كاتو الليمون


         وصفة : منى                 2007/04/21                 27 تعليقات

آخر تصويت


آخر تعليق

كاتو الليمون

  ·          يحمى الفرن على حرارة 180 , و يدهن قالب كيك بالزبدة .

·          تخفق الزبدة و السكر حتى  الحصول هلى مزيج باهت ثم يضاف البيض بيضة تلو الاخرى مع الفانيليا و بشر الليمون و يخفق بعد كل اضافة حتى الحصول على مزيج ناعم .

·          يضاف الحليب و العصير بالتناوب مع الطحين المنخول و البيكنغ بودر و يقلب بخفة و لطف حتى تتجانس المواد .

·          يصب مزيج الكاتو في القالب المدهون بالزبدة و يخبز في مدة 45 – 60 دقيقة أو حتى ينضج القالب .

·          بعد أن يبرد القالب يرش بالسكر البودرة و يقدم مع الفواكة .  

نصف كوب زبدة مكعبات طرية
كوب سكر ناعم
ثلاث بيضات
بشر ليمونة
فانيليا
نصف كوب حليب فاتر
ربع كوب عصير الليمون الطازج
كوب و نصف الكوب طحين كاتو
ملعقة كبيرة بيكنغ بودر
• يحمى الفرن على حرارة 180 , و يدهن قالب كيك بالزبدة .

• تخفق الزبدة و السكر حتى الحصول هلى مزيج باهت ثم يضاف البيض بيضة تلو الاخرى مع الفانيليا و بشر الليمون و يخفق بعد كل اضافة حتى الحصول على مزيج ناعم .

• يضاف الحليب و العصير بالتناوب مع الطحين المنخول و البيكنغ بودر و يقلب بخفة و لطف حتى تتجانس المواد .

• يصب مزيج الكاتو في القالب المدهون بالزبدة و يخبز في مدة 45 – 60 دقيقة أو حتى ينضج القالب .

• بعد أن يبرد القالب يرش بالسكر البودرة و يقدم مع الفواكة .
  • وصفات تانية ممكن تعجبك


التعليقات

  1. سارونات 17 August 2008

    السلام عليكم و رحمة الله وبركاته
    جازاك الله خيرا اختي منى الكاتو بسيط و سهل و الليمون راح يعطيه طعمة كتير حلوة و ريحة كمان
    عندي شوية اسئلة ازا سمحتي
    لما منضيف الحليب و العصير و الطحين نخلط بملعقة او بالخفاقة اليدوية اللي اشتغلنا فيها من الاول
    ممكن اعرف مقدار الزبدة بالغرام
    عصير الليمون هل هو عصير حبات ليمون لحالو او منضيفلو ماء
    و انت شو حاطة فوق الكاتو اللي بالصورة :?
    بالتوفيق
    سلام

  2. منى 17 August 2008

    هلا أختي :)
    بعد ااضافة الطحين و السوائل الخفق بمعلقة خشبية و بهدوء

    الزبدة 100 غرام و العصير ليمون و بس من دون ماء , و على الكاتو في الرويال ايسنغ ان شاء الله ببقى بنزل وصفتها ;)

  3. سارونات 6 February 2009

    السلام عليكم و رحمة الله و بركاته
    اختي منى اذا فيكي تعطيني طريقة عمل الروايال ايسنغ لان بالفترة الجاية رح جرب الكاتويات اللي عم اسال عنهم لهيك راح تشوفيني بقسم الكاتويات كتير :grin ان شاء الله ما تملي مني و من اسئلتي :grin
    بالتوفيق
    سلام
    و الله من كتر ما الكاتويات حلوة عم بحتار من وين ببلش بس عبالي جرب هالكاتو لانو بسيط و سهل و راح ساويه بصينية مثقوبة من النص بقطر 20 سم يعني صغيرة بس مرتفعة و بعتقد راح تضبط شو قولك بس انا ما بحب رش سكر على الكاتو و كمان ما بدي ياه سادة لهيك الروايال ايسنغ ضروري بالنسبة لي
    سلام

  4. سارونات 9 April 2009

    السلام عليكم و رحمة الله و بركاته

    اختي منى بدي اسألك اذا بينفع نستبدل الزبدة بالزيت اذا بينفع كيف و اذا جربتيها بزيت او لا

    و لساتني ناطرة وصفة الروايال ايسنغ
    بالتوفيق
    سلام

  5. منى 30 April 2009

    هلا سارونات :)
    اختي الرويال ايسنغ بتنخلي سكر بودرة بالمقادار الي بدك اياه و بعدها اما بتضيفي معه بياض بيضة و هي الوصفة الاصلية و اما بتمزجيه مع حليب بارد أو عصير ليمون او برتقال او على حسب النكهة الي بدك اياها لحتى يصير عندك صوص سميك شوي و بعدها بتنزيني فيه الكيك فوراً , الصينية لهل القالب بقطر 26 سم أو 24 سم و اخاف العشرين سم تكون كتيررر صغيرة :roll

