كاتو الشوكولا و الزبادي


         وصفة : منى                 2008/03/19                 48 تعليقات
كاتو الشوكولا و الزبادي

·          يحمى الفرن على درجة حرارة 180 درجة مئوية , ينخل الطحين مع البيكنغ بودر و الكاكاو و الملح و بيكربونات الصوديم مرتان , تدهن صينية فرن بالزبدة  .

·          توضع الزبدة الطرية في كوب فارغ و يغطى الكوب ثم توضع في الميكروويف و يشغل بربع الطاقة حتى تذوب الزبدة تماماَ .

·          يخفق البيض و الفانيليا و بشر الليمون حتى ينتفخ البيض و يبهت لونه ثم يضاف السكر و يخفق المزيج جيداً حتى يسمك .

·          يضاف اللبن و الحليب و الزبدة المذوبة و يقلب الكل بلطف ثم يضاف الطحين المنخول و يقلب مزيج الكاتو بلطف حتى يتجانس .

·          يصب المزيج في الصينية المدهونة و يخبز لمدة 40 -  45 دقيقة أو حتى ينضج .

·          يترك الكاتو في القالب لمدة عشر دقائق بعدها يقلب على مشبك سلك و يترك حتى يفتر , يوضع القالب على طبق التقديم ثم تغز الكيكة باستخدام سكينة حتى يدخل الصوص لقلب الكاتو .

·          يحضر صوص شوكولا المارس و يصب و هو ساخناً فوق الكاتو الفاتر كي يحافظ الصوص على لمعته و يترك حتى يبرد ثم يزين بالجوز أو بالشوكولا المبشورة حسب الرغبة .

   




2 بيض بدرجة حرارة الغرفة
كوب و ثلاث أرباع الكوب سكر ناعم
فانيليا
بشرة ليمونة حامضة
نصف كوب زبدة طرية ( ما يعادل نصف باكيت 200 غ )
ثلاث أرباع كوب لبن زبادي ( يفضل استعمال لبن البقر أو لبن الغنم بشرط أن يكون غير حامض )
ثلاث أرباع كوب حليب
2 كوب طحين حلويات
ثلثي كوب كاكاو
2 ملعقة صغيرة و نصف بيكنغ بودر
رشة ملح
رشة بيكربونات الصوديم





• يحمى الفرن على درجة حرارة 180 درجة مئوية , ينخل الطحين مع البيكنغ بودر و الكاكاو و الملح و بيكربونات الصوديم مرتان , تدهن صينية فرن بالزبدة .

• توضع الزبدة الطرية في كوب فارغ و يغطى الكوب ثم توضع في الميكروويف و يشغل بربع الطاقة حتى تذوب الزبدة تماماَ .

• يخفق البيض و الفانيليا و بشر الليمون حتى ينتفخ البيض و يبهت لونه ثم يضاف السكر و يخفق المزيج جيداً حتى يسمك .

• يضاف اللبن و الحليب و الزبدة المذوبة و يقلب الكل بلطف ثم يضاف الطحين المنخول و يقلب مزيج الكاتو بلطف حتى يتجانس .

• يصب المزيج في الصينية المدهونة و يخبز لمدة 40 - 45 دقيقة أو حتى ينضج .

• يترك الكاتو في القالب لمدة عشر دقائق بعدها يقلب على مشبك سلك و يترك حتى يفتر , يوضع القالب على طبق التقديم ثم تغز الكيكة باستخدام سكينة حتى يدخل الصوص لقلب الكاتو .

• يحضر صوص شوكولا المارس و يصب و هو ساخناً فوق الكاتو الفاتر كي يحافظ الصوص على لمعته و يترك حتى يبرد ثم يزين بالجوز أو بالشوكولا المبشورة حسب الرغبة .




  • وصفات تانية ممكن تعجبك


التعليقات

  1. ام نور 19 March 2008

    السلام عليكم ,
    كيفك اخت منى ؟انشالله بخير شو هالكيك الرائع حليب ولبن اكيد طعمة ولا اطيب انشالله رح جربو وخبرك

  2. منى 20 March 2008

    و عليكم افضل السلام و اتم التسليم ام نور حبيبتي , الحمد لله رب العالمين انا منيحة و باحسن حال من فضل الله علي :)
    ان شاء الله تجربيه و يكون متل ما بتحبي :)

  3. أم مــــالــــك 20 March 2008

    يمي يمي
    رح اعتمدها اكيد بالوصفات ولو انها دسمه :grin

  4. منى 20 March 2008

    ان شاء الله تجربيها و يا رب تكون على زوءك ;)

