كاتو الحلاوة


         وصفة : منى                 2010/01/27                 25 تعليقات
كاتو الحلاوة



خمس بيضات من الحجم الصغير أو أربعة من الحجم الكبير( بدرجة حرارة الغرفة)
كوبان و نصف دقيق
كوب سكر
ملعقتان صغيرتان فانيليا
ثلاث أرباع كوب حليب
ثلث كوب زيت
ملعقتان صغيرتان بايكينغ باودر
ملعقة صغيرة قرفة
رشة ملح
200 غرام حلاوة ( تفتت بالشوكة إلى قطع صغيرة)

للصوص:

علبة قشطة ( أنا أضع علبة القشطة قبل الفتح في الفرن و هو دافئ ،طبعا يكون مطفي)
ثلاث ملاعق كبيرة سكر
ثلاث ملاعق كبير طحينة
القليل من الحليب







• نشغل الفرن على درجة حرارة 180 و نجهز قالب الكيك بدهنه بالزيت و رشه بالدقيق

• نخفق البيض لمدة دقيقتين حتى تظهر الرغوة الخفيفة ثم نرفع السرعة و نضيف السكر و الفانيليا بالتدريج و نستمر بالخفق حتى يبيض لون المزيج( حوالي 10 دقائق)

• في هذه الأثناء ننخل الدقيق مع البايكنغ باودر و الملح و القرفة( أنا أنخلهم مرتين حتى يصبح الكيك خفيف و هش)

• نخلط الحليب مع الزيت في وعاء منفصل

• بعد النتهاء من خفق البيض نضيف مزيج الدقيق بالتناوب مع مزيج الحليب و الزيت على عدة دفعات و نحرك بملعقة خشبية من أسفل إلى أعلى ( كل ما كلانت الكمية المضافة قليلة و عدد المرات أكتر رح تضمني نجاح الكاتو

• في الآخر نضيف الحلاوة المفتتة و نخلط حتى نوزعها في المزيج

• نصب الخليط في القالب و نخبز لمدة 45 إلى 50 دقيقة

• نخرج الكاتو من الفرن و نتركه حتى يبرد قليلا ثم نقلبه على الشبك و نتركه يبرد تماما

• نجهز الصوص بأن نمزج السكر مع القشطة الدافئة حتى يذوب السكر ثم نضيف الطحينة و نمزج و نضيف القليل من الحليب حتى تصبح يكثافة تمكننا من صبها على الكاتو دون أن تسيل كثيرا

• قبل التقديم يزين الكاتو بالصوص و يمكن أن نزينه بالفستق الحلبي المحمص و المدقوق. و صحة و هنا
  • وصفات تانية ممكن تعجبك


التعليقات

  1. منى 27 January 2010

    كتير الكيك سهل و طعمته مع القرفة و لا أطيب , طري و خفيف و طعمته مميزة .

    الصوص اترددت حط الطحينة الصراحة , بس بعدها اتشجعت و طلعت طعمته طيبة و مو واضحة أبدا و حتى خواتي فكروا اني ضايفه حليب نسلة , بس كل الصغار حبوا الكيك سادة من دون الكريم .

    الف شكر الك ميس على هل الوصفة و الوصفات التانية , و ان شاء الله هي الاولى و خواتها لاحقاتها ;)

    هي تطبيقي

    [img]http://photos-e.ak.fbcdn.net/hphotos-ak-snc3/hs132.snc3/17969_1338912951446_1189823388_1042296_1634613_n.jpg[/img]

  2. freesoul 27 January 2010

    منظره بيشهي هالكاتو والصورتين طالعين بيجننوا وبيفرفحو القلب.انا بعشق الكاتويات بكل اصنافها وان شاء الله التطبيق قريبا.يسلمن هالديات يا حق

  3. ام نور 27 January 2010

    سلم دياتك ميس كتير شكلو حلو وفكرة الطحينة والحلاوة مميزة الله يبارك فيكي

  4. ام نور 27 January 2010

    عندي سؤال حبابة لو سمحت بالنسبة لا القشطة قصدك قشطة نستله العلبة الصغيرة :?