    الزيت نو لان طعمته رح تكون واضحة و الزبدة رح تعطي نكهة مميزة للكيك و الزيت رح ينزعه :)

    اسفة كتير للتاخر للرد و لو تعرفي امبارحة كنت عم دور على ردودك كلها لان مقصرة معك و ما كنت اذكر باي وصفة كنت عم تساليني عن الرويال ايسنغ :)

    اسفة مرة تانية اختي

  6. سارونات 7 May 2009

    السلام عليكم و رحمة الله و بركاته

    يخليلي ياكي اختي منى و ما يحرمني منك

    شكرا على وصفة الروايال ايسنغ و ان شاء الله شي مرة تساويه و تصوريه مشان ارعف درجة الكثافة لان ساعات بحس انه كتير كثيف و ساعات خفيف بس على مهلك

    بالتوفيق
    سلام

  7. ام عمر 24 September 2009

    اول شي كل عام وانت بخير منى
    ان شاء الله ينعاد عليكي بالصحة والسلامة
    وتاني شي ابوس روحك ابوس روحك ابوس روحك :) بيضتي وجهي الله يبيض وجهك
    ما قلت لك عملت المعمول كيلو للتجربة مع الاصناف التانية يلي عملتها زوجي اشقد حبو :zzzوما اكل حلو قد ما اكل من معمولك
    وبدي اطلب منك كمان يا ريت يكون في صور للخطوات مو بس الصورة الاخيرة :zzz

    ويا ريت كمان معايير الزبدة فقط بالغرام لو تتكرمي
    وياريت تعلمينا كيف نزين الاكل وكيف نختار الصحون للتقديم وكيف نقدم السفرة بشكل عام :p حاكم بسم الله ما شاء سفرك بتفتح العقول والقلوب قبل النفس
    بعرف مالي سئلة وطلباتي مو كتيرة ولا شوي :cry
    بس انت كريمة ونحنا بنستاهل :grin

  8. منى 25 September 2009

    هلا ام عمر , ان شاء الله انتي بالف الف خير و صحة و عافية , لو تعرفي شو انبسطت ان المعمول عجبك و ان شاءالله رح حاول حط صور توضيحية قريب باذن الله , بس هلا رح نزله كوصفة مستقلة من دون خطوات , سماح ;)

    ان شاء الله كل شي بعرفوه رح اكتبه , و انا شاكرة كتير ردك الحلو و المزووء , و مرة تانية الف هنا يا حق على البك و الب ابو الشباب :)

  9. محبةالمصطفى ملك 11 May 2010

    حبيبتي منوووووووش بدي أسألك عن السكر ناعم يعني بودرة و لا ناعم الحبيبات على قول منال العالم؟؟
    و بدي كمان أسألك اذا بدي أحفظ بشر الليمون بالفريزر لأن الليمون مو متوفر دائما بصير و لا نو؟؟

  10. منى 12 May 2010

    السكر ناعم بودرة ;)

    انا بحفظ بشر الليمون بالفريزر ;) , بس مو هلا , لما كان بعز وقتو لان هلا احتمال يطلع مر :roll

  11. محبةالمصطفى ملك 12 May 2010

    ألف شكر لمنى الأمورة يعني فكرة حفظ بشر الليمون منيحة…
    لأني تخيلت حالي بايخة وقت سألتك و قلت رح تضحكي علي :roll

  12. منى 12 May 2010

    الله يسامحك :roll

    اول الواحد ما بيبدى بهل المصلحة بيكون كل شي جديد عليه , ان شاء الله بعد فترة بتاخد ايدك و بتصير اشطر ست بيت ;)

  13. محبةالمصطفى ملك 13 May 2010

    تسلمي يا أحلى منووووووووووش
    و ممكن تنطلقي يا منى السؤيعة لوصفحة الكريم توم؟؟

  14. منى 14 May 2010

    :)

  15. hajar 16 May 2010

    الحلو بهالكيك انو كتيرررررر طري ونكهته ليمون اطيب والذ فاكهة يسلموووووو انا بعد ماجربته اعتمدته من وصفات الكيك المميزة وسجلته بدفتر الطبخ الخاص فيني والي اكتر الوصفات الي فيو من وصفاتك الرائعة ووصفات جمعتا من هون وهون حابة كتير شاركك بوصفاتي انا كمان عندي وصفات مميزة وناجحة ومضمونة تلميذتك :grin

  16. منى 17 May 2010

    اتمنى تشاركي بوصفاتك , بكون ممنوتك

    الف هنا و صحة على البك على الكيك , متل ما قلتي الليمون من اكتر النكهات الي بحبها بالكيك ;)

  17. محبةالمصطفى ملك 17 May 2010

    منى أولا انا آسفة على الأخطاء المطبعية اللي عبتحصل معي قصدي بالمشاركة السايقة منى السريعة :p

