كاتو بأيس كريم الفريز


         وصفة : منى                 2009/05/05                 79 تعليقات
كاتو بأيس كريم الفريز

·          يحضر الكيك و يقلب و يترك حتى يبرد .

·          تخفق الكريما مع الحليب البارد جدا جدا حتى تسمك و تصبح جاهزة .

·          يدوب الجيلو في مقدار ربع كوب ماء مغلي حتى تذوب حباته تماماً ثم يترك حتى يبرد .

·          تنقى بضع حبات فريز و يحتفظ بها جانباً مع الجزء الأخضر للتزيين ثم يطحن باقي الفريز مع نصف كوب سكر حتى الحصول على بيورييه ناعمة , يطحن الفريز من دون اضافة الماء .

·          يقلب الفريز مع الكريما و الجيلو حتى الحصول على كريما متجانسة و ذات لون واحدة .

·          يغلف نفس القالب الذي خبز فيه الكيك بورق ألمنيوم أو ورق نايلون شفاف حتى يتغطى كله .

·          يقص قالب الكيك الي قسميين , يوضع أول قسم في قاع القالب المغلف . يمكن أن يسقى بشكل بسيط بالحليب لمن يفضل الكيك طري جداً , أنا لم أسقي القالب الظاهر بالصورة .

·          يوضع ثلاث أرباع مزيج الأيس كريم فوق أول شرحة كيك ثم يغطى بالشريحة الثانية و يضغط بلطف للتخلص من الفراغات .

·          تغطى ثاني شرحة من الكيك بباقي الأيس كريم ثم يوضع القالب في الفريزر لمدة 8 ساعات و يمكن اعداده قبل بيوم .

·          عند التقديم يوضع القالب في طبق التقديم و يزين وجهه ببضعة خطوط أو يترك بدون تزيين .

·          تغسل حبات الفريز الباقية جيداً ثم تلت بالسكر الخشن الاكتساب المظهر المجمد و ترتب فوق القالب و يقدم الكيك فوراً و هذا شكل القالب بعد القص و الاختلاف باللون عن الصورة الأولى سببه اختلاف في الجو , بعد ما قصيت الكيك صار ينزل مطر الربيع  .




قالب كيك إسفنجي

الأيس كريم :

نصف كيلو فريز
2 باكيت جيلو فريز
نصف كوب سكر
علبة كريما بيضاء بودرة
نصف كوب حليب





• يحضر الكيك و يقلب و يترك حتى يبرد .

• تخفق الكريما مع الحليب البارد جدا جدا حتى تسمك و تصبح جاهزة .

• يدوب الجيلو في مقدار ربع كوب ماء مغلي حتى تذوب حباته تماماً ثم يترك حتى يبرد .

• تنقى بضع حبات فريز و يحتفظ بها جانباً مع الجزء الأخضر للتزيين ثم يطحن باقي الفريز مع نصف كوب سكر حتى الحصول على بيورييه ناعمة , يطحن الفريز من دون اضافة الماء .

• يقلب الفريز مع الكريما و الجيلو حتى الحصول على كريما متجانسة و ذات لون واحدة .

• يغلف نفس القالب الذي خبز فيه الكيك بورق ألمنيوم أو ورق نايلون شفاف حتى يتغطى كله .

• يقص قالب الكيك الي قسميين , يوضع أول قسم في قاع القالب المغلف . يمكن أن يسقى بشكل بسيط بالحليب لمن يفضل الكيك طري جداً , أنا لم أسقي القالب الظاهر بالصورة .



• يوضع ثلاث أرباع مزيج الأيس كريم فوق أول شرحة كيك ثم يغطى بالشريحة الثانية و يضغط بلطف للتخلص من الفراغات .

• تغطى ثاني شرحة من الكيك بباقي الأيس كريم ثم يوضع القالب في الفريزر لمدة 8 ساعات و يمكن اعداده قبل بيوم .

• عند التقديم يوضع القالب في طبق التقديم و يزين وجهه ببضعة خطوط أو يترك بدون تزيين .

• تغسل حبات الفريز الباقية جيداً ثم تلت بالسكر الخشن الاكتساب المظهر المجمد و ترتب فوق القالب و يقدم الكيك فوراً و هذا شكل القالب بعد القص و الاختلاف باللون عن الصورة الأولى سببه اختلاف في الجو , بعد ما قصيت الكيك صار ينزل مطر الربيع .

  • وصفات تانية ممكن تعجبك


التعليقات

  1. ام دانية 5 May 2009

    ان شاءالله الف الف الف مبروك والله بتستهالي لانو هيك موقع بيستاهل انو الواحد يباركلوووو لانو بصراحة الموقع كتير حلو وخصوصا انك بتلاقي فيو كلشي ماشاءالله يعني تعبك واضح تمام وان شاءالله الله مارح يضيعلك تعب لانو بعتقادي انو الكل استفاد من هل الموقع يغزي العين عليه بصراحة انا اول مرة اكتشفت الموقع عن طريق الصدفة وفرحت كتير فيو لانو بتلاقي كلشي فيو مافي داعي تتعذبي هون وهون لحتى تلاقي الوصفة ولاهم من هيك انو الموقع محترم ابتداء من حضرتك وانتهاء بالاخوات المشاركات وبكفي انو الواحد بيفتح على هل الموقع بدون ماتنط بوجه ميت صورة وصورة وما بعرف شوووووووو انا صرت فعلا من عشاق الموقع وما بمر يوم الاما افتح وشوف شو في جديد حتى زوجي كمان :zzz يمكن طولت عليكي معلش تحملينا هي ضريبة الموقع وعلى فكرة منظر الكاتو بشهي هاد بينعرض بس للنظر مو للاكل حرام بيتشرك منظرو :)

  2. رنا 5 May 2009

    انشالله بيصير عمر هالموقع ميتين سنة وللامام اكتر واكتر …بداية بموقع …بعدين برنامج بعدين قناة كاملة تلفزيونية لصاحبة احسن ذوق ونفس بالعالم ;)
    يمكن انا من الناس يلي لقمة طيبة بالنسبة الهن اكتر من موقع انترنت …بحس انه مابدخله بس للطبخ والتخبيصات الي مابتخلص :grin بس كمان بحس انه فيه جو عائلي حلو وبيذكرني بقعدة رفقاتي كل وحدة بتحكي قصتها وشو ساوت وشو عملت …الله يخليلنا ياكي بصحتك وقوتك لحتى تضلي جامعتينا
    اما بالنسبة لاختيار الاسم فكان اختيار اكتر من ائع وانا بصراحة لما شفت لينك الموقع بمجلة زهرة الخليج اكتر شي جذبني اله اسمه لانه مختصر بنفس الوقت وحلو وبيحكي عن حاله

    امااااااااااا بالنسبة للكيك ف مابعرف شو بدي قلك …كتير اشتهيت جربه لانه شكله بيجنن بس خايفة من مطب اسمه الكاتو الاسفنجي بس الا ماتجي لحظة جنون وادخل عالمطبخ وخبرك شو صار معي ;)

