشيها ؟؟يعني العجينة المطلوبة لهالوصفة رق الورقة ؟؟

  13. رنا 15 April 2009

    يبعتلي شو غليظة رجعت وقريت ردي وشفت شو مخبصة ياستي العجينة اللي عندي بدك تقولي 2 ملم مو سم مافي كتير فرق ما :zzz عن جد اسفة كتير عم خربط بواحدات القياس :grin

  14. منى 16 April 2009

    ايه و لا يهمك , متعودة انا على هل الغلطات البسيطة .. لسا من يوميين الاولاد كان عندهم مذاكرات رياضيات و نتفت شعراتي , بس هلا كملت رح قصهن و اخلص منهن :grin

    العجينة المطلوبة هي الي ذكرتيها يعني بسماطةى شي 2 ملم و بعد الخبز رح تنفش ان شاء الله شوي و بتصير يميي

  15. dado 21 April 2009

    عنجد كتير العنوان لابق للصورة :)
    كيفك منوش؟
    من زمان أنا غاطة.. اشتقتلك.
    حابة جرب هالوصفة بعد كم يوم لأنو عندي عزيمة. بس عندي استفسارين:
    1- بتنصحيني غامر وجربها عالعزيمة ولا اعمل فطيرة اللحمة ع طريقة سيما لأنو التانية مجربتها من قبل وطلعت كتير زابطة وطيبة.
    2- قديش حجم عبوة العجينة؟ لأنو هون في أكتر من قياس : 375 غ و500 غ و750 غ ،فاي وحدة استخدم؟
    وشكرا كتير الك.

  16. منى 21 April 2009

    هلا دالو حبيبتي :)
    انا دايما مشتاقة الك بالذات يا قمر و اتلهف لاقرا ردودك 8)

    الوصفتان قراب لبعض من المبدا و انصحك تجربي هل الوصفة من باب التغيير , و مقدار العجينة هو نفسه الي استعمنلتيه لفطيرة سمسومة ;)

  17. dado 24 April 2009

    مرحبا مرة تانية منى
    بعتذر عم بزعجك بالأسئلة.. بس مالي غيرك استعين فيه لأني ما كتير بفهم باللحومات :sigh
    ممكن ساوي الحشوة قبل بيوم من تخضير الفطيرة؟
    و :sigh ذا كان ممكن.. بتنصحيني خلي :sigh إضافة القشطة والمرق لقبل وقت الخبز مشان الحشوة ما تمتص السوائل؟
    شكرا كتير و جازاك الله كل خير :)

  18. منى 25 April 2009

    هلا دالو :)

    و لو حبيبتي انا بخدمتك و تحت امرك دايما :)
    الحشوة اكيدة ممكن تحضريها و تتركيها بالبراد و بيوم الاعزيمة عودي طبقيها و حطي فوقها المرقة مع القشطة .

    ان شاء الله بتزبط معك و تعجب ضيوفك

  19. dado 27 April 2009

    هاللو

    مبارح حضرتها لضيوفي وطار عقلهن فيها.. وزوجي ما حب ياكل غير قطعة زغيرة على الغدا مشان يزيد منها ويستفرد فيها بعدين :grin
    عنجد منظرها كتير حلو وريحتها بتشهي ومرتبة كتير… وبظن إنو توزيع العجينة هيك أحسن مو بس مشان الشكل وإنما حتى مشان ما تطلع معجنة من فوق.
    جهزت الحشوة قبل بيوم وطبقتها وقت التقديم وكانت تمام التمام .
    شكرا كتير يا قمر :)

  20. gsm 12 March 2010

    سلام عليكم منونة بصراحة انا جربت الفطيرة من كذا يوم وانبني ضميري انو كيف بجربها وما اخبرك على النتائج بصراحة كتيير الوصفة كانت ظريفة وتغير شكل عن اكلات الدجاج التقليدية بس مشكلتها بدها شي جنبها لأنو لحالة كتيير ناشفة وفكرة اضافة القشطة مع الخلطة كانت رهيبة عططتها طراوة رائعة للحشوة بالاضافة لشوية دسامة ظريفة يسلموا ايديك يا رب لأنو انا صاير فيني عم اجرب كم وصفة قبل ما يجوا لعندي بيت حماي خطي خليني اجرب بزوجي بلا ما اجرب فيهن :grin :grin :grin مع انو يللي بياخد وصفاتك ما بيندم الله يجزيك الف خير على هل الموقع ويخليلك ولادك يا رب عن جد انتي المنقذة وقت الازمات :p

  21. اللزيزه 24 April 2011

    رح جربها ان شاء الله اعملت العجينة وهيها بتلاجه وان شالله تزبط :grin

  22. marmour 6 November 2011

    من اطيب الوصفات اللي جربتها واللي صارت تنطلب مني وين ما رحت طبعا انا عملت خليط من طريقتها مع طريقة فطيرة الشاورما والنتيجة بتجنن :grin

  23. تمارا 29 May 2012

    على فكره انا امي شركسيه واسكن في نابلس اكلة الشيبس والباسطا بعملها كتير ذاكيه

  24. Mona 1 June 2012

    يا سلاام تمار , المنيحة ما بدها مشورة , و الله بكون ممنونة ;)

  25. Mona 1 June 2012

    هلا مرمورة :)
    صحة و الف الف هنا و عافية على قلبك يا جميل ;)

  26. Mona 1 June 2012

    هلا لزيزة :)
    ان شاء الله تزبط و تحبيها و تنال رضا اراي العام العالمي :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)