    طيب هلأ منرجع للوصفات واااااااااااااااااااااااااااااااااااااااااااااااااااااااااااااااااااااااااااااااااء
    أنا عملت الكيك و ما نجح و لا واحد بالمية :cry
    و المشكلة أنا بعرفها مية بالمية :(
    يا ستي انا اشتريت قالب التيفال الصغير اللي قلتلك عليه و بعد ما نام ابني و زجي آعد عبتفرج عالتلفزيون و الساعة 3 صباحا قبل الفجر قلت لزوجي أنا مشتهية أللوص و رحت عالمطبخ و كنت مجهزة كل الأغراض :eek (آسفة عالتطويل بس أنا زعلاانة)المهم صبت خليط الكاتو في القالب فتجاوز النصف مع أني صاحب المحل اللي اشتريته من عنده قال انو بيسع خلطة 6 بيضات :( حطيته بالفرن وقلبي بكفي :upset و بعد ربع ساعة بدء البركاااااااااااااااااااان :x و صار يفور فاضطريت افتح الباب حتى تقف الحمم البركانية و بعد خمس دقايق هبط الكاتو و احترقت أطرافه و صار منظه حلو كتير ههههههههههههههههههههههههه
    قام تاني نهار زوجي كب القالب بعد مالكاتو لزق فيه و قاللي رح تتبعي بتنظيفه اكتر من قيمته اشتري غيره و خلص :roll
    و هي يا ستي قصة كاتو الليمون :eek بس بدي أسألك هلأ أنا أكلت لقمة بس من هاللكاتو التحفة قبل ما أرميه حتى أعرف اذا رح أحبه مشان أعيدها بس أكيد بغير قالب كانت طعمة الليمون ظاهرة كتير أكيد هو طعمته لازم تطلع غير هيك بس لأني هبط و تجمع فوق بعضه ما؟

  18. منى 18 May 2010

    وووواخ , صارت معي اكتر من مرة ..

    يا ستي كلام البياع مو مزبوط , الن ما في شي اسمه عيار 3 او 6 بيضات , انتي الك بالعيار الاجمالي

    الكاتو هادا يعاد و على مسؤوليتي ان شاء الله , لان وصفة مميزة كتير , بس اختاري القالب الي بيناسبها , و دايما قوالب التيفال من اسوء القوالب لتحضير الكيك :roll

    انا على الدقة القديمة و ما بشتري الا الالمنيوم بس مو حيالله نوع , الانواع الغذائية ;)

  19. محبةالمصطفى ملك 18 May 2010

    معناها رح أحط اشارةxعلى قوالب التيفال أنا دائما بجيب قالب الألمنيوم من عند بيت خالتي و بينجح الكاتو و بيقولولي أهلي أنو كتيييير طيب بس هالمرة حبيت أغير شكل و أكسر الروتين :roll قام كسرت القالب هههههههههههههه

    بس في بس شغلة صغيرة أمس ماما وقت عملت كاتو بقالب التيفال وقت سألت لوين لازم يصل الخليط و عملت الباقي كب كيك طلعوا طيبين كتير كالعادة بس ماما قال انو هالمرة أطيب من كل مرة ..قال كل مرة بيطلع معجن شوي صغيييييييرة بس هلأ مو معجن (هيك قالت الست الوالدة) فشو رأيك السبب من قالب الألمنيوم و لا صدفة؟؟ :zzz

  20. منى 18 May 2010

    ما فهمت عليك , مين الي طلع معجن بقوالب التيفال و الا الالمنيوم و الا شو :?

  21. محبةالمصطفى ملك 21 May 2010

    بقالب التيفال ما طلع معجن
    قال ماما بقالب الألمنيوم طلع معجن بش شوي صغيييييييييييرة

  22. منى 22 May 2010

    مممم , ما عندي فكرة

    بالتيفال بيطلع طرافه ملدوعة , و ما اله علاقة التعجين ;)

  23. محبةالمصطفى ملك 23 May 2010

    :)

  24. أم نوران 5 November 2010

    يااااااي يا سلام يا اختي منى شو طلع الكاتو طيب لك اخوي الصغير اللي ما بحب الكاتويات اكل ربعو و قال انو اطيب شي داقو بحاياتو يسلمو ايديكي عن جد شي طيب و ممبز الله يعطيكي الف عافية…

  25. منى 9 November 2010

    ان شاء الله الف صحة و هنا على البك و الب كل العيلة , ممنوتك لثقتك في و تجربتك وصفاتي

    منورة :zzz

  26. حمودي 14 January 2011

    مدام منى ضروري نستعمل دقيق خاص بالجاتو
    ما في بديل
    ؟
    يا ام نوران انتي استخدمتي طيحن العادي ولا تبع الجاتوهات
    مع خالص تحياااااااااااااتي
    Ahmed

  27. منى 15 January 2011

    طبعا اخي ضروري جدا , و في حال ما اتوفر عندك ممكن تستعمل طحين كندي بيكون مكتوب عليه طحين زيرو ( flour ultra fine 00) و تمزج كل كوب منه مع ملعقة من النشا بيصير عندك طحين حلويات فاخر

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.00 out of 5)