  5. رندوش 21 March 2008

    تسلمي عزيزتي منى وصفه شهيه
    وخاصه الصوص طيب خالص مشكوره :upset

  6. منى 21 March 2008

    الله يسلمك رندوشة يا قمر و الشكر ليك على الردود الحلوة :)

  7. أم عباده 21 March 2008

    عزيزتي منى والله حيرتي كل ما بقول بدي أعمل هالكاتو بتحطي واحد جديد وبقول لحالي ياترى مين أطيب وأختي العزيزه أم تسنيم مصره تجرب كل الكاتو اللي بالموقع وكل ما جربت شي بتقلي مو معقول كتير طيب ورائع وقولتا ريجيم الكاتو أحسن شي فالله يعطيك ألف عافيه بس بدي أسالك شو اللي بيعملوا اللبن بالكاتو واقترحي علي نوع سهل ومضمون لانو عندي حفله يوم الاحد وبدي اعمل كاتو فشو اختار
    الله يخليك ما تتأخري على بالرد مشان الحق اجهزو يوم الاحد صباحا

  8. منى 22 March 2008

    أسفة حبيبتي أم عبادة , هلأ أنا عم حاكيك من الشام, فتت و شفت ردك ان شاء الله ما أكون اتأخرت :roll

    و الله أختي عن جد بتمنى تجربي كل الانواع لان كل نوع نازل هون بيكون جربت قبل ماأحط الوصفة كذا واحدة لحتى واحدة منعهم تخش دماغي :grin

    اللبن بيعطيه طراوة غير شكل , و النوع السهل و المضمون ما الك الا كاتو الزبادي على طريقتي أو كاتو السبانخ الاتنتين مميززين و سهليين , و هدا النوع كمان سهل و الاولاد بيجنوا عليه , بس يمكن يصير توسيخ من الكريما ;)

  9. omtasneem 23 March 2008

    السلام عليكم ورحمة الله وبركاته. شكلو بيشهي بس عندي سؤال طعمة اللبن بتكون ظاهرة وخصوصي حسب اللبن اذا كان حامض مشكورة عزيزتي منى

  10. Rino 24 March 2008

    ألف شكر منى عالوصفةالتحفة
    الحقيقة أنا بعملها بنفس الطريقة بس بستعمل بدل الزبدة زيت و الخمائر عبارة عن 4/3 م ص بيكنغ باودر و 4/3 م ص صودا و لما بخبزها بحاول أخلي الوش فيه بعض اللزوجة ولادي كتير بيحبوها و بيني و بينك أنا لو بيصحللي آكل بس الوش ما بقول لأ
    فعلا الكيكة روعة متل كل كيكاتك و بنصح الكل يجربوهاو بإذن الله ما رح يندمو
    تعيشي منى و تجيبي وصفات كمان و كمان

  11. منى 24 March 2008

    هلا رينو :) الله يخليلي ياكي على هل الكلام الحلو ;)
    رينو أحيانا لما بتكون الزبدة مو متوفرة باستخدم الزيت , بس الزبدة أطيب , و لو جربتيها رح تحكمي بنفسك 8)

  12. منى 24 March 2008

    لا ما رح تكون طعمته واضحة , و كمان أكيد لا تستعملي لبن حامض , إذا لبن بقر بيكون أحسن ;) مية اهلا و سهلا ام تسنيم

  13. أم عباده 24 March 2008

    شوهالكاتو يا منى تسلم دياتك كتير طلع لذيذ والكل حب الطعمه والاولاد طار عقلون عالكريما ولوتشوفي صوره عباده والكريمامغطيه كل وجه وشوي من لبسوا كمان :grin بس يالله هنا على قلبه والله يعطيك الف عافيه لانك ما تأخرتي علي بالردومبين كنت بالشام من الكلمات الشاميه مو هيك خيتو :grin :)

  14. منى 24 March 2008

    هناااااا يا رب على قلبك و قلب عبادة حبيب قلب ماماته ;)

    و الله كشفتيني , انجقم لساني , بس هلا رجعته لأصله :grin

  15. نورا 25 March 2008

    ياي يا منى… عملته وطلع بيجنن… كتير كتير كتير طيب ومن البارحة مساءً لليوم المساء طار نص القالب… بس على فكرة عملته من دون الصوص وجنيت عليه بقى كيف لو مع صوص؟؟؟ كان طار القالب كله… ;)
    والله يا منى شكلك رح تطيريلنا الريجيم وهاالكم كيلو اللي نزلوا… :grin