    بس بدي قلك شغلة هلأ انتي قلتي انه بعد ماتقسمي القالب بتحطيه بالقالب يلي انخبز فيه طيب بعد مااحشيه شلون رح ينقلب معي ..؟؟؟قصدي مابيخرب شكله بيصير الي فوق تحت والي تحت فوق ولا يمكن من فرحتي بعيد ميلاد الموقع مافهمت شو المقصووود؟؟؟ :zzz

  3. نور الأسلام 5 May 2009

    السلام عليكم اختي منى الغاليه انشاء الله الف الف الف الف مبروك والله انك بتستاهلي كل خير وربي من عالي سماه يعطيك العافيه والصحه وكل الي بتتمنيه وياربي يخليلك عيلتك واولادك وشوفي منهم الخير الكتير وكل احبابك وانا سعيده كتير اني تعرفت على الموقع واكيد عليك انت والله اني احبك في الله ومره تانيه الف مبروووووووووووووووووووك :zzz

  4. rose reem 5 May 2009

    غاليتي منى..لك تهنئة مليانة ياسمين وبوالين… انا كنت غاطة غطة طويلة لاني ربنا رزقني فتفوتة عسل وسميتها راية :) بس كنت كل يوم عم افتح، وحتى ابسط شغلة باخدها من الموقع،صدقيني لما كنت بدي اعمل اي اكلة ابل الموقع كنت افوت بميت حيط واذا اضطريت لعزيمة كنت :x :upset :cry اختصار(اصفرن).. بس هلا انا بفضلك شطورة وبذكرك كل يوم وبحكي عن موقعك للكل انا ممنونة الك كتير،لك المودة والدعاء.

  5. ميسونو 5 May 2009

    سلام منى
    وكل عام وأنت بخير
    لقد استمتعت كثيراً بقراءة المقدمة .. وهذه واحدة إضافية من مميزات موقعك .. لأن أسلوبك المميز بالكلام والتقديم ينقل لي شعوراً جميلاً بالحميمية والقرب من شخصك الكريم رغم أننا لم نتلاقى سابقاً.
    نعم .. الموقع أنيق بألوانه، منظم بطريقة تقسيم مواضيعه، واضح في تسلسل خطوات كل وصفة.. وجميل بلقطات صوره.
    وهنا أود الاعتراف أني أشعر بالغيظ عندما أجد وصفة بدون صورة .. فالصورة تساعد في تخيل النتيجة .. وعندما تكون صور توضيحية ضمن خطوات التحضير تكون المساعدة أكبر ونتيجة التطبيق مضمونة أكثر.
    العزيزة منى
    شكراً جزيلاً على تعبك وأمانتك ولطافتك
    شكراً على اللقمة الطيبة والكلمة الطيبة والقلب الطيب.
    إن شاء الله بالتوفيق والنجاح دائماً.

  6. zsoukar 5 May 2009

    مرحبا ياست منى. ان شاء الله بتحتفلي كل سنه وانتي بالف صحه والله يجعلوا بميزان حسناتك .ياستي انا اتعرفت على هالموقع الحلو بالصدفه كنت بدي ساوي بسمشكات ومابعرف كيف .دورت وطلع الموقع وطار عقلي كلو اكل سوري ياسلام.ضليت اقرأبالوصفات لمده ساعتين متواصله.ومن يومها صار المرجع الاساسي عندي وتسليتي بهالغربه وخصوصا تعليقات الاخوات بحس اني لسه بالشام.الله يقويك ويجزيك الخير

  7. أم الهدى 5 May 2009

    أول الشي كل عام ولقمة طيبة وصاحبتة منوش بألف خير
    ماش اء الله عليك وعلى كلامك الحلو وهواياتك وأفكارك الأحلى ، والله يوفقك وتحققي كل يلي في بالك والله يعطيك على قد نيتك وكرمك وسخائك ، يعني بصراحة قد ما الواحد حكا عنك وعن الموقع قليل ما شاء الله عليك
    عنجد الموقع لازم كل يوم أفتحو وشوف شو في جديد وبحب كتير أقرأ المقدمة لكل وصفة بحس فيها بنبض وحيوية حلوة كتير
    وسبحان الله الموقع تعرفت عليه يمكن بعد افتتاحه بشهر
    ولما شفت كل مميزاته الحلوة صار مصدري الأول والوحيد لوصفات جديدة ومميزة ومضمونة
    ما عدا عن معرفتك الطيبة ومعرفة أخوات كريمات
    حكيت بس ما بعرف إذا قدرت أطالع كل يلي بقلبي عنجد الله يجزيك كل خير يارب لأنو أنا كمان بعد ما تزوجت وتعرفت على موقعك اكتشفت اني بحب الطبخ وبحب أتفنن فيه
    :grin

    هلق بقى بجي للكيك الروعة يلي بشهي وبفرط الريق أكيد ان شاء الله عالتجربة القريبة جدا
    بس كالعادة لا بد من الإزعاج في حال استعملت كريما فريش أديش المقدار
    والله يعطيك العافية وتصبحي على خير حاج صدعتلك راسك

  8. بشرى 5 May 2009

    السلام عليكم أختي منى ..
    ألف ألف مبروك عيد ميلاد هالموقع وإن شاء الله بيكبر أكتر وأكتر ..
    حسيت قلبي عم يضحك لما قريت كلامك والله شي بيشهي وبيرفع الراس ..
    أنا متل أخت أم دانية كنت عم دور على تشكن مكسيكانو ولقيتا هون .. طلعت يا الله في موقع طبخ حلو ولماعرفت إنو انتي صاحبتو طار عقلي من الفرح وصار ما يعدي يوم إلا وشوف شو جديد .. بس الفحص والله ما بيترك وقت ..

    المهم من شي تلات تيام كنت فوت عالموقع لاقي صورة القالب حاول انقر عالصورة ما يطلعلي رابط بس هلأ وقت شفتا زق زق عقلي من الفرح ..

    رح جربها قريباً إن شاء الله .. يسلم إيديكي والله شي بيشهي ..

    الله يخليلك هالصغار الحلوين وتفرحي فين .. والله قلبي بيحبك من جوا ..

    تسلمي يارب وإن شاء الله بتحققي كل أحلامك ..

    تسلميلنا يارب ويخليلنا ياكي .. :roll

  9. ام محمد 6 May 2009

    ان شاءالله كل سنةالموقع وصاحبتوبالف خير
    والله يامني من اول ماتعرفت عليكي من خلال موقعك حبيت مثل اختي ودخلتي قلبي و بيتي مثل النسمةالحلوة يلي بتذكرني بحلب وقعدات
    حلب يلي بتكون مجتمعاعلى المحبة واللقمة الطييييييييييييييييييييييييييبة
    ادعو الله سبحانه وتعالى ان يحميكي من كل عين وشر
    ويوفقك في كل خطوة ودائماللامام باذن الله

  10. قطة 6 May 2009

    منى يا روحي أنشالله كل أحلامك بتتحقق :) بتعرفي أنو أنتي دايمابتشجعيني وبحس أنو مافي شي صعب من أيام البكالوريا أنا بحبك كتير :roll :roll

