كاتو اللبن الزبادي على طريقتي


         وصفة : منى                 2008/01/19                 30 تعليقات
كاتو اللبن الزبادي على طريقتي

·          يحمى الفرن على درجة حرارة 170 درجة مئوية , ينخل الطحين مع البيكنغ بودر و الملح و بيكربونات الصودا في وعاء كبير , يدهن قالب كيك أو قالب مدور صغير بالزبدة .

·          يوضع البيض و الفانيليا و السكر و الزيت في خلاط الكوكتيل ثم يمزج الكل جيداً حتى الحصول على مزيج  أصفر .

·          يصب مزيج البيض و كوب اللبن و البشر و ملعقة العصير فوق الطحين و يقلب الكل بملعقة خشبية بلطف و باتجاه واحد حتى الحصول على مزيج متجانس .

·          يصب مزيج الكاتو في الصينية المدهونة و يخبز حتى ينضج لمدة 50 –  60 دقيقة تقريباً أو حتى ينضج الكاتو .

·          يقلب الكاتو على مشبك و يترك حتى يبرد تماماً ثم يلف بورق بلاستيك بشكل محكم و يوضع في البراد لمدة 3 – 4 ساعات قبل التقديم .

·          يوضع القالب في طبق التقديم و يرش بالسكر البودرة أو يزين بصلصة التوفي كريم أو صلصة الشوكولا يقدم مع الشاي. 

 





4 بيض بدرجة حرارة الغرفة
فانيليا
كوب لبن بقر ( أو غنم بشرط أن يكون غير حامض )
كوب و نصف سكر
نصف كوب زيت
2 كوب طحين كاتو
2 ملعقة صغيرة بيكنغ بودر
رشة صغيرة ملح
رشة صغيرة بيكربونات الصودا
ملعقة كبيرة عصير برتقال أو ليمون
بشر حبتان من البرتقال أو الليمون





• يحمى الفرن على درجة حرارة 170 درجة مئوية , ينخل الطحين مع البيكنغ بودر و الملح و بيكربونات الصودا في وعاء كبير , يدهن قالب كيك أو قالب مدور صغير بالزبدة .

• يوضع البيض و الفانيليا و السكر و الزيت في خلاط الكوكتيل ثم يمزج الكل جيداً حتى الحصول على مزيج أصفر .

• يصب مزيج البيض و كوب اللبن و البشر و ملعقة العصير فوق الطحين و يقلب الكل بملعقة خشبية بلطف و باتجاه واحد حتى الحصول على مزيج متجانس .

• يصب مزيج الكاتو في الصينية المدهونة و يخبز حتى ينضج لمدة 50 - 60 دقيقة تقريباً أو حتى ينضج الكاتو .

• يقلب الكاتو على مشبك و يترك حتى يبرد تماماً ثم يلف بورق بلاستيك بشكل محكم و يوضع في البراد لمدة 3 – 4 ساعات قبل التقديم .

• يوضع القالب في طبق التقديم و يرش بالسكر البودرة أو يزين بصلصة التوفي كريم أو صلصة الشوكولا يقدم مع الشاي.


  • وصفات تانية ممكن تعجبك


التعليقات

  1. ام مروة 20 January 2008

    تسلم الايادى يارب روعه والله

  2. Rino 21 January 2008

    تسلم إيديكي منى عالوصفة مبارخ جربتها و طلعت منظومة بكل معنى الكلمة أنا كنت بعمل كيك اللبن بعيارات مختلفة و كان فيها نسبة منيحة من الكاكاو طريقتك مختلفة و تغيير شكل
    اليوم إذا صحللي رح جرب كيكة جوز ولوز و موز بس بدي من شغلة فيه لهيك رح حول عالوصفة وحطلك السؤال
    مرة تانية شكرا عالوصفة

  3. منى 21 January 2008

    هلا فيك أختي أم مروة :) الله يسلمك أختي نور الموقع بردك و تواجدك الطيب

    إن شاء الله تجربيها و تعجبك ;)

  4. منى 21 January 2008

    صحتين و هنا يا رب :) كتير مبسوطة انك عم تجربي من الكاتويات و عم يعجبوك و كمان أنك عم تخبريني ;)

    عوافي يا رب , يلا لاحقتك على كاتو جوز و لوز و موز :grin

  5. linda 22 January 2008

    مرحباااااااااااااااااااااا منوش
    مشتاقتلك و مشتاقة لوصفاتك الحلوة
    ما شاء الله هل الكيك كتير منفوخ وشكلو حلو
    الله يعطيكي الف عافية
    لروح اعمل برمة عل الموقع و شوف شو عاملين بغيبتي

  6. منى 23 January 2008

    هلااااااااااا لنوشة , وين هل الغيبة ياا عسل , مشتاقة لك كتيرر كتير و الله

    ان شاء الله كل أمورك تمام :) و جبريل و شام بخير كمان ..