  16. منى 26 March 2008

    صحة و هنا على قلبك و قلب سامي الصغنون :) و نحنا أهم شي عنا في الموقع ان واحد ينسى الريجيم قبل ما يفوت من الباب و الا بيطير عقله من الشبااك :grin

  17. نهى 6 April 2008

    ماشاء الله يامنى.. جربت الكيك ده وطلع رهيب فعلا.. تسلم ايديكى كتير
    المرة الجاية ح اجربه بالناناس والكريما ان شاء الله بس مش عارفة هو اللى عليه الدور الاول ولا السويسرول.. لان السويس رول عندنا له جاذبية خاصة :)

  18. منى 9 April 2008

    ان شاء الله بتجربي الاتنين وبيعجبوك و كل واحد يهم ألذ من التاني ;)

    صحتين و هنا نهولة

  19. أم مــــالــــك 16 April 2008

    انا زوجي جاي من سفره يوم الجمعه وناويه اعمله سفرة مرتبه وليمة كامله يعني مع حلويات :roll شفت وصفاتك احترت كتير شو اطبق وأطبق منها :upset والي زاد الطينه بلل اني اليوم وقعت على رجلي واعملت غرز فيها يعني مو ئادرة أوقف عليها :cry بليزبليز منى تعالي ساعديني

  20. منى 16 April 2008

    و انا متل حكياتك , عندي عزيمة مهمة يوم الجمعة , شو رايك اسكبلك من طبخاتي و خلصنا ;)

    عليك ان شاء الله الف عافية و من غير شر يا رب :roll ابقي طمنيني عنك

  21. وردة 21 May 2008

    السلام عليكم تسلم ايديكي على هالكيكة الروعه بس اذا سمحتي اعطيني طريقة صوص المارس لاني بدي جربها ودمتي بود

  22. منى 21 May 2008

    هلا وردة :) اسمك بيجنن أنا بموت على الورد و الفل و الياسمين ;)

    اختي الصوص بتشوفيه على [URL=http://www.l2ma.com/content/view/363/2/]هل الرابط[/URL] و اي سؤال من عيوني

  23. وردة 22 May 2008

    اشكرك كتير على اهتمامك وهذا من لطفك يا زوء بس معليش اتحمليني شوي بدي اسالك كمان شو بتقصدي لبن زبادي ما يكون حامض ؟ يعني الزبادي اللي في العلبة وبيكون جامد ولا اللبن الحامض وينشرب ؟

  24. منى 22 May 2008

    بقصد فيه اللبن الي بيكون بالعلب , و ال بقصد أن ما يكون حامض هو للأخوات في سوريا لان نحنا اللبن بيجي بعلب كبيرة و في لبن بقر و لبن غنم و لبن الغنم بيتميز بحموضته ;)

    أنا وردة هون بس لحتى جاوب عن اي استفسار أو سؤال , أي شي تاني أنا بانتظارك :zzz

  25. وردة 23 May 2008

    السلام عليكم شكرا كتير ليكي يا حبيبة قلبي الله يعطيكي العافيه جربت الكيكة وطلعت كتير طيبه بس بدي اسالك شو فايدة الملح في الكيكه؟ لاني كنت مارح حطه بعدين قلت لنفسي احسن اتبع التعليمات بدقه وطلعت جونان :grin شكرا

  26. منى 23 May 2008

    هناااا و عوافي وردة :) كتير انبسطت انها عجبتك و طلعت جونان لانها من تحت ديات الورد الحلو :zzz ..

    الملح , رح ندخل درس على علوم, لتحقيق التوازن بين الطعم الحلو و المالح على اللسان و ذا سر بسيط في كل أنواع الحلويات تقريباً ;)

  27. غرام 11 July 2008

    تسلم ايدك يا قمر

  28. منى 19 July 2008

    هلا غرام :)
    الله يسلمك نورتي :)

  29. سارونات 19 August 2008

    السلام عليكم و رحمة الله و بركاته
    جازاك الله خيرا اختي منى على الوصفة المكونات عم تخليني اتخيل الطعمة اللي اكيد بتكون كتير حلوة اللبن مع الحليب و بشر الليمون والكاكاو و ستتم التجربة ان شاء الله
    بدي اسال عن كمية الزبدة هل هي 100 غرام لان ما عرفت ازا قصدك بال 200غ هو الباكيت او نصو فيا ريت توضحيلي لان اعتقد ان نصف كوب زبدة يساوي 100 غرام
    و كالعادة بدي عزبك معي و اطلب مني ازا بتقدري حجم الصينية مشان الله تسامحيني لاني عم اتعبك معي و ان شاء الله نتيجة تعبك تكون خير
    و هلأ المشكلة بصوص شوكولا مارس لانه دسم يمكن جربو شي يوممشان دوق الطعمة بس بهالفترة ما فيني ساوي شي دسم فيا ريت لو تقدري تعطيني وصفة لصوص تنفع تنحط فوق هالكيكة و تكون خفيفة
    بالتوفيق
    سلام