  11. لارا مينا 6 May 2009

    كل عام والموقع بألف خير إن شاء الله … وأكيد محتفلين بعيد الموقع وكأنه شخص موجود معنا وصار التاريخ من التواريخ المحفوظة عندنا والمهمة مثل تاريخ التخرج وتاريخ استلام الوظيفة وتاريخ أول حج إلي … وبصراحة مهما كتبت ماراح أوفيكي حقك وحق الموقع ويمكن مشاعري إلي بداخلي هي بتوفيكي حقك وبس والله يحفظ جميع الأعضاء والموقع وإنتي وعيلتك وزي ماقالوا الأخوات يلي مخلينا متمسكين فيه إنه موقع محترم والموجودين فيه محترمين ومنظره بيريح العين مش مثل الباقين بحس عيني بتروح يمين ويسار ألف مرة بظرف ثانية من كثرة الإعلانات يلي حاطينها… وكمان الأعضاء كأن إحنا مع بعض بنفس البيت صرت أعرف هاذي شو طابخة والثانية بكرة جايينها ضيوف وهي صار عندها بيبي جديد وهي نزعل معها لأن مازبط معها شيء او عندها ظرف مو منيح والي صار لها فترة مادخلت الموقع سبحان الله بنفتقدها وبيني وبين نفسي أسأل عنها, وهكذا وهالشئ نفتقده في باقي المواقع أكيد :zzz
    ملاحظة كثير مهمة :
    سبحان الله اتفسر منامك أخت منى والله والله يمكن ماتصدقي أو تقولين يمكن أبالغ مجرد ماقرأت حلمك وكتبت التعليق اتصلت علي صاحبتي تخبرني صار لنا والحمد لله زيادة في المرتب والله يرزقنا بالحلال دائما وهي يمكن تكون البيضة والشئ الثاني صار لي أكثر من شهرين اشتريت
    ipod touch والجهاز رفض يشتغل معي لأن برمجته صعبة شوي ولفيت به أكثر من محل وما أحد عرف يحل لي مشكلتي وكنت زعلانة ومعصبة كثير لأن صار مركون بالبيت وماستفدت منه بشئ, والبارح بالصدفة وبعد البحث الطويل في النت لقيت الحل وصار تمام التمام وهي يمكن تكون السلطة وسبحان الله جاتني كلها بنفس اليوم وحتى الوقت متقارب , بس حبيت أخبرك وعقبال ماتخبريني إذا جاتك السلطة والبيض إنتي كمان :) والجاتوه شي خيال وأكيد ومن غير حلفان راح أجربه أكيد ومقدرين مجهودك ومجهود الأخ محمد وحماتك وأهلك و كنت بس بأدعيلك لوحدك ومادام هم كمان بيتعبوا راح أوسع نطاق الدعوات الحلوة لتشملهم لأن بجد يستاهلون :zzz

  12. غيث 6 May 2009

    معلش يمكن انا جيت متاخرة بس والله مريضة وما بعرف شو صايبني ومع ذلك ما بقدر الا وان اطل على هالموقع الاكتر من رائع يعني متل ما عبرو الاخوات انا صرت احب النت لاجله الا والله ما دائما فاضية اقعد على النت او بالاحرى على مواقع الطبخ وانا من اربع سنين جيت على السعودية وتحديدا الرياض (بتعرفي موضوع العسكرية والبدل)المهم كنت عروس تقريبا وكمان قبلها كنت عبدرس وبختص وهيك كلما احتجت لاكلة بالغربة اما ارجع لدفتر كاتبته من ماما او اتصل بماما حتى دلتني ام عبادة زوجة اخي الله يجزيها الخير على موقعك من اكتر من سنة ونصف وهي كمان كانت بالغربة بالمانيا منشان اختصاص اخي وهيك لما قريت الوصفات وجربتهم لاقيتهم منطقيات جدا بالمكونات وطريقة التحضير وما في تعفيس لاني كنت ادخل على موقع اخر فيه مشكل ملون من التعفيس الغير منطقي وعدا عن ان اهم صفة بموقعك عدا النفنفة والمقادير المظبوطة هي الاحترام لكل الاراء وانت باحترامك لنا يا منى فرضتي علينا احترامك واحترام بعضنا بتلاقي الواحدة منا تعلمت منك كيف تتفانى لتجاوب على اي سؤال بدها ياه الاخريات يعني ما بيظل تعليق الا وعليه رد مناسب ومنطقي ومحترم وهذا كله بتعبك وفضلك لهيك لغيت كل المواقع والقنوات الطبخية وصرت اعتمد على لقمة طيبة وبس لانه موسوعة شاملة لكل شي بيخطر ببالنا وشي طيب ولذيذ وبالنهاية الله يعطيك الف عافية ويديمك انت ولقمة طيبة لنا ويحقق كل امانيك يا رب وهذا الدعاء نفسه دعيته لك بالعمرة والله بيعلم وهو القادر على الاجابة وشكرا يا اروع منى بالعالم بدون مجاملة

  13. غيث 6 May 2009

    بتعرفي منىمن فرحتي على قصة الموقع اللي حكيتيا لنا حكيت لك قصتي معه بلا شعور ويمكن طولت عليك انا اسفة وكمان نسيت اقلك الله يسلم ايديك على هالكاتوالرائع وانا كنت منتظراه من زمان الله يعطيك العافية ويجزيك الخير واكيد لما رح جربه بخبرك شو صار معي بس لاشد شوي كتير الان تعبانة والشفاء على الله وغالبا رح حضره بعيد زواجي ان سمحت لي الظروف والله يسر شكرا جزيلا منى من القلب للفلب

  14. منى 6 May 2009

    هلا ام دانية :)
    الله يبارك بعمرك و يحفظك و يخليك و الف شكر الك على الكلام الحلو و الطيب و الف هنا و عافية كمان على قلبك و قلب زووجك و دانية القطة الحلوة

    يا ستي هل الكيك للحبايب بيتظيف و انتو اغلى الحبايب لهيك قطعته الكم , نورتي حبيبتي

  15. نوارة 6 May 2009

    ياستي ان شاء الله الف مبروك
    وان شاء الله هادا بيكون اول فكرة من افكارك صارت حقيقة وعقبال الباقي ما يصيرو حقيقة كمان
    ومتل ما قالت رنا ان شاء الله بيصيرلك قناة اسمها لقمة واكيد مافي شي مستحيل مع التصميم (اللي عطيتيني منو كتير ولحد الان انا بستمد منك الكتير من التصميم والطموح جد ميمو الف مبروك)

  16. نوارة 6 May 2009

    اه نسيت الكيكة :) مع العلم ما بتنسى بس صراحة اخدتني الذكريات ( الجامعة والدراسة والافكار المجنونة ووومياووووو)
    يعني شكلها يمي يمي يعني شكلها من الشغلات اللي رح يحبك اي حدا اذا طعميتي منها
    بعدين اكيد رح اجربها لانو هي كيكة ميلاد لقمة

  17. em leen 6 May 2009

    السلام عليكم اول شي كل عام والموقع بالف خير , انا هاي اول مرة بشترك بموق بس الحقيقة ياست منى الله يعطيك العافية لانك عنجد تعبانة بشغلك وطريقة عرضك للوصفة حلوة وبسيطة وانا معجبة فيكي وانا من الاردن وحكيت للي بعرفه عن الموقع .بالنسبة للكيكة بدي اسالك انت قلتي نحطها بنفس صينية الخبز طيب هي بتتحمل هدا الارتفاع مع الريمة وسؤال تاني وغلبتك لازم احطها بالتلاجة ولا بالفريزر وشكرا كتيييييييييير.

