كاب كيك 125


         وصفة : منى                 2009/01/05                 16 تعليقات
كاب كيك 125
125غ زبدة طرية
125غ سكر ( انا حطيت اقل شوي لان ما بحب الحلويات تكون كتير حلوة )
125غ طحين
2 بيض
نصف ملعقة صغيرة فانيلا سائلة و إن كانت فانيلا بودرة نستعمل اقل
ملعقة صغيرة خميرة
نصف ملعقة صغيرة بيكربونات الصودا
2-3 ملعقة حليب





• اولا يجب أن تكون جميع المقادير بدرجة حرارة الغرفة و لازم نحط ورق البليسيه في قوالب الكاب كيك لان راح يطلع هش كتييير و يذوب في الفم و إذا حطيناه فوراً في القوالب راح ينتزع شكله لما بدنا نشيله .
ننخل الطحين و البايكنغ باودر و البايكنغ صودا , نشغل الفرن على 200 درجة مئوية .

• نضع جميع المقادير ما عدا الحليب في خلاط الكوكتيل و نشغل الخلاط حتى يتجانس الخليط مع إضافة الحليب بينما الخلاط يعمل و هيك صار الخليط جاهز .

• باستعمال ملعقة كبيرة نوزعه على قوالب الكاب كيك ثم ندخله الفرن ل 10- 15 دقيقة و ممكن توصل ل 20 دقيقة بس خلي عينك عليهم و شوفي الوقت اللي أخذوه لينضجوا لان تختلف من فرن للتاني و هيك راح تحصلوا على اخف كاب كيك .


ملاحظات :

نايجيلا ساوتلهم تغطية من فوق بس انا ساويتهم سادة و طلعوا كتير طيبين و حضرت التغطية كالتالي بس انا ما جربتها 350غ سكر+ بياض بيضتين ثم نخلطهم بالمضرب الكهربائي + القليل من عصير الليمون و نزين به .
  • وصفات تانية ممكن تعجبك


التعليقات

  1. سمسمة 5 January 2009

    الله يسلم ايديك سارونات أنا كتير بحب شغل نايجيلا بس عندي مشكلة بورق الكب كيك بعد مابطلعه من الفرن مابيطلع الكيك من الورق ومالي عارفة شو المشكلة

  2. منى 5 January 2009

    الله يسلم هل الديات سارونات :)

    كتير حلوة الوصفة و اسمها احلى و احلى و سهلة مقاديرها و كمان ناجيلا لا يعلى على وصفاتها :zzz

    سلم دياتك يا عسل :)

    سمسومة ما في ضرورة اطالعيهم من القالب و اذا كنت بتحبي تطالعيهم ممكن تستعملي قوالب السيلكون ;)

  3. سارونات 9 January 2009

    السلام عليكم و رحمة الله و بركاته
    اهلا و سهلا اختي سمسمة
    اختي منى ما قصرت و جاوبتك على السؤال و ان شاء الله تجربي الكاب كيك و يعجبوكي و متل ما قالت اختي منى ما في داعي تطالعيهم من الورق هنن بيتقدمو بالورق و حتى شكلهم مع الورق احلى
    بالتوفيق
    سلام

  4. سارونات 9 January 2009

    السلام عليكم و رحمة الله و بركاته
    يخليلي ياكي اختي منى و الله يسلمك
    ناطرتك تجربي الوصفة قريبا ان شاء الله
    بالتوفيق
    سلام

  5. souha 9 January 2009

    السلام عليكم :)
    اليوم جربت الوصفة طلعت كتير طيبة و الكاتو فعلا هش و بيدوب في الفم و بالنسبة للورق بسهولة بينتزع من ع الكاتو أنا طلعو معي 12 قطعة مو 13 لأني عبيتهم شوي زيادة لأنو هي أول مرة بعمل كب كيك متعودة إعمل الكاتو بالقالب
    الله يجزيك الخير ;)