  5. DOUHA 27 January 2010

    شكلو بيجنننننن يسلموا ميس ومنى

    بكرة اذا مافي برد رح جربوا

  6. ام عمر 27 January 2010

    تسلم ايد يلي عطت الوصفة وتسلم ايد يلي طبقت :) :zzz ;)

  7. TENDERNESS 1 February 2010

    لما قرأت العنوان صارو عيوني هيك :eek معقول في كيك بالحلاوة ، فكرة كتير حلوة خاصة انو مدينتي مشهورة بالحلاوة والطحينه بفلسطين وهالشي بشجعني اطبقها، ان شاء الله بعملها وبجيبلكم الصور . الي ملاحظة صغيرة الموقع كتير بفتحو وبيكون معطل شو السبب؟!! والشغله التانيه النسخ لصق مش موجود يا عمي والله ما بدنا ناخد الفكرة لاي منتدى تاني ابدا، بس اسهل للنقل حطها بملف واحفظها على الموبايل بدل ما انقلها وتتعب ايدي من الكتابة ، فياريت تفعلو هالخاصيه وشكرا كتير الكم

  8. farah 1 February 2010

    شو القصة كأن الموقع كان موقف :cry
    يا لطيف شو استفقدتله بهالكم يوم اللي وقف
    صدقيني يا منى صرت حس كأني مقطوعة عن اهلي صحيح انا حاليا بين أهلي بس يشهد الله اني بحسك وحدة منهم
    بالنسبة للوصفة سلم دياتك يا ميس شكلها طيبة بس كأنها دسمة شوي :zzz
    بس اكيد بدي جربها

  9. Mays 1 February 2010

    أول شي الحمد لله على سلامة الموقع
    بصراحة افتقدتلك كتير و لكل الأخوات و خاصة إنك حتى ع الفيس بوك ما كنتي كتير تفوتي
    إن شاء الله ما بتنعاد

    ثاني شي شكرا كتير منى لإنك نزلتي الوصفة ، ما بتعرفي أديه فرحت لما شفتها ع الصفحة الرئيسية.

    أنا هالكاتو إلو معزة خاصة عند كل العيلة و بين كل نوع جاتو و التاني بيطلبوا كاتو الحلاوة

    و متل ما قالت منى هو كتير سهل و طيب و أكيد فيكن ما تحطوا الكريمة ع الوش بس إذا جربتوها رح تلاقوها تغيير شكل.

    إن شاء الله يعجبكن

  10. Mays 2 February 2010

    إن شاء الله يكون الكاتو على ذوقكن حبيباتي
    freesoul كمان الطعمة طيبة إسأليها لمنى

    حبيبتي إم نور ، إي أنا قصدي علبة قشطة نستله و بظن بيجي منها قياس واحد بس.

    إن شاء الله تجربي و يعجبك يا ضحى و صحتين مقدما

    إختي إم عمر الله يسلمك يا رب و إن شاء الله تجربي و يعجبك ، على فكرة أنا كمان ام عمر

    إختي tenderness بصراحة أنا كمان صار فيني متلك أول ما سمعت بالوصفة بس بتستاهل التجربة و فعلا الحلاوة و الطحينة كتير طيبين و نحنا بالعيلة عندنا إدمان عليهن

    مظبوط كلامك يا فرح ، لما الموقع بيوقف بصير عندي إحباط خصوصي إذا كان بدي و صفة و ما كون كاتبتها من قبل متل ما صار بكاتو البرتقال
    و الله يسلمك يا رب ، أنا ما بحسه كتير دسم يا ريت تجربيه إذا صحلك.

    :) :) :) :)

  11. منى 2 February 2010

    هلا فرح :) الله يخليك اختي و ربي يديم المحبة دوما و الله يخليلك حبابك حولك و حواليك :zzz
    على فكرة الكيك مو دسم ابدا , بالعكس خفيف و هش

    ميوسة الشكر الك للوصفات الطيبة و ان شاء الله دوما مجتمعين على الخير

  12. منال 2 February 2010

    سلام عليكم كيفكم انا كتير استغربت من الوصفه ما ظبطت في مخي حلاوة مع الكاتو اما بالنسبه للكاتو هذه نفس مقاديري لهبس انا بحط كاس حليب ونصف كاس زيت بيطلع تحفه واحيانااخلي شويه واضيف لهم كاكاو واخلطهم واضعهم بشكل عشوائي على الوجه بيطلع اكتر من رائع اشتقنالكم

  13. dentamaniac 2 February 2010

    فكره فعلا جديده
    تسلم ايديكي
    بلكي بجربها قريبا

    منمن
    انا صابني اكتئاب بس توقف الموقع
    انا كتير بعتمد عليه
    و خصوصا لما بحتار شو بدي اطبخ و بكون بدي شي مميز و مضمون :)