  30. منى 19 August 2008

    هلا أختي :)
    الزبدة 100 غرام و الصينية دائرية بقطر 22 أو 24 سنتيمتر و طبعا الحرف بيكون عريض , أقصد أن تكون حوافها سميكة ;)

    ان شاء الله رح حط وصفة لصوص سهل و بسيط , تكرم عيونك

  31. مريوم 23 September 2008

    في البداية هذه اول مشاركة لي في هذا الموقع الظريف… ولكن عندما رأيت أن من يرعاه إسمها منى استبشرت لانه اسم السعد عندي فهم اسم اختي الغالية و اعز صديقاتي و ام زوجي و الظاهر سيكون معلمتي بالطبخ و التي سأذكرها حتى آخر مسيرتي في المطبخ ….
    عزيزتي منى أنا أشهد لك بالنفس الرائع و التفنن في المطبخ ” اسم الله عليكي” و الله يعينك عليي :roll
    على العموم وصفة الكاتو رائعة و انا البارحة عملت مثل هذه الوصفة ولكن الظاهر المقادير تختلف قليلا، ولكن أريد أن أسألك كيف أحافظ على حجم الكيك بعد أن اخرجه نافش من الفرن ، حيث بعد 5 دقائق تقريبا يبدا بالهبوط حوالي 20% من حجمه يتقلص …
    شكرا جزيلا اختى العزيزة
    “جارتكم من لبنان”

  32. منى 24 September 2008

    هلا مريومة :) نورتي و مية هلا فيك و بكل اهل لبنان الحلويين , يا ستي ما بقى بيطلع النا نحكي , الطبخ و النفس خلق لأهل لبنان ;) ..

    هلأ شوفي مريومة الكيك لما بينزل بعد ما العيه من الفرن اله عدة اسباب , انتي شوفي شو صار معك منهم , أول الشي حرارة الفرن بتكون عالية كتير , أحسن حرارة لخبز الكيك 180 درجة .و السبب التاني انك طالعتيه من الفرن و قلبه لسا مو مستوي , يعني صح نفش بس قلبه من جوى عجين , و كمان ممكن يكون الفرن انضرب شي ضربة قوية أثناء الخبز و أخر الشي انك فتحتي الفرن قبل وقته لهيك دخل الهواء و خلاه ينزل :roll

    مية هلا فيك و بكل زوارنا من لبنان , يا ستي حلت البركة

  33. مريوم 24 September 2008

    الله يسلمك يا ست المزوقين، هو الظاهر اذا طابت اللقمة يطيب الفم، الظاهر ان حرارة الفرن كانت عالية 300 درجة , ولكن تركته ساعة بالفرن لان طبقة العجينة بالصينية كانت كبيرة … فالظاهر هذه المشكلة و لا شو رايك يا قمر حلب و سوريا… 8)

  34. منى 25 September 2008

    هلا مريومة :) تسلمي أختي على الكلام الحلو ..

    هلا شو قصدك حرارة الفرن 300 ؟ ليكون فهرنهايت , انا بقصد 180 مئوية , إذا كانت حرارة الفرن عندك فهرنهايت و كنت حاططيها على 300 فهي هي المشكلة لان درجة الحرارة المناسبة هي 350 فهرنهايت , الصينية اذا كبيرة أو صغيرة مو مشكلة المهم الشغلات الي قلتها قبل , متل حرارة الفرن و انك ما تفتحي باب الفرن و غيره ..

    ان شاء الله تجربي شي وصفة من الموقع و تعجبك و مية اهلا و سهلا فيك مرة تانية مريومة

  35. alraunak 22 January 2009

    عملت هالوصفة و كتير طيبة و بدي ابعت صورة بس ما عرف :?