  18. منى 7 May 2009

    هلا رنونة :)
    هيك خليتيني اسرح باحلامي , بس انا متواضعة جدا و برنامج تلفزيوني بيكفيني :grin

    الكيك الاسفنجي مو صعب , لازم تجربيه , او و الا ااقلك استني شوي انا محضرة موضوع ان شاء الله بيفيدك و بيفيد كل الاخوات عن الكيك الاسفنجي و لوقتها ممكن تجربي الوصفة بالليدي فنجرز الجاهز ;) بس لازم تبليه شوي بالحليب

    بعد ما اقلب الكيك و الي كان فوق بيصير تحت برجع بقليه مرة تانية لحتى الي صار تحت يرجع يصر فوق :grin

    اي سؤال تاني انا بالخدمة

  19. منى 7 May 2009

    هلا نور :)
    الله يحفظك و يخليك يا قمر و ربي يبارك بعمرك و ببدنك كله , الف شكر الك للدعوات الغالية ;)

  20. Iman 7 May 2009

    كل سنه و احلى منى و اطيب لقمه بخير ان شاء الله. لقمه طيبه من اقرب المواقع لقلبي و زي ما قالوا الكثيرات لازم اول ما ادخل النت اول شي امر على لقمه طيبه لحتى شوف شو في شي جديد اما ليضيف لما نعرفه او طبق قديم كانت تعمله التيتا و نسيناه فياتي ليذكرنا بالماضي الجميل الذي ارتبط به. انا يا منى و كثير من الاخوات مش بس نساندك على ما تعملين بل نحن فخورين بك لانك اصريتي و تابعتي حلمك. ربنا يباركلك في كل شيء في حياتك و حدسي يقول لسه فيه كتير لقدام هذا مش تخمين بل لانو ما شاء الله عندك كل المقومات يعني كل التوليفه على بعض مثل الشخصيه و فن الروايه و التصوير و الذوق و الصدق. ربنا يحميكي و يبارك لك في عملك وفي اهل بيتك.

    لك كل الحب

    امونه :)

  21. سارونات 7 May 2009

    السلام عليكم و رحمة الله و بركاته

    :cry :cry لقمة طيبة هو بيتنا اللي منلتقي فيه كلنا تنحكي و نتعلم من بعضنا

    اول مرة شفت الموقع كنت عم دور عمواقع طبخ و كنت جديدة على النت و بلشت شوف صفحة ورا التانية و كل ما يخلصو الصفحات في قسم معين حس اني بدي شوف كمان و مر الوقت و انا عم استكشف الموقع و لا الجولة اللي بيعملها المفتش :grin كان في شي سحري عم يجذبني تحتى استمر في رحلة الاستكشاف و بتذكر اني ساويت نسخ لبعض الوصفات مشان الصقهاو احتفظ فيها فما اشتغلت معي هالخاصية بهاداك الوقت المهم اول وصفة جربتها من الموقع هي كيكة شوكولا كولا و اخدت وقت طويل تحتى جربتها يمكن ترددت لان الوصفة جديدة و غير عن العادة المهم حطيتها بملف لحالها و اخترتلها ايقونة البيت سبحان الله و صرت كل مرة روح عالملف و طل على صورة الكيك عقد ما عجبتني المهم بعد فترة خرب كمبيوتري و وديتو مشان يتصلح و ضاعولي ملفات كتير بس ما بتصوروا فرحتي قديش كانت لما لقيت انو هالملف ما ضاع :zzz المهم محسوبتكم جديدة على النت و ما بتعرف شغلة التسجيل و المشاركة و هيك اشياء و كنت مفكرة ان هالموقع ما فيه الواحد يسجل يعني بس للوصفات و بعدين اكتشفت الاكتشاف الخطير و هو انو فيني سجل فسجلت و ما كانت بعرف انه بتسجيلي عم كون انضممت لعائلة كبيرة

    اكيد كلكم انتبهتو اني بطرح اسئلة كتيرة بس اختي منى ما قصرت معي و مع الكل و صرت اسأل و اسال و اسال كاني عم اسال اختي و يمكن لو كانت اختي كانت قالتلي حلي عني بس هي عطول كانت بقلبها الكبير و خبرتها عم تساعدني تحتى اتعلم اكتر و اكتر و عن جد اتعلمت كتير و اخدت كتير من هالبيت و بتمنى اني اقدر شارك و لو بشي بسيط في توسيع هالبيت الدافئ
    مع توجيهات و نصائح اختي منى صرت عم فرح العائلة باطباق طيبة و ترفع الراس و اكبر انجاز بعتبر اني انجزتو هو روستو الخضار لان كنت مفكرة ان طريقته صعبة بس اختي منى قدمت الوصفة بكل حب و خلتها كتير بسيطة و عن جد هي كتير بسيطة

    اسم منى صار ينذكر في البيت متل اسم فرد من العيلة و كل ما بسمع هالاسم بقول انه اسم غالي جدا على قلبي و اله مكان خاصة لان صاحبته انسانة عزيزة جدا و جوهرة نادرة

    ما فيني ساوي شي غير اني ادعيلها بالصحة و العافية هي و كل من يعزها و تعزهم و الله يحفظلها كل افراد عيلتها و الله يجازيكم الجنة

    كالعادة حكيت كتير بس صرتو تعرفوني وتعودتو علي و على حكياتي وانا بعزكم كلكم يا احلى اخوات و كمان عم اتعلم منكم كل يوم

    ربنا يوفقكم و يسهل دربكم

    سلام

  22. DOUHA 7 May 2009

    عيد ميلاد سعيد جد شي بيفرح انا صرلي اسبوع ما فتت ولما دخلت ليوم شايفة شي عيد ومسابقات ماشاء الله كل يوم شكل جديد
    فكرة الموقع بذاتوا بتجنن وكتير نادر لما نشوف مصدر ثقة وكلو صح شكرا الك كتيررر
    وعقبالمية سنة
    بس كنت حابة انك رح رح تحطي الصورة الجديدة للوصفة تخلي الاديمة هيك منشوف تطور شغلك وتكور استخدام الكاميرا ومنحس كيف الموقع عم يكبر بكل تقاصيلواا
    وشكرا

  23. تورتاية بالكريز 8 May 2009

    كل عام والموقع الكريم وصاحبته الاغلى والاكرم بكل الخير يارب ودي فرصة اعبر عن محبتي وامتناني للموقع الرائع وصاحبته كريمة الخلق رفيعة الأصل والمعدن الطيب على عطائها الرائع
    والحق استمتعت بكل كلمة رائعة بالموضوع وبالجاتوه المشرق المفرح زي كل ابداعات هذا الموقع الرائع
    وفعا الموقع شديد التميز بألوانه وتصميماته فضلا طبعا عن ابداعاته وادق تفاصيله الرائعة