  14. رامو 2 February 2010

    مممم شكله كتيير بيشهي واكيد اليوم راح جربه تسلم ايديك ياميس ويا ست منى

  15. منى 2 February 2010

    هلا حنان :)
    و الله اختي مو عارفة شو قلك , بس هادا الحل الوحيد لحماية وصفات الموقع و الله و الله اذا عليكن انا ما ببخل ابدا , بس القصة اكبر من هيك بكتير و انت ما بتحبي اتضرر , صح ؟

    تشتاق الك العافية منال :)

    دكتورتنا الحلوة , الله يخليلي ياكي يا رب يا زووء , خجلتيني يا قمر و هادا من زووءك
    على فكرة اليوم شفت وصفة الدجاج بالبرتقال و خرطت مشطي كتيررر , ممم هياتي رح جربها قريب ;)

    هلا رامو :)
    الله يسلمك اختي , نورتينا

  16. farah 2 February 2010

    على فكرة اختي منى انا عم احفظ الصفحات على جهازي وصرت عاملتلك ملف فيه عشراااات الوصفات :zzz
    ما بعرف اذا بتحبي اشرح الطريقة للأخوات ضيفي هالرد واذا بتخافي من القرصنة براحتك بس شفت كتير اخوات متحرقين ليحتفظوا بوصفاتك الرائعة
    على كل حال انا عندي المتصفح للنت اسمه mozilla firefox
    بفتح بأعلى الصفحة الfile ومنه بضغط save page as..
    وهيك بتنحفظ الصفحة كاملة باسم الوصفة وبصراحة بعد ما بسكر النت بقعد بالساعات بفصفصلك هالوصفات وبقرأ الردود كلها اللي حببتني بمعظم الأخوات المشتركات وبسجل الصفات المميزة على دفتر مشان يكون رفيقي بالمطبخ شو رأيك بشطارتي :zzz :zzz

  17. منى 3 February 2010

    برافو عليك فروحة و منيح الي قدرتي تحفظي الوصفة بطريقة تناسبك و ان شاء الله تستفيد من هل الملاحظة بقية الاخوات ;)

  18. Mays 3 February 2010

    شكرا كتير فرح على هالفكرة
    أكيد تحل مشكلتنا إذا كان النت مو شغال و نضطر نعتمد ع الذاكرة التعبانة

    شكرا مرة تانية :zzz

  19. farah 3 February 2010

    العفو خجلتوني اي خدمة ما بنقصر اذا الله راد 8)

  20. DOUHA 6 February 2010

    جربتوا مبارح طلع طيب كتير بس طلع معي لونو افتح من لون كاتو منى بشوي
    ياترى منى ضايفة 1 ملعقة كبيرة قرفة؟؟

    والكريمة طلعت طيبة
    الغريب اني صار كاتوهات بالكوسا والسبانخ والبادنجان والحلاوة ,,,,,,,, الخ جد شي حلوو

    شكرا منى وميس
    ممنونة ;)

  21. منى 6 February 2010

    الف هنا و عافية ضحى :)
    ما بذكر اني غيرت شي بالوصفة , بقى اتوقع اني استعملت بس ملعقة صغيرة

    ضحى ما في كاتو بانجان , بس الله كريم :grin

  22. Mays 6 February 2010

    إن شاء الله ألف صحة و هنا يا ضحى
    كتير انبسطت إنو عجبك :zzz
    هلق أنا كمان بيطلع معي أفتح من صورة منى ، يمكن الإضاءة إلها علاقة

    هلق أنا لسا ماسمعت بكاتو الباتنجان ، بس مرة شفت برنامج بقناة بي بي سي فود عملوا كاتو بالشوندر و على ما أذكر كانت طريقته سهلة و طلع لون أحمر بيجنن
    شكلي رح أدور على الوصفة و جربها و بشوف إذا الطعمة متل الشكل ببقى ببعتلكن الطريقة 8)

  23. منى 7 February 2010

    يمكن الاضاءة :roll

    انا عندي كاتو شوندر , بيطلع طري بياخد الاعل بس مو لونه أحمر , نفس لون كيك الحلاوة , هو بيكون احمر قبل ما تحطيه بالفرن , بس ما طالعتيه بيتغير لونه :zzz

  24. Mays 7 February 2010

    و الله يمكن متل ما عم بتقولي يا منوش لإنو هنن ما قسموه بعد ما طالعوه من الفرن.

    يالله ، مستنيين الطريقةالمضمونة بدل ما اقعد دور و ببحبش و ما يطلع معي شي.

  25. منى 7 February 2010

    تكرمي :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)