فليفلة محشية على الطريقة التركية


         وصفة : منى                 2009/12/12                 16 تعليقات
فليفلة محشية على الطريقة التركية

·          نقلي البصل  حتى يذبل  ثم نضيف  اللحمه و الفطر و قطعه البندورة بدون قشرها

·          نقسم حبات الفليفله الى قسمين واذا كانت قاسيه نسلقها نصف سلقه اما اذا كانت ناضجه لا داعي للسلق

·          نضع البندورة  المقشرة  في وعاء مع القليل من الملح  والقليل من الزعتر الاخضر حتى  يغلي

·          نضع  حبات الفليفله بجانب بعضها البعض

·          نضع حشوة الفطر  واللحمه  داخل حبات الفليفله و نصب ماء البندورة الساخنه فوقها

·          توضع بالفرن لمدة  نصف ساعه تم تقدم مع الارز

·         بالعادة الاتراك بيقدموها مع اللبن بس انا ما حبيتها لانو مو متعودين عالاكل مع اللبن

   

8 او 9 حبات فليفله حمراء او خضراء كبيرة
لحمه ناعمه
فطر كوب
2 او3 حبات من البصل او الكراث
زعتر اخضر
قطعه بندورة واحدة كبيرة
كوب من البندورة المقشرة

• نقلي البصل حتى يذبل ثم نضيف اللحمه و الفطر و قطعه البندورة بدون قشرها

• نقسم حبات الفليفله الى قسمين واذا كانت قاسيه نسلقها نصف سلقه اما اذا كانت ناضجه لا داعي للسلق

• نضع البندورة المقشرة في وعاء مع القليل من الملح والقليل من الزعتر الاخضر حتى يغلي

• نضع حبات الفليفله بجانب بعضها البعض

• نضع حشوة الفطر واللحمه داخل حبات الفليفله و نصب ماء البندورة الساخنه فوقها

• توضع بالفرن لمدة نصف ساعه تم تقدم مع الارز

• بالعادة الاتراك بيقدموها مع اللبن بس انا ما حبيتها لانو مو متعودين عالاكل مع اللبن


  • وصفات تانية ممكن تعجبك


التعليقات

  1. منى 12 December 2009

    كتيررر بتشهي هل الوصفة و مكوناتها بسيطة و طريقتها واضحة متل كل وصفاتك ندووش

    سلمن يا حق :zzz

  2. ام نور 12 December 2009

    فكرة حلوة سلم هالديات

  3. ام جنى عبيدات 12 December 2009

    شكلها بشهي كتير … يسلم ايديكي لئينا شو نطبخ بكره مع حيره الاكل تبع كل يوم :zzz

  4. بشرى 12 December 2009

    فكرة حلوة والله .. يسلم ايديكي ندوشة , الأكل التركي طيب كتير .. 8)

  5. بشرى 12 December 2009

    ندوشة عم دقق بالصورة هل كإنو حاطة انتي 3 ألوان فليفلة ولا هئ ؟

  6. farah 13 December 2009

    شكلها هالأكلة طيبة انا بحب الفليفلة بأنواعها ويمكن اذا بنزيدلها الحر بتصير يمي اكتر سلمت يداكي يا ندوش
    عزيزتي منى انا بعتلك الاسبوع الماضي طريقة كيك الموز بالميكروويف وما شفتها يا ترى نزلتيها بمكان سري :grin

  7. نادين 13 December 2009

    اهلا وسهلا بالكل وان شاء الله تكون عجبتكون ..هلق وبعد ما تجربوها بصراحه انا بحبها كتير كتير وكل الي داقوها عندي عجبتون
    بشرى انا بستعمل خضرا وحمرا وصفرا وبرتقالي هههه كل الالوان بس اطيب شي الحمرا لانو احيانا الخضرا بتعطي شويه مرار والالوان بتعطي طابع كتير حلو للسفرة من شان هيك بحاول استعمل الفليفله الملونه
    فرح انا معك الحد طيب كتير بالاول واذا حبيتي ممكن تفرمي فليفله حده بالحشوة

  8. رنا 14 December 2009

    الله الله يانادين مابصدق لدوق … بس ماتكون متل كاتو الفريز :grin :grin
    عم بمزح معك يسلم دياتك …بجربها بس ارجع من السفر …لانه صرلي شهر عاملة اضراب عن الطبخ احتجاجا عالفحص ;)

  9. Iman 14 December 2009

    يسلموا ايديكي نادين على هالاكله. كتيير شكلا طيب و متل ما قلتي الوانا كمان حلوه عالسفره. ساضيفها للمنيو في عزيمتي القادمه ان شاء الله. :)

  10. نادين 15 December 2009

    جربيها و عطيني رايك ايمان … رنوش صرت هلق خبيرة انا شو قاعدة عم تحكي .. اشتقتلك كتير اناو كيف الدراسه ان شاء الله بتنزلي وبتنبسطي مع اهلك وبطالعي كل موادك

  11. larooo 15 December 2009

    مساء الخير ندوش
    شكرا كتير عالوصفة شكلها طيب وسهلة.. بس بدي اسأل ليش استخدمنا قطعة بندورة كبيرة مع انو بعدين في بندورة مقطعة ؟ مابعرف اذا السؤال خنفشاري شوي :roll
    الله يعطيكي العافية :zzz

  12. snow whit 16 December 2009

    مرحبا ندوش
    باين ع الوصفة كتير طيبة وحتى مقاديرها سهلة
    إن شاءالله أجربها …

  13. نادين 16 December 2009

    Laroo
    ملاحظه كتير مهمه بس الظاهر انا غلطت كان لازم حط او بيناتون خطا مطبعي

  14. ام رومل 18 December 2009

    يسلمو ايديمي على هالوصفه اللذيذه جربتا طلعت طيبه
    مشتهيه عالكنافه الاصليه مو التقليد يعني الفرك اسويها دائما مره تطلع تمام ومره تطله يابسه و طبعا لما يكون عندي عزيمه بتسودلي وجهي رجاء رحاء المقادير بالضبط وشكرا بلكي الجمعه الجايه اسويها وكل عام وانتو بالف الف الف خير بالسنه الهجريه الجديده اللهم بيض صحائفنا ياالله

  15. منى 21 December 2009

    ام رومل الكنافة عندنا ما في اطيب منها , موجودة بقسم الحلويات العربية ;)

  16. lilithia 31 July 2011

    بصراحة أنا جربتا اليوم لهالأكلة لما اجاني ضيوف على غفلة و لاقيت مكوناتا متواجدة عندي و طريقتا سهلة و بصراحة كانت روعة و كتير حبوها….بس زدتللا بالأخير مية بندورة مشان يكون الها مرقة….

    جد تسلم ايديك :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)