    الحمد لله على السلامة

  7. تورتاية بالكريز 6 February 2008

    خدت الوصفة شكلها تحفة وطرية وهشة تسلم ايدك باذن الله اجربها تسلم ايدك ياقمر قسم الكاتو كتير غني بالوصفات الروعة ماشاء الله ولاحول ولاقوة الا بالله كمان عجبتني كيكات الشيكولا تسلم ايدك ياقمر

  8. منى 9 February 2008

    الله يسلمك يا عسل انت يا ام ياسمين :)
    ان شاء الله اذا جربتيها رح تعجبك كتير , و انا غرامي الاول من الحلويات هو الكيك و الكاتوو و كل ما أشوف نوع جديد لااازم أجربه :grin

  9. سارونات 19 August 2008

    السلام عليكم و رحمةالله و بركاته
    شو هالنفشات الحلوات ما شاء الله
    ان شاء الله ستتم التجربدي اسال لما يصب مزيج البيض و اللبن و البشر و العصير كيف يصب يعني واحد ورا التاني او بالاول نخلط مزيج البيض مع اللبن او نصب مزيج البيض و نخلط و بعدها نصب اللبن
    و ليش منحط بالبراد 3- 4 ساعات و هو مغطى شو فائدة هالخطوة و هل معناها انو ما بينفع نقدمو مباشرة
    و يا ريت تساعديني بحجم الصينية و ربنا يجازيك كل خير
    بالتوفيق
    سلام

  10. منى 19 August 2008

    هلا أختي :)
    بتضيفي كل السوائل مع بعضهم ..
    إذا تركتيه مغطى رح تتفتاعل فيه النكهات و بيصير أطرى و أطيب و أكيدة فيك تقدميه بس ما يبرد ;)

    الصينية دائرية بقطر 22 أو 24 سنتميمر , المتوفر عندك ;)

    هلا فيك أختي

  11. سارونات 19 August 2008

    السلام عليكم و رحمة الله و بركاته
    جازاك الله خيرا اختي منى عم تساعديني كتير الله ينولك كل اللي ببالك
    راح ساويها ان شاء الله و راح خبرك بالنتيجة و يمكن راح حط فوقها مرى المشمش بدل التوفي شو رأيك بتطلع حلوة :? و يمكن كمان نحط فوقها شوكولا دايبة و جوز هند
    بالتوفيق
    سلام

  12. منى 20 August 2008

    فكرة كتير حلوة , بتطلع طيبة و سهلة ,. اتمنى ان تجربي وصفة من الوصفات الي عم تسالي عليها و لا تنسي تخبريني ;)

  13. سمسمة 16 October 2008

    ان شاء الله بيعيشوا ايديكي منى حبيبة قلبي جربت عدة طرق لكيكة الزبادي ودائما بتطلع معجنة ما بعرف شو الغلط ولسا ماجربت طريقتك ياترى في أشياء معينة لازم اتجنبها أثناء الخلط أوحرارة الفرن تكون غير كافية شو السبب برأيك

  14. لارا مينا 21 November 2008

    مساء الورد… جاتوه رائع جدا أكلت منه عدة مرات بعد الإفطار وأكثر شيء أعجبني فيه إنه هش وسكره خفيف شوي علشان كذا طلع مناسب جدا مع الشاي وقدمته كما هو و بدون أي إضافات على الوجه…لا توصين حريص أخت منى أكيد دعيتلك وأخواتي البنات كلهم دعاء جماعي (يعني دعوة قياس XXXXXXXX L ) ولكي خالص امتناني على كل رد بعثتيه رغم مشاغلك الكثيرة …وحتى لو مارديتي كمان .

  15. منى 21 November 2008

    هلا سمسمة :)
    اسفة للتاخر بالرد ما بعرف كيف ما انتبهت :roll
    اختي هل الكيك متل اي كيك عادي .
    الخلط بعد اضافة الطحين بالملعقة , الطحين نخليه مرتيين أضمن و حرارة الفرن على 170 أو 180 , يمكن يكون ما خفقتي البيض منيح أو استعملت طحين مو خاص بالكيك ؟

  16. منى 21 November 2008

    مسا الفل و الياسمين و الجوري لارا يا عسل , هنا و الف عافية على قلبك و قلب القطط الحلوة

    ان شاء الله الك متل هل الدعوات و اغلى من قلب اخت لاختها , هيك اختي بحسك رايئة و هادية و ردودك بتدل على شخصية طيوبة , الك مكانة مميزة بقلبي نورتي دايما حبيبتي ;)

  17. سارونات 3 December 2008

    السلام عليكم و رحمة الله و بركاته
    ما شاء الله شو نافش الكاتو ان شاء الله كل اللي تساويه بنفش معاها هيك
    اختي منى هل بينفع استعمل اللبن المنكه بالفواكه بعتقد بينفع صحيح
    بالتوفيق
    سلام

  18. منامينو 7 December 2008

    الله يا منى، يسلمو إيديكي على هالكيكة الحلوة واللي بتشهي مع كباية شاي سخنة بهالبرد ;)

    بتعرفي شو؟ خطر أضيف عليها الفواكه المجففة الملونة الزغيرة الخاصة للكيك. بتطلع مثل الجاهزة :roll شو رأيك؟؟ :?