    يعني بالبلدي المصري روحه حلوة
    كأنه نسمة ربيعية خفيفة ولطيفة القلب بيستقبلها بفرح ومحبة سبحان الله لأن القبول من الخالق الكريم وبتمنى ربي يوفقك وتصدري كتاب رائع يكلل نجاحك ويزين بيوتنا باحلى واروع الوصفات
    ذكرتيني بقصتك عن التاريخ بعيد ميلاد بنتي ياسمين 5/5 /2005 الكل دايما يتذكره لتشابه الارقام

    الله يسعدك حبيبتي ويجعل كل تعبك
    عمل صالح بميزان حسناتك يارب ويجمعنا الكريم على خير والمحبة في الله دنيا وآخرة

  24. منى 8 May 2009

    هلا ريم :) و لا شو رايك نسميك ام راية الحلوة , ما شاء الله اسم حلو كتير كتير , رح قلها لاختي عليه لان هلا حامل و بانتظار بنوتة سكرة ;)

    هادا بس من زووءك و كتير كتير انبسطت ان الوصفات فادوك و لو انت مو شطورة ما كانوا ظبطوا معك :zzz

    بوسات كتيرة و كبيرة لراية و لاتنسي تلحمسيلها على خدها الصغير و تشميلي ريحته ريحة الملايكة :)

  25. فرح 8 May 2009

    اتمنى ان تكوني انت وعائلتك ومن تحبين بخير
    اردت ان اشارك في الاحتفال واحضر مثل هذه الكيكة الرائعة حضرت الكيك الاسفنجي وبانتظار النزول الى السوبر ماركت لاحضار مستلزمات الكريما طارت الكيكة فعلا اللقمة طيبة كتير

  26. منى 9 May 2009

    هلا ميسون :)
    الشكر الك للكلام الجميل و المرتب , و معك حق الوصفة من دون صورة تفقد كتير من أهميتها مع ان أحيانا الوصفة تكون ممتازة ..

    سعيدة جدا برأيك و ردك الطيب و سعيدة أكتر بدعواتك الغالية :) الك متلها و أغلى ان شاء الله

  27. منى 9 May 2009

    هلا zsoukar :)

    نورتي و انستي و دايما بيتك أختي , و الحمد لله اني منزلة هل الوصفة , و لو من دون صور , لحتى اتشرف بمعرفتك و زيارتك الحلوة ;)

  28. منى 9 May 2009

    هلا ام هدى :)
    بالعكس ما حكيتي كتير و انا انبسطت كتير بقراة ردك , و انبسطت اكتر انك اتعرفت على الموقع بعد فترة قليلة من افتتاحه , و الي بيطلع من اقلب بيوصل للقلب فوراً ;)

    الكريما كميتها cl 50 و أتوقع مقابلها كوبيين بس مو متأكدة ;)
    ان شاء الله تجربيها و تكون متل ما بتحبي و اطيببببب

  29. haya 9 May 2009

    السلام عليكم ورحمة الله وبركاتة

    كل عام والموقع بخير وانت كمان يا منى تكوني بألف خير انا بصراحة ما بعرف شو بدي اكتب لك لأنه بصراحة الاخوات ما قصروا بالكلام والشكر لك وللموقع أنا بدوري ما بقول لك غير تسلم هالأيادي يارب وتفرحي اكثر واكثر بهالموقع يارب وان شاءالله نحن دائما معك وراح نساعدك ومرة ثانية بقول لك كل عام وهالموقع وصاحبته بألف خير :)

  30. haya 9 May 2009

    صحيح اخت منى انا نسيت اسألك اذا بدي استعمل الكريما فريش اديش استعمل يعني شو الكمية لازم تكون ياريت تفيديني وشكرا الك

  31. freesoul 9 May 2009

    هي اول مشاركة الي بها الموقع اللطيف لقمة طيبة وحبيت انو يكون معايدة للموقع وصاحبته ييللي حسيتها متل اخت الي في هالغربة
    الحلو انو عيد ميلادي بيصدف بنفس اليوم 5/5 وهادا يللي شجعني اكتر انو اسجل بالموقع
    انا ساويت اكلات كتير من هون معتمدة على وصفات منى اللذيذة
    نحنا بالغربة مافي حدا يدلنا على الطريقة الصحيحة لطبخات كتير وانا وجوزي كتير منحب اكلاتنا الحلبية وما منستغنا عنها بالاضافة لكتير كاتويات وحلويات
    ماشاء الله عليكي يا منى شي بيرفع الراس واش ها الاكلات شي كتير طيب
    بتمنى لموقعك المتميز دوام الاستمرار ولعيلتك الصغيرة تكبر اكتر واكتر ويا ريت تقبليني فرد من هاالعياة الانترنتية :)
    كمان
    كل سنة وانت بخير يا لقمة طيبة

  32. منى 10 May 2009

    هلا بشرى :)
    الف شكر الك للكلام و الرد الحلو و الصاحة ما عم اعرف شو اكتب لرد بس و الله المشاعر بالقلب و ما بيعرفها غير الله

    كتير انبسطت ان الوصة عجبتكصورتها و ان شاء الله تجربيها و تكوون مستاهلة و على زووءك , و اي سؤال انا بالخدمة و تحت الامر ;)

  33. آرام 10 May 2009

    الأخت الكريمة منى
    أنا من الناس الي قلتي عنهم مرة (بيفوتو ويقرو ويمشو)!! والحقيقة أني منذ أن تعرفت إلى الموقع بالصدفة منذ أكثر من شهرين وأنا مدمن على الموقع، لا يكاد يمر يوم دون أن أدخل إليه. بالنسبة لي كان بمثابة مغارة علي بابا .. فيها من الكنوز ما لا يقدر بثمن. وخلال هذه الفترة قمت بنسخ مئات الوصفات إلى كمبيوتري، كما قمت بطباعة العشرات منها واحتفظت بها في مصنف خاص عزيز على قلبي أصبح دستوري ومرشدي في المطبخ!! خطر ببالي كثيراً المشاركة في التعليقات للتعبير عن شكري وامتناني، وكانت لدي أحياناً بعض الأسئلة حول بعض الوصفات، ولكن الصراحة كنت أشعر بالإحراج من الدخول والمشاركة في موقع نسائي، ولكني أحسست في النهاية بالبخل والأنانية إن بقيت على صمتي مثلما قالت إحدى الأخوات.
    شكراً لك على كل شيء .. وكل عام وأنت وموقعك وكل أحبابك بألف ألف خير.