  36. منى 23 January 2009

    هلا فيك أختي :)

    الف صحة و هنا و عوافي بكل لقمة , و فيك تبعتي الصورة عن طريق مراسلتي على الايميل , بكون مبسوطة فيها كتير

  37. مروة المصرية 3 May 2009

    السلام عليكم

    انا من مدة لم ادخل الموقع لانى حامل وتعبانة شوية
    بس من يومين دخلت لانى محتاجة للكيك بشوكولا
    واخدت الوصفة وبجد ممتازةولذيذة وابنى حبها جدا
    وماشاء الله مقاديرك بالظبط
    اشكرك وتسلم ايديك ودائما فى تقدم

  38. منى 3 May 2009

    الف سلامة عليك , ان شاء الله امورك هلا صارت احسن و الحمل منيح :?

    الف هنا و صحة و عافية على قلبك و قلب ابنك و كل عيلتك و بصحة دايما يا رب

  39. BaSmAa 26 June 2009

    ما شاء الله عليكي يا ست منى
    اللي بيدخل الموقع ما بيعرف ايمتى يطلع من حلاوة الوصفات وروعتها
    ربي يبارك فيكي ويزيدك من نعيمه
    ألف ألف شكر

  40. منى 26 June 2009

    هلا بسمة :)
    الله يحفظك يا قمر و انت طولت علينا الغيبة هل المرة , ان شاء الله خير
    يا رب تجربي شي وصفة و تعجبك حبيبتي و مية اهلا و سهلا فيك

  41. BaSmAa 29 June 2009

    بدك الصراحة
    والله ما عرفت كيف طريقة كتابة المواضيع وادراج الصور
    ومشاغل السفر كمان أثرت علي
    إن شاء الله بتشوفيني بالموقع دائما
    وبالنسبة للتجريب ما شاء الله وصفاتك مميزة جدا وعم استفيد من ملاحظاتك كتير وخبرتك ما شاء الله
    والى لقاء قريب بإذنه تعالى

  42. منى 1 July 2009

    و لا يهمك بسومة :) ان شاء الله هلا مشي الحال و يا رب تجربي شي وصفة و تكون يممي

  43. منى 2 July 2009

    يلا بسومة ان شاء الله هلا مشيالحال و الحمد لله على السلامة:)
    و اتمنى ان تتواجدي دوما , بينور الموقع يا عسل :zzz

  44. سارونات 7 July 2009

    السلام عليكم و رحمة الله و بركاته

    ساويته امبارحه و شو طلع طيب و ما احتجت حطلو صوص خليتو سادة و طلع كتير هش و خفيف و نفش كتير مع اني ساويته بصينية 26 سم بس كتييير نفش و كتير فرحت فيه

    جازاك الله خيرا اختي منى

    ربي يوفقك و يسهل دربك

    سلام

  45. منى 8 July 2009

    هنا و الف عافية و صحة على قلبك سارونات :) و عقبال تظبط بقية الوصفات الي في بالك :zzz

  46. hajar 22 June 2010

    يم يمممممممممممي فعلا طيب اليوم جربته ولا اطيب يسلموووووو منى :zzz

  47. منى 23 June 2010

    هنا و الف صحة هاجر :)

  48. رغد غسان علاء الدين 30 January 2011

    مرحبا ميمو..الله لا يرويكي إش طلع بهدلة البهادل..مع إنو اتقيدت بالمقادير وجبت كل المواد..يا ترى درجة حرارة الفرن..أو لأنو دهنت بسمنة نباتية القالب؟؟ هللئ الواحد يحكي الحق..مو إنو بهدلة بهدلة..لا..إنو ما نزل من القالب بشكل نظامي..فرط..بس طعمتو ســــــــحرية..فاضطريت أضيف صوص الشوكولا اللي محضرتها للتغطية..وعطنتها مع الكاتو اللي نزل نصو وضل نصو..عجنتهن مع بعض..وعملتهن كرات صغيرة ورشيت عليهن جوز الهند المبشور..وبعدها اللي باقي من الصوص.زحطيتو بشكل خطوط متضاربة ودوائر ..زينة..بس شو طلع يا منى.آخ إش احكيلك وإش أعبر عن مشاعري..شي رهيب مدمر فظيع..رفقات جوزي ألقو شعر فيه..فكره من عند جوسي ..عنجد..ما كان ناقص غير حط هي الورقة المدورة الحلوة البيحطوها تحت القطع..هللئ اوك أنا فرحت إنو طلعت النتية هيك..وفيكي تفوتي تشوفي الصورة بألبوم الصور..بس إنو انحريت..ليش ما زبط نظامي..هللئ هنن ما بيعرفو شو كنت بدي أعمل..بس ناا بعرف وااااع..

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)