    يعيشو هالديات الحلوين يا رب

  19. منى 7 December 2008

    هلا سارونات :)
    اكيد فيك تستعملي الزبادي المنكهة حسب زوءك ;)
    ان شاء الله تجربيه و يكون على زوءك و مية هلا أختي

  20. منى 7 December 2008

    هلا منامينو :)
    اتفضلي يا قمر و الاكل على أد المحبة :zzz
    مم ,فكرة و لا ألذ رح تعطي الوصفة غنى غير شكل
    مية هلا منامينو و كل سنة و انت بخير و عافية :)

  21. gsm 3 June 2009

    ما شاء الله شكل الجاتو بشهي والله شجعتيني اقوم اعملي قالب بس عندي إستفسار يا ترى ما في داعي أستعمل خفاقة البيض لأنو على حسب ما فهمت إنو بنخلط المواد السائلة بخلاط العصير يعني ما بدنا ندخل الهوا للبيض بكفي بس خلطن مع بعضن منيح ؟؟؟
    شكرا عم غلبي معي لا تواخذيني

  22. سارونات 28 June 2009

    السلام عليكم و رحمة الله و بركاته

    ساويته امبارحه و هلأ كنت عم اكل قطعة :grin
    طلع كتيييييييييييييير خفيف و طيب و اكيد صارت الوصفة معتمدة
    انا استعملت زبادي بنكهة جوز الهند و حطيت بس كأس سكر

    و ان شاء الله قريبا بحط وصفة لكاتو زبادي كمان طيبة ب 3 بيضات

    اختي منى ما في عندك شي وصفة كاتو بجوز الهند لانه كتير طيب و ريحته بتجنن :?

    بالتوفيق

    سلام

  23. منى 28 June 2009

    هلا أختي gsm :)
    اختي ما في داعي للخفاقة و انا هيك عملتها و الصورة ادامك اكبر برهان , جربيها و على مسؤوليتي ان شاء الله

    اختي شو عم تعزبيني , انا تحت امرك و بالخدمة دوما باذن الله ;)

  24. منى 28 June 2009

    هلا سارونات :)
    ريتو هنا و الف صحة و عافية , بس اوعى اوعى ما تاكلي عني شي قطعة قطعتين و تكونوا خلصتوا القالب من دون ما تحسبوا حسابي :roll بزعل ها

    تكرم عيونك و عندي وصفة و لا اسهل لكيك جوز الهند و انتي نايمة بتحضريها , ان شاء الله يصحلي نزلها قريب

  25. سارونات 29 June 2009

    السلام عليكم و رحمة الله و بركاته

    :grin :grin و الله اختي منى الكاتو انخطف خطف و يادوب كفى لا تزعلي ان شاء الله بالمرة الجاية احسب حسابك و اكل عنك :grin

    و اكيد ناطرة وصفة كيك جوز الهند بأقصى سرعة

    يخليلي ياكي يا احلى منوووش

    بالتوفيق
    سلام

  26. منى 29 June 2009

    يلا رح استنى المرة التانية و ان شاء الله تحسبي حسابي بقطعة منيحة هل المرة ;)

    تكرم عيونك و ان شاء الله رح نزل وصفة اله كتيررر سهلة :zzz

  27. ليان 2009 10 April 2010

    عنجد يسلموا ايديكي وعنيكي على هالكيك الكتييييير طيب عملتوا امبارح مع صوص التوفي وطلع بيشهي ونوطري ومنفوخ وعياراتة كتير مزبوطة الله لا يحرمنا منك ولا من هالموقع اللي اغناناعن كل المواقع وصار مرجعي الوحيد بالطبخ والضيافة فالف شكر الك :zzz

  28. منى 5 January 2012

    الف هنا و صحة و عافية على قلبك ليان , شكرا الك لثقتك في و تجربتك الوصفة و الف هنا على الب كل مين داقها ;)

  29. ام ريما 21 March 2012

    انا من اشد المعجبين بالموقع….
    وسرلي سنه كامله كل ما يوم بفيق وبفتح عيوني عالموقع تبعك….
    حتى زوجي سار يقلي الله يخليلنا هالموقع….ما رح طول عليكي…بس حبيت قلك اني جربت الوصفه و طلعت كتتتييير طيبه و خفيفه :)

  30. منى 22 March 2012

    الف هنا و الف صحة بالاخت القديمة الجديدة :)
    مبسوطة كتير انك اشتركتي معنا , و ان شاء الله تبقي معنا على طول و الله يديم الخير و المحبة و المودة دوما ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)