  6. سارونات 13 January 2009

    السلام عليكم و رحمة الله و بركاته
    يا فرحتييييييييييييييييييييييييييييييي :grin الحمد لله انه ضبط معاكي و عجبك كتير فرحت و كمان اول مرة تعملي كاب كيك بهنيكي بنجاحك الحمد لله و ان شاء الله تساوي كاب كيك كمان و كمان
    ربنا يوفقك و ينجح كل وصفاتك
    سلام

  7. منال 2 February 2009

    سلام عليكم انا كتير مبسوطه بمعرفتي بموقعكم وعجبني كتير وجربت اكتر من وصفه وطلعت بتجنن :zzz

  8. منى 2 February 2009

    هلا منال :)
    و انا الي اسعد و الله , الف صحة على كل وصفة جربتيها و نورتي الموقع اختي 8)

  9. سارونات 2 February 2009

    السلام عليكم و رحمة الله و بركاته
    اهلا و سهلا اختي منال مبروك نجاح الوصفات اللي عملتيها و ان شاء الله تجربي كمان وصفات تانية و من بينها هالوصفة :grin )) عم بعمل دعاية ))

    اختي منى فرحت كتير لان الوصفة انحطت بالصفحة الرئيسية و ان شاء الله كلكم تجربوها و تضبط معكم
    سلام

  10. dado 21 February 2009

    مرحبا
    من حكيكن على هالكيك شجعتوني كتير إني اعمله مع إنو بفضل الكيك يلي فيه نكهات.
    بس عندي استفسار سارونات.. بالمقادير حاطة خميرة وبالشرح قايلة نخلط البيكنغ باودر فـ شو المزبوط؟ :roll
    وألف شكر إلك

  11. dado 22 February 2009

    مرحبا كمان مرة
    ضليت انتظر الجواب بعدين ما حسنت قاوم.. خلص دخلت الوصفة لدماغي وما عاد تطلع حتى جربها :grin
    رجعت قريت الوصفة وقلت طالما في كلمة “ننخل” معناتها بيكينغ باودر مو خميرة وعملت الوصفة ونفش الكيك كتير وعنجد خفيف وطيب وقوامه ما بيشبه الكيك العادي.
    أنا عملت متلك وحطيت أقل من 100 غ سكر وطلعت حلاوته تمام بالنسبة إلي.
    يسلم إيديكي وبانتظار اطباق تانية منك :)

  12. سارونات 25 February 2009

    السلام عليكم و رحمة الله و بركاته
    عنجد ما تواخزيني اختي دادو كنت عطول طل على الوصفة اذا في شي سؤال بس باخر اسبوع ما شفتها مشان الله تسامحيني لازم اخذ قتلة على هالعملة

    فرحت كتييييييييييير لان نجحت معك الوصفة الحمد لله و منيح اللي نبهتيني على الخطأ هي بايكنغ باودر ما بعرف كيف كتبتها خميرة الحمد لله انك عرفتيها
    اختي منى يا ريت لو تصححي الخطأ و تغير كلمة خميرة بيابيكنغ باودر
    بالتوفيق
    سلام

  13. سارونات 18 March 2009

    السلام عليكم و رحمة الله و بركاته

    اختي منى يا ريت لو تستبدلي كلمة خميرة ب بايكينغ باودر مشان ما يصير في لبس

    بالتوفيق
    سلام

  14. رفيف محمد 10 October 2009

    أخت منى ياأحلى أخت
    أهنيكي بأحلى موقع شفته عن جد
    واتمنى لك دوام التوفيق والرقي
    سؤالي
    ممكن أحط سمنة مازولا بدال الزبدة
    :)

  15. منى 11 October 2009

    هلا رفيف :)
    هادا من زووءك اختي , الف شكر الك لكلامك الحلو :zzz

    ممم , هلا الزبدة اطيب , بس اذا مو متوفر احيانا استبدلها بسمنة مازولا و ممكن نص الكمية زبدة و نصها سمنة ;)

  16. نزيهة 25 November 2012

    جربتها المرة الاولى طلعت كتير طيبة بس المرة 2لما خرجتها من الفرن ماكانت ناشفة من الزبدة ليششششش؟؟؟؟؟ :? [*]null[B][/B]

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)