  34. منى 10 May 2009

    هلا ام محمد :)
    ان شاء الله دايما مجتمعين على المحبة و الخير الكتير لكل البنات
    هادا بس من زووءك و طيبتك أختي , و ربي يديم المعروف , و كمان الف الف شكر الك للدعوات الكريمة و الغالية :zzz

  35. منى 10 May 2009

    هلا يا قطة يا مقطقطة يا حلوة :)
    مين الي بيشجع مين , و مين كان الفضل اله على التاني ؟
    الحمد لله على هل التفيقة الي فيقتيني ياها شي يوم من تموز و كانت السبب بتغير كتير اشياء بحياتي , و انا بحبك اكتر و اكتر :roll

  36. منى 11 May 2009

    هلا لارا :)
    دايما ردودك فيها المحبة بكل كلمة , ربي يديم المحبة و المعروف دوما علينا و على كل الاخوات الغاليات في الموقع, الأخوات الأخوات حقيقة و مش مجرد كلمة ;)
    يا ستي كتيرررر انبسطت انك اكلتي سلطتك و البيض معها و عقبالي , بتعرفي هل الاسبوع عم استنى البيض و السلطة و صرت ناطرة اخرته ,و حاسة بالامل و الترقب , ان شاء الله ما يصير شي حلو , الف ألف مبروك الترقية و كمان ان مشي حال الجهاز و هي ما بتمرء هيك , بدنااا طقة :grin

    الدعوات الغالية عم توصلني و انا بحسها و الله بتيسر كل أموري , الف شكر الك لارا و ان شاء الله الك متلها و اغلى يا حق

  37. منى 11 May 2009

    هلا غيوثة :)
    ابدا حبيبتي مو مأخرة , ربي يشافيك و يعافيك و مرضة صغيرة و بترووح لحالها و الحمد لله ان ربنا هلا قدر الك المرضة مو قبل بعشر ايااام ;)
    لو تعرفي ان دمعت عيوني على الدعوة الي دعيتيلي ياها بالعمرة , ربي يطعمني و ادعيلك متلها و ربي يخليلي ياكي أخت غالية كتير و كريمة كتير
    ان شاء الله تشدي و بعدها تجربي الكيك و لا تنسي تخبريني شو بيصير معك :zzz

  38. منى 11 May 2009

    هلا نوراة قلبي و احلى رفيقة و الله :)
    لحبيتي وانت كمان ان شاء الله احللمك كلهااا تتحقق قريب و تكوني احلى عيلة مع محمد و ربي يباركلكم ببعض و بكل القطط الي جاية على الطريق .

    مممم , شو رايك شيل كم فريزة في الفريزر لحتى وقت تنزلي على سوريا ساويلك منه ؟ لحتى تزيد المحبة اكتر و اكتر :zzz

  39. em leen 11 May 2009

    كيفك يا ست منى عنجد وصفات الفل شكلها بشهي وانا حفضتها لاطبقا . سالتك المرة الماضية وما جاوبتيني وبتمنى تجاوبيني وبدي اسالك عالمرة كمان على طريقة الغريبة ازا ما في غلبة . :roll

  40. منى 12 May 2009

    هلا ام لين و مية السلامة بكل أهل الأردن أصحابنا و حبايبنا انتو :zzz

    الف هنا و عافية على كل الوصفات الي جربتيهاو عجبتك و نورتي و انستي أختي .

    الصينية الي عندي حوافها سميكة , يعني كل الكيك الظاهر بالصورة مع الايس كريم تبعه كان فيها و بعد ما نجهزه نحطه بالفريزر لحتى يجمد منيح و ممكن تحضرييه قبل بكم يوم اذا عندي ضيوف و تتركي اللمسة النهائية لاخر وقت ;)

    ان شاء الله تجربيه و يعجبك و رح نزل طريقة الغريبة قريب باذن الله , بس لا تزعلي اذا اتأخرت , مو نسيانة ;)

    مية هلا و سهبلا مرة تانية و ان شاء الله تبقي منورتينا على طول

  41. منى 12 May 2009

    هلا أمونة :)
    و انت أطيب و أحلى أختي , مالعادة ردودك قليلة بس دوما بمحلها و دوما غالية على قلبي ..

    أمين أختي , ان شاء الله يكون بكرى احلى علينا و عليكم و كله خير و بركة باذن الله و الكلام هادا كله من زووءك و لطفك با بنت الأصول :)

  42. منى 13 May 2009

    هلا سارونات :)
    انبسطت كتير بقراءة ردك و كيف اتعرفت على الموقع و كل التفاصيل الصغيرة الي ذكرتيها و خصوصا لمن فرمتي الكمبيوتر أو لمن اشتركتي لاول مرة ;)

    الف هنا و الف عافية على قلبك و قلب كل العيلة على كل وصفة جربتيها و كتير بكون مبسوطة لما تنجح معك اي وصفة , احس انا الي ساويتها لاول مرة

    الف شكر الك للكلام الحلو و الدعوات الاحلى و منورة دايما

  43. سارونات 14 May 2009

    السلام عليكم و رحمة الله و بركاته

    يخليلي ياكي اختي منى

    بدي اعرف اذا منحط الكيكة بقسم التبريد او بالفريزر اي بقسم التجميد لان حسيت انه مو منطقي اننا نحطه بقسم التجميد لان راح يصير كله ماء خصوصا انك ما قلتيلنا نغطيه و من ناحية اخرى اذا حطيناه بالبراد بخاف الايس كريم يذوب

    كمان بدي اسالك بعرف ان فينا نبدل الجيلو بالجيلاتين لان الجيلاتين عبارة عن جيلو بس من غير طعم انا بهالفترة ما عم يتوفر عندي جيلاتين و حسب ما بعرف هو مادة رابطة و شفت بمحلات على النت ان فينا نستبدله بالنشاء بقى شو قولك
    او هل في بديل تاني للجيلاتين او شي بينعمل بالبيت مشان يؤدي نفس دور الجيلاتين

    بالتوفيق
    سلام

  44. منى 17 May 2009

    هلا ضحى :)
    هادا بس من زووءك و لطفك حبيبتي و ربي يديم المحبةو المعروف دوما
    الصور القديمة بصير بقى اخجل حطها لان بحسها بتسود الوج :upset , بس اذا كانت الصورة ماشي حالها رح اتركها لخاطرك ان شاء الله ;)

  45. سارونات 22 May 2009

    السلام عليكم و رحمة الله و بركاته

    اختي منى ناطرتك تجاوبي على اسئلتي ما في داعي تركبي المصعد بس اطلعي بالدرج و راح تلاقيهم فوق ناطرينك :grin و بما اني كريمة :grin فراح ضيفلك سؤال كمان )) شو هالكرم )) هل ممكن نستعمل الايسكريم العادي يعني اللي منشتريه او ايس كريم الفواكه اللي وصفته بالمنتدى و قديش الكمية و اكيد اذا استعملناه بيصير لازم نحطها بالفريزر مو البراد
    ناطرتك لان الجو صاير حر و بدي ساوي هالوصفة و في نفس الوقت راح كون عم عيد وصفة الكيك الاسفنحي مشان تطلع احسن و احسن ان شاء الله

    بالتوفيق
    سلام

  46. أم الهدى 23 May 2009

    تسلم دياتك على هيك كيك شو كيب امبارح عملتو وطلع روعة من انو الكيك الاسفنجي ما كتير ظبط معي بس مع ذلك كان شكلو وطعمو كتير حلو ، بس عندي سؤال بصير أستعمل بدل الكيك الاسفنجي كاتو الزبادي لأنو نجح معي أكتر ونفش أكتر وطلع كتير طري ، فشو رأيك
    وياريت من بعد أمرك تلحقيني على وصفة الكيك الاسفجي لحتى أعرف شو سبب فشله
    وألف شكر إلك

  47. منى 24 May 2009

    هلا ام ياسمين أحلى توتاية و أطيب تورتاية بكل مصر :)
    ألف شكر الك للرد الحلو و الكلام الطيب الي ما بيطلع الا من قلب طيب و روح جميلة و نفس حلوة .
    كتير مبسوطة بأخوتك و انت واحدة من الاخوات الي اعتز و اتشرف بمعرفتهم :zzz
    الله يخليلك ياسمين و يبارك فيها
    ألف شكر الك للدعوات الكريمة و نورتي يا ام ياسمين

  48. منى 24 May 2009

    هلا فرح :)
    الف هنا و الف عافية على الكيكة , كتير انبسطت انك جربتيها و عجبتك ;)

  49. منى 24 May 2009

    هلا ام الهدى :)
    الف صحة و الف هنا , كتير انبسطت انه عجبك و ظبط معك , اتوقع ممكن تستعملي كيك الزبادي , بس هادا اذا ظبط فأحسن بكتير ;)
    لاحقتك , بس لحط ايشاربي :grin

  50. منى 24 May 2009

    هلا ام جود :)
    كل سنة و انت سالمة و بخير و عافية , و مية اهلا و سهلا فيك بالموقع نورتي و نور الموقع بأخت جديدة و كريمة و عيلتنا نورت بهل الخت الحلوة

    الف هنا و الف عافية على كل شي جربتيه , على قلب عيلتك الحلوة واحد واحد

  51. سارونات 24 May 2009

    ألسلام عليكم و رحمة الله و بركاته

    اختي منى هلأ صار لازم تطلعي بالمصعد لان الاسئلة صارت فوق :grin
    انا ناطرتك :zzz
    بالتوفيق
    سلام

  52. منى 25 May 2009

    هلا سارونات :)
    الكيك بالفريزر بقسم التجميد و لا تخافي لان هو ما بيصير ينحل , بتاكلي منه و بترجعييه للفريزر لحتى تبقى البوظة مجلدة ;)
    ممكن تستبدليه بالجيلو الغير منكهه أما النشاء فنو .
    ممكن تستعملي الايس كريم العادي ,و الكمية تقريبا نصف كيلو و اكيد في الفريزر بكل الاحزال سواء حضرتي الايس كريم على ايدك او اشتريتيه جاهز و أيس الكريم الزبادي مو منيح كتير لهل الوصفة,
    ان شاء الله تجربيها و تكون متل مابتحبي و أطيب 8)

  53. منى 25 May 2009

    شو سارونات :roll جاوبت عن كل اسئلتك

  54. سارونات 25 May 2009

    السلام عليكم و رحمة الله و بركاته

    نعم اخت يمنى جازاك الله خيرا
    انا كتبت الرد الاخير قبل ما ينحط ردك يخليلي ياكي اختي منى على التوضيح
    بالتوفيق
    سلام

  55. منى 25 May 2009

    و لا يهمك :) ان شاء الله تجربي الوصفة و تكون طيبة و على زووءك

  56. منى 25 May 2009

    هلا فيك أخ أرام
    سعيدة جدا لتحولك من جمهور المشاهديين السلبين لجماعة المشاركيين الايجابين في موقعنا المفتوح للكل من دون استثناء و سعيدة أكتر بكل الوصفات الي جربتها أو ناوي تجربها و أتمنى ان تكون كل الوصفات على المستوى المطلوب او قريبة منه على الاقل
    الشكر الك اخي للرد الطيب و التواجد الطيب و نور الموقع

  57. سارونات 25 May 2009

    السلام عليكم و رحمة الله و بركاته

    اختي منى هل ضروري تكون الفواكه ناضجة جدا متل اللي منستعملها للمربى او بيكفي تكون متوسطة النضج او بس ناضجة
    كمان بالنسبة للموز ما راح يسود بعدين :?

    - هل ممكن نستعمل التفاح او الاجاص و هل منقشرهم او لا :?

    اخر سؤال قلتي اننا نطحن الفريز مع السكر هل منستعمل خلاط الكوكتيل :?

    كمان اختي منى بالنسبة للجيلاتين قديش بشتعمل انتي استعملتي القطع او البودرة و اذا استعملت ايا منهما فيكي تقليلي الكمية بالقطع او بالغرام او بالملعقة
    بالتوفيق
    سلام

  58. منى 26 May 2009

    هلا سارونات :)
    الفواكة لازم تكون ناضجة و الموز ما رح يسود لان رح تخلطيه مع الجيلو و بقية المقادير .
    ما اتوقع بيصر مع التفاح أو الاجاص , بس لا مانع من التجربة اذا حابة و اكيد بدهم تقشير

    لما نطحن الفريز نضيف معه السكر ونستعمل خلاط الكوكتيل
    الجيلاتين حوالي 4 ملاعق و اذا حابة تستعملي الورق فبيعادله 3 ورقات ;)

  59. شفاء 28 May 2009

    السلام عليكم
    اول شي مبارك مرور سنتين عالموقع مع انها متأخرة
    انا لقيت الموقع بالصدفة(ياريت كل الصدف حلوة متل هي :x من شي اسبوعين

    ومن يومتا صرت مجربة شي عشر شغلات (خربنا الميزانية )
    كنت عمدور عالسماقية
    وحسيت حالي كأني عمبسأل حدا قريب مني امي او خالتي
    من كتر ماشعرت انك بتحبي الشي اللي عم تعمليه وبتشتغليه بضمير

    ولما رحت عالصفحة الرئيسية وشفت منظر هالكاتو

    فقررت انو لازم اجربوا
    واخيرا جربتوا وطلع راااااااااااااائع وبشبه قالبك ;) مو كتير شوي

    ورح احاول انزلك الصورة :roll :roll

  60. منى 4 June 2009

    هلا هيا :)
    الف شكر الك للكلام الحلو و الرد الجميل , هادا بس من زووءك و لطفك أختي و انت من أهل البيت و بتشرفي و بتوري دوما
    الكريما كميتها cl 50 و مقابلها كوبيين و نصف , ان شاء الله تجربيه و تكون على زووءك

  61. fofo2 8 June 2009

    كل سنة وأنت والأهل وكل اللي بتحبيهن والموقع بصحة وخير وان شاء الله بصير من أشهر المواقع على النت وبدنا برنامج على التلفزيون أو قناة بإسم لقمه طيبه وشكرا كتير على كل هالوصفات الطيبه

  62. منى 9 June 2009

    هلا شفاء :)
    الله يبارك بعمر و ببدنك و نورتي الموقع أختي
    الف صحة و هنا على كل الوصفات الي جربتيها من الحلو و المالح و بكل لقمة
    يا ريت لو فيك تنزلي الصور و بكون كتير ممنونة و مبسوطة ;)

  63. منى 9 June 2009

    هلا فوفو :)
    الله يخليك اختي , الف شكر الك للرد و الدعوات الحلوة
    ان شاء الله يحقق كل الي في بالك و تكون أمورك كلها ميسرة :zzz

  64. بدور 10 June 2009

    نشالله سنة عن سنة بيكبر الموقع اكتر وبيكبر حلمك معو وبتحئئي كل احلامك يارب..

    الموقع الو معزة كتير كبيرة بألبي رغم طلاتي البسيطة..
    تعلمت منو كتير شغلات غير الطبخ:
    هاللمة الحلوة و جو العيلة الوحدة يلي فيه..
    ذوئك بترتيب صور الوصفات واللمسات الانثوية المميزة..
    المقدمة العفوية يلي بتضيفيها لوصفاتك بتعطيني احساس اني موجودة معك بنفس الجو..
    الجهد والتعب والاصرار يلي عبتئدميه لهل موقع حتى كبر وتميز..

    كتير حبيت قصة موقعك والاسلوب يلي ذكرتي فيه بداية عمر الموقع
    :)

    الله يبارك بعمرك وعلمك وعملك ولا يحرمنا هاللمة الحلوة يارب..

    هالوصفة بتستاهل تنزل الموقع بهيك مناسبة لإنو فعلا كتير مميز و أنا بموت باللون الزهري ;)

  65. منى 11 June 2009

    هلا بدورة :)
    الله يبارك بعمرك و بدنك و أهلك و كل عيلتك حبيبتي .
    و انا متل حكايتك , نقطة ضعفي الزهري و الفوشي :zzz
    ان شاء الله تجربي هل الكيك و يعجبك و يكون على زووءك

  66. رضاب 19 October 2009

    مرحبا منا انشالله يكون الرد وجد لاني من زمان بحاول ابعث ومدري ليش ما بينضاف
    المهم من زمان حابة اتشكرك من الاعماق وبقلك ربي يوجهلك كل خيرر وتشرف بمعرفة صديقة مثل ومتشوقة لاتعرف عليكي ومن فترةتعرفت ع جارة ببنايتي اسمها منى وحلبية كمان قبل ما يعرفوني عليها اقول يا رب تكون هيي :grin :grin :grin بس ع كل حال يسعد لي عيونو” تيم برنرز الي اخترع النت وسمحلنا نتعرف عليكي ربي يجزيكي كل خير

  67. منى 21 October 2009

    هلا رضاب :)
    شرفتي و نورتي و انا كتير اسفةى على المشكلة الي صارت و الحمد لله انها هلا انحلت :zzz
    الله يخليلي ياكي و ربي يزيدك شرف و نعم و نعيم انت و كل اهل بيتك يا قمر
    اكيد ما طلعت انا , فهمت من كلامك انك برة سوريا و انا بحلب , بس ان شاء الله اتعرف عليك قريب اختي :)

    مية اهلا و سهلا فيك و ربي يديم المعروف و المحبة دوما

  68. farah 15 December 2009

    انشاء الله عقبال المية سنة صحيح متأخرة شوي بس انا اليوم انتبهت لللوصفة الجميلة والمناسبة الاجمل واكتشفت ان بنتك اسمها على اسمي وانتي اسمك على اسم أختي انا والله حسيتك متل أختي من قبل ما احكي معك
    بس مو تحسيني متل بنتك :grin يمكن اطلع اكبر منك
    يا ستي الله يسعدك ويعطيكي ليرضيكي وتكبري بهالموقع للمستوى اللي بتتمنيه واكتر

  69. منى 16 December 2009

    هلا فرح :)
    الله يديم المحبة و الخير و المعروف دوما , الف شكر الك للدعوات الحلوة , ان شاء الله ربي يحققلك كل الي تتمنيه :)

    ان شاء الله تجربي الوصفة و تكووون يممي و لا تنسي تخبريني :zzz

  70. شفاء 10 March 2010

    [img]http://public.blu.livefilestore.com/y1p927qvAvONXcU_tpag7E7Qxz0KFQbDCiOnDT3WRW6VhFjkT4FFz_OmkLIKPHHsG-ilDmCPGjBLE8YR3lQXD9EqA/%D8%B5%D9%88%D8%B1%D8%A9007.jpg[/img]

    هي صورة القالب اللي ساويته
    وكتير نجح معي
    وساويته مرتين
    وان شاء الله برجع بساويه
    كل الشكر لك ويعطيك العافية

  71. منى 10 March 2010

    بيشهي :)
    الف صحة و هنا و عافية على البك يا قمر

    الشكر الك للصورة و الرد و ابداء الراي و اهم الشي لثقتك في ;)

  72. شفاء 10 March 2010

    [img]http://lh3.ggpht.com/_RBM1bmyTzvM/S5ggM2iL2UI/AAAAAAAAAGM/PwDc1Gbrdbs/s400/%D8%B5%D9%88%D8%B1%D8%A9007.jpg[/img]

  73. آرام 4 May 2010

    الأخت الكريمة منى
    أعتذر أولاً عن غيابي الطويل عن المشاركة في التعليقات، رغم أني لم أغب عن الموقع أبداً، ولا يكاد يمر يوم دون أن أختلس بعض اللحظات للمرور ولو بسرعة على موقعي المفضل. ولكنني لم أستطع أن أترك هذا اليوم يمر دون المشاركة في تعليق. فغداً هو العيد الثالث لموقعنا الحبيب لقمة طيبة .. وهي مناسبة غالية جداً على قلبي، بل على قلوب كل محبي اللقمة الطيبة. والحقيقة أني لم أجد طريقة للاحتفال بها غير تطبيق بعض الوصفات الأثيرة عندي والتي تعلمتها بفضلك وفضل لقمة طيبة، والدعاء لك من أعماق قلبي بالخير والتوفيق والنجاح الدائم بإذن الله.
    كل عام وأنت والموقع وكل القائمين عليه بألف ألف خير.

  74. منى 8 May 2010

    هلا ارام :)
    الحمد لله ان هادا السبب ورا هل الغيبة ,شكرا كبير الك للرد و انك اتذكرت هل اليوم .

    كمان الف صحة و هنا على البك على كل شي جربته و كمان على كل هل الدعوات الكريمة و الغالية

    شكرا مرة تانية

  75. hajar 16 May 2010

    يسلمووووووو دياتك الوصفة كتير طيبة وسبيشال لما جربتا حسيت حالي عاملة انجاز عظيم شكلا بيجننننن وبتبيض الوجه وخصوصي بالصيف وهلأ وقت الفريزاذا اجاكي ضيف على غفلة بيكون عندك بالفريزر هاكيك الحلوووووو

  76. منى 17 May 2010

    الف صحة و هنا و عافية يا رب :)

    ان شاء الله وجك ابيض على طول

  77. lilithia 4 August 2011

    تيلم ايديكي عهالوصفة و حابة جربا عأد مو حلو شكلا بس عندي سؤال قبل ما بلش فيا مشان جيب المكونات اللازمة لالها هل علبة كريما بيضا بودرة بتقصدي فيا نفسا الكريم شانتي أو كريمة الخفق متل الدريم ويب الظروف؟؟؟ وللا شي تاني؟؟

  78. lilithia 4 August 2011

    تسلم ايديكي عهالوصفة الحلوة و حابة جربا عندي بالبيت بس عندي استفسار بسيط عن مكون مشان جيب كل المكلونات لهالوصفة و هو علية كريمة بيضا بودرة هل بتقصدي فيا متل كريمة الخفق الدريم ويب الظروف بدون ما نخفقا؟؟ وللا شي تاني؟؟؟

  79. منى 7 May 2012

    هلا اختي :)
    تمام هو المطلوب , بعدها رح نخفقها مع حليب بارد لحتى تسمك و فيكي تستعملي كريم فريش